ᑯᕉᓂᑲ ᓯᕗᓪᓖᑦ 23:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᑲᒪᔨᐅᖁᓪᓗᒋᓪᓗ ᓂᐊᖂᔭᓂᒃ ᒎᑎᒧᑦ ᑐᓂᔭᐅᓯᒪᔪᓂᒃ, ᓂᕿᒃᓴᓂᒡᓗ ᑐᓂᕐᕈᑕᐅᓯᒪᔪᓂᒃ, ᐳᕙᓪᓚᕐᓴᐅᑎᖃᖏᑦᑐᓂᒡᓗ ᐆᓯᒪᔪᓂᒃ, ᐆᓯᒪᔪᓂᒡᓗ ᓂᐊᖂᔭᓂᒃ ᑐᓂᕐᕈᑕᐅᓯᒪᔪᓂᒃ, ᐊᓯᖏᓐᓂᒡᓗ ᐅᕐᓱᒃᓴᓂᒃ, ᐆᒃᑑᑎᓂᒡᓗ ᓱᓇᑐᐃᓐᓇᓂᒃ ᐊᖏᓕᕇᓂᒃ ᐊᑦᔨᒌᖏᑦᑐᓂᒃ;

ᑯᕉᓂᑲ ᓯᕗᓪᓖᑦ 23:29 Iomraidhean Croise

ᐊᑕᓃᑦ ᓯᕗᓪᓖᑦ 7:48

ᓲᓗᒨᓂ ᓴᓇᔭᐅᑎᑦᓯᒋᕗᖅ ᐊᑕᓂᐅᑉ ᐃᒡᓗᖓᑕ ᐃᓗᓕᒃᓴᖏᓐᓂᒃ: ᒎᓗᒥᒃ ᑐᓂᕐᕈᓯᕐᕕᖕᒥᒃ, ᓵᒥᒡᓗ ᒎᓗᒥᒃ ᓂᐊᖂᔭᓄᑦ ᐃᓂᒃᓴᒥᒃ ᒎᑎᒧᑦ ᑐᓂᔭᐅᓯᒪᔪᓄᑦ,

ᑯᕉᓂᑲ ᓯᕗᓪᓖᑦ 23:28

ᐱᔭᒃᓴᖃᕐᑐᒃᓴᐅᕗᑦ ᐃᑲᔪᕐᓗᑎᑦ ᐂᕉᓂᐅᑉ ᐃᕐᓂᖏᓐᓂᒃ ᐱᔨᑦᓯᕐᓗᑎᒃ ᐊᑕᓂᐅᑉ ᐃᒡᓗᖓᓂ, ᐱᕕᑐᓂᖓᓂ ᑲᑎᒪᕕᖓᓂᓗ, ᓴᓗᒻᒪᕐᓮᔨᐅᓗᑎᒡᓗ ᐃᑦᔪᕐᓁᑦᑐᓕᒫᓂᒃ, ᐱᓇᓱᐊᕐᑎᐅᓗᑎᒡᓗ ᖃᓄᑐᐃᓐᓇᖅ ᐱᔨᑦᓯᕐᓗᑎᒃ ᒎᑎᐅᑉ ᐃᒡᓗᖓᓂ;

