ᑯᕉᓂᑲ ᓯᕗᓪᓖᑦ 19:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐊᒧᓁᑎᒥᐅᓪᓗ ᑎᑭᐅᑎᓕᕋᒥᒃ ᐋᖅᑭᒃᑎᕐᐳᑦ ᐅᐸᓗᖎᔭᕐᓗᑎᒃ ᐅᓇᑕᕐᓂᕐᒧᑦ ᐃᒡᓗᒐᓮᑦ ᐃᑎᕐᑕᕐᕕᖓᑕ ᓯᕗᕌᓂ, ᐊᖓᔪᖅᑳᕐᔪᐊᓪᓕ ᑭᖑᓂᖓᓃᑉᐳᑦ ᐃᓄᑑᓪᓗᑎᒃ ᓇᑎᕐᓇᒥ.

ᑯᕉᓂᑲ ᓯᕗᓪᓖᑦ 19:9 Iomraidhean Croise

ᓴᒧᐃᓕ ᐂᑉᐸᖏᑦ 10:8

ᐊᒧᓁᑎᒥᐅᑦ ᐊᐅᓪᓚᕋᒥᒃ ᐊᑐᐃᓐᓇᕈᓚᐅᕐᐳᑦ ᐅᓇᑕᕐᓂᕐᒧᑦ ᕌᐸᐅᑉ ᐃᑎᕆᐊᕐᕕᖓᓂ; ᐊᓯᖏᓪᓕ ᓯᕆᐊᒥᐅᑦ ᕅᕼᐊᐱᒥᐅᓪᓗ, ᒫᑲᒥᐅᓪᓗ, ᐃᒻᒥᒍᑦ ᐃᓂᑖᓚᐅᕐᐳᑦ ᖃᖅᑲᖃᖏᑦᑐᒥ ᓄᓇᑐᐃᓐᓇᕐᒥ.

ᓴᒧᐃᓕ ᐂᑉᐸᖏᑦ 18:4

ᐊᖓᔪᖅᑳᕐᔪᐊᖅ ᑭᐅᕗᖅ, “ᐱᓇᓱᐊᕐᓂᐊᕐᐳᖓ ᐱᐅᓂᕐᐹᖑᓇᓱᒋᔭᑦᓯᓐᓂᒃ.” ᑍᒤᒻᒪᑦ ᐊᖓᔪᖅᑳᕐᔪᐊᖅ ᐃᑎᕐᑕᕐᕕᐅᑉ ᓴᓂᐊᓂ ᓇᖏᓚᐅᕐᐳᖅ, ᐅᓇᑕᕐᑐᒃᓴᖁᑎᖏᑦ ᓴᓂᖅᑯᑎᓪᓗᒋᑦ ᐊᕕᒃᑐᕐᓯᒪᓪᓗᑎᒃ 100ᓄᑦ 1,000ᓄᓪᓗ.

ᐊᑕᓃᑦ ᓯᕗᓪᓖᑦ 20:1

ᓯᕆᐊᒥᐅᑦ ᐊᖓᔪᖅᑳᕐᔪᐊᖓ ᐱᓐ-ᕼᐊᑖᑦ ᐅᓇᑕᕐᑎᖁᑎᓕᒫᒥᓂᒃ ᑲᑎᕐᓱᐃᕗᖅ, ᐊᖓᔪᖅᑳᕐᔪᐊᓪᓗ 32 ᐃᓚᒋᕔᑦ, ᕿᒻᒥᕐᔪᐊᖏᓪᓗ ᐅᓇᑕᐅᑎᖏᓪᓗ ᐊᒃᓴᓗᐊᓖᑦ; ᒪᔪᐊᕋᒥᓗ ᐅᓇᑕᕆᐊᕐᐳᖅ ᓴᒥᐊᕆᐊᓗ ᓵᓚᒋᓪᓗᒍ.

ᐊᑕᓃᑦ ᓯᕗᓪᓖᑦ 20:24

ᐃᒤᓕᐅᓚᐅᕆᑦ, ᐊᖓᔪᖅᑳᕐᔪᐊᑦ ᓄᖅᑲᕐᑎᓚᐅᒃᑭᑦ ᐃᓂᒋᔭᖏᓐᓂᑦ, ᑭᖑᕝᕕᖔᕐᓗᒋᑦ ᐅᓇᑕᕐᑐᒃᓴᓄᑦ ᐊᖓᔪᖅᑳᓂᒃ,

ᑯᕉᓂᑲ ᓯᕗᓪᓖᑦ 19:10

ᔪᐊᐱᓕ ᑕᑯᒐᒥ ᐅᓇᑕᕐᓂᕐᒧᑦ ᐸᕐᓇᐅᑦᔭᐅᓂᕐᒥᓂᒃ ᓯᕗᕌᒥᓂᑦ ᑐᓄᒥᓂᓪᓗ, ᓂᕈᐊᕐᐳᖅ ᐃᓴᕆᐊᓕᒥᐅᑦ ᐊᔪᖏᓐᓂᕐᐹᖏᓐᓂᒃ, ᑖᒃᑯᐊ ᐅᐸᓗᖎᔭᕐᐰᑦ ᓯᕆᐊᒥᐅᑦ ᓵᓐᖓᔪᒪᓪᓗᒋᑦ.

ᑯᕉᓂᑲ ᓯᕗᓪᓖᑦ 19:8

ᑍᕕᑎᐅᑉ ᑕᒪᓐᓇ ᑐᓴᕋᒥᐅᒃ, ᔪᐊᐱ ᑎᓕᕚ ᐅᓇᑕᕐᑐᒃᓴᖁᑎᓕᒫᖏᓪᓗ ᐊᖑᑏᑦ ᐊᔪᖏᑦᑐᕐᔪᐊᑦ ᐃᓚᒋᓪᓗᒋᑦ.

ᑯᕉᓂᑲ ᐂᑉᐸᖏᑦ 13:3

ᐊᐰᔭᐅᑉ ᐅᓇᑕᕐᑎᓂ ᐊᑐᐃᓐᓇᕈᕐᑎᕐᐰᑦ ᐅᓇᑕᕈᓐᓇᕐᑐᑦ, 400,000 ᐊᖑᑏᑦ ᓂᕈᐊᕐᑕᐅᓯᒪᔪᑦ; ᔨᕈᐳᐊᒻᑕᐅᖅ ᐅᓇᑕᕐᓂᕐᒧᑦ ᐊᑐᐃᓐᓇᕈᕆᕗᖅ ᑖᒃᑯᓄᖓ 800,000ᓂᒃ ᐊᖑᑎᓂᒃ ᓂᕈᐊᕐᑕᐅᓯᒪᔪᓂᒃ ᐃᓚᖃᕐᓗᓂ.

ᑯᕉᓂᑲ ᐂᑉᐸᖏᑦ 14:10

ᐂᓴᐅᓪᓗ ᐸᕐᕆᐊᕐᐹ, ᐅᓇᑕᕐᑎᒥᖕᓂᒡᓗ ᐅᐸᓗᖎᔭᕐᐴᒃ ᔨᐸᑕᐅᑉ ᓇᕐᓴᖓᓂ ᒪᕇᓴᒥ.

ᐂᓮᐊᓯᐅᑉ ᐊᒡᓚᖏᑦ 28:6

ᓱᓕᑦᓯᐊᕐᑐᒥᒃ ᐃᖅᑲᕐᑐᐃᑎᑦᓯᔪᒫᕐᐳᖅ ᐃᖅᑲᕐᑐᐃᔨᓂᒃ ᐃᒃᓯᕙᐅᑕᒥᓂ ᐃᖅᑲᕐᑐᐃᔪᓂᒃ. ᓴᐱᕈᓐᓃᕐᑎᓪᓗᒋᓪᓗ ᐃᒡᓗᒐᓴᒡᔪᐊᑦ ᐃᑎᕐᑕᕐᕕᖏᓐᓂᒃ ᓴᐳᑦᔨᔩᑦ ᐅᓇᑕᕋᓱᐊᕐᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 50:42

ᐅᓇᑕᕆᐊᕐᑐᑦ ᓱᒋᐅᑦᓯᔭᕐᐳᑦ ᐱᑎᒃᓯᓂᒃ ᖃᓗᒋᐊᓂᒡᓗ ᓂᑲᒍᓱᖃᓐᖏᓚᑦ ᓇᒡᓕᖕᓂᖃᕋᑎᒡᓗ, ᕿᒻᒥᕐᔪᐊᖏᑕ ᕿᑭᕐᕋᖏᑦ ᐃᒪᕐᕕᐅᑉ ᒪᓕᖏᑎᑐᑦ ᐃᒃᑑᓕᔮᕐᐳᑦ, ᐅᓇᑕᕆᐊᕐᓯᒪᔪᑦ ᐋᖅᑭᒃᓯᒪᓂᕆᕙᒃᑕᖏᑎᑐᑦ ᐋᖅᑭᒃᓯᒪᓪᓗᑎᒃ ᐅᐸᒍᑎᓕᕐᐳᑦ ᐹᐱᓘᓂᒧᑦ.

ᔪᐃᓕᐅᑉ ᐊᒡᓚᖏᑦ 2:5

ᐅᓇᑕᐅᑎᑐᑦ ᐊᒃᓴᓗᐊᓕᒃᑎᑐᑦ ᑍᒫᒃ ᓂᐱᖅᑯᕐᑐᑎᒋᕗᑦ, ᒥᓯᒃᑕᕐᐳᑦ ᖃᖅᑲᐅᑉ ᖄᖏᑎᒍᑦ; ᐃᕕᒃᑎᑐᑦ ᐃᑯᒪᔪᑐᑦ ᓂᓪᓕᐊᕗᑦ, ᓯᐊᒻᒪᒃᐳᑦ ᐅᓇᑕᕐᑐᒃᓴᕐᔪᐊᑎᑐᑦ ᐅᓇᑕᕆᐊᕐᑐᕐᑐᑎᑐᑦ.

ᓴᒧᐃᓕ ᓯᕗᓪᓖᑦ 17:2

ᓴᐅᓕᓗ ᐃᓴᕆᐊᓕᒥᐅᓪᓗ ᐃᓄᖏᑦ ᑲᑎᕗᑦ, ᑕᖕᒫᕐᑎᕐᐳᓪᓗ ᐃᓚᐅᑉ ᓇᕐᓴᖓᓂ, ᐋᖅᑭᒃᑎᕐᐳᓪᓗ ᐅᓇᑕᕐᓂᒃᓴᒥᖕᓂᒃ ᐱᓕᔅᑍᓂᒥᐅᓂᒃ.