ᑯᕉᓂᑲ ᓯᕗᓪᓖᑦ 17:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐊᑏᓪᓗ ᑲᔪᓯᔪᒥᒃ ᐊᖏᔪᕈᕐᑎᑕᐅᖁᓪᓗᒍ ᐃᓱᖃᖏᑦᑐᒧᑦ, ᐅᖃᕐᓗᑎᒃ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ, ᐃᓴᕆᐊᓕᒥᐅᑦ ᒎᑎᖓᑦ, ᑖᓐᓇ ᐃᓴᕆᐊᓕᒥᐅᑦ ᒎᑎᒋᕚᑦ.’ ᐱᔩᓪᓗ ᑍᕕᑎ ᐃᓚᒋᔭᖏᓪᓗ ᑲᔪᓯᑎᑕᐅᓕᑦ ᓵᖕᓂ.

ᑯᕉᓂᑲ ᓯᕗᓪᓖᑦ 17:24 Iomraidhean Croise

ᑯᕉᓂᑲ ᓯᕗᓪᓖᑦ 17:23

“ᒫᓐᓇᓗ, ᐊᑕᓃᖅ, ᐅᖃᐅᓰᑦ ᐅᖃᐅᓯᕆᓚᐅᕐᑕᑎᑦ ᐱᔩᖕᓄᑦ ᐃᓚᖏᓐᓄᓪᓗ ᑲᔪᓯᓕᕐᓕᑦ ᐃᓱᖃᖏᑦᑐᒧᑦ, ᑲᔪᓯᓕᕆᓪᓗ ᐅᖃᐅᓯᕆᓚᐅᕐᑕᑎᑦ ᒪᓕᒡᓗᒋᑦ.

ᑯᕉᓂᑲ ᓯᕗᓪᓖᑦ 17:25

ᐃᕝᕕᑦ ᒎᑎᒑ, ᐱᔩᑦ ᑕᑯᑎᓚᐅᕋᕕᐅᒃ ᐃᒡᓗᓕᐅᕐᓂᐊᕐᓂᕋᕐᓗᒍ; ᑍᒤᒻᒪᑦ ᐱᔩᑦ ᓴᐱᕈᓐᓃᕐᐳᖅ ᑐᒃᓯᐊᕈᒪᓪᓗᓂ ᓵᖕᓂ.

ᑯᕉᓂᑲ ᐂᑉᐸᖏᑦ 6:33

ᑐᓴᓚᐅᕆᑦ ᕿᓚᖕᒥᑦ ᐃᓂᒋᔭᕐᓂᑦ, ᐱᓂᐊᕐᕕᒋᓗᒋᓪᓗ ᐃᓅᖃᑎᑐᖃᕆᔭᐅᖏᑦᑐᑦ ᐃᓕᖕᓄᑦ ᑐᒃᓯᐊᕐᓂᖏᑦ ᒪᓕᒡᓗᒋᑦ; ᓄᓇᒦᑦᑐᑦ ᐃᓄᓕᒫᑦ ᐊᑎᕐᓂᒃ ᖃᐅᔨᖁᓪᓗᒋᑦ ᐃᓕᖕᓂᒡᓗ ᓯᕘᕋᓕᖁᓪᓗᒋᑦ, ᐃᓄᖁᑎᒃᑐᑦ ᐃᓴᕆᐊᓕᒃᑯᑎᑐᑦ, ᖃᐅᔨᖁᓪᓗᒋᑦ ᑖᓐᓇ ᐃᒡᓗ ᓴᓇᓚᐅᕐᑕᕋ ᑍᔭᐅᔪᒃᓴᐅᖕᒪᑦ ᐊᑎᕐᓂ.

ᐃᓐᖏᕈᑎᑦ 21:13

ᐊᑕᓃᖅ, ᐊᖏᔪᕈᕐᑎᑕᐅᓕᕆᑦ, ᓴᓐᖏᔫᓃᑦ ᐱᓪᓗᒍ! ᐅᕙᒍᑦ ᐃᓐᖏᕐᓂᐊᕐᐳᒍᑦ ᐱᔪᓐᓇᕐᓃᑦ ᓂᕐᑐᕐᓗᒍ.

ᐃᓐᖏᕈᑎᑦ 72:19

ᐊᑎᖓᓗ ᐱᓐᓇᕐᓇᕐᑐᖅ ᓂᕐᑐᕐᑕᐅᓕ ᐃᓱᖃᖏᑦᑐᒧᑦ! ᓄᓇᕐᔪᐊᓕᒫᖅ ᑕᑕᓪᓕ ᑖᑦᓱᒪ ᑲᑦᔮᕐᓇᕐᓂᖓᓂᒃ! ᐋᒦᓐ ᐊᒻᒪ ᐋᒦᓐ.

ᐃᓐᖏᕈᑎᑦ 90:17

ᐊᑕᓂᐅᓪᓗ ᒎᑎᑦᑕ ᖁᕕᐊᒋᔭᖃᕐᓂᖓᑕ ᓇᔪᓕᕐᓕᑎᒍᑦ, ᐱᓇᓱᐊᕐᓂᕆᓯᒪᔭᕗᓪᓗ ᐱᔭᕇᑦᓯᐊᕐᑎᓚᐅᒃᑭᑦ; ᐄᓛᒃ, ᐱᓇᓱᐊᕐᓂᕆᓯᒪᔭᕗᑦ ᐱᔭᕇᕐᑎᑦᓯᐊᓚᐅᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 31:1

ᐊᑕᓂᖅ ᐅᖃᕐᐳᖅ, “ᑕᒪᓐᓇ ᓇᓪᓕᐅᑎᒃᐸᑦ ᒎᑎᒋᔭᐅᔪᒫᕐᐳᖓ ᐃᓴᕆᐊᓕᒥᐅᑦ ᐃᓚᒌᒃᑐᖁᑎᓕᒫᖏᓐᓄᑦ ᑖᒃᑯᐊᓗ ᐃᓄᑯᑎᒋᔪᒫᕐᐸᒃᑲ.”

ᔨᕆᒤᐊᐅᑉ ᐊᒡᓚᖏᑦ 38:17

ᔨᕆᒤᐊᐅᑉ ᔨᑎᑬᐊ ᐅᖃᐅᑎᓕᕐᐹ, “ᐃᒫᒃ ᐊᑕᓂᖅ ᐊᔪᖓᖃᖏᑦᑐᖅ ᐅᖃᕐᐳᖅ, ᐃᓴᕆᐊᓕᒥᐅᑦ ᒎᑎᖓᑦ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᓇᑕᕐᑎᖁᑎᖏᓐᓄᑦ ᑐᓂᑦᔪᑎᒋᒍᕕᑦ ᐃᓅᑎᑕᐅᒐᔭᕐᐳᑎᑦ, ᐃᒡᓗᒐᓴᒡᔪᐊᓪᓗ ᐃᑭᑕᐅᒐᔭᓐᖏᓚᑦ, ᕿᑐᕐᖓᕇᓯᒍᓪᓗ ᑐᖁᑕᐅᓂᐊᓐᖏᓚᓯ.

ᒫᑎᐅᓯᐅᑉ ᐊᒡᓚᖏᑦ 6:13

ᐱᐅᓐᖏᑐᒥᒃ ᐱᔪᒥᓵᕐᑕᐅᑎᑦᑍᓕᑎᒍᑦ, ᓴᐳᑎᑎᒍᓪᓕ ᓵᑖᓇᓯᒥᑦ. [ᐊᑕᓂᐅᓂᖅ ᐊᔪᒐᖃᖏᓐᓂᕐᓗ ᐃᓅᖃᓐᓂᕐᔪᐊᕐᓂᕐᓗ ᐱᒋᒐᕕᒋᑦ ᐃᓱᖃᖏᑦᑐᒧᑦ, ᐋᒥᓐ.]’

ᒫᑎᐅᓯᐅᑉ ᐊᒡᓚᖏᑦ 6:9

ᑍᒤᒻᒪᑦ ᐃᒫᒃ ᑕᕝᕙ ᑐᒃᓯᐊᕐᑐᒃᓴᐅᕗᓯ: ‘ᐊᑖᑕᕗᑦ ᕿᓚᖕᒦᑦᑐᑎᑦ: ᐊᑏᑦ ᐃᑦᔪᕐᓁᑦᑐᖅ ᐃᓱᒪᒋᔭᐅᑦᓯᐊᕐᓕ;

ᔪᐊᓇᓯᐅᑉ ᐊᒡᓚᖏᑦ 12:28

ᐊᑖᑖᒃ, ᐊᑏᑦ ᓂᕐᑐᕐᓇᕐᑎᓕᕈᒃ.” ᑕᕝᕙ ᓂᐱᒥᒃ ᕿᓚᖕᒥᑦ ᓂᓪᓕᕐᑐᖃᕐᐳᖅ, “ᓂᕐᑐᕐᓇᕐᑎᓚᐅᕐᐸᕋ, ᓱᓕᓗ ᓂᕐᑐᕐᓇᕐᑎᒃᑲᓐᓂᕐᓂᐊᕐᐸᕋ.”

ᔪᐊᓇᓯᐅᑉ ᐊᒡᓚᖏᑦ 17:1

ᔩᓱᓯ ᑕᒪᒃᑯᓂᖓ ᐅᖃᕇᕋᒥ, ᕿᓚᖕᒧᑦ ᑕᑯᓴᕐᓗᓂ ᐅᖃᕐᐳᖅ, “ᐊᑖᑖᒃ, ᐃᑲᕐᕋᖅ ᓇᓪᓕᐅᑎᕗᖅ; ᐃᕐᓃᑦ ᓂᕐᑐᕐᓇᕐᓯᑎᓕᕈᒃ, ᓂᕐᑐᕐᓇᕐᑎᑕᐅᖁᓪᓗᑎᑦᑕᐅᖅ ᐃᕐᓂᕐᓄᑦ.

ᐱᓕᐱᒥᐅᓄᑦ 2:11

ᐅᕾᓪᓗ ᑕᒪᕐᒥᒃ ᓇᓗᓁᔧᔪᒃᓴᐅᕗᑦ ᔩᓱᓯ ᙭ᔅᑑᓯᐅᑉ ᐊᑕᓂᐅᓂᖓᓂᒃ, ᒎᑎᐅᑉ ᐊᑖᑕᐅᑉ ᓂᕐᑐᕐᑕᐅᓂᒃᓴᖓᓄᑦ.

ᐄᑉᕈᐃᓄᑦ 11:16

ᓄᓇᒥᒡᓕ ᐱᐅᓂᕐᓴᒥᒃ ᐅᐸᒍᒪᔭᖃᓚᐅᕋᒥᒃ, ᑕᕝᕙ ᕿᓚᖕᒦᑦᑐᒥᒃ. ᑍᒤᒻᒪᑦ ᒎᑎᐅᑉ ᑲᓐᖑᓲᑎᒋᓚᐅᓐᖏᓛ, ᐋᖅᑭᒃᓱᐃᓯᒪᒐᒥ ᐃᒡᓗᒐᓴᒡᔪᐊᒃᓴᖏᓐᓂᒃ.

ᐄᑉᕈᐃᓄᑦ 8:10

ᐊᖏᖃᑎᒌᖕᓂᕐᒥᒡᓕ ᐋᖅᑭᒃᓯᔪᒫᕐᐳᖓ ᐃᓴᕆᐊᓕᐅᑉ ᐃᓄᖏᓐᓄᑦ ᐅᓪᓗᓂ ᓇᓪᓕᐅᑎᔪᒫᕐᑐᓂ, ᐊᑕᓂᖅ ᐅᖃᕐᐳᖅ. ᐱᖁᔭᒃᑲ ᐃᓱᒪᖏᓐᓄᑦ ᑐᖅᑯᕈᒫᕐᐸᒃᑲ ᐆᒻᒪᑎᖏᓐᓂᓗ ᑎᑎᕋᕐᓗᒋᑦ. ᑖᒃᑯᓇᖓᑦ ᒎᑎᒋᔭᐅᔪᒫᕐᐳᖓ, ᑖᒃᑯᐊᓗ ᐃᓄᖁᑎᒋᔪᒫᕐᐸᒃᑲ.

ᐲᑦᑐᕉᓯ ᓯᕗᓪᓖᑦ 4:11

ᓇᓪᓕᐊᑦ ᐊᔪᕆᕐᑐᐃᒍᓂ, ᐊᔪᕆᕐᑐᐃᔪᒃᓴᐅᕗᖅ ᒎᑎᐅᑉ ᐅᖃᐅᓯᐅᖁᔭᖓᓂᒃ; ᓇᓪᓕᐊᑦ ᐱᔨᑦᓯᕐᑐᖅ, ᐱᔨᑦᓯᕐᑐᒃᓴᐅᕗᖅ ᐱᔪᓐᓇᕐᓂᖅ ᒎᑎᒥᑦ ᑐᓂᕐᕈᓯᐊᕆᔭᓂ ᐊᑐᕐᓗᓂᐅᒃ; ᑕᒤᑎᒍᑦ ᒎᑎ ᓂᕐᑐᕐᓇᕐᑎᑕᐅᖁᓪᓗᒍ ᔩᓱᓯ ᙭ᔅᑑᓯᒃᑯᑦ. ᑖᓐᓇ ᓂᕐᑐᕐᑕᐅᓂᕐᒥᒃ ᐱᓕᑑᖕᒪᑦ ᐱᔪᓐᓇᕐᓂᕐᒥᒡᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒦᓐ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:3

ᓂᐱᕐᔪᐊᒥᒡᓗ ᑐᓴᕐᐳᖓ ᐃᒃᓯᕙᐅᑕᕐᔪᐊᕐᒥᑦ ᐅᖃᕐᑐᒥᒃ, “ᑕᑯᒋᑦ, ᒎᑎ ᓄᓇᖃᖃᑦᑕᐅᓂᐊᓕᕐᐳᖅ ᐃᓄᖕᓄᑦ. ᑖᑦᓱᒪ ᐃᒡᓗᒥᐅᖃᑎᒋᓂᐊᕐᐰᑦ, ᑖᑦᓱᒪᓗ ᐃᓄᖁᑎᒋᓂᐊᕐᐰᑦ, ᒎᑎᐅᓪᓗ ᓇᖕᒥᓂᖅ ᓇᔪᕐᓂᐊᕐᐰᑦ ᒎᑎᒋᔭᐅᓗᓂ.