ᑯᕉᓂᑲ ᓯᕗᓪᓖᑦ 23:30

ᓇᖏᖃᑦᑕᖁᓪᓗᒋᓪᓗ ᐅᓪᓛᑕᒫᑦ, ᖁᔭᓕᓗᑎᒃ ᓂᕐᑐᐃᓗᑎᒡᓗ ᐊᑕᓂᕐᒥᒃ, ᐅᓐᓄᒃᑯᓪᓗ ᑍᒫᑦᓮᓐᓇᖅ,

ᑯᕉᓂᑲ ᐂᑉᐸᖏᑦ 13:11

ᐃᑯᐊᓪᓔᖃᑦᑕᕐᐳᑦ ᐊᑕᓂᕐᒧᑦ ᐅᓪᓛᑕᒫᑦ ᐅᓐᓄᑕᒫᓪᓗ ᐃᑯᐊᓚᑎᑕᒃᓴᓂᒃ ᑐᓂᕐᕈᓯᖃᑦᑕᕐᐳᑦ ᑎᐱᑦᓯᐊᕆᒃᓴᐅᑎᓂᒡᓗ ᐳᔫᕐᑎᑦᓯᓪᓗᑎᒃ. ᓂᐊᖂᔧᓪᓗ ᐃᓕᖃᑦᑕᕐᐰᑦ ᓵᒧᑦ ᒎᓗᓪᓚᕆᖕᒧᑦ, ᓇᓂᕈᐊᓪᓗ ᐃᓂᖏᑦ ᒎᓗᐃᑦ ᓴᓇᓯᒪᔪᑦ ᓇᓂᕈᐊᖏᓪᓗ ᐃᑯᐊᓚᖃᑦᑕᕐᐳᑦ ᐅᓐᓄᑕᒫᑦ; ᐊᑕᓂᐅᑉ ᒎᑎᑦᑕ ᐱᖁᔭᖏᑦ ᒪᓕᒃᐸᕗᑦ, ᐃᓕᑦᓯᓕ ᕿᒪᓚᐅᕐᐸᓯ.

ᑯᕉᓂᑲ ᐂᑉᐸᖏᑦ 29:18

ᑕᕝᕙ ᐊᖓᔪᖅᑳᕐᔪᐊᒧᑦ ᕼᐃᓯᑬᐊᒧᐊᕐᐳᑦ ᐅᖃᐅᑎᓪᓗᒍᓗ, “ᐊᑕᓂᐅᑉ ᐃᒡᓗᓕᒫᖓ ᓴᓗᒻᒪᕐᓴᓚᐅᕐᐸᕗᑦ, ᑐᓂᕐᕈᓯᕐᕕᒡᓗ ᐃᑯᐊᓚᑦᓯᕕᒃ ᐱᓇᓱᐊᕈᑎᓕᒫᖏᓪᓗ, ᓂᐊᖂᔭᓄᓪᓗ ᐃᓕᓯᕕᐅᑉ ᓵᖓ ᐱᓇᓱᐊᕈᑎᓕᒫᖏᓪᓗ.

ᓂᕼᐃᒤᐊᐅᑉ ᐊᒡᓚᖏᑦ 10:33

ᒪᑯᐊᑦᑕᐅᖅ ᑐᒃᓯᐊᕐᕕᒡᔪᐊᕐᒥ ᐊᑐᕐᑕᐅᔪᒃᓴᑦ ᑐᓂᖃᑦᑕᕐᓂᐊᕐᐸᕗᑦ: ᓂᐊᖂᔧᑦ ᐃᑦᔪᕐᓁᑎᑕᐅᓯᒪᔪᑦ, ᐱᕈᕐᑐᕕᓃᓪᓗ ᖃᐅᑕᒫᑦ ᐊᑐᕐᑕᐅᔪᒃᓴᑦ, ᖃᐅᑕᒫᓪᓗ ᑐᓂᕐᕈᓯᕈᑎᒃᓴᑦ ᐆᑕᒃᓮᑦ, ᓴᐸᑎᒥᓗ ᑐᓂᔭᒃᓮᑦ, ᑕᖅᑭᓂᕋᑖᒥ ᓇᓪᓕᐅᓐᓂᕐᓯᐅᕈᑎᒃᓴᑦ, ᐊᓯᖏᓐᓄᓪᓗ ᓇᓪᓕᐅᓐᓂᕐᓯᐅᕈᑎᒃᓴᑦ, ᑐᓂᕐᕈᑎᒃᓴᓪᓗ ᐃᑦᔪᕐᓁᑦᑐᑦ, ᐃᓴᕆᐊᓕᒥᐅᓪᓗ ᐊᔪᕐᑐᓕᓂᖏᓐᓄᑦ ᐃᓱᒪᒋᔪᓐᓁᕐᑕᐅᑦᔪᑎᒃᓴᓄᑦ ᑐᓂᕐᕈᓯᕈᑎᒃᓴᑦ, ᒎᑎᐅᓪᓗ ᐃᒡᓗᖁᑎᖓᓂ ᐱᓇᓱᐊᕈᑎᒃᓴᓕᒫᓂᒃ ᑐᓂᓯᖃᑦᑕᕐᓂᐊᕐᐳᒍᑦ.

