ᑯᕉᓂᑲ ᓯᕗᓪᓖᑦ 18:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐊᒻᒪ ᑍᕕᑎᐅᑉ ᓵᓚᒋᒋᕚ ᕼᐊᑕᑎᔨᕆ ᔫᐸᐅᑉ ᐊᖓᔪᖅᑳᕐᔪᐊᖓ, ᕼᐊᒫᑎᐅᑉ ᖃᓂᒋᔮᓃᑦᑐᖅ, ᐊᖓᔪᖅᑲᐅᕕᓂ ᐊᖏᒡᓕᒋᐊᕐᑎᓐᓇᓱᓚᐅᕐᒪᒍ ᑰᒃ ᐃᕗᕅᑎᐅᑉ ᑲᖏᐊᓃᑦᑐᖅ ᑎᑭᓪᓗᒍ.

ᑯᕉᓂᑲ ᓯᕗᓪᓖᑦ 18:3 Iomraidhean Croise

ᒨᓯᓯ ᓯᕗᓪᓖᑦ 15:18

ᑕᕝᕙ ᐊᑕᓂᖅ ᐅᓪᓗᒥ ᑕᕝᕙᓂ ᐂᑉᕋᒻᒥᒃ ᐊᖏᖃᑎᒌᒍᑎᓕᐅᕐᐳᖅ. ᐅᖃᕐᓗᓂ, “ᑭᖑᕚᕐᓄᑦ ᑕᒪᓐᓇ ᓄᓇ ᑐᓂᕙᕋ, ᐄᑦᔨᑉᑎᐅᑉ ᓄᓇᖓᑕ ᑭᒡᓕᖓᓂᑦ ᐱᒋᐊᕐᓗᒍ ᑰᒡᔪᐊᕌᓗᒃ, ᐃᕗᕅᑎᐅᑉ ᑰᖓ ᑎᑭᓪᓗᒍ,

ᓴᒧᐃᓕ ᐂᑉᐸᖏᑦ 10:6

ᐊᒧᓁᑎᒥᐅᑦ ᖃᐅᔨᓕᕋᒥᒃ ᑍᕕᑎᒧᑦ ᖁᕕᐊᒋᔭᐅᔪᓐᓃᕐᓂᕐᒥᖕᓂᒃ, ᑍᒤᒻᒪᑦ ᐊᑭᓖᓪᓗᑎᒃ ᑎᑭᖁᔨᓚᐅᕐᐳᑦ ᓯᕆᐊᒥᐅᑦ ᐅᓇᑕᕐᑐᒃᓴᖏᓐᓂᒃ ᐱᑦ-ᕆᕼᐊᐱᒥᑦ, ᔫᐸᒥᓪᓗ, 20,000ᓂᒃ ᐅᓇᑕᕐᑎᓂᒃ, ᒫᑲᐅᓪᓗ ᐊᖓᔪᖅᑳᕐᔪᐊᖓᓂᑦ 1,000ᓂᒃ, ᑑᑉᒥᓪᓗ 12,000ᓂᒃ ᐅᓇᑕᕐᑎᓂᒃ.

ᓴᒧᐃᓕ ᐂᑉᐸᖏᑦ 8:3

ᑍᕕᑎᐅᓪᓗ ᔫᐸᒥᐅᑦ ᐊᖓᔪᖅᑳᕐᔪᐊᖓ ᕼᐊᑕᑎᔨᕆ ᕅᕼᐊᑉ ᐃᕐᓂᖓ ᓵᓚᒋᓚᐅᕆᕚ, ᑖᓐᓇ ᕼᐊᑕᑎᔨᕆ ᐊᐅᓪᓚᓚᐅᕐᑑᒐᓗᐊᖅ ᓄᓇᖁᑎᕕᓂᓂ ᐅᑎᕐᑎᑦᓱᒪᓪᓗᒍ ᐃᕗᕅᑎᐅᑉ ᑰᖓᑕ ᖁᓛᓃᑦᑐᖅ.

ᑯᕉᓂᑲ ᓯᕗᓪᓖᑦ 18:2

ᒧᐊᐱᒥᐅᓪᓗ ᓵᓚᒋᕔᑦ, ᐱᔨᑖᕆᓪᓗᒋᓪᓗ ᑐᓂᓯᖃᑦᑕᓕᕐᐳᓪᓗ ᐊᑭᓕᐅᑎᒥᖕᓂᒃ ᑖᑦᓱᒧᖓ.

ᑯᕉᓂᑲ ᓯᕗᓪᓖᑦ 18:4

ᑍᕕᑎᐅᓪᓗ ᐊᒃᓴᓗᐊᓕᖕᓂᒃ ᕿᒧᒃᓯᐅᑎᓂᒃ 1,000ᓂᒃ ᐱᑖᕐᕕᒋᕚ, 7,000ᓂᒃ ᕿᒻᒥᕐᔪᐊᒃᑰᕐᑎᓂᒃ, 20,000ᓂᒡᓗ ᐅᓇᑕᕐᑐᒃᓴᓂᒃ ᐱᓱᒃᑎᓂᒃ; ᑍᕕᑎᐅᓪᓗ ᐊᒃᓴᓗᐊᓕᖕᓄᑦ ᐊᑐᕐᑕᐅᓲᑦ ᕿᒻᒥᕐᔪᐊᑦ ᑭᖑᕋᖏᑦ ᑭᐱᐅᕋᕐᐰᑦ, 100ᓂᒃ ᐊᒥᐊᒃᑯᑐᐃᓐᓇᕐᓗᒋᑦ ᐊᒃᓴᓗᐊᓕᖕᓄᑦ ᐊᑐᕐᑕᐅᔪᓐᓇᕐᑐᓂᒃ.

ᑯᕉᓂᑲ ᐂᑉᐸᖏᑦ 8:3

ᓲᓗᒨᓂᓗ ᐅᓇᑕᕆᐊᕋᒥ ᕼᐊᒫᑎ ᔫᐸᒧᑦ, ᓵᓚᒋᕚ ᓄᓇᖁᑎᑖᕆᓪᓗᒍᓗ.

ᐄᓱᕋᐅᑉ ᐊᒡᓚᖏᑦ 4:20

ᐊᔪᖏᑦᑐᒻᒪᕆᐊᓗᐃᑦ ᔨᕉᓴᓕᒥ ᐊᖓᔪᖅᑳᕐᔪᐊᖑᖃᑦᑕᕐᓯᒪᖕᒪᑕ, ᐊᐅᓚᑦᓯᕙᓚᐅᕐᒪᑕᓗ ᓄᓇᓕᖕᓂ ᐊᕕᒃᑐᕐᓯᒪᔪᓂᒃ ᑖᕙᓂ ᑰᑉ ᐅᖓᑖᓂᒥᐅᓂᒃ, ᑖᒃᓰᔭᕐᓂᒃᑯᑦ ᑮᓇᐅᔭᓕᐅᕐᑐᓂᒃ.

ᐃᓐᖏᕈᑎᑦ 60:1

ᒎᑏ, ᖁᔭᓈᕐᓯᒪᒐᑦᑎᒍᑦ; ᓯᖁᒥᓯᒪᒐᑦᑎᒍᓪᓗ, ᓂᓐᖓᓚᐅᕋᕕᑦ, ᐅᑎᕐᑎᓚᐅᕐᒥᑎᒍᑦ!

ᐃᓐᖏᕈᑎᑦ 60:2

ᓄᓇ ᓴᔪᒃᐱᓗᒃᑎᓚᐅᕐᐸᑦ, ᓱᕋᒃᑎᕐᓗᒍᓗ; ᓯᖁᒥᓯᒪᓂᖏᑦ ᐋᖅᑭᒃᓱᓚᐅᒃᑭᑦ, ᓴᔪᒃᑐᐊᓘᓕᕐᒪᑦ.

ᒨᓯᓯ ᐂᑉᐸᖏᑦ 23:31

ᓄᓇᒋᓂᐊᕐᑕᑦᓯᓗ ᑭᒡᓕᖃᕐᑎᓐᓂᐊᕐᐸᕋ ᐃᒪᕐᒥᑦ ᐊᐅᐸᓗᒃᑕᒥᑦ ᐱᒋᐊᕐᓗᒍ ᐱᓕᔅᑍᓂᐅᑉ ᐃᒪᖓᓄᑦ ᑎᑭᓪᓗᒍ, ᐃᓄᖃᖏᑦᑐᒥᓪᓗ ᐱᒋᐊᕐᓗᒍ ᐃᕗᕅᑎᐅᑉ ᑰᖓᓄᑦ ᑎᑭᓪᓗᒍ; ᑕᒫᓂᓗ ᓄᓇᖃᕐᑐᑦ ᐃᓕᑦᓯᓐᓄᑦ ᑐᓂᓂᐊᕐᐸᒃᑲ, ᐃᓕᑦᓯᓪᓗ ᑕᒫᓐᖓᑦ ᓄᓇᒥᑦ ᐊᓂᑎᓐᓂᐊᕐᐸᓯ.

ᓴᒧᐃᓕ ᓯᕗᓪᓖᑦ 14:47

ᓴᐅᓕᐅᓪᓕ ᐊᖓᔪᖅᑲᐅᓂᖓ ᐃᓴᕆᐊᓕᒥᐅᓄᑦ ᐱᒋᐊᕐᓯᒪᓕᕐᑎᓪᓗᒍ, ᐅᓇᑕᖃᑦᑕᓚᐅᕐᐳᖅ ᐊᑭᕋᓕᒫᒥᓂᒃ ᓇᓂᑐᐃᓐᓈᕐᑐᓂᒃ ᐊᕙᑎᒥᖕᓂ, ᐃᓅᖃᑎᒌᓂᒃ ᒧᐊᐱᒥᐅᓂᒃ, ᐊᒧᓁᑎᒥᐅᓂᒃ, ᐄᑐᒥᒥᐅᓂᒃ, ᔫᐸᒥᐅᑦ ᐊᖓᔪᖅᑳᕐᔪᐊᖓᓂᒃ, ᐱᓕᔅᑍᓂᒥᐅᓂᒡᓗ; ᓇᓪᓕᐊᓐᓄᑐᐃᓐᓇᖅ ᐱᒋᐊᕌᖓᒥ ᓵᓚᒋᖃᑦᑕᓚᐅᕐᐰᑦ.