ᑯᕉᓂᑲ ᓯᕗᓪᓖᑦ 23:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᑖᒃᑯᐊ ᑕᕝᕙ ᓕᕔᑉ ᐃᕐᓂᖏᑦ ᐊᑖᑕᖓᑕ ᐃᓚᖏᑎᒍᑦ, ᐊᖓᔪᖅᑳᐅᔪᑦ ᐊᑖᑕᖏᑕ ᐃᓚᖏᓐᓂ ᓈᓴᕐᑕᐅᓯᒪᕗᑦ ᐃᓛᒃᑯᑦ ᐅᓄᕐᓂᖏᑦ ᐊᑎᖏᑦ ᒪᓕᒡᓗᒋᑦ, ᐱᓇᓱᐊᕐᑎᐅᓚᐅᕐᑐᑦ ᐊᑕᓂᐅᑉ ᐃᒡᓗᖓᓂ, ᐱᒋᐊᕐᓗᒋᑦ ᐊᕙᑎᓂᒃ ᐊᕐᕌᒍᓕᖕᓂᑦ ᐅᖓᑖᓄᑦ.

ᑯᕉᓂᑲ ᓯᕗᓪᓖᑦ 23:24 Iomraidhean Croise

ᑯᕉᓂᑲ ᓯᕗᓪᓖᑦ 23:23

ᒧᓮᑉ ᐃᕐᓂᖏᑦ ᐅᑯᐊᖑᕗᑦ: ᒪᕼᐊᓔ, ᐃᑐᕆ, ᔨᕆᒪᑎᓗ, ᑖᒃᑯᐊ ᐱᖓᓲᕗᑦ.

ᑯᕉᓂᑲ ᓯᕗᓪᓖᑦ 23:27

ᑍᕕᑎᐅᑉ ᐅᖃᐅᓯᖏᑦ ᑭᖑᓪᓕᕐᐹᑦ ᒪᓕᒡᓗᒋᑦ ᓕᕔᑏᑦ ᓈᓴᕐᑕᐅᕗᖅ ᐊᕐᕌᒍᓖᑦ ᐊᕙᑎᓂᒃ ᐅᖓᑖᓄᑦ.

ᑯᕉᓂᑲ ᓯᕗᓪᓖᑦ 23:3

ᓕᕔᑏᑦ ᓈᓴᕐᑕᐅᓯᒪᕗᑦ ᐊᕐᕌᒍᓖᑦ ᐱᒋᐊᕐᓗᒋᑦ 30ᒥᑦ ᐅᖓᑖᓄᑦ, ᐅᓄᕐᓂᖏᓪᓗ ᐊᖑᑏᑦ 38,000ᐅᕗᑦ.

ᑯᕉᓂᑲ ᐂᑉᐸᖏᑦ 31:17

ᑐᓂᕐᕈᓯᕐᑎᑦᓯᔩᓪᓗ ᐱᓕᕆᐊᒃᓴᖃᕐᑎᑕᐅᓚᐅᕐᐳᑦ ᑎᑎᕋᕐᑕᐅᓯᒪᓂᖏᑦ ᓯᕗᓕᖏᑕ ᐃᓚᒌᖕᓂᖏᑦ ᒪᓕᒡᓗᒋᑦ; ᓕᕔᑏᓪᓗ ᐊᕐᕌᒍᓖᑦ 20ᒥᑦ ᐅᖓᑖᓄᑦ ᐱᓇᓱᐊᕆᐊᖃᕐᓂᖏᑦ ᒪᓕᒡᓗᒋᑦ, ᐊᕕᒃᑐᕐᓯᒪᓂᖏᑎᒍᑦ.

