ᑯᕉᓂᑲ ᓯᕗᓪᓖᑦ 23:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐊᒪᕌᒥᐅᑉ ᐃᕐᓂᖏᒃ: ᐂᕉᓂ ᒨᓯᓯᓗ. ᐂᕉᓂ ᓴᓂᕐᕙᒃᑕᐅᓯᒪᓚᐅᕐᐳᖅ ᐃᑦᔪᕐᓁᓐᓂᕐᐹᓂᒃ ᐱᓇᓱᐊᕐᑎᐅᖁᓪᓗᒍ, ᐂᕉᓂᓗ ᐃᕐᓂᖏᓪᓗ ᐃᓱᖃᖏᑦᑐᒧᑦ ᑎᐱᑦᓯᐊᕆᒃᑐᓂᒃ ᐳᔫᕐᑎᑦᓯᔨᐅᖁᓪᓗᒋᑦ ᐊᑕᓂᐅᑉ ᓵᖓᓂ, ᑖᓐᓇᓗ ᐱᔨᑦᓯᕐᓗᒍ ᓮᒻᒪᕐᑎᑦᓯᖃᑦᑕᕐᓗᑎᒡᓗ ᐃᓄᖕᓂᒃ ᑖᑦᓱᒪ ᐊᑎᖓᓂ ᐃᓱᖃᖏᑦᑐᒧᑦ.

ᑯᕉᓂᑲ ᓯᕗᓪᓖᑦ 23:13 Iomraidhean Croise

ᑯᕉᓂᑲ ᓯᕗᓪᓖᑦ 23:12

ᐅᑯᐊ ᑯᕼᐋᑎᐅᑉ ᐃᕐᓂᖏᑦ: ᐊᒪᕌᒻ, ᐃᔾᕼᐊᕆ, ᕼᐃᐸᕋᓐ, ᐊᑦᔧᐅᓕᓗ, ᑖᒃᑯᐊ ᓯᑕᒪᐅᕗᑦ.

ᑯᕉᓂᑲ ᓯᕗᓪᓖᑦ 6:3

ᐊᒪᕌᒻ ᕿᑐᕐᖓᖏᑦ ᐅᑯᐊᖑᕗᑦ: ᐂᕉᓂ, ᒨᓯᓯ, ᒥᕆᐊᒻᓗ. ᐂᕉᓂᐅᑉ ᐃᕐᓂᖏᑦ ᐅᑯᐊᖑᕗᑦ: ᓁᑖᑉ, ᐊᐱᕼᐅ, ᐃᓕᓯᕆ, ᐃᑕᒫᕐᓗ.

ᑯᕉᓂᑲ ᓯᕗᓪᓖᑦ 6:34

ᑖᓐᓇ ᐃᐅᓪᑳᓇᐅᑉ ᐃᕐᓂᖓ, ᑖᓐᓇ ᔨᕈᕼᐋᒻ ᐃᕐᓂᖓ, ᑖᓐᓇ ᐃᓔᐅᓪ ᐃᕐᓂᖓ, ᑖᓐᓇ ᑐᐊᑉ ᐃᕐᓂᖓ,

ᐃᓐᖏᕈᑎᑦ 106:16

ᒨᓯᓯᒥᒃ ᓯᒡᒐᑦᔨᓚᐅᕐᐳᑦ ᐃᓄᖃᖏᑦᑐᒥ ᑕᖕᒫᕐᓯᒪᓪᓗᑎᒃ, ᐂᕉᓂᒥᒡᓗ ᐊᑕᓂᐅᑉ ᐃᑦᔪᕐᓁᑦᑐᖁᑎᖓᓂᒃ.

ᐃᓐᖏᕈᑎᑦ 99:6

ᒨᓯᓯᓗ ᐂᕉᓂᓗ ᑐᓂᕐᕈᓯᕐᑎᑦᓯᔨᖁᑎᒋᕔᑦ, ᓴᒧᐃᓕᑦᑕᐅᖅ ᑖᑦᓱᒪ ᐊᑎᖓᓄᑦ ᑐᒃᓯᐊᕐᑎᐅᓚᐅᕐᐳᖅ; ᑖᒃᑯᐊ ᐊᑕᓂᕐᒧᑦ ᑐᒃᓯᐊᓚᐅᕐᐳᑦ, ᑖᑦᓱᒪᓗ ᑐᓴᓚᐅᕐᐰᑦ.

ᒨᓯᓯ ᐂᑉᐸᖏᑦ 28:36

“ᖃᐅᕐᒥᐅᑕᒃᓴᒥᒃ ᑕᑯᒥᓇᕐᑐᒥᒃ ᓴᓇᔪᒃᓴᐅᕗᑎᑦ ᒎᓗᒥᒃ ᐊᓯᐊᓂᒃ ᐃᓚᖃᖏᑦᑐᒥᒃ ᑕᕝᕘᓇᓗ ᑎᑎᕋᕐᕕᒋᓯᒪᓗᒍ ᓲᕐᓗ ᐊᑎᓕᐅᕈᑎᑐᑦ ᓇᕿᑦᔪᑎᑐᑦ ‘ᐊᑕᓂᕐᒧᑦ ᐃᑦᔪᕐᓁᑦᑎᑕᐅᓯᒪᔪᖅ.’

ᒨᓯᓯ ᐂᑉᐸᖏᑦ 29:44

ᑐᐱᕐᓗ ᑐᓂᕐᕈᓯᕐᕕᓕᒫᓪᓗ ᐃᑦᔪᕐᓁᑦᑐᓐᖑᕐᑎᓐᓂᐊᕐᐸᒃᑲ; ᐂᕉᓂᓗ ᐃᕐᓂᖏᓪᓗ ᐃᑦᔪᕐᓁᑦᑐᓐᖑᕐᑎᓪᓗᒋᑦ ᓴᓂᕐᕙᒃᑕᐅᑎᓐᓂᐊᕐᐸᒃᑲ ᑐᓂᕐᕈᓯᕐᑎᑦᓯᔨᐅᓕᖁᓪᓗᒋᑦ ᐅᕙᓐᓄᑦ.

ᒨᓯᓯ ᐂᑉᐸᖏᑦ 6:20

ᐊᒪᕌᒻᓗ ᓄᓕᐊᕐᑖᓚᐅᕐᐳᖅ ᐊᑖᑕᖓᑕ ᓇᔭᖓᓂᒃ ᔫᑭᐱᑎᒥᒃ ᑖᑦᓱᒨᓇᓗ ᕿᑐᕐᖓᕐᑖᓚᐅᕐᐳᖅ ᐂᕉᓂᒥᒃ ᒨᓯᓯᒥᒡᓗ, ᐊᒻᒪᕋᒻᓗ ᐃᓅᓚᐅᕐᐳᖅ ᐊᕐᕌᒍᓂᒃ 137ᓂᒃ.

ᒨᓯᓯ ᐱᖓᔪᖏᑦ 10:10

“ᓇᓗᓁᕐᓯᑦᓯᐊᕆᐊᖃᕐᐳᓯ ᐃᑦᔪᕐᓁᑦᑐᒥᒃ, ᐃᑦᔪᕐᓁᑦᑑᖏᑦᑐᒥᒡᓗ ᐃᓄᑐᐃᓐᓇᕐᓯᐅᑎᒥᒃ, ᓴᓗᒤᑦᑐᒥᒃ, ᓴᓗᒪᔪᒥᒡᓗ.

ᒨᓯᓯ ᓯᑕᒪᖏᑦ 18:1

ᐊᑕᓂᕐᓗ ᐅᖃᕐᐳᖅ ᐂᕉᓂᒧᑦ: “ᐃᕝᕕᑦ ᐃᕐᓂᑎᓪᓗ ᑭᖑᕚᖑᖃᑎᑎᓪᓗ ᐸᓯᔭᒃᓴᐅᕗᓯ ᐃᑦᔪᕐᓁᑦᑐᕕᐅᑉ ᓇᓛᓄᑦ ᐱᐅᖏᑦᑐᓕᑦᔪᑕᐅᔪᓂᒃ, ᐃᕝᕕᓪᓗ ᐃᕐᓂᑎᓪᓗ ᐸᓯᔭᒃᓴᐅᕗᓯ ᑐᓂᕐᕈᓯᕐᑎᑦᓯᔨᐅᓂᑦᓯᓐᓄᑦ ᐱᐅᖏᑦᑐᓕᓂᕐᓂᒃ.

ᒨᓯᓯ ᓯᑕᒪᖏᑦ 26:59

ᐊᒪᕌᒻ ᓄᓕᐊᖓ ᐊᑎᖃᓚᐅᕐᐳᖅ ᔫᑭᐱᑎᒥᒃ ᑖᓐᓇ ᓕᕔᑉ ᐸᓂᖓ, ᓕᕔᑉ ᐸᓂᒃᑖᕆᓚᐅᕐᑕᖓ ᐄᑦᔨᑉᑎᒥ; ᐊᒻᕋᒻᑯᑦ ᐃᕐᓂᕐᑖᓚᐅᕐᐳᖅ ᐂᕉᓂᒥᒃ ᒨᓯᓯᒥᒡᓗ ᓇᔭᖓᓐᓂᒃᓗ ᒥᕆᐊᒻᒥᒃ.

ᒨᓯᓯ ᓯᑕᒪᖏᑦ 3:27

ᑯᕼᐋᑎᐅᑉ ᐃᓚᒌᖏᓐᓂᑦ ᐱᔪᑦ ᐃᓚᒌᑦ ᑍᔭᐅᓚᐅᕐᐳᑦ ᐊᒪᕋᒤᑎᓂᒃ, ᐃᓚᖏᓪᓗ ᐃᔾᕼᐊᕅᑎᓂᒃ, ᐃᓚᖏᓪᓗ ᕼᐃᐸᕋᓁᑎᓂᒃ, ᐃᓚᖏᓪᓗ ᐊᑦᔧᐅᓔᑎᓂᒃ; ᑖᒃᑯᐊ ᑕᕝᕙ ᐃᓚᒌᑦ ᑯᕼᐊᑍᑎᑦ.

ᓘᑲᓯᐅᑉ ᐊᒡᓚᖏᑦ 1:9

ᑐᓂᕐᕈᓯᕐᑎᑦᓯᔨᐅᑉ ᐃᓕᖅᑯᓯᕆᕙᒃᑕᖏᑦ ᒪᓕᒡᓗᒋᑦ, ᓇᓚᐅᑦᓵᕈᑎᒃᑯᑦ ᓇᓚᐅᑕᐅᒐᒥ ᐱᓇᓱᐊᓕᓚᐅᕐᐳᖅ ᑎᐱᑦᓯᐊᕆᒃᑐᒥᒃ ᐳᔫᕐᑎᑦᓯᔭᕆᐊᖃᓕᕐᓗᓂ ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓᓄᑦ ᐃᓯᓚᐅᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 13:2

ᐊᑕᓂᕐᒧᑦ ᑐᒃᓯᐊᕐᑎᓪᓗᒋᑦ ᓂᕆᑦᑍᓕᓪᓗᑎᒡᓗ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᑎᕔᑦ, “ᐸᕐᓇᐹᓯᒃᑯᒃ ᓴᐅᓗᓯᒃᑯᒃ ᑎᓕᓚᐅᕐᓯᒋᒃ ᐱᓇᓱᐊᖁᓪᓗᒋᒃ; ᑕᒪᑐᒧᖓ ᕾᖁᓯᒪᒐᒃᑭᒃ.”

ᕉᒪᒥᐅᓄᑦ 1:1

ᐸᐅᓗᓯᒥᑦ ᔩᓱᓯ ᙭ᔅᑑᓯᐅᑉ ᐱᔨᖓᓂᑦ, ᐋᐴᓯᑕᓕᐅᓂᕐᒧᑦ ᕾᖁᔭᐅᓯᒪᔪᒥᑦ, ᓂᕈᐊᕐᑕᐅᓯᒪᔪᒥᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᓐᖔᕐᑐᓂᒃ ᐊᔪᕆᕐᑐᐃᖁᓪᓗᒍ.

ᒐᓔᑎᐊᒥᐅᓄᑦ 1:15

ᒎᑎᐅᓪᓕ ᓂᕈᐊᕐᓯᒪᓚᐅᕐᐹᖓ ᐃᓅᓕᓚᐅᕐᑎᓐᓇᖓ ᓱᓕ, ᐱᑦᓯᐊᕐᓂᒥ ᐱᔪᓐᓇᕐᑎᑦᓯᓂᕐᒥᒍᑦ ᕾᖁᓚᐅᕐᐹᖓ,

ᒨᓯᓯ ᑕᓪᓕᒪᖏᑦ 10:8

ᑍᑦᓱᒪᓂᐅᑎᓪᓗᒍ ᖃᖅᑲᒦᑎᓪᓗᒋᑦ ᓱᓕ ᐊᑕᓂᖅ ᑎᓕᓯᓚᐅᕐᐳᖅ ᐃᓄᖕᓂᒃ ᓕᕔᑎᒃᑯᑦ ᑭᖑᕚᖏᓐᓂᒃ ᐊᖏᖃᑎᒌᒍᑎᐅᑉ ᐃᒃᓯᕐᕕᖁᑎᖓᓂᒃ ᐊᐅᓚᑦᓯᔨᐅᖁᓪᓗᒋᑦ ᐊᒡᔭᕐᑕᐅᔭᕆᐊᖃᓕᕐᐸᑦ, ᐊᑕᓂᕐᒧᓪᓗ ᑐᓂᕐᕈᓯᕐᑎᑦᓯᔨᐅᖁᓪᓗᒋᑦ, ᐊᑕᓂᐅᓪᓗ ᐊᑎᖓᓂ ᓮᒻᒪᕐᑎᑦᓯᔨᐅᖁᓪᓗᒋᑦ. ᐅᓪᓗᒥᒧᓪᓗ ᑎᑭᓪᓗᒍ ᓱᓕ ᑖᒃᑯᐊ ᑕᒪᒃᑯᓂᖓ ᐱᓇᓱᐊᕐᑎᐅᕗᑦ.

ᒨᓯᓯ ᑕᓪᓕᒪᖏᑦ 21:5

ᑕᕝᕙ ᓕᕔᑉ ᑭᖑᕚᖏᑦ ᑐᓂᕐᕈᓯᕐᑎᑦᓯᔩᑦ ᓯᕗᒧᐊᒃᑐᒃᓴᐅᕗᑦ, ᑖᒃᑯᐊ ᐊᑕᓂᐅᑉ ᒎᑎᑦᓯ ᓂᕈᐊᕐᓯᒪᖕᒪᒋᑦ ᐱᔨᑦᓯᖁᓪᓗᒋᑦ ᐃᒻᒥᓄᑦ ᓮᒻᒪᕐᑎᑦᓯᔨᐅᖁᓪᓗᒋᓪᓗ ᐊᑕᓂᐅᑉ ᐊᑎᖓᓂ, ᑖᒃᑯᐊ ᐅᖃᐅᓯᖏᑎᒍᑦ ᐊᑭᕋᕐᑑᑎᑦᔪᑎᓕᒫᑦ ᐋᓐᓂᕐᓯᓇᓱᐊᕐᓂᓕᒫᓪᓗ ᑖᒃᑯᓇᓐᖓᑦ ᐃᓱᐊᕐᓯᑎᑕᐅᔪᓐᓇᕐᒪᑕ.

ᐄᑉᕈᐃᓄᑦ 5:4

ᓇᖕᒥᓂᕐᓗ ᓂᕈᐊᕐᐸᓐᖏᓚᑦ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᔪᒪᓗᑎᒃ, ᒎᑎᒧᓪᓕ ᕾᖁᔭᐅᕙᒃᐳᑦ, ᓲᕐᓗ ᐂᕉᓂᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:3

ᐂᖏᓕᑦᑕᐅᖅ ᐊᓯᐊ ᑕᒪᐅᓐᖓᕐᐳᖅ ᑐᓂᕐᕈᓯᕐᕕᐅᑉ ᓵᖓᓄᐊᕐᓗᓂ ᒎᓗᒥᒃ ᐳᔫᑦᑎᑦᓯᕕᖕᒥᒃ ᑎᒍᒥᐊᕐᑐᖅ; ᑐᓂᓯᕕᐅᕗᕐᓗ ᐳᔫᕐᑎᑕᒃᓴᖏᓐᓂᒃ ᐊᒥᓱᓂᒃ ᐃᓚᓕᐅᑎᔭᐅᖁᓪᓗᒋᑦ ᐃᑦᔪᕐᓁᑎᑕᐅᓯᒪᔪᓕᒫᑦ ᑐᒃᓯᐊᕐᓂᖏᓐᓄᑦ ᑐᓂᕐᕈᑕᐅᖁᓪᓗᒋᑦ ᒎᓗᒧᑦ ᑐᓂᕐᕈᓯᕐᕕᖕᒧᑦ ᐃᒃᓯᕙᐅᑕᕐᔪᐊᑉ ᓵᖓᓃᑦᑐᒧᑦ.

ᓴᒧᐃᓕ ᓯᕗᓪᓖᑦ 2:28

ᑖᓐᓇ ᓂᕈᐊᓚᐅᕐᐸᕋ ᐃᓴᕆᐊᓕᒥᐅᓕᒫᓂᑦ ᑐᓂᕐᕈᓯᕐᑎᑦᓯᔨᐅᖁᓪᓗᒍ, ᑐᓂᕐᕈᓯᕐᕕᖁᑎᓐᓂ, ᐳᔪᕐᒥᒃ ᐃᑯᐊᓪᓔᔨᐅᖁᓪᓗᒍ ᑎᐱᑦᓯᐊᕆᒃᑐᒥᒃ, ᓴᒡᕕᖕᒥᐅᑕᒥᒡᓗ ᐊᑐᖃᑦᑕᖁᓪᓗᒍ ᓵᓐᓂ; ᓯᕗᓕᓯᓗ ᐱᔪᓐᓇᕐᑎᓚᐅᕐᐸᕋ ᑐᓂᕐᕈᑏᑦ ᐃᑯᐊᓪᓚᒃᑕᐅᔪᑦ ᐃᓚᖏᓐᓂᒃ ᐃᓴᕆᐊᓕᒥᐅᓂᑦ ᑐᓂᕐᕈᓯᕐᕕᖕᒥᑦ ᐱᖃᑦᑕᖁᓪᓗᒍ.