ᑯᕉᓂᑲ ᓯᕗᓪᓖᑦ 22:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᓴᓇᔪᓐᓇᕐᑐᓂᒃ ᐅᓄᕐᑐᕐᔪᐊᓂᒃ ᐱᔪᒃᓴᕐᑕᖃᕐᐳᖅ: ᐅᔭᕋᖕᓂᒃ ᓇᑲᑎᕆᔨᓂᒃ, ᐅᔭᕋᖕᓂᒃ ᓴᓇᓐᖑᐊᕈᓐᓇᕐᑐᓂᒃ, ᕿᔪᓕᕆᔨᓂᒃ, ᐃᓕᓯᒪᔪᓪᓗ ᓴᓇᓐᖑᐊᕈᓐᓇᕐᑐᑦ ᓱᓇᑐᐃᓐᓇᑦᓯᐊᓂᒃ ᐅᓄᕐᑐᕐᔪᐊᑦ, ᓴᓇᔪᓐᓇᑦᓯᐊᕐᑐᑦ

ᑯᕉᓂᑲ ᓯᕗᓪᓖᑦ 22:15 Iomraidhean Croise

ᓴᒧᐃᓕ ᐂᑉᐸᖏᑦ 5:11

ᐊᖓᔪᖅᑳᕐᔪᐊᕐᓗ ᕼᐂᕋᒻ ᑍᕆᒥᐅᑕᖅ ᑎᓕᓯᓚᐅᕐᐳᖅ ᐅᖃᕆᐊᕐᑐᕐᑐᓂᒃ ᑍᕕᑎᒧᑦ; ᑐᓂᓪᓗᒍᓗ ᕿᔪᖕᓂᒃ ᓰᑕᕆᓂᒃ ᓯᑎᔪᓂᒃ, ᕿᔪᓕᕆᔨᓂᒃ ᐅᔭᕋᓕᕆᔨᓂᒡᓗ ᐊᖓᔪᖅᑳᕐᔪᐊᑉ ᐃᒡᓗᖓᓂᒃ ᓴᓇᔭᕐᑐᕐᑐᓂᒃ.

ᐊᑕᓃᑦ ᓯᕗᓪᓖᑦ 7:14

ᐅᐃᒡᒐᕐᓂᐅᑉ ᐃᕐᓂᖓ ᓈᑉᑕᓕᐅᑉ ᑭᖑᕚᖏᓐᓂᒥᐅᖅ ᐊᑖᑕᖓ ᑍᕆᒥᐅᑕᐅᓚᐅᕐᑐᖅ, ᑖᓐᓇ ᓴᓇᔨ ᑲᓐᓄᔭᓂᒃ; ᓯᓚᑐᔫᓚᐅᕐᐳᖅ, ᑐᑭᓯᐊᑦᓯᐊᕐᓗᓂᓗ ᓴᓇᔪᓐᓇᑦᓯᐊᕐᑐᖅ, ᑲᓐᓄᔭᒥᒃ ᖃᓄᑐᐃᓐᓇᖅ. ᑖᓐᓇ ᑎᑭᓚᐅᕐᐳᖅ ᐊᖓᔪᖅᑳᕐᔪᐊᕐᒧᑦ ᓲᓗᒨᓂᒧᑦ, ᓴᓇᓚᐅᕐᑐᕐᓗ ᓴᓇᔭᕆᐊᖃᕐᑕᓕᒫᒥᓂᒃ.

ᑯᕉᓂᑲ ᓯᕗᓪᓖᑦ 22:14

ᐅᖁᒤᒃᓴᒻᒪᕆᒡᓗᖓ ᐅᐸᓗᖎᔧᓚᐅᕐᐳᖓ ᐊᑕᓂᐅᑉ ᐃᒡᓗᖓᓄᑦ 100,000ᓂᒃ ᑖᓚᓐᑎᓂᒃ ᒎᓗᓂᒃ, 1ᒥᓕᐊᓂᒃ ᑖᓚᓐᑎᓂᒃ ᓯᐅᓪᕕᕆᓂᒃ, ᑲᓐᓄᔭᓂᒡᓗ ᓴᕕᕋᔭᖕᓂᒡᓗ ᐅᖁᒤᓐᓂᕐᓯᐅᕐᑕᐅᔪᓐᓇᖏᑦᑐᓂᒃ, ᐅᓄᓗᐊᕐᓂᖏᓐᓄᑦ; ᐊᑐᐃᓐᓇᕈᐃᓚᐅᕆᕗᖓ ᕿᔪᖕᓂᒃ ᐅᔭᕋᖕᓂᒡᓗ. ᑕᒪᒃᑯᐊᓕ ᐃᓚᔭᕆᐊᖃᕈᒫᕐᐸᑎᑦ.

ᑯᕉᓂᑲ ᓯᕗᓪᓖᑦ 22:16

ᒎᓗᓂᒃ ᓯᐅᓪᕕᕆᓂᒃ ᑲᓐᓄᔭᓂᒃ ᓴᕕᕋᔭᖕᓂᒡᓗ. ᒪᑭᓪᓗᑎᑦ ᐱᓇᓱᐊᓕᕆᑦ! ᐊᑕᓂᐅᑉ ᐃᓚᒋᓕᑎᑦ!”