ᐄᓱᕋᐅᑉ ᐊᒡᓚᖏᑦ 3:8

ᑕᖅᑭᐅᑉ ᐂᑉᐸᖓᓂ ᐊᕐᕌᒎᑉ ᓯᕗᓪᓕᕐᐹᖓᓂ ᐅᑎᓚᐅᕐᑎᓪᓗᒋᑦ ᑐᒃᓯᐊᕐᕕᖕᒧᑦ ᔨᕉᓴᓕᒧᑦ, ᐱᓇᓱᐊᕆᐊᓯᓚᐅᕐᐳᑦ, ᔨᕈᐸᐱᐅᓪ ᓯᐅᓪᑎᐅᑉ ᐃᕐᓂᖓ, ᔩᓱᐊᓗ ᔫᔭᑕᐅᑉ ᐃᕐᓂᖓ, ᐊᓯᓕᒫᖏᓪᓗ ᓄᓇᖅᑲᑎᖏᑦ ᑐᓂᕐᕈᓯᕐᑎᑦᓯᔩᓪᓗ ᓕᕔᑎᓪᓗ, ᐊᓯᓕᒫᖏᓪᓗ ᐊᐅᓚᕈᑦᔭᐅᓯᒪᔪᕕᓃᑦ ᐅᑎᓚᐅᕐᑐᑦ ᔨᕉᓴᓕᒧᑦ, ᐃᑲᔪᕐᑎᒌᒃᓗᑎᒃ ᐱᓇᓱᐊᓕᓚᐅᕐᐳᑦ, ᓕᕔᑎᓕᒫᑦ ᐊᕐᕌᒍᓖᑦ 20ᓂᒃ ᐅᖓᑖᓂᓗ ᑲᒪᔨᐅᑎᑕᐅᓚᐅᕐᐳᑦ ᑐᒃᓯᐊᕐᕕᖕᒥᒃ ᓴᓇᒋᐊᓕᕐᑎᓪᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 7:1

ᑕᕝᕙ ᐊᕙᓗᕐᔪᐊᓕᒫᖅ ᓴᓇᔭᐅᔭᕇᕐᒪᑦ, ᐃᑎᕐᑕᕐᕕᖏᑕᓗ ᐅᒃᑯᐊᓕᒫᖏᑦ ᐋᖅᑭᒃᑕᐅᔭᕇᕐᒪᑕ, ᑐᒃᓯᐊᕐᕕᒡᔪᐊᓪᓗ ᖃᐅᔨᓴᕐᑎᖏᑦ, ᐃᓐᖏᕐᑎᖏᓪᓗ, ᐊᓯᖏᓪᓗ ᓕᕔᑎᑦ ᐱᓇᓱᒋᐊᓕᖕᒥᖕᓄᑦ ᑎᓕᔭᐅᓚᐅᕐᐳᑦ.

ᒨᓯᓯ ᓯᑕᒪᖏᑦ 1:18

ᐃᓄᒋᐊᒃᑐᕐᔪᐊᓪᓗ ᑲᑎᑎᓪᓗᒋᑦ ᑕᖅᑭᐅᑉ ᐂᑉᐸᖓᑕ ᐅᓪᓗᖓᑕ ᓯᕗᓪᓕᕐᐹᖓᓂ; ᓯᕗᓕᕕᓂᕐᑎᒡᓗ ᑍᒍᕐᐰᑦ ᐃᓚᒌᖕᓂᑎᒃ ᒪᓕᒡᓗᒋᑦ, ᐊᑏᑦ ᐅᓄᕐᓂᖏᑦ ᒪᓕᒡᓗᒋᑦ, ᐊᕙᑎᓂᒃ ᐊᕐᕌᒍᓖᑦ ᐊᖓᔪᒃᓖᓪᓗ, ᐃᓄᐃᑦ ᐊᑐᓂᑦ.

