ᑯᕉᓂᑲ ᓯᕗᓪᓖᑦ 17:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐃᓴᕆᐊᓕᒥᐅᑦ ᐊᐅᓪᓚᐅᑎᓚᐅᕐᓯᒪᒐᒃᑭᑦ ᐄᑦᔨᑉᑎᒥᑦ ᐅᓪᓗᒥᒧᑦ ᑎᑭᓪᓗᒍ ᐃᓂᖃᓚᐅᕐᓯᒪᓐᖏᓚᖓ ᐃᒡᓗᒥ, ᐊᐅᓪᓚᖃᑦᑕᓚᐅᕐᐳᖓ ᐃᓂᖃᕐᓗᖓᓗ ᑐᐱᕐᒥ, ᑕᕝᕙᓂᑦᓮᓐᓇᐅᖏᑦᑐᖅ ᐃᓂᖃᖃᑦᑕᕐᓗᖓ.

ᑯᕉᓂᑲ ᓯᕗᓪᓖᑦ 17:5 Iomraidhean Croise

ᓴᒧᐃᓕ ᐂᑉᐸᖏᑦ 6:17

ᐊᑕᓂᐅᓪᓗ ᐃᒃᓯᕐᕕᖁᑎᖓ ᐃᑎᐅᑦᔭᐅᕗᖅ, ᐃᓂᖓᓄᓪᓗ ᐃᓕᔭᐅᓪᓗᓂ, ᑐᐱᐅᑉ ᐃᓗᐊᓄᑦ ᑍᕕᑎᐅᑉ ᐋᖅᑭᒃᓱᓚᐅᕐᑕᖓᓄᑦ; ᑍᕕᑎᓗ ᑐᓂᕐᕈᓯᓚᐅᕐᐳᖅ ᐃᑯᐊᓚᑦᓯᓪᓗᓂᒃ ᑐᓂᕐᕈᑎᓂᒃ ᐃᓚᒌᑦᓯᐊᕐᓂᕐᒧᓪᓗ ᑐᓂᕐᕈᑎᒥᒃ ᐊᑕᓂᕐᒧᑦ.

ᓴᒧᐃᓕ ᐂᑉᐸᖏᑦ 7:6

ᑍᒪᓐᖓᓂᑦ ᐃᓴᕆᐊᓕᒥᐅᑦ ᐊᐅᓪᓚᐅᑎᓚᐅᕐᓯᒪᒐᒃᑭᑦ ᐄᑦᔨᑉᑎᒥᑦ ᒫᓐᓇᒧᑦ ᑎᑭᓪᓗᒍ ᐃᓂᖃᓚᐅᕐᓯᒪᓐᖏᓚᖓ ᐃᒡᓗᒥᒃ, ᐊᐅᓪᓚᖃᑕᐅᖃᑦᑕᓚᐅᕐᐳᖓᓕ ᑐᐱᕐᒥ ᐃᓂᖃᕐᓗᖓ.

ᐊᑕᓃᑦ ᓯᕗᓪᓖᑦ 8:16

‘ᑍᒪᓐᖓᓂᑦ ᐃᓄᖁᑎᒃᑲ ᐃᓴᕆᐊᓕᒥᐅᑦ ᐊᐅᓪᓚᕐᑎᒐᒃᑭᑦ ᐄᑦᔨᑉᑎᒥᑦ, ᓂᕈᐊᓚᐅᓐᖏᓚᖓ ᐃᓴᕆᐊᓕᐅᑉ ᑭᖑᕚᖏᑕ ᐃᒡᓗᒐᓴᖏᓐᓂᒃ ᓇᓪᓕᐊᓐᓂᒃ, ᐊᑎᕋ ᐃᓂᖃᖁᓪᓗᒍ; ᑍᕕᑎᓕ ᓂᕈᐊᓚᐅᕐᐸᕋ ᐊᐅᓚᑦᓯᔨᐅᖁᓪᓗᒍ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ.’

ᐊᑕᓃᑦ ᓯᕗᓪᓖᑦ 8:27

“ᒎᑎ ᐃᓂᖃᕈᓐᓇᓪᓚᕆᒃᐹ ᓄᓇᒥ? ᑕᑯᒋᑦ, ᕿᓚᒃ ᕿᓚᐅᓪᓗ ᖁᑦᓯᖕᓂᕐᐹᖓ ᐃᓂᒋᒍᕕᐅᒃ ᒥᑭᓗᐊᕆᕙᑦ; ᐅᓇᓕ ᐃᒡᓗ ᓴᓇᔭᕋ ᑖᒃᑯᓇᓐᖓᑦ ᒥᑭᓐᓂᕐᓴᒻᒪᕆᐊᓘᕗᖅ?

ᐊᑕᓃᑦ ᓯᕗᓪᓖᑦ 8:4

ᐊᒃᔭᕐᑕᐅᓕᕐᓗᓂᓗ ᑖᒃᑯᓄᖓ ᐊᑕᓂᐅᑉ ᐃᒃᓯᕐᕕᖓ, ᑐᐱᕐᔪᐊᕐᓗ, ᐃᓗᓕᖁᑏᓪᓗ ᐃᑦᔪᕐᓁᑦᑐᑦ ᑐᐱᕐᔪᐊᕐᒥᐅᑍᑦ; ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᓇᒃᓴᓚᐅᕐᐰᑦ.

ᑯᕉᓂᑲ ᐂᑉᐸᖏᑦ 2:6

ᑭᐊᓕ ᑐᒃᓯᐊᕐᕕᒡᔪᐊᓕᐅᕈᓐᓇᕐᐸᐅᒃ, ᕿᓚᒃ, ᕿᓔᓪᓗ ᖁᑦᓯᖕᓂᕐᐹᖏᑕ ᐱᓯᒪᔪᓐᓇᓐᖏᑎᓪᓗᓂᐅᒃ? ᖃᓄᐃᑦᑑᒐᒪᓕ ᑐᒃᓯᐊᕐᕕᒡᔪᐊᓕᐅᕐᑐᒃᓴᐅᕗᖓ ᑖᑦᓱᒧᖓ, ᑎᐱᑦᓯᐊᕆᒃᑐᓂᒃ ᐃᑯᐊᓚᑎᑦᓯᔪᓐᓇᑐᐃᓐᓇᕐᓗᖓ ᑖᑦᓱᒪ ᓵᖓᓂ?

ᑯᕉᓂᑲ ᐂᑉᐸᖏᑦ 6:18

“ᒎᑎᓕ ᐃᓄᖕᓂ ᐃᓂᖃᕈᓐᓇᕋᓗᐊᕐᐹ ᓄᓇᕐᔪᐊᒥ? ᑕᑯᒋᑦ, ᕿᓚᒃ ᕿᓔᓪᓗ ᖁᑦᓯᖕᓂᕐᐹᖏᑦ ᐃᓂᖃᕐᑎᑦᓯᔪᓐᓇᓐᖏᓚᑦ ᐃᓕᖕᓂᒃ; ᖃᓄᕐᓕ ᐅᓇ ᐃᒡᓗᓕᐊᕆᓚᐅᕐᑕᕋ ᐃᓂᖃᕐᑎᑦᓯᔪᓐᓇᕐᐸ!

ᑯᕉᓂᑲ ᐂᑉᐸᖏᑦ 6:5

‘ᐅᓪᓗᒥᑦ ᑍᑲᓐᖓᓂᑦ ᐃᓄᖁᑎᒃᑲ ᐊᐅᓪᓚᕐᑎᓐᓇᒃᑭᑦ ᐄᑦᔨᑉᑎᒥᑦ, ᓂᕈᐊᓚᐅᓐᖏᓚᖓ ᐃᒡᓗᒐᓴᖕᓂᒃ ᐃᓴᕆᐊᓕᒥᐅᑉ ᐊᓯᖏᓐᓂᒃ ᐃᒡᓗᓕᐅᖁᔨᓪᓗᖓ, ᐊᑎᓐᓂ ᐅᕙᓐᓄᑦ ᑐᒃᓯᐊᕐᕕᐅᖃᑦᑕᕐᓂᐊᕐᑐᒥᒃ, ᐃᓄᖕᒥᒡᓗ ᓂᕈᐊᓚᐅᓐᖏᓚᖓ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ ᐊᖓᔪᖅᑳᖑᓂᐊᕐᑐᒥᒃ,

ᑯᕉᓂᑲ ᐂᑉᐸᖏᑦ 6:6

ᔨᕉᓴᓕᒻᓕ ᓂᕈᐊᓚᐅᕐᐸᕋ ᐊᑎᕋ ᑕᕝᕙᓃᑦᓮᓐᓇᖁᓪᓗᒍ ᑍᕕᑎᓗ ᓂᕈᐊᓚᐅᕐᐸᕋ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ ᐊᖓᔪᖅᑳᖑᖁᓪᓗᒍ.’