ᑯᕉᓂᑲ ᐂᑉᐸᖏᑦ 2:6

ᑭᐊᓕ ᑐᒃᓯᐊᕐᕕᒡᔪᐊᓕᐅᕈᓐᓇᕐᐸᐅᒃ, ᕿᓚᒃ, ᕿᓔᓪᓗ ᖁᑦᓯᖕᓂᕐᐹᖏᑕ ᐱᓯᒪᔪᓐᓇᓐᖏᑎᓪᓗᓂᐅᒃ? ᖃᓄᐃᑦᑑᒐᒪᓕ ᑐᒃᓯᐊᕐᕕᒡᔪᐊᓕᐅᕐᑐᒃᓴᐅᕗᖓ ᑖᑦᓱᒧᖓ, ᑎᐱᑦᓯᐊᕆᒃᑐᓂᒃ ᐃᑯᐊᓚᑎᑦᓯᔪᓐᓇᑐᐃᓐᓇᕐᓗᖓ ᑖᑦᓱᒪ ᓵᖓᓂ?

ᑯᕉᓂᑲ ᐂᑉᐸᖏᑦ 2:7

ᑍᒤᒻᒪᑦ ᐊᖑᒻᒥᒃ ᑎᓕᓯᓚᐅᕆᑦ ᓴᓇᔪᓐᓇᕐᑐᒥᒃ ᒎᓗᓂᒃ ᓯᐅᓪᕕᕆᓂᒃ, ᑲᓐᓄᔭᓂᒃ, ᓴᕕᕋᔭᖕᓂᒡᓗ, ᐃᑦᓯᐅᔭᓂᒃ ᐊᐅᐸᓪᓚᕆᑦᑐᓂᒡᓗ, ᑐᖑᔪᕐᑐᓂᒡᓗ ᖃᓪᓗᓈᕐᑕᓂᒃ ᓴᓇᔪᓐᓇᕐᑐᒥᒃ, ᐃᑎᕐᓴᓕᐅᕐᓗᓂᓗ ᑎᑎᕋᕈᓐᓇᕐᑐᒥᒃ, ᐱᔪᓐᓇᕐᑐᓂᒃ ᐅᕙᓐᓃᑦᑐᓂᒃ ᓴᓇᖃᑎᖃᕈᓐᓇᕐᑐᒥᒃ ᔫᑕᒥ ᔨᕉᓴᓕᒥᓗ, ᐊᑖᑕᒪ ᑍᕕᑎᐅᑉ ᐊᑐᐃᓐᓇᕈᕐᑎᓚᐅᕐᑕᖏᓐᓂᒃ.

ᒨᓯᓯ ᐂᑉᐸᖏᑦ 28:6

“ᑭᐊᑎᒥᒃ ᐊᓐᓄᕌᓕᐅᕐᑐᒃᓴᐅᕗᑦ ᑍᔭᐅᔪᒥᒃ ᐃᐹᑦᒥᒃ ᑐᖑᔪᕐᑐᒥᒃ, ᐊᐅᐸᓪᓚᕆᒃᑐᒥᒡᓗ, ᓄᕕᕐᓵᒃᓴᒥᒡᓗ ᐊᐅᐸᕐᑐᒥᒃ, ᒎᓗᒥᒃ ᐃᕙᓗᖃᕐᓗᑎᒃ, ᓵᑦᑐᒥᒃ ᖃᓪᓗᓈᕐᑕᒥᒃ ᐊᑐᕐᓗᑎᒃ, ᑕᕐᓯᕐᑐᕐᓯᒪᓗᑎᒡᓗ ᓴᓇᓐᖑᐊᕐᓯᒪᔪᓂᒃ.

ᒨᓯᓯ ᐂᑉᐸᖏᑦ 35:32

ᐋᖅᑭᑦᓯᐊᕐᓯᒪᔪᐊᓗᖕᓂᒡᓗ ᐃᓱᒪᒃᓴᕐᓯᐅᕈᓐᓇᕐᓂᕐᒥᒃ, ᒎᓗᓂᒃ ᓯᐅᓪᕕᕆᓂᒡᓗ ᑲᓐᓄᔭᓂᒡᓗ ᐱᓇᓱᐊᕈᓐᓇᕐᓂᕐᒥᒃ;

ᒨᓯᓯ ᐂᑉᐸᖏᑦ 35:35

ᑖᒃᑯᐊᓗ ᐃᓗᒻᒥᕐᑎᓯᒪᕔᑦ ᓱᓇᑐᐃᓐᓇᓕᒫᓂᒃ ᓴᓇᔪᓐᓇᕐᓂᕐᓂᒃ ᓴᓇᓐᖑᐊᕈᓐᓇᕐᓂᕐᓂᒡᓗ, ᐃᒤᓕᖓᓂᒃᓴᖏᓐᓂᒡᓗ ᐋᖅᑭᒃᓱᐃᔪᓐᓇᕐᓂᕐᓂᒃ, ᖃᓪᓗᓈᕐᑕᑦᓯᐊᓂᒡᓗ ᓄᕕᓴᕈᓐᓇᕐᓂᕐᓂᒃ; ᑐᖑᔪᕐᑐᓂᒃ, ᐊᐅᐸᓪᓚᕆᒃᑐᓂᒃ, ᓄᕕᕐᓵᒃᓴᓂᒡᓗ ᐊᐅᐸᕐᑐᓂᒃ; ᐊᓯᖏᓐᓂᒡᓗ ᖃᓪᓗᓈᕐᑕᓂᒃ. ᑖᒃᑯᐊᓗ ᓴᓇᔪᓐᓇᕐᐳᑦ ᖃᓄᐃᑦᑐᑐᐃᓐᓇᑦᓯᐊᓂᒃ ᐋᖅᑭᑦᓯᐊᕐᓯᒪᔪᐊᓗᖕᓂᒃ ᐃᒤᓕᖓᓂᒃᓴᖏᓐᓂᒃ ᐋᖅᑭᒃᓱᐃᔪᓐᓇᕐᓗᑎᒃ.”