ᒨᓯᓯ ᐂᑉᐸᖏᑦ 25:30

ᑖᓐᓇᓗ ᓵ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓᑕ ᓯᕗᕌᓃᑦᑐᒃᓴᐅᕗᖅ, ᓵᓪᓗ ᖄᖓᓂ ᑍᒪᓐᖓᑦ ᓂᐊᖂᔭᕐᑕᖃᕐᑐᒃᓴᐅᕗᖅ ᐅᕙᓐᓄᑦ ᑐᓂᕐᕈᑎᐅᔪᕕᓂᕐᓂᒃ.”

ᒨᓯᓯ ᐱᖓᔪᖏᑦ 7:9

ᓂᐊᖂᔭᒃᓮᑦ ᑐᓂᕐᕈᑕᐅᔪᑦ ᐃᒐᒧᑦ ᐆᓯᒪᔪᑦ, ᐃᒐᐅᑉ ᖄᖓᓂᓘᓐᓃᑦ ᐆᓯᒪᔪᑦ ᓵᑦᑑᔭᐅᑎᒥᓘᓐᓃᑦ ᐆᓯᒪᔪᑦ ᑐᓂᕐᕈᓯᕐᑎᑦᓯᔨᐅᑉ ᑖᑦᓱᒪ ᑐᓂᕐᕈᑎᒃᓴᓕᐅᕐᑑᑉ ᑖᒃᑯᐊ ᐱᒋᕔᑦ.

ᒨᓯᓯ ᓯᑕᒪᖏᑦ 3:50

ᐃᓴᕆᐊᓕᒥᐅᑦ ᐃᕐᓂᐊᖑᖅᑳᕐᑐᖁᑎᖏᓐᓂᑦ ᑮᓇᐅᔧᑦ ᐱᓪᓗᒋᑦ, 1,365ᓂᒃ ᓴᑯᔅᓂᒃ ᓯᐅᓪᕕᕆᓂᒃ ᐅᓄᕐᓂᖃᕐᐳᑦ, ᐃᑦᔪᕐᓁᑦᑐᕕᐅᑉ ᑮᓇᐅᔭᑯᑎᖏᑕ ᐋᖅᑭᓯᒪᖁᔭᐅᓂᖏᑦ ᒪᓕᒡᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 12:4

ᒎᑎᐅᑉ ᐃᒡᓗᖓᓄᑦ ᐃᑎᓚᐅᕐᐳᖅ, ᓂᕆᓪᓗᓂᓗ ᒎᑎᒧᑦ ᑐᓂᔭᐅᓯᒪᔪᓂᒃ ᓂᐊᖂᔭᓂᒃ, ᐱᖁᔭᑎᒍᑦ ᓂᕆᔭᕆᐊᖃᖏᒃᑲᓗᐊᕐᓗᓂ ᐅᓇᑕᕐᑐᒃᓴᖁᑎᖏᓪᓗ, ᑐᓂᕐᕈᓯᕐᑎᑦᓯᔩᑦ ᓂᕆᔭᕆᐊᖃᕐᑐᑑᓚᐅᕐᒪᑕ ᑖᒃᑯᓂᖓ ᓂᐊᖂᔭᓂᒃ.

ᐄᑉᕈᐃᓄᑦ 9:2

ᑐᐱᖅ ᓇᑉᐸᕐᑕᐅᓚᐅᕐᐳᖅ. ᓯᓚᓪᓕᕐᒥᓗ ᓇᓂᕈᐊᖃᕐᕕᖃᕐᓗᓂ, ᓵᑕᖃᕐᖢᓂᓗ ᓂᐊᖂᔭᓄᑦ ᐃᑦᔪᕐᓁᑎᑕᐅᓯᒪᔪᓄᑦ ᐃᓂᒃᓴᒥᒃ; ᑕᒪᓐᓇᓗ ᑍᔭᐅᕗᖅ ᐃᑦᔪᕐᓁᑦᑐᕕᖕᒥᒃ.