ᑯᕉᓂᑲ ᓯᕗᓪᓖᑦ 21:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐊᖓᔪᖅᑳᕐᔪᐊᕐᓕ ᑍᕕᑎ ᐅᖃᕐᐳᖅ ᐅᐊᕐᓇᓐᒧᑦ, “ᑍᒫᖑᓐᖏᓚᖅ, ᓂᐅᕕᐊᕆᔪᒪᕙᕋ ᐊᑭᖓᓂᒃ ᐃᓗᐃᑦᑐᒥᒃ ᐊᑭᓕᕐᓗᒍ; ᐱᖁᑎᖕᓂᒃ ᑎᒍᓯᔪᒪᓐᖏᓚᖓ ᐊᑕᓂᕐᒧᑦ ᑐᓂᓂᐊᕐᑕᓐᓂᒃ, ᐅᕝᕙᓗ ᑐᓂᕐᕈᑎᒃᓴᒥ ᐆᑕᒃᓴᓂᒃ ᑐᓂᓯᔪᒪᓐᖏᓚᖓ ᐊᑭᓕᓚᐅᓐᖏᑕᓐᓂᒃ.”

ᑯᕉᓂᑲ ᓯᕗᓪᓖᑦ 21:24 Iomraidhean Croise

ᒨᓯᓯ ᓯᕗᓪᓖᑦ 14:23

ᐱᒋᔭᕐᓂᒃ ᓱᓇᒥᒡᓘᓐᓃᑦ ᐱᓂᐊᓐᖏᓚᖓ, ᐃᕙᓗᒃᓴᐅᑎᐅᒐᓗᐊᕐᐸᑦ, ᐃᑎᒐᒍᑎᐅᓪᓘᓐᓃᑦ ᓯᖏᕆᒐᓗᐊᕐᐸᒍ, ᐅᖃᕐᑐᒃᓴᐅᖁᓇᒃ, ‘ᐅᕙᖕᒊᓐᓇ ᐂᑉᕋᒻ ᐊᔪᕐᓴᕈᓐᓃᕐᑎᓯᒪᔭᕋ.’

ᒨᓯᓯ ᓯᕗᓪᓖᑦ 23:13

ᐃᐸᕋᓐᒧᓪᓗ ᐅᖃᕐᓗᓂ, ᓄᓇᖃᕐᑐᑦ ᑐᓵᑎᓪᓗᒋᑦ, “ᓈᓚᖕᓂᐊᕈᕕᖓ; ᑕᒪᓐᓇ ᐱᕈᕐᓰᕕᒃ ᐊᑭᓕᕈᒪᕙᕋ; ᐊᑭᓕᐅᑎᒋᔭᒃᑲ ᐃᓚᓕᐅᓚᐅᒃᑭᑦ, ᑐᖁᔨᐊᕋ ᑕᕝᕙᓂ ᐃᓗᕕᕐᓂᐊᕋᒃᑯ.”

ᒨᓯᓯ ᓯᕗᓪᓖᑦ 23:9

ᐅᕙᓐᓄᑦ ᑐᓂᓯᖁᓪᓗᒍ ᒪᒃ-ᐲᓚᒥᒃ ᐊᑎᓕᖕᒥᒃ ᕾᕈᓱᖕᒥᒃ, ᑖᑦᓱᒪ ᐱᒋᖕᒪᒍ; ᐱᕈᕐᓰᕕᖁᑎᖓᑕ ᑭᒡᓕᖓᑕ ᐃᓱᐊᓃᑦᑐᖅ. ᐊᑭᖓ ᐃᓗᐃᑦᑑᓗᓂ ᓂᐅᕕᐊᕆᔭᐅᖁᓚᐅᕐᓯᐅᒃ ᐃᓕᑦᓯ ᑕᑯᓐᓇᕐᑎᓪᓗᓯ ᐃᓗᕕᕐᕕᒃᑖᕆᓂᐊᕋᒃᑯ.”

ᓴᒧᐃᓕ ᐂᑉᐸᖏᑦ 24:24

ᐊᖓᔪᖅᑳᕐᔪᐊᕐᓕ ᐊᕋᐅᓇᒧᑦ ᑭᐅᕗᖅ, “ᐊᑭᓕᕐᓂᐊᕐᐸᒃᑲ ᑐᓂᕐᕈᓯᕈᒪᖏᓐᓇᒪ ᐊᑕᓂᕐᒧᑦ ᒎᑎᓐᓄᑦ ᑐᓂᕐᕈᑎᓂᒃ ᐊᑭᖃᖏᑦᑐᓂᒃ.” ᑕᕝᕙ ᑍᕕᑎᐅᑉ ᓂᐅᕕᓚᐅᕐᐹ ᓂᐊᖂᔭᒃᓴᓂᒥᒃ ᐃᕖᔧᕕᒃ ᐃᒻᒧᒃᓯᐅᒊᓪᓗ 50ᓄᑦ ᓯᐅᕕᕆᓄᑦ.

ᑯᕉᓂᑲ ᓯᕗᓪᓖᑦ 21:23

ᑕᕝᕙ ᐅᐊᕐᓇᓐ ᑍᕕᑎᒧᑦ ᐅᖃᕐᐳᖅ, “ᐱᑐᐃᓐᓇᓕᕈᒃ; ᐊᖓᔪᖅᑳᕐᔪᐊᕋ ᐊᑕᓂᕋ ᐱᓂᐊᓚᐅᕐᓕ ᐱᔪᒪᔭᒥᓂᒃ ᐱᐅᔫᓇᓱᒋᔭᒥᓂᒃ; ᑕᑯᒋᑦ, ᑐᓂᒃᑲᓐᓂᕐᐸᒋᑦ ᐊᖑᓴᓪᓗᕐᓂᒃ ᐆᑕᒃᓴᓂᒃ ᑐᓂᕐᕈᑎᒃᓴᐅᖁᓪᓗᒋᑦ, ᓯᖃᓪᓕᓯᕕᐅᓪᓗ ᐃᓚᒃᓴᖏᑦ ᕿᔪᐃᑦ ᓂᐊᖂᔭᒃᓮᑦ ᑐᓂᕐᕈᑎᒃᓴᐅᖁᓪᓗᒋᑦ; ᑕᒪᕐᒥᒃ ᑐᓂᕙᒃᑲ.”

ᑯᕉᓂᑲ ᓯᕗᓪᓖᑦ 21:25

ᑕᕝᕙ ᑍᕕᑎ ᐅᐊᕐᓇᓐᒧᑦ ᐊᑭᓖᕗᖅ ᒎᓗᒥᒃ 600ᓂᒃ ᓵᑯᓂᒃ ᐅᖁᒤᑎᒋᔪᓂᒃ.

ᕉᒪᒥᐅᓄᑦ 12:17

ᐱᑦᓯᐊᕐᑕᐅᖏᒃᑯᕕᑦ, ᐊᑭᓇᓱᐊᕐᑍᓕᒋᑦ ᐱᑦᓯᐊᖏᓐᓂᕐᒧᑦ. ᑲᒪᑦᓯᐊᕐᓗᓯ ᐱᐅᒋᔭᐅᔪᒥᒃ ᐃᓅᓯᖃᕆᑦᓯ ᐃᓄᓕᒫᓄᑦ.