ᑯᕉᓂᑲ ᓯᕗᓪᓖᑦ 17:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐃᓚᒌᓐᓇᓚᐅᕐᐸᒋᑦ ᓇᒧᑐᐃᓐᓇᖅ ᐂᑎᓪᓗᑎᑦ, ᓄᖑᑎᓚᐅᕐᐸᒃᑲᓗ ᐊᑭᕋᑎᑦ ᓯᕗᓂᕐᓂ; ᐊᑏᓪᓗ ᐃᓚᒋᓕᐅᑎᓐᓂᐊᕐᐸᕋ ᐊᔪᖏᑦᑐᕐᔪᐊᓄᑦ ᓄᓇᕐᔪᐊᕐᒥ.

ᑯᕉᓂᑲ ᓯᕗᓪᓖᑦ 17:8 Iomraidhean Croise

ᒨᓯᓯ ᓯᕗᓪᓖᑦ 28:15

ᑕᑯᒋᓪᓗ ᐃᓚᒌᓐᓇᕐᓂᐊᕐᐸᒋᑦ ᓴᐳᑎᓯᒪᓗᑎᓪᓗ ᓇᒧᑐᐃᓐᓇᖅ ᐂᒐᓗᐊᕈᕕᑦ, ᓄᓇᒧᓪᓗ ᑕᒪᑐᒧᖓ ᐅᑎᕐᑎᑦᓱᒫᕆᕙᒋᑦ; ᕿᒪᖕᓂᐊᓐᖏᓚᒋᑦ ᐅᖃᐅᓯᕆᔭᓕᒫᒃᑲ ᐃᓕᖕᓄᑦ ᐊᑐᓚᐅᖏᓐᓂᖏᓐᓂ.”

ᓴᒧᐃᓕ ᐂᑉᐸᖏᑦ 22:1

ᐊᑕᓂᐅᑉ ᐱᐅᓕᖕᒪᒍ ᓴᐅᓕᒥᑦ ᐊᑭᕋᕐᑐᕐᑎᖏᓐᓂᓪᓗ ᐊᓯᖏᓐᓂᑦ, ᑍᕕᑎ ᐃᓐᖏᓚᐅᕐᐳᖅ ᐃᓐᖏᕈᒻᒥᒃ ᐊᑕᓂᕐᒧᑦ:

ᓴᒧᐃᓕ ᐂᑉᐸᖏᑦ 7:9

ᐃᓚᒌᓐᓇᓚᐅᕐᐸᒋᑦ ᓇᒧᑐᐃᓐᓇᖅ ᐂᑎᓪᓗᑎᑦ, ᐊᑭᕋᓕᒫᑎᓪᓗ ᓵᓚᒋᖃᑦᑕᓚᐅᕐᐸᒃᑲ ᐱᓪᓗᑎᑦ; ᐅᐱᓐᓇᕐᑐᓐᖑᕐᑎᓐᓂᐊᕐᐸᒋᑦ, ᑍᒃᑯᑎᑐᓇᖅ ᐅᐱᓐᓇᕐᑑᓯᒪᔪᑎᑐᑦ ᓄᓇᕐᔪᐊᕐᒥ.

ᓴᒧᐃᓕ ᐂᑉᐸᖏᑦ 8:6

ᑕᕝᕙ ᑍᕕᑎ ᐅᓇᑕᕐᑐᒃᓴᖁᑎᒥᓂᒃ ᓄᓇᓕᖏᓐᓂ ᐃᓂᑖᕐᑎᑦᓯᓚᐅᕐᐳᖅ ᐊᕌᒻᒥ ᑕᒫᓯᑰᓯᒦᑦᑐᒥ; ᓯᕆᐊᒥᐅᓪᓗ ᐱᔨᑖᕆᓚᐅᕐᐰᑦ ᑮᓇᐅᔧᔭᓕᕐᓗᑎᒡᓗ ᑖᑦᓱᒧᖓ. ᐊᑕᓂᐅᓪᓗ ᑍᕕᑎ ᓵᓚᖃᕐᑎᖃᑦᑕᓚᐅᕐᐹ ᓇᒧᑐᐃᓐᓇᖅ ᐂᑐᐊᕌᖓᑦ.

ᓴᒧᐃᓕ ᐂᑉᐸᖏᑦ 8:8

ᑍᕕᑎᓗ ᐊᖏᔪᐊᓗᖕᒥᒃ ᑲᓐᓄᔭᒥᒃ ᑎᒍᓯᓚᐅᕐᐳᖅ ᓄᓇᒥᑦ ᐱᑕᒥᑦ ᐱᕈᑍᒥᓪᓗ, ᐃᒡᓗᒐᓴᖕᓂᑦ ᕼᐊᑕᑎᔨᕆᐅᑉ ᐊᐅᓚᓚᐅᕐᑕᖏᓐᓂᑦ.

ᑯᕉᓂᑲ ᓯᕗᓪᓖᑦ 14:17

ᑍᕕᑎᓗ ᖃᐅᔨᔭᐅᕙᓪᓕᐊᓕᕐᐳᖅ ᓄᓇᓕᓕᒫᓄᑦ, ᐊᑕᓂᐅᓪᓗ ᐃᓅᖃᑎᒌᒡᔪᐊᑦ ᓯᕘᕋᓕᕐᑎᑉᐰ ᑖᑦᓱᒥᖓ.

ᑯᕉᓂᑲ ᓯᕗᓪᓖᑦ 17:17

ᑕᒪᓐᓇ ᑕᑯᓐᓇᕐᑕᕕᑦ ᓵᖓᓂ ᒥᑭᔫᒐᓗᐊᖅ, ᒎᑏᒃ; ᐅᖃᕐᓯᒪᒐᕕᓪᓗ ᐱᔨᕕᑦ ᐃᓚᒋᔭᖏᑕ ᓯᕗᓂᕐᒥ ᐊᖏᔪᒥᒃ ᐱᕙᓪᓕᐊᓂᒃᓴᕆᔭᖏᓐᓂᒃ, ᑕᑯᑎᓯᒪᒐᕕᖓᓗ ᓯᕗᓂᒃᓴᒥ ᑭᖑᕚᕇᒃᐸᓪᓕᐊᔪᒫᕐᑐᓂᒃ, ᐊᑕᓃᖅ ᒎᑏᒃ!

ᑯᕉᓂᑲ ᓯᕗᓪᓖᑦ 17:2

ᓁᑕᓂᓗ ᑭᐅᕗᖅ, “ᐆᒻᒪᑎᖕᓂ ᐃᓱᒪᒋᔭᓕᒫᑎᑦ ᐊᑐᑐᐃᓐᓇᒃᑭᑦ, ᒎᑎᐅᑉ ᐃᓚᒋᕚᑎᑦ.”

ᑯᕉᓂᑲ ᓯᕗᓪᓖᑦ 17:7

“ᒫᓐᓇ ᑍᒤᒻᒪᑦ ᐅᖃᕐᑐᒃᓴᐅᕗᑎᑦ ᐱᔨᓐᓄᑦ ᑍᕕᑎᒧᑦ, ‘ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᓰᐱᓕᕆᔨᐅᑎᓪᓗᑎᑦ ᑎᒍᓚᐅᕐᐸᒋᑦ, ᓰᐱᓂᒃ ᒪᓕᒃᑎᓪᓗᑎᑦ, ᐊᖓᔪᖅᑳᓐᖑᖁᓪᓗᑎᑦ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ.

ᑯᕉᓂᑲ ᓯᕗᓪᓖᑦ 17:9

ᓂᕈᐊᓛᕐᐳᖓᓗ ᐃᓴᕆᐊᓕᒥᐅᑦ ᐃᓄᖁᑎᒪ ᐃᓂᒃᓴᖏᓐᓂᒃ, ᐃᓂᑖᑦᓯᐊᕐᑎᓪᓗᒋᑦ, ᓇᖕᒥᓂᖅ ᓄᓇᒥᖕᓂ ᐃᓂᖃᖁᓪᓗᒋᑦ, ᐸᒡᕕᓵᕐᑕᐅᖃᑦᑕᕈᓐᓃᕐᓗᑎᒃ; ᐋᓐᓂᕐᑎᕆᔨᓄᑦ ᐊᒡᕕᐊᑕᐅᔪᓐᓁᖁᓪᓗᒋᑦ, ᑍᑦᓱᒪᓂᐅᕙᓚᐅᕐᑐᑎᑐᑦ.

ᐄᓱᕋᐅᑉ ᐊᒡᓚᖏᑦ 4:20

ᐊᔪᖏᑦᑐᒻᒪᕆᐊᓗᐃᑦ ᔨᕉᓴᓕᒥ ᐊᖓᔪᖅᑳᕐᔪᐊᖑᖃᑦᑕᕐᓯᒪᖕᒪᑕ, ᐊᐅᓚᑦᓯᕙᓚᐅᕐᒪᑕᓗ ᓄᓇᓕᖕᓂ ᐊᕕᒃᑐᕐᓯᒪᔪᓂᒃ ᑖᕙᓂ ᑰᑉ ᐅᖓᑖᓂᒥᐅᓂᒃ, ᑖᒃᓰᔭᕐᓂᒃᑯᑦ ᑮᓇᐅᔭᓕᐅᕐᑐᓂᒃ.

ᐃᓐᖏᕈᑎᑦ 18:1

ᐊᑕᓃᖅ, ᓇᒡᓕᒋᕙᒋᑦ ᐱᔪᓐᓇᐅᑎᒋᒐᒃᑭᑦ.

ᐃᓐᖏᕈᑎᑦ 46:11

ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦᑕ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ

ᐃᓐᖏᕈᑎᑦ 46:7

ᐊᑕᓂᐅᑉ ᐊᔪᒐᖃᖏᑦᑑᑉ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ

ᐃᓐᖏᕈᑎᑦ 71:21

ᐊᔪᖏᓐᓂᕋ ᓱᓕ ᐊᖏᔪᕈᕐᑎᒃᑲᓐᓂᕐᓂᐊᕐᐸᑦ, ᓮᒻᒪᕐᑎᒃᑲᓐᓂᕐᓂᐊᕆᕙᕐᒪᓗ.

ᐃᓐᖏᕈᑎᑦ 75:7

ᒎᑎᓕ ᐋᖅᑭᒃᓱᐃᔨᐅᕗᖅ, ᐂᑉᐸᖓ ᐅᕐᕈᑎᑉᐹ, ᐂᑉᐸᖓᓗ ᐊᖏᔪᕈᕐᑎᓪᓗᒍ.

ᓘᑲᓯᐅᑉ ᐊᒡᓚᖏᑦ 1:52

ᐊᖓᔪᖅᑳᕐᔪᐊᑦ ᐱᔪᓐᓇᕐᓂᖏᓐᓂᑦ ᐅᕐᕈᑎᑉᐰᑦ, ᐱᔪᓐᓇᕐᓂᖃᖏᑦᑐᓪᓗ ᓂᑯᕕᑎᑉᐰᑦ.

ᓴᒧᐃᓕ ᓯᕗᓪᓖᑦ 18:14

ᑍᕕᑎᓗ ᐱᔪᓐᓇᑦᓯᐊᖃᑦᑕᓚᐅᕐᐳᖅ ᐱᓇᓱᐊᕐᑕᓕᒫᒥᓂᒃ; ᐊᑕᓂᐅᑉ ᐃᓚᒋᓚᐅᕐᒪᒍ.

ᓴᒧᐃᓕ ᓯᕗᓪᓖᑦ 18:28

ᓴᐅᓕᓗ ᑕᑯᒐᒥ ᖃᐅᔨᓪᓗᓂᓗ ᐊᑕᓂᐅᑉ ᑍᕕᑎ ᐃᓚᒋᖕᒪᒍ, ᐸᓂᖓᑕᓗ ᒤᑲᓕᐅᑉ ᐅᖓᓕᕐᓗᒍ ᓇᒡᓕᒋᓕᕐᒪᒍ,

ᓴᒧᐃᓕ ᓯᕗᓪᓖᑦ 26:10

ᑍᕕᑎᓗ ᐅᖃᕆᐊᓪᓚᒃᐳᖅ, “ᐊᑕᓂᖅ ᐆᒪᖕᒪᑦ, ᑲᐅᔨᒪᕗᖓ ᐊᑕᓂᐅᑉ ᓇᖕᒥᓂᖅ ᑐᖁᓛᕐᒪᒍ; ᐅᕝᕙᓗ ᑐᖁᕕᒃᓴᖓ ᓇᓪᓕᐅᑎᒃᐸᑦ; ᐅᕝᕙᓗ ᐅᓇᑕᕐᓂᒃᑯᑦ ᑐᖁᔪᒫᕐᐳᖅ.