ᒨᓯᓯ ᓯᑕᒪᖏᑦ 1:22

ᓯᒥᐅᓂᐅᑉ ᑭᖑᕚᖏᓐᓂᑦ, ᑭᖑᕚᕇᑦ ᐊᕕᒃᑐᕐᓗᒋᑦ, ᓯᕗᓕᕕᓂᖏᑕᓗ ᐃᓚᒌᖕᓂᖏᑦ ᒪᓕᒡᓗᒋᑦ ᓈᓴᕐᑕᐅᓚᐅᕐᐳᑦ ᐊᑏᑦ ᐅᓄᕐᓂᖏᑎᒍᑦ, ᐊᖑᑎᓕᒫᑦ ᐊᑐᓂᑦ, ᐊᕙᑎᓂᒃ ᐊᕐᕌᒍᓖᑦ ᐊᖓᔪᒃᓰᓪᓗ, ᑕᒪᕐᒥᒃ ᐅᓇᑕᕆᐊᖃᑕᐅᔪᓐᓇᕐᑐᑦ:

ᒨᓯᓯ ᓯᑕᒪᖏᑦ 10:17

ᑐᐱᕐᔪᐊᖅ ᑕᕝᕙ ᐲᔭᕐᑕᐅᕗᖅ; ᒌᕐᓲᓂᐅᓪᓗ ᐃᕐᓂᖏᑦ ᒥᕋᕆᐅᓪᓗ ᐃᕐᓂᖏᑦ ᐊᐅᓪᓚᓕᕆᕗᑦ, ᑐᐱᕐᔪᐊᒥᒃ ᐊᒡᔭᕐᓯᓪᓗᑎᒃ.

ᒨᓯᓯ ᓯᑕᒪᖏᑦ 10:21

ᑖᒃᑯᐊ ᑭᖑᓂᖓᓂ, ᑯᕼᐊᑍᑎᐅᑉ ᑭᖑᕚᖏᑦ ᐊᐅᓪᓚᕆᕗᑦ, ᐊᒡᔭᕐᓯᓪᓗᑎᒃ ᐃᑦᔪᕐᓁᑦᑐᓂᒃ. ᑐᐱᕐᔪᐊᖅ ᓇᑉᐸᕐᑕᐅᔭᕆᕐᐸᓚᐅᕐᒪᑦ ᑖᒃᑯᐊ ᑎᑭᓚᐅᕐᑎᓐᓇᒋᑦ.

ᒨᓯᓯ ᓯᑕᒪᖏᑦ 18:5

ᐃᓕᑦᓯᓕ ᐃᑦᔪᕐᓁᑦᑐᕕᖕᒥ ᐱᔭᕆᐊᓕᖕᓂᒃ ᐱᓕᕆᔭᕆᐊᖃᕐᐳᓯ ᑐᓂᕐᕈᓯᕐᕕᖕᒥᓗ ᐱᔭᕆᐊᓕᖕᓂᒃ, ᐃᓴᕆᐊᓕᒥᐅᑦ ᓇᓪᓕᐊᓪᓘᓐᓃᑦ ᓂᓐᖓᐅᑦᔭᐅᒃᑲᓐᓂᖁᓇᒍ.

ᒨᓯᓯ ᓯᑕᒪᖏᑦ 2:32

ᑖᒃᑯᐊ ᑕᕝᕙ ᐃᓴᕆᐊᓕᒥᐅᑦ, ᓈᓴᕐᑕᐅᓚᐅᕐᑐᑦ ᐃᓚᒌᑦ ᒪᓕᒡᓗᒋᑦ. ᑕᖕᒫᕐᓯᒪᕕᖕᒦᑦᑐᓕᒫᑦ, ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ, 603,550ᓂᒃ ᑲᑎᓪᓗᒋᑦ ᐅᓄᕐᓂᖃᓚᐅᕐᐳᑦ.

ᒨᓯᓯ ᓯᑕᒪᖏᑦ 3:15

“ᓕᕔᑎᑦ ᕿᑐᕐᖓᖏᑦ ᓈᓴᒃᑭᑦ ᐃᓚᒌᑦ ᒪᓕᒡᓗᒋᑦ ᓯᕗᓕᕕᓂᖏᑕ ᐃᓚᒌᖕᓂᒋᑦ ᒪᓕᒡᓗᒋᑦ, ᐊᖑᑎᓕᒫᑦ ᓈᓴᕐᓗᒋᑦ ᐊᑕᐅᓯᕐᒥᒃ ᑕᖅᑭᖃᕐᑐᓂᑦ ᐱᒋᐊᕐᓗᒋᑦ ᐊᖓᔪᒃᓰᓪᓗ.”

ᒨᓯᓯ ᓯᑕᒪᖏᑦ 3:20

ᒥᕋᕆᐅᓪᓗ ᐃᕐᓂᖏᑦ ᐃᓚᒌᑦ ᒪᓕᒡᓗᒋᑦ: ᒪᕼᐊᓔ, ᒧᓮᓗ. ᑖᒃᑯᐊ ᑕᕝᕙ ᓕᕔᑎᑦ ᑭᖑᕚᖏᑕ ᓯᕗᓕᕕᓂᖏᑦ.

ᒨᓯᓯ ᓯᑕᒪᖏᑦ 3:47

ᓄᐊᑦᓯᔭᕆᐊᖃᕐᐳᑎᑦ ᑕᓪᓕᒪᓂᒃ ᓴᑯᔅᓂᒃ ᓯᐅᓪᕕᕆᓂᒃ ᑖᒃᑯᐊ ᐃᓄᐃᑦ ᐊᑐᓂᑦ ᐊᑭᖏᓐᓂᒃ; ᐃᑦᔪᕐᓁᑦᑐᕕᐅᑉ ᑮᓇᐅᔭᖏᑕ ᐅᖁᒤᓐᓂᖏᑦ ᒪᓕᒡᓗᒋᑦ,

ᒨᓯᓯ ᓯᑕᒪᖏᑦ 4:23

ᐊᕐᕌᒍᖃᕐᑐᑦ 30ᓂᒃ ᐊᖓᔪᒃᓰᓪᓗ, 50ᓂᒃ ᐊᕐᕌᒍᖃᕐᑐᑦ ᑎᑭᓪᓗᒋᑦ, ᓈᓴᕐᑍᓐᓇᕆᓗᒋᑦ, ᐱᔨᑦᓯᖃᑕᐅᔪᓐᓇᕐᑐᓕᒫᑦ, ᑐᐱᕐᔪᐊᒥ ᑲᑎᒪᕕᖕᒥ ᐱᓇᓱᐊᕈᓐᓇᕐᑐᑦ.

ᒨᓯᓯ ᓯᑕᒪᖏᑦ 4:3

30ᓂᒃ ᐊᕐᕌᒍᓕᖕᓂᑦ ᐱᒋᐊᕐᓗᒋᑦ ᐊᖓᔪᒃᓰᓪᓗ 50ᓂᒃ ᐊᕐᕌᒍᓖᑦ ᑎᑭᓪᓗᒋᑦ, ᐱᔨᑦᓯᕐᓂᕐᒧᑦ ᐱᓇᓱᐊᕈᓐᓇᕐᑐᓕᒫᑦ ᑐᐱᕐᔪᐊᒥ ᑲᑎᒪᕕᖕᒥ.

ᒨᓯᓯ ᓯᑕᒪᖏᑦ 8:24

“ᑕᒪᓐᓇ ᓕᕔᑎᓄᑦ ᑐᕌᕐᑐᖅ: ᐊᕐᕌᒍᖃᕐᑐᑦ 25ᓂᒃ ᐊᖓᔪᒃᓰᓪᓗ ᐊᑐᓂᑦ ᐃᑎᕈᓐᓇᕐᐳᑦ ᑐᐱᕐᔪᐊᒧᑦ ᑲᑎᒪᕕᖕᒧᑦ ᐱᓇᓱᐊᕆᐊᕐᑐᕐᓗᑎᒃ;