ᑯᕉᓂᑲ ᓯᕗᓪᓖᑦ 21:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᒎᑎᓗ ᐂᖏᓕᒥᒃ ᑎᓕᓯᕗᖅ ᔨᕉᓴᓕᒥᒃ ᐊᓯᕈᐃᖁᓪᓗᒍ; ᐊᓯᕈᐃᒋᐊᑐᐃᓐᓇᕆᐊᖃᓕᕐᑎᓪᓗᒍᓕ, ᐊᑕᓂᖅ ᑕᑯᒐᒥ, ᐱᓂᐊᕐᓂᕆᓂᐊᕐᑕᒥᓂᒃ ᓴᖑᑎᑦᓯᕗᖅ; ᐂᖏᓕᓗ ᑐᖁᕅᔪᖅ ᐅᖃᐅᑎᕚ, “ᓄᖅᑲᕆᑦ ᑍᒪᑲᓚᐅᖅ.” ᐊᑕᓂᐅᓪᓗ ᐂᖏᓕᖓ ᓇᖏᕐᐳᖅ ᐃᕖᔧᕕᐅᑉ ᓇᑎᖓᑕ ᓴᓂᐊᓂ ᐅᐊᕐᓇᓐᒥ ᔨᐳᓮᑎᒥ.

ᑯᕉᓂᑲ ᓯᕗᓪᓖᑦ 21:15 Iomraidhean Croise

ᒨᓯᓯ ᓯᕗᓪᓖᑦ 19:13

ᑖᒃᑯᐊ ᓄᓇᓖᑦ ᐊᓯᕈᕐᓂᐊᓕᕋᑦᑎᒍ, ᓂᐱᖃᕈᑕᐅᒻᒪᕆᓕᕐᒪᑕ ᐊᔪᕐᑐᓕᓂᕋᕐᑕᐅᓪᓗᑎᒃ ᐱᐅᖏᑦᑐᕐᔪᐊᓂᒃ ᐊᑕᓂᐅᑉ ᓵᖓᓂ, ᐊᑕᓂᐅᓪᓗ ᑎᓕᕚᑎᒍᒃ ᐊᓯᕈᐃᖁᓪᓗᑕ ᑖᒃᑯᓂᖓ.”

ᒨᓯᓯ ᓯᕗᓪᓖᑦ 6:6

ᐊᑕᓂᕐᓗ ᐅᒡᒍᐊᓕᓚᐅᕐᐳᖅ ᐱᓐᖑᕐᑎᑦᓯᓂᕆᓚᐅᕐᑕᒥᓂᒃ ᐃᓄᖕᓂᒃ ᓄᓇᒥ, ᐆᒻᒪᑎᒥᒍᓪᓗ ᕿᒃᓵᒻᒪᕆᓕᕐᓗᓂ,

ᓴᒧᐃᓕ ᐂᑉᐸᖏᑦ 24:16

ᐊᑕᓂᐅᓪᓕ ᐂᖏᓕᖓ ᐊᓯᕈᐃᒋᐊᕐᓂᐊᓕᕐᑎᓪᓗᒍ ᔨᕉᓴᓕᒥᒃ, ᐊᑕᓂᐅᑉ ᐃᓱᒪᓂ ᓴᖑᑎᓚᐅᕐᐹ ᓱᒋᐊᕐᓯᔪᒪᓂᓂ ᐃᓄᖕᓂᒃ, ᐂᖏᓕᓗ ᑐᖁᕅᔪᖅ ᐅᖃᐅᑎᕚ, “ᓄᖅᑲᕆᑦ! ᑍᒪ ᓈᒻᒪᒃᓯᕗᖅ.” ᐂᖏᓕᓗ ᐊᕋᐅᓇᐅᑉ ᓂᐊᑰᔭᒃᓴᓂᒃ ᐃᕖᔧᕕᖓᓃᓚᐅᕐᐳᖅ ᔨᐳᓮᑎᒥᐅᑕᐅᑉ.

ᓴᒧᐃᓕ ᐂᑉᐸᖏᑦ 24:18

ᑍᑦᓱᒪᓂᑦᓮᓐᓇᖅ ᒑᑦ ᑍᕕᑎᒧᐊᕐᐳᖅ ᐅᖃᐅᑎᓪᓗᒍᓗ, “ᒪᔪᕋᓚᐅᕆᑦ, ᐊᕋᐅᓇᐅᑉ ᐃᕖᔧᕕᖓᓄᑦ ᔨᐳᓮᑎᒦᑦᑐᒧᑦ, ᑍᑲᓂ ᑐᓂᕐᕈᓯᕐᕕᓕᐅᓕᕆᑦ ᐊᑕᓂᕐᒧᑦ.”

ᐊᑕᓃᑦ ᓯᕗᓪᓖᑦ 19:4

ᐃᓔᑦᔭ ᐃᓄᑑᓪᓗᓂ ᐱᓱᓚᐅᕐᐳᖅ ᐃᓄᖃᖏᑦᑐᒧᑦ ᐅᓪᓗᓕᒫᖅ ᐃᖏᕐᕋᓂᐅᓲᑎᑐᑦ, ᓄᖅᑲᕋᒥ ᐃᖏᑉᐳᖅ ᓇᐹᕐᑑᑉ ᐳᕉᒻᒥᒃ ᐊᑎᓕᐅᑉ ᑕᕐᕋᓕᓂᖓᓄᑦ; ᑕᕝᕙᓂᓗ ᑐᒃᓯᐊᕐᐳᖅ ᑐᖁᔪᒪᓪᓗᓂ, ᐅᖃᕐᓗᓂ, “ᒫᓐᓇ ᑕᒪᓐᓇ ᐊᖏᓗᐊᓕᕐᒪᑦ; ᐊᑕᓃᖅ, ᐃᓅᓯᕋ ᑎᒍᓕᕈᒃ; ᐱᐅᓂᕐᓴᐅᖏᓐᓇᒪ ᓯᕗᓕᕆᓚᐅᕐᑕᓐᓂᑦ.”

ᑯᕉᓂᑲ ᐂᑉᐸᖏᑦ 3:1

ᑕᕝᕙ ᓲᓗᒨᓂ ᓴᓇᒋᐊᓯᕗᖅ ᐊᑕᓂᐅᑉ ᐃᒡᓗᖓᓂᒃ ᔨᕉᓴᓕᒥ ᖃᖅᑲᐅᑉ ᒧᕅᐊᑉ ᖄᖓᓂ, ᑕᕝᕙᓂ ᐊᑕᓂᐅᑉ ᓴᖅᑭᕝᕕᒋᓚᐅᕐᑕᖓᓂ ᐊᑖᑕᖓᓄᑦ ᑍᕕᑎᒧᑦ, ᑕᕝᕙᓂᓗ ᑍᕕᑎᐅᑉ ᓴᓇᔭᐅᖁᓚᐅᕐᒪᒍ, ᐅᐊᕐᓇᓂᐅᑉ ᔨᐳᓮᑎᒥᐅᑕᐅᑉ ᐃᕖᔧᕕᖓᑕ ᓇᑎᖓᓂ.

ᐃᓐᖏᕈᑎᑦ 78:38

ᑖᓐᓇᓕ, ᓇᒡᓕᒍᓱᖕᓂᕐᒥᒃ ᑕᑕᓐᓇᒥ, ᐊᔪᕐᓂᖏᓐᓂᑦ ᐃᓱᒪᒋᔪᓐᓁᕐᕕᒋᓚᐅᕐᐰᑦ, ᐊᓯᕈᕐᓇᒋᓪᓗ; ᐅᓄᕐᑐᐃᓱᕐᓗᓂ ᓂᓐᖓᐅᒪᓂᓂ ᓄᖅᑲᕐᑎᖃᑦᑕᓚᐅᕐᐹ, ᓂᓐᖓᐅᒪᓂᓕᒫᓂᓗ ᐊᑕᖏᕐᓗᒍ ᓴᖅᑭᑎᓚᐅᓐᖏᓛ.

ᐃᓐᖏᕈᑎᑦ 90:13

ᐊᑕᓃᖅ ᐅᑎᓚᐅᕆᑦ! ᖃᓄᖅ ᐊᑯᓂᐅᑎᒋᓂᐊᕐᐱᑦ? ᐱᔨᑎᑦ ᓇᒡᓕᒋᓚᐅᒃᑭᑦ!

ᒨᓯᓯ ᐂᑉᐸᖏᑦ 32:14

ᑕᕝᕙ ᐊᑕᓂᐅᑉ ᐃᓱᒪᒋᓚᐅᕐᑕᓂ ᓴᖑᑎᓕᕐᐹ ᐃᓄᖁᑎᒥᓄᓪᓗ ᐊᓯᕈᕐᑕᐅᓇᕐᑐᒥᒃ ᑎᑭᑎᑦᓯᔪᒪᔪᓐᓁᕐᐳᖅ.

ᒨᓯᓯ ᐂᑉᐸᖏᑦ 9:28

ᐊᑕᓂᕐᒧᑦ ᑐᒃᓯᐊᓚᐅᕆᑦᓯᒃ; ᑕᒪᓐᓇ ᓇᑕᖅᑯᕐᓇᕐᑐᖅ ᖃᐅᒻᒪᓪᓚᒡᓗ ᓄᖅᑲᖁᓕᕐᓗᒍ; ᑕᕝᕙ ᐊᐅᓪᓚᖁᓂᐊᓕᕐᐸᑦᓯ, ᑕᒫᓂ ᓄᓇᖃᑦᔮᔪᓐᓃᕐᐳᓯ.”

ᔨᕆᒤᐊᐅᑉ ᐊᒡᓚᖏᑦ 26:18

“ᕼᐃᓯᑬᐊ ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒥᐅᓄᑦ, ᒤᑲ ᒧᕆᓯᑎᒥᐅᖅ ᓇᓚᐅᑦᑍᓚᐅᕐᐳᖅ ᐅᖃᕐᓗᓂᓗ, ‘ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᓮᐅᓂ ᐱᕈᕐᓰᕕᒃᑎᑐᑦ ᐋᖅᑭᒃᓱᕐᑕᐅᔪᒫᕐᐳᖅ; ᔨᕉᓴᓕᒻᓗ ᐅᔭᕋᓛᖑᓂᕐᑎᑐᑦ ᖃᑦᑎᒃᓯᓯᒪᓗᓂ, ᑐᒃᓯᐊᕐᕕᒡᔪᐊᓪᓗ ᐃᓂᒋᔭᖓ ᐃᕕᒃᓱᒐᕐᓄᑦ ᐱᕈᕐᕕᐅᓯᒪᓗᓂ ᓂᐊᖁᑦᑕᕕᓂᑐᐃᓐᓇᐅᓕᕈᒫᕐᐳᖅ.’

ᔨᕆᒤᐊᐅᑉ ᐊᒡᓚᖏᑦ 26:9

ᓱᖕᒪᑦ ᐅᖃᐅᓯᖃᕐᐱᑦ ᐊᑕᓂᐅᑉ ᐊᑎᖓᓂ ᓮᓗᐊᑎᑐᑦ ᑍᒤᑕᐅᓂᐊᕐᓂᕋᕐᓗᒋᑦ, ᐃᒡᓗᒐᓴᒡᔪᐊᓪᓗ ᐊᓯᕈᕐᑕᐅᓂᐊᕐᓂᕋᕋᕕᒋᑦ ᐃᓄᐃᕈᑎᓂᐊᕐᓂᕋᕐᓗᒋᓪᓗ?” ᐃᓄᓕᒫᓪᓗ ᔨᕆᒤᐊ ᐃᓗᒪᕚᑦ ᐊᑕᓂᐅᑉ ᐃᒡᓗᖓᓃᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 7:12

ᐂᓕᕆᑦ ᓮᓗᐊᒦᑦᑐᒧᑦ ᑐᒃᓯᐊᕐᕕᐅᒋᐊᕐᖓᓚᐅᕐᑐᒧᑦ ᐊᑎᓐᓂᒃ ᓇᓗᓁᒃᑯᑕᖃᕐᑐᒧᑦ, ᑕᑯᓗᑎᓪᓗ ᖃᓄᐃᓕᓐᓂᕐᒪᖔᒃᑯ ᐃᓄᖁᑎᒪ ᐱᐅᖏᑦᑐᓕᓂᖏᑦ ᐱᓪᓗᒋᑦ.

ᐂᒨᓯᐅᑉ ᐊᒡᓚᖏᑦ 7:3

ᑕᕝᕙ ᐊᑕᓂᐅᑉ ᐃᓱᒪᓂ ᑕᒪᑐᒧᖓ ᐊᓯᑦᔨᓚᐅᕐᐹ, ᐅᖃᕐᓗᓂ, “ᑍᒤᑦᑐᖃᕐᓂᐊᕈᓃᕐᐳᖅ,” ᐊᑕᓂᖅ ᐅᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 7:6

ᑕᕝᕙ ᐊᑕᓂᐅᑉ ᐃᓱᒪᓂ ᑕᒪᑐᒧᖓ ᐊᓯᑦᔨᓚᐅᕐᐹ, ᐅᖃᕐᓗᓂ, “ᑍᒤᑦᑐᖃᕐᓂᐊᕈᓃᕐᐳᖅ,” ᐊᑕᓂᖅ ᒎᑎ ᐅᖃᕐᐳᖅ.

ᔫᓇᐅᑉ ᐊᒡᓚᖏᑦ 3:10

ᒎᑎᓗ ᓂᓂᕕᒥᐅᑦ ᑍᒤᓕᐅᕐᓂᖏᓐᓂᒃ ᑕᑯᕗᖅ, ᓴᖑᓂᖏᓐᓂᒃ ᐊᖅᑯᑎᒋᔭᒥᖕᓂᑦ ᐃᓗᐊᖏᑦᑐᓂᑦ; ᒎᑎᐅᓪᓗ ᐃᓱᒪᒋᔭᓂ ᐊᓯᑦᔨᕐᐹ ᐊᓯᕈᕐᑕᐅᓂᖅ ᑍᓐᓇ ᐅᖃᐅᑎᒋᓚᐅᕐᑕᓂ ᐱᓂᐊᕈᑎᒋᓂᐊᕐᓂᕋᓚᐅᕐᑕᓂᓗ ᑖᒃᑯᓄᖓ.

ᔫᓇᐅᑉ ᐊᒡᓚᖏᑦ 4:2

ᑐᒃᓯᐊᓕᕐᐳᕐᓗ ᐊᑕᓂᕐᒧᑦ ᐅᖃᕐᓗᓂ: “ᐊᑕᓃᖅ, ᐅᖃᐅᓯᕆᓚᐅᕐᑕᕋ ᓇᓚᐅᑦᓯᓐᖏᓛᖅ ᓄᓇᑦᑎᓐᓃᓪᓗᖓ ᓱᓕ ᑍᒤᓕᐅᕋᔭᕐᓂᕐᓂᒃ? ᑕᒪᓐᓇ ᐱᓪᓗᒍ ᑐᐊᕕᕐᓗᖓ ᕿᒫᓚᐅᕐᐳᖓ ᑖᕐᓯᓯᒧᑦ, ᖃᐅᔨᒪᒐᒪ ᐃᕝᕕᑦ ᒎᑎᐅᒐᕕᑦ ᐱᑦᓯᐊᕐᓂᖃᕐᑐᖅ ᓈᒃᑭᒍᓱᒃᑐᕐᓗ, ᓂᓐᖓᒃᓴᕅᖏᑦᑐᖅ ᓇᒡᓕᒍᓱᒃᑐᕐᔫᔪᕐᓗ, ᐃᓱᒤᓪᓗ ᓱᒋᐊᕐᓂᕐᒥᑦ ᓴᖑᑎᓲᕆᒐᕕᐅᒃ ᖃᕿᐊᓕᕐᑐᖃᑐᐊᕐᒪᑦ ᐊᑲᐅᖏᓐᓂᕐᒥᑦ.

ᒫᑯᓯᐅᑉ ᐊᒡᓚᖏᑦ 14:41

ᐱᖓᔪᖓᓐᓂᒃ ᑐᒃᓯᐊᕆᐊᕐᑐᑲᓐᓂᓚᐅᕐᓗᓂ ᐅᑎᕐᒥᒐᒥ, ᐅᖃᐅᑎᕔᑦ, “ᓱᓕ ᓯᓂᒃᐱᓰ ᑕᕾᕐᓯᕐᓗᓯ?, ᓈᒻᒪᒃᓯᕗᖅ! ᐃᑲᕐᕋᖅ ᓇᓪᓕᐅᑎᕗᖅ; ᐃᓅᑉ ᐃᕐᓂᖓ ᐱᔭᐅᒃᑲᕐᑕᐅᓯᕗᖅ ᐊᔪᕐᑐᓕᔪᑦ ᐱᔪᓐᓇᕐᓂᖏᓐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:10

ᓈᒻᒪᒃᓴᖏᓐᓂᐊᕋᓯᑦᑕᐅᖅ ᑍᒃᑯᑎᑐᓇᖅ, ᑍᒃᑯᐊ ᐃᓚᖏᑦ ᓈᒻᒪᒃᓴᖏᓐᓇᒥᒃ ᑐᖁᑉ ᐂᖏᓕᖓᓄᑦ ᑐᖁᑕᐅᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 10:16

ᑕᕝᕙ ᓄᓇᖃᑎᒋᓐᖏᑕᒥ ᒎᑎᓐᖑᐊᖏᓐᓂᒃ ᕿᒤᓚᐅᕐᐳᑦ ᑐᒃᓯᐊᓕᕐᓗᑎᒡᓗ ᐊᑕᓂᕐᒧᑦ; ᐃᓱᒪᔮᕈᑎᖃᓕᕐᐳᕐᓗ ᐃᓴᕆᐊᓕᒥᐅᑦ ᐊᒃᓱᕈᕐᓂᖏᓐᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 2:18

ᐊᑕᓂᐅᑉ ᐃᓴᕆᐊᓕᒥᐅᑉ ᐃᓱᐊᕐᓮᔨᓂᒃ ᑐᓂᑐᐊᕐᒪᒋᑦ ᐊᑕᓂᐅᑉ ᐃᓚᒋᖃᑦᑕᓚᐅᕐᐰᑦ ᐃᓗᐊᕐᓮᔩᑦ, ᐃᓄᖕᓂᒡᓗ ᐱᐅᓕᒃᓯᓚᐅᕐᐳᖅ ᐊᑭᕋᖏᓐᓂᑦ, ᐃᓗᐊᕐᓮᔩᑦ ᐃᓅᓂᖏᓐᓂ ᐊᑕᓂᐅᑉ ᓈᒃᑭᒋᓚᐅᕐᐰᑦ ᐊᓂᕐᓴᐅᒥᓂᖃᓚᐅᕐᒪᑕ ᐅᑯᒤᒃᓴᕐᓂᕐᒥᖕᓂᒃ ᐊᒃᓱᕈᕐᑎᑕᐅᓂᕐᒥᖕᓂᒡᓗ.

ᓴᒧᐃᓕ ᓯᕗᓪᓖᑦ 15:11

“ᐅᒡᒍᐊᕐᐳᖓ ᓴᐅᓕ ᐊᖓᔪᖅᑳᕐᔪᐊᕈᕐᑎᓚᐅᕋᒃᑯ; ᐅᕙᓐᓂᒃ ᕿᒤᖕᒪᑦ ᒪᓕᒍᓐᓃᕐᓗᓂ, ᐱᖁᔨᑦᔪᑎᒋᔭᒃᑲᓗ ᑲᔪᓯᑎᓚᐅᖏᒻᒪᒋᑦ.” ᑕᒪᓐᓇ ᓴᒧᐃᓕᐅᑉ ᓂᓐᖓᒍᑎᒋᕚ; ᐊᑕᓂᕐᒧᓪᓗ ᕿᓄᓪᓗᓂ ᕿᐊᕗᖅ ᐅᓐᓄᐊᓕᒫᖅ.