ᑯᕉᓂᑲ ᓯᕗᓪᓖᑦ 18:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑕᕝᕙ ᑍᕕᑎ ᐊᐅᓚᑦᓯᓕᓚᐅᕐᐳᖅ ᐃᓴᕆᐊᓕᒥᐅᓕᒫᓂᒃ; ᐃᓱᐊᕐᑐᒥᒃ ᐱᓇᓱᐊᕐᕕᒋᕔᑦ ᐊᑦᔨᒌᒃᑎᑦᓯᐊᕐᓗᒋᓪᓗ ᐃᓄᖁᑎᓕᒫᓂ.

ᑯᕉᓂᑲ ᓯᕗᓪᓖᑦ 18:14 Iomraidhean Croise

ᓴᒧᐃᓕ ᐂᑉᐸᖏᑦ 8:15

ᑕᕝᕙ ᑍᕕᑎ ᐊᐅᓚᑦᓯᓕᓚᐅᕐᐳᖅ ᐃᓴᕆᐊᓕᓕᒫᒥᒃ; ᐃᓄᓕᒫᖏᓪᓗ ᑲᒪᒋᔭᐅᑦᓯᐊᕐᑎᓚᐅᕐᐰᑦ ᐱᑦᓯᐊᕐᑕᐅᑎᓪᓗᒋᓪᓗ.

ᑯᕉᓂᑲ ᓯᕗᓪᓖᑦ 12:38

ᑖᒃᑯᐊ ᐊᖑᑎᓕᒫᑦ ᐅᓇᑕᕈᓐᓇᕐᑐᑦ, ᐅᓇᑕᕐᓂᕐᒥᓗ ᐋᖅᑭᒃᓯᒪᔪᓐᓇᕐᑐᑦ, ᕼᐃᐸᕋᓐᒧᐊᓚᐅᕐᐳᑦ ᑍᕕᑎᒥᒃ ᐊᖓᔪᖅᑳᕐᔪᐊᓐᖑᕐᑎᑦᓯᔪᒪᓪᓗᑎᒃ ᐃᓴᕆᐊᓕᒥᐅᓕᒫᓄᑦ; ᐃᓴᕆᐊᓕᒥᐅᓪᓗ ᐊᓯᓕᒫᖏᑦ ᐊᑕᐅᓯᐅᓕᖅᑲᖓᑦᓯᐊᓚᐅᕐᐳᑦ ᑍᕕᑎ ᐊᖓᔪᖅᑳᕐᔪᐊᓐᖑᖁᓪᓗᒍ.

ᑯᕉᓂᑲ ᓯᕗᓪᓖᑦ 18:13

ᐅᓇᑕᕐᑐᒃᓴᖃᕐᕕᓕᐅᕐᐳᕐᓗ ᐄᑐᒥ; ᐄᑐᒥᒥᐅᓕᒫᓪᓗ ᑍᕕᑎᒧᑦ ᐱᔨᒋᔭᐅᓕᕐᐳᑦ. ᐊᑕᓂᐅᓪᓗ ᑍᕕᑎ ᓵᓚᖃᕐᑎᖃᑦᑕᓚᐅᕐᐹ ᐂᕕᒋᔭᓕᒫᖏᓐᓂᒃ.

ᑯᕉᓂᑲ ᓯᕗᓪᓖᑦ 18:15

ᔪᐊᐱᓗ ᔨᕈᐃᐊᐅᑉ ᐃᕐᓂᖓ ᐊᖓᔪᖅᑳᖑᕗᖅ ᐅᓇᑕᕐᑐᒃᓴᓄᑦ; ᔨᕼᐆᓴᐸᑦᓗ ᐊᕼᐃᓗᑎᐅᑉ ᐃᕐᓂᖓ ᑎᑎᕋᕐᐸᓪᓕᐊᔨᐅᕗᖅ ᐱᓂᐊᕐᓂᐅᔪᓂᒃ.

ᑯᕉᓂᑲ ᓯᕗᓪᓖᑦ 29:26

ᑍᕕᑎ ᔨᓯᐅᑉ ᐃᕐᓂᖓ ᐊᖓᔪᖅᑳᖑᓚᐅᕐᐳᖅ ᐃᓴᕆᐊᓕᒥᐅᓕᒫᓄᑦ.

ᐃᓐᖏᕈᑎᑦ 72:1

ᒎᑏ, ᐃᖅᑲᕐᑐᐃᑦᓯᐊᕐᓂᕐᓂᒃ ᐊᖓᔪᖅᑳᕐᔪᐊᖅ ᑐᓂᓯᕕᒋᒍᒃ, ᐊᖓᔪᖅᑳᕐᔪᐊᓪᓗ ᐃᕐᓂᖓ ᐃᓱᐊᕐᑐᓕᓂᕐᓂᒃ ᑐᓂᓯᕕᒋᓗᒍ.

ᐃᓐᖏᕈᑎᑦ 89:14

ᐃᓱᐊᕐᑐᓕᓂᖅ ᐋᖅᑭᒃᓱᐃᑦᓯᐊᕐᓂᕐᓗ ᐊᖓᔪᖅᑳᕐᔪᐊᖑᓂᕐᐱᑦ ᑐᓐᖓᕕᒋᕚᒃ; ᓇᒡᓕᖕᓂᖅ ᓱᖁᓯᔪᐃᓐᓂᕐᓗ ᐃᕝᕕᑦ ᓵᖓᓃᑉᐴᒃ.

ᐂᓮᐊᓯᐅᑉ ᐊᒡᓚᖏᑦ 9:7

ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.

ᔨᕆᒤᐊᐅᑉ ᐊᒡᓚᖏᑦ 22:15

ᐊᖓᔪᖅᑳᕐᔪᐊᓐᖑᕈᓐᓇᕐᑐᕆᕖᑦ ᕿᔪᑦᓯᐊᕙᐅᓂᕐᐹᓂᒃ ᓰᑕᕆᓂᒃ ᐊᑐᕐᓂᕐᓄᑦ? ᐊᑖᑕᓯ ᐃᓅᓯᖃᑦᓯᐊᓚᐅᓐᖏᓛᑦ? ᓂᕆᔭᒃᓴᖃᕐᓂᕐᒥᖕᓄᑦ ᓈᒻᒪᒋᓪᓗᒍ ᐊᑐᖁᔭᐅᔪᕐᓗ ᐊᑐᕐᓗᒍ ᐃᓅᓚᐅᐳᑦ.

ᔨᕆᒤᐊᐅᑉ ᐊᒡᓚᖏᑦ 33:15

ᐅᓪᓗᐃᑦ ᑍᒃᑯᐊ ᓇᓪᓕᐅᑎᒃᐸᑕ ᓴᖅᑭᑎᑦᓯᔪᒫᕐᐳᖓ ᐊᑲᐅᔪᒥᒃ ᑍᕕᑎᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ, ᑖᓐᓇ ᐊᑲᐅᔪᒥᒃ ᓈᒻᒪᑦᓯᐊᕐᑐᒥᒡᓗ ᐱᓇᓱᐊᕈᒫᕐᐳᖅ ᓄᓇᒥ.