ᑯᕉᓂᑲ ᓯᕗᓪᓖᑦ 17:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐃᓴᕆᐊᓕᒥᐅᓕᒫᑦ ᐊᐅᓚᖃᑎᒋᓪᓗᒋᑦ ᓇᒧᑐᐃᓐᓇᖅ, ᐅᖃᓚᐅᕐᓯᒪᓐᖏᓚᖓ ᐃᓴᕆᐊᓕᒥᐅᑦ ᐃᓱᐊᕐᓮᔨᖏᓐᓄᑦ, ᑖᒃᑯᓄᖓ ᑎᓕᓚᐅᕐᑕᓐᓄᑦ ᐰᕐᓯᔨᐅᖁᓪᓗᒋᑦ ᐃᓄᖁᑎᓐᓂᒃ, ᐅᖃᕐᓗᖓ, “ᓱᒻᒪᑦ ᕿᔪᖕᒥᒃ ᓰᑕᕆᒥᒃ ᐃᒡᓗᓕᐅᓚᐅᕐᓯᒪᓐᖏᓚᑦᓯᓐᖓ?”’

ᑯᕉᓂᑲ ᓯᕗᓪᓖᑦ 17:6 Iomraidhean Croise

ᓴᒧᐃᓕ ᐂᑉᐸᖏᑦ 7:7

ᐊᐅᓪᓚᖃᑕᐅᖃᑦᑕᕐᑎᓪᓗᖓ ᐃᓴᕆᐊᓕᒥᐅᓕᒫᑦ ᐱᖃᑎᒋᓪᓗᒋᑦ, ᐊᐱᕆᓚᐅᕐᓯᒪᓐᖏᓚᖓ ᓯᕗᓕᕐᑎᓂᒃ ᑎᓕᓯᒪᔭᓐᓂᒃ, ᓱᖕᒪᑦ ᓴᓇᓚᐅᕐᓯᒪᓐᖏᓚᓰ ᐃᒡᓗᒥᒃ ᐃᓂᒃᓴᓐᓂᒃ ᕿᔪᑦᓯᐊᕙᖕᓄᑦ ᓰᑕᕆᓄᑦ ᓴᓇᓯᒪᔪᒥᒃ?’

ᐊᑕᓃᑦ ᓯᕗᓪᓖᑦ 8:16

‘ᑍᒪᓐᖓᓂᑦ ᐃᓄᖁᑎᒃᑲ ᐃᓴᕆᐊᓕᒥᐅᑦ ᐊᐅᓪᓚᕐᑎᒐᒃᑭᑦ ᐄᑦᔨᑉᑎᒥᑦ, ᓂᕈᐊᓚᐅᓐᖏᓚᖓ ᐃᓴᕆᐊᓕᐅᑉ ᑭᖑᕚᖏᑕ ᐃᒡᓗᒐᓴᖏᓐᓂᒃ ᓇᓪᓕᐊᓐᓂᒃ, ᐊᑎᕋ ᐃᓂᖃᖁᓪᓗᒍ; ᑍᕕᑎᓕ ᓂᕈᐊᓚᐅᕐᐸᕋ ᐊᐅᓚᑦᓯᔨᐅᖁᓪᓗᒍ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ.’

ᑯᕉᓂᑲ ᓯᕗᓪᓖᑦ 11:2

ᑍᑦᓱᒪᓂ, ᓴᐅᓕ ᐊᖓᔪᖅᑳᕐᔪᐊᖑᑎᓪᓗᒍ, ᐃᓴᕆᐊᓕᐅᑉ ᐃᓄᖏᑦ ᐅᓇᑕᕐᓂᒃᑯᑦ ᑕᓯᐅᓚᐅᕐᐸᑎᑦ, ᐊᑕᓂᐅᓪᓗ ᒎᑎᕕᑦ ᐅᖃᐅᑎᓚᐅᕐᐹᑎᑦ, ‘ᐃᓄᖁᑎᓐᓄᑦ ᐃᓴᕆᐊᓕᓄᑦ ᐰᕐᓯᔨᐅᔪᒫᕐᐳᑎᑦ, ᐊᖓᔪᖅᑳᖑᔪᒫᕐᐳᑎᓪᓗ ᐃᓄᖁᑎᓐᓄᑦ ᐃᓴᕆᐊᓕᓄᑦ.’”

ᑯᕉᓂᑲ ᓯᕗᓪᓖᑦ 17:7

“ᒫᓐᓇ ᑍᒤᒻᒪᑦ ᐅᖃᕐᑐᒃᓴᐅᕗᑎᑦ ᐱᔨᓐᓄᑦ ᑍᕕᑎᒧᑦ, ‘ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᓰᐱᓕᕆᔨᐅᑎᓪᓗᑎᑦ ᑎᒍᓚᐅᕐᐸᒋᑦ, ᓰᐱᓂᒃ ᒪᓕᒃᑎᓪᓗᑎᑦ, ᐊᖓᔪᖅᑳᓐᖑᖁᓪᓗᑎᑦ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ.

ᔨᕆᒤᐊᐅᑉ ᐊᒡᓚᖏᑦ 23:4

ᐰᕐᓯᔨᖃᕐᑎᓐᓂᐊᕐᐸᒃᑲᓗ ᑲᒪᔨᒃᓴᖏᓐᓂᒃ, ᓯᕘᕋᔪᓐᓃᖁᓪᓗᒋᑦ ᑲᑉᐱᐊᓇᕐᑐᒦᖁᓇᒋᓪᓗ ᐊᓯᐅᓯᒪᔪᖃᕈᓐᓃᕈᒫᕐᐳᓪᓗ, ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 34:2

“ᐃᓅᑉ ᐃᕐᓂᖓ, ᐃᓴᕆᐊᓕᒥᐅᑦ ᐰᕐᓯᔨᖏᑦ ᓵᓪᓗᒋᑦ ᐱᔪᒫᕐᑐᓂᒃ ᓇᓗᓁᕐᓯᕕᒋᓗᒋᑦ, ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᒥᐅᓄᑦ ᐰᕐᓯᔨᐅᔪᓯ ᐃᓕᑦᓯᓐᓂᑐᐊᖅ ᓂᕆᑎᑉᐳᓯ! ᐰᕐᓯᔩᑦ ᓰᐱᖁᑎᒥᖕᓂᒃ ᓂᕆᑎᑦᓯᔭᕆᐊᖃᓐᖏᓛᑦ?

ᒤᑲᐅᑉ ᐊᒡᓚᖏᑦ 5:4

ᓂᑯᕕᓪᓗᓂ ᓰᐱᖁᑎᓂ ᓂᕆᑎᑦᓱᒫᕐᐰᑦ, ᐊᑕᓂᐅᑉ ᓴᓐᖏᓂᖓᒍᑦ, ᐊᖓᔪᖅᑲᐅᓂᕐᔪᐊᖑᓂᖓᑕᓗ ᐊᑎᖓᒍᑦ ᐊᑕᓂᐅᑉ ᒎᑎᖓᑕ. ᐃᓄᖁᑎᖏᓪᓗ ᐃᓅᔪᒫᕐᐳᑦ ᓯᕘᕋᖏᓪᓗᑎᒃ ᐊᔪᖏᑦᑐᐊᓘᓂᖓ ᑎᑭᐅᑎᔪᒫᕐᐳᖅ ᓄᓇᕐᔪᐊᓕᒫᒧᑦ.

ᒫᑎᐅᓯᐅᑉ ᐊᒡᓚᖏᑦ 2:6

‘ᐃᕝᕕᑦ ᐱᑦᓕᐊᒻ, ᓄᓇᒥ ᔫᑕᒦᑦᑐᑎᑦ, ᒥᑭᓐᓂᕐᐸᐅᓐᖏᓚᑎᑦ ᐃᒡᓗᒐᓴᒡᔪᐊᓂᑦ ᐊᖏᓂᕐᐸᐅᔪᓂᑦ ᔫᑕᒥ; ᐃᓕᖕᓂᑦ ᐊᐅᓚᑦᓯᔨᒃᓴᖅ ᐱᔪᒫᕐᒪᑦ ᑖᑦᓱᒪ ᐃᓄᖁᑎᒃᑲ ᐃᓴᕆᐊᓕᒥᐅᑦ ᑕᓯᐅᕈᒫᕐᒪᒋᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 13:20

“ᑭᖑᓂᖓᒍᑦ ᐃᓱᒪᓕᐅᕐᑎᓄᑦ ᐱᓇᓱᐊᕐᕕᐅᑎᓚᐅᕐᐰᑦ, ᓇᓚᐅᑦᑍᔪᑦ ᓴᒧᐃᓕ ᑎᑭᓪᓗᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:16

ᓱᓇᒥᒡᓗ ᐊᖏᖃᑎᒌᒍᓐᓇᕐᐹᒃ? ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᒎᑎᓐᖑᐊᕐᓗ? ᐅᕙᒍᓪᓕ ᒎᑎᐅᑉ ᐃᓅᖏᓐᓇᕐᑑᑉ ᑐᒃᓯᐊᕐᕕᒡᔪᐊᖁᑎᒋᕚᑎᒍᑦ. ᒎᑎ ᐅᖃᕐᓯᒪᖕᒪᑦ: “ᐃᓂᒋᓂᐊᕐᐸᒃᑲ ᐃᓅᖃᑎᒋᓗᒋᓪᓗ, ᑖᒃᑯᓄᖓ ᒎᑎᒋᔭᐅᓂᐊᕐᐳᖓ, ᑖᒃᑯᐊᓗ ᐃᓄᖁᑎᒋᓂᐊᕐᐸᒃᑲ.”

ᒨᓯᓯ ᑕᓪᓕᒪᖏᑦ 23:14

ᐊᑕᓂᖅ ᒎᑎᓯ ᑕᖕᒫᕐᓯᒪᕕᑦᓯᓐᓂ ᐃᖏᕐᕋᖃᑦᑕᕐᒪᑦ, ᓄᓇᒋᔭᑦᓯᓐᓂ ᓴᐳᑦᔨᓪᓗᓂ ᐊᑭᕋᑦᓯᓐᓂᒡᓗ ᑐᓂᓯᓪᓗᓂ ᐃᓕᑦᓯᓐᓄᑦ, ᑍᒤᒻᒪᑦ ᑕᖕᒫᕐᓯᒪᕕᓯ ᐃᑦᔪᕐᓁᑦᑐᒃᓴᐅᕗᖅ, ᐊᑐᖁᔭᐅᖏᑦᑐᒥᒃ ᐃᓅᓯᖃᕐᑍᓕᓗᓯ ᐊᑕᓂᕐᒧᑦ ᐊᓚᕐᑕᐅᖁᓇᓯ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:1

“ᐃᐱᓲᓯᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᑯᐊ ᐅᖃᐅᓰᑦ ᐅᓪᓗᕆᐊᓂᒃ 7ᓂᒃ ᑕᓕᕐᐱᖕᒥᓄᑦ ᑎᒍᒥᐊᕐᑐᒥᑦ ᐱᕗᑦ, ᖃᐅᒻᒪᖅᑯᑏᓪᓗ ᒎᓗᐃᑦ ᐃᓂᖏᑦᑕ 7 ᐊᑯᕐᖓᑦᑎᒍᑦ ᐱᓱᒃᑐᒥᑦ.

ᓴᒧᐃᓕ ᓯᕗᓪᓖᑦ 12:11

ᐊᑕᓂᐅᓪᓗ ᑎᓕᓯᕕᒋᓚᐅᕐᐰᑦ ᔨᕈᐸᐅᓕᒥᒃ, ᐹᕋᒃᒥᒡᓗ, ᔨᑉᑕᒥᒡᓗ, ᓴᒧᐃᓕᒥᒡᓗ, ᑖᒃᑯᑎᒎᓇᖅ ᓴᐳᑎᓚᐅᕐᐹᓯ ᐊᑭᕋᓕᒫᑦᓯᓐᓂᑦ; ᐃᓅᓕᕐᓗᓯᓗ ᑲᑉᐱᐊᓇᖏᑦᑐᒥ.