ᑯᕉᓂᑲ ᓯᕗᓪᓖᑦ 17:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐃᓄᖁᑎᑎᑦ ᐃᓴᕆᐊᓕᒥᐅᑉ ᐃᓅᖃᑎᒌᒡᔪᐊᑦ ᓇᓪᓕᖏᓐᓂᒃ ᐊᑦᔨᖃᕐᐹᑦ ᓄᓇᕐᔪᐊᕐᒥ? ᒎᑎᐅᑉ ᐱᐅᓕᓚᐅᕐᑕᖏᑦ ᐃᓄᖁᑎᒋᔪᒪᓪᓗᒋᑦ, ᐊᑏᑦ ᖃᐅᔨᔭᐅᖁᓪᓗᒍ ᑲᒪᓇᕐᑐᕐᔪᐊᒃᑯᑦ ᐱᓂᐊᕐᓂᒃᑯᑦ, ᐃᓅᖃᑎᒋᒡᔪᐊᑦ ᐊᐅᓪᓚᕐᑎᓚᐅᕋᕕᒋᑦ ᐃᓄᖁᑎᕕᑦ ᓵᖏᓐᓂ ᑖᒃᑯᐊ ᐱᐅᓕᓚᐅᕐᑕᕕᑦ ᐄᑦᔨᑉᑎᒥ.

ᑯᕉᓂᑲ ᓯᕗᓪᓖᑦ 17:21 Iomraidhean Croise

ᑯᕉᓂᑲ ᓯᕗᓪᓖᑦ 17:20

ᐊᑕᓃᖅ ᐊᑦᔨᖃᓐᖏᓚᑎᑦ, ᐊᓯᖕᓂᒡᓗ ᒎᑎᑕᖃᓐᖏᓚᖅ, ᐱᓂᐊᕐᓂᕆᓚᐅᕐᑕᑎᑦ ᐱᓪᓗᒋᑦ ᓇᖕᒥᓂᖅ ᑐᓴᕐᓯᒪᔭᕗᑦ.

ᑯᕉᓂᑲ ᓯᕗᓪᓖᑦ 17:22

ᐃᓴᕆᐊᓕᒥᐅᑉ ᐃᓄᖁᑎᑖᕆᓚᐅᕋᕕᒋᑦ ᓇᖕᒥᓂᖅ ᐃᓄᖁᑎᒋᔪᒪᓪᓗᒋᑦ ᐃᓱᖃᖏᑦᑐᒧᑦ; ᐃᕝᕕᓪᓗ ᐊᑕᓃᖅ, ᑖᒃᑯᓄᖓ ᒎᑎᒋᔭᐅᓕᕐᓗᑎᑦ.

ᓂᕼᐃᒤᐊᐅᑉ ᐊᒡᓚᖏᑦ 9:10

ᓇᓗᓁᒃᑯᑕᓂᒃ ᑲᒪᓇᕐᑐᓂᒡᓗ ᐱᓇᓱᐊᓚᐅᕐᐳᑎᑦ ᐊᖓᔪᖅᑳᕐᔪᐊᕐᒧᑦ ᐰᕉᒧᑦ, ᐅᓇᑕᕐᑐᒃᓴᖁᑎᖏᑕ ᐊᖓᔪᖅᑳᖏᓐᓄᑦ ᐃᓄᖏᓐᓄᓪᓗ ᓄᓇᖓᓐᓃᑦᑐᓕᒫᓄᑦ. ᖃᐅᔨᒪᓚᐅᕋᕕᑦ ᑖᒃᑯᓄᖓ ᐃᓄᖁᑎᕕᑦ ᐅᖁᒤᒃᓴᕐᑎᑕᐅᓂᖏᓐᓂᒃ. ᑍᒤᒻᒪᑦ ᓵᓚᖃᓚᐅᕐᐳᑎᑦ, ᖃᐅᔨᒪᔭᐅᑦᓯᐊᕐᓃᓪᓗ ᐅᓪᓗᒥ ᓱᓕ ᐱᒋᕙᑦ.

ᐃᓐᖏᕈᑎᑦ 107:2

ᐊᑕᓂᐅᑉ ᐱᐅᓕᓯᒪᔭᖏᑦ ᑍᒫᒃ ᐅᖃᕐᓕᑦ, ᐊᑭᕋᕐᑐᕐᑎᖏᓐᓂᑦ ᐱᐅᓕᓚᐅᕐᑕᖏᑦ;

ᐃᓐᖏᕈᑎᑦ 111:9

ᐃᓄᖁᑎᒥᓄᑦ ᐱᐅᓕᔭᐅᑦᔪᑎᒃᓴᖅ ᑎᓕᒃᓯᐅᑎᒋᓚᐅᕐᐹ; ᐃᓱᖃᖏᑦᑐᒧᓪᓗ ᑐᕌᖓᔪᒥᒃ ᐊᖏᖃᑎᒌᒍᑎᖃᕐᕕᒋᓪᓗᒋᑦ. ᑖᑦᓱᒪ ᐊᑎᖓ ᐃᔪᕐᓁᑦᑑᕗᖅ ᐅᐱᓐᓇᕐᑐᕐᔪᐊᖑᓪᓗᓂᓗ.

ᐃᓐᖏᕈᑎᑦ 147:20

ᐃᓅᖃᑎᒌᒡᔪᐊᑦ ᓇᓪᓕᐊᓪᓘᓐᓃᑦ ᑍᒤᓕᐅᕐᕕᒋᓚᐅᓐᖏᓔᑦ; ᑖᑦᓱᒪ ᐃᓱᐊᕆᔭᖏᑦ ᖃᐅᔨᒪᔭᐅᓐᖏᓚᑦ ᑖᒃᑯᓄᖓ. ᐊᑕᓂᖅ ᓂᕐᑐᕐᑕᐅᓕ!

ᐃᓐᖏᕈᑎᑦ 65:5

ᐱᓂᐊᕐᓂᕐᔪᐊᒃᑯᑦ ᑲᒪᓇᕐᑐᑎᒍᑦ ᐃᓱᐊᕐᑐᓕᓂᒃᑯᓪᓗ ᑭᐅᒐᑦᑎᒍᑦ, ᒎᑏ ᐱᐅᓕᔭᐅᕕᕗᑦ, ᓂᕆᐅᖕᓂᖃᕈᑎᒋᔭᐅᕗᑎᑦ ᓄᓇᕐᔪᐊᕐᒥᐅᓕᒫᓂᑦ, ᓄᓇᕐᔪᐊᑉ ᐃᓱᐊ ᑎᑭᓪᓗᒍ, ᐃᒪᕐᔪᐊᓪᓗ ᐅᖓᓯᖕᓂᕐᐹᖏᓐᓄᑦ;

ᐃᓐᖏᕈᑎᑦ 77:15

ᐃᓄᖁᑎᑎᑦ ᑕᓕᕐᓄᑦ ᐱᓇᓱᐊᕐᓗᑎᑦ ᐱᐅᓕᓯᒪᕙᑎᑦ, ᔧᑰᑉ ᔫᓯᐱᐅᓪᓗ ᑭᖑᕚᖏᑦ. ᓰᓚ

ᒨᓯᓯ ᐂᑉᐸᖏᑦ 6:6

ᑍᒤᒻᒪᑦ ᐃᓴᕆᐊᓕᒥᐅᓄᑦ ᐅᖃᓚᐅᕆᑦ ᐅᖃᕐᑕᐅᖁᔭᓐᓂᒃ, ‘ᐅᕙᖓ ᐊᑕᓂᐅᕗᖓ, ᐄᑦᔨᑉᑎᒥᐅᓪᓗ ᐅᖁᒤᒃᓴᕐᑎᑦᓯᓂᖏᓐᓂᑦ ᐊᐅᓪᓚᕐᑎᑦᓱᒪᕙᑦᓯ, ᓴᐳᑎᔪᒪᕙᑦᓯᓗ ᓯᐊᓛᕆᔭᐅᓂᑦᓯᓐᓂᑦ, ᐱᐅᓕᔪᒪᕙᑦᓯᓗ ᑕᓕᕐᒧᑦ ᐱᔪᓐᓇᕐᓂᕐᔪᐊᖃᕐᑐᒧᑦ ᓱᒋᐊᕐᓯᓂᕐᒧᓪᓗ ᓴᓐᖏᔪᕐᔪᐊᒧᑦ,

ᐂᓮᐊᓯᐅᑉ ᐊᒡᓚᖏᑦ 48:9

ᐊᑎᕋ ᐱᓪᓗᒍ ᓂᓐᖓᐅᑎᓇᓵᕐᐸᑦᓯ, ᓂᕐᑐᕐᓇᕐᓂᕋᓗ ᐱᓪᓗᒍ ᕿᓄᐃᓵᕈᑎᒋᕙᑦᓯ, ᐃᓕᑦᓯᓐᓂᒃ ᖁᔭᓈᕐᓯᔪᒪᓇᖓ.

ᐂᓮᐊᓯᐅᑉ ᐊᒡᓚᖏᑦ 63:12

ᑕᓕᖓ ᐱᓐᓇᕐᓇᕐᑐᖅ ᒨᓯᓯᐅᑉ ᐊᒡᒐᖓᑕ ᑕᓕᕐᐱᐊᓂᒃ ᑎᒍᒥᐊᓚᐅᕐᑐᖅ. ᐃᒪᕐᒥᒃ ᓵᖓᓐᓂ ᐊᕕᑎᑦᓯᓚᐅᕐᑐᖅ, ᐃᓱᖃᖏᑦᑐᒧᑦ ᖃᐅᔨᒪᔭᐅᑦᔪᑎᒋᓂᐊᓕᕐᓗᓂᐅᒃ.

ᐂᓮᐊᓯᐅᑉ ᐊᒡᓚᖏᑦ 63:9

ᐋᓐᓂᐊᑎᑕᐅᔭᕌᖓᑕ ᑕᒫᑦ ