ᑯᕉᓂᑲ ᓯᕗᓪᓖᑦ 19:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᓯᕘᕋᖏᓪᓗᑎᑦ, ᓲᖑᓕᕐᑕ ᐃᓄᖁᑎᕗᑦ ᐱᓪᓗᒋᑦ, ᒎᑎᑦᑕᓗ ᐃᒡᓗᒐᓴᖏᑦ ᐱᓪᓗᒋᑦ; ᐊᑕᓂᕐᓗ ᐱᓂᐊᓕᕐᓕ ᑕᑯᓐᓇᕐᑕᒥᒍᑦ ᓈᒻᒪᒋᔭᒥᓂᒃ.”

ᑯᕉᓂᑲ ᓯᕗᓪᓖᑦ 19:13 Iomraidhean Croise

ᓴᒧᐃᓕ ᐂᑉᐸᖏᑦ 10:12

ᓲᖑᓂᖃᑦᓯᐊᕆᑦ ᓯᕘᕋᖏᓪᓗᑎᑦ, ᐅᓇᑕᓚᐅᕐᑕ ᐊᒃᓱᕈᕐᓗᑕ ᐃᓄᖁᑎᕗᑦ ᐱᓪᓗᒋᑦ, ᒎᑎᐅᓪᓗ ᐃᒡᓗᒐᓴᖁᑎᖏᑦ; ᐊᑕᓂᕐᓗ ᐱᔪᒪᔭᓂ ᒪᓕᒡᓗᒍ ᐱᓂᐊᓚᐅᕐᓕ.”

ᓴᒧᐃᓕ ᐂᑉᐸᖏᑦ 15:26

ᖁᕕᐊᒋᖏᒃᑯᓂᖓᓕ, ᐅᕙᓐᓄᑦ ᐱᓂᐊᕈᒪᔭᒥᓂᒃ ᐃᓱᒪᕐᓱᓕᕐᓕ.”

ᑯᕉᓂᑲ ᓯᕗᓪᓖᑦ 19:12

ᔪᐊᐱᓗ ᐅᖃᕐᐳᖅ, “ᓯᕆᐊᒥᐅᑦ ᐅᕙᓐᓂᒃ ᓵᓚᖃᓕᕐᐸᑕ, ᐅᕙᓐᓂᒃ ᐃᑲᔪᕆᐊᕐᓂᐊᕐᐳᑎᑦ; ᐊᒧᓁᑎᒥᐅᓪᓗ ᐃᓕᖕᓄᑦ ᓲᖑᓗᐊᓕᕐᐸᑕ, ᐃᑲᔪᕆᐊᕐᓂᐊᕐᐸᒋᑦ.

ᑯᕉᓂᑲ ᓯᕗᓪᓖᑦ 19:14

ᑕᕝᕙ ᔪᐊᐱ ᐃᓚᒋᔭᖏᓪᓗ ᐅᐸᒍᑎᓕᕐᐳᑦ ᐅᓇᑕᕆᐊᓕᕐᓗᑎᒃ ᓯᕆᐊᒥᐅᓂᒃ; ᑖᒃᑯᐊᓗ ᕿᒪᒃᓯᕗᑦ ᑖᑦᓱᒥᖓ.

ᐄᓱᕋᐅᑉ ᐊᒡᓚᖏᑦ 10:4

ᐃᓕᑦᓯ ᐱᓇᓱᐊᕐᑐᒃᓴᐅᕗᓯ ᐱᔭᕆᐊᓕᓯ ᒪᓕᒡᓗᒋᑦ. ᐅᕙᒍᑦ ᐃᑲᔪᕐᑐᕐᓂᐊᕐᐳᒍᑦ ᐃᓕᑦᓯᓐᓂᒃ, ᓴᐱᖏᓪᓗᓯ ᑲᔪᓯᓕᕆᑦᓯ ᑕᒪᓐᓇᓗ ᑲᔪᓯᑎᓪᓗᒍ.”

ᓂᕼᐃᒤᐊᐅᑉ ᐊᒡᓚᖏᑦ 4:14

ᑕᑯᓚᐅᕐᐳᖓᓕ ᐃᓄᖕᓂᒃ ᐃᓱᒪᔮᕐᑐᓂᒃ, ᑍᒤᒻᒪᑦ ᓯᕗᓕᕐᑎᖏᑦ ᐅᖃᐅᑎᓚᐅᕐᐸᒃᑲ, ᐊᖓᔪᖅᑳᖏᓪᓗ, “ᑲᑉᐱᐊᓱᒃᑍᓕᒋᑦᓯ ᐊᑭᕋᑦᑎᓐᓂᒃ, ᐃᖅᑲᐅᒪᒋᑦᓯ ᖃᓄᖅ ᐊᑕᓂᖅ ᐊᔪᖏᑦᑐᕐᔪᐊᖑᓂᖓᓂᒃ ᐊᖏᔪᕐᔪᐊᖑᓂᖓᓂᒡᓗ, ᓴᐳᓐᓂᐊᕐᓂᐊᕐᐳᕐᓗ, ᐃᓚᑦᓯᓐᓂᒃ, ᓄᓇᖅᑲᑎᑦᓯᓐᓂᒃ, ᕿᑐᕐᖓᑦᓯᓐᓂᒃ, ᓄᓕᐊᑦᓯᓐᓂᒃ, ᐊᖏᕐᕋᓯᓗ ᐱᓪᓗᒋᑦ.”

ᔫᐱᐅᑉ ᐊᒡᓚᖏᑦ 1:22

ᑕᒪᒃᑯᐊᓕ ᑍᒤᒃᑲᓗᐊᕐᒪᑕ, ᔫᐱ ᐸᓯᒃᓯᖏᓐᓇᒥ ᒎᑎᒥᒃ ᑕᒪᑐᒧᖓ ᐊᔪᕐᑐᓕᓚᐅᓐᖏᓚᖅ.

ᐃᓐᖏᕈᑎᑦ 27:14

ᐊᑕᓂᖅ ᐅᑕᖅᑭᒍᒃ; ᑯᒃᓴᓱᖏᓪᓗᑎᑦ, ᑕᕝᕙ ᐆᒻᒪᑏᑦ ᓴᓐᖏᓂᕐᒥᒃ ᑐᓂᓯᕕᒋᓂᐊᕐᐹ; ᐅᖃᕐᐳᖓ, ᐊᑕᓂᖅ ᐊᑏ ᐅᑕᖅᑭᒍᒃ!

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:13

ᖃᐅᔨᓴᑦᓯᐊᕆᑦᓯ, ᐅᒃᐱᕐᓂᕐᒥ ᓂᑯᕕᖓᑦᓯᐊᕐᓗᓯ, ᓯᕘᕋᖏᓪᓗᓯ, ᓴᓐᖏᔫᓗᓯᓗ.

ᔮᓱᐊᑉ ᐊᒡᓚᖏᑦ 1:7

ᓲᖑᓂᖃᓕᕆᑦ ᓯᕘᕋᖏᑦᓯᐊᕐᓗᑎᓪᓗ, ᓈᓚᑦᓯᐊᓪᓗᑎᑦ ᐱᖁᔭᓐᓂᒃ ᒨᓯᓯᐅᑉ ᐱᔨᒪ ᑐᓂᓚᐅᕐᑕᖏᓐᓂᒃ ᐃᓕᖕᓄᑦ, ᑕᓕᕐᐱᒧᓪᓘᓐᓃᑦ, ᓴᐅᒥᒧᓪᓘᓐᓃᑦ ᓴᖑᑦᑍᓕᒋᑦ ᐱᔪᓐᓇᑦᓯᐊᖁᓪᓗᑎᑦ ᓇᒧᓐᖓᕐᓂᐊᕋᓗᐊᕈᕕᑦ.

ᔮᓱᐊᑉ ᐊᒡᓚᖏᑦ 10:25

ᔮᓱᐊᓪᓗ ᐅᖃᐅᑎᕔᑦ, “ᑲᑉᐱᐊᓱᒐᓯ, ᓴᐱᕐᑍᓕᒋᑦᓯᓗ; ᓴᓐᖏᔫᓗᓯ ᓯᕘᕋᔪᐃᑦᑑᒋᑦᓯ; ᑍᒫᒃ ᑕᕝᕙ ᐊᑕᓂᐅᑉ ᐱᓇᓱᐊᕐᕕᒋᖃᑦᑕᕐᓂᐊᕐᐰᑦ ᐊᑭᕋᓕᒫᓯ ᐅᓇᑕᕐᑕᓯ.”

ᐃᓗᐊᕐᓮᔩᑦ ᐊᒡᓚᖏᑦ 10:15

ᐃᓴᕆᐊᓕᒥᐅᓪᓕ ᑭᖑᕚᖏᑦ ᐅᖃᕐᐳᑦ ᐊᑕᓂᕐᒧᑦ, “ᐊᔪᕐᑐᓕᓚᐅᕐᐳᒍᑦ ᐅᕙᑦᑎᓐᓄᑦ ᐱᓇᓱᐊᓕᕆᑦ ᓈᒻᒪᒋᔭᕐᓂᒃ; ᑭᓯᐊᓂ ᐱᐅᓕᑎᒍᑦ, ᐃᓕᖕᓄᑦ ᑐᒃᓯᐊᕐᐳᒍᑦ ᐅᓪᓗᒥ.”

ᓴᒧᐃᓕ ᓯᕗᓪᓖᑦ 17:32

ᑍᕕᑎᓗ ᐅᖃᕐᐳᖅ ᓴᐅᓕᒧᑦ, “ᓇᓪᓕᐊ ᐊᖑᑦ ᐆᒻᒪᑎᒥᒍᑦ ᓴᐱᓕᕐᑍᓕᓕ ᑖᓐᓇ ᐱᓪᓗᒍ; ᐱᔩᑦ ᐅᓇᑕᕆᐊᕐᓂᐊᕐᐳᖅ ᑖᑦᓱᒥᖓ ᐱᓕᔅᑍᓂᒥᐅᑕᕐᒥᒃ.”

ᓴᒧᐃᓕ ᓯᕗᓪᓖᑦ 3:18

ᑍᒤᒻᒪᑦ ᓴᒧᐃᓕᐅᑉ ᐅᖃᐅᑎᓚᐅᕐᐹ ᐅᖃᐅᑎᔭᐅᑦᔪᑎᓕᒫᒥᓂᒃ ᓇᓪᓕᐊᓐᓂᒡᓘᓐᓃᑦ ᐅᖃᕐᑍᓕᒪᓇᓂ. ᐃᓔᓗ ᐅᖃᕐᐳᖅ, “ᐊᑕᓂᐅᕗᖅ; ᑖᑦᓱᒪ ᐱᐅᓂᕐᐹᖑᔪᕆᔭᓂ ᐊᑐᕐᓂᐊᕐᐹ.”

ᓴᒧᐃᓕ ᓯᕗᓪᓖᑦ 4:9

ᓯᕘᕋᑦᑍᓕᒋᑦᓯ ᐱᓕᔅᑍᓂᒥᐅᑦ! ᐅᓇᑕᕆᑦᓯ ᐊᖑᑎᑎᑐᑦ, ᑍᒤᓐᖏᑐᐊᕈᑦᑕ ᓯᐊᓛᖑᓕᕐᓂᐊᕐᐳᒍᑦ ᐄᑉᕈᐃᓄᑦ, ᓲᕐᓗ ᑍᒫᒃ ᓯᐊᓛᕆᓚᐅᕋᑦᑎᒍᑦ; ᑍᒤᒻᒪᑦ ᐅᓇᑕᕆᑦᓯ ᐊᖑᑎᑎᑐᑦ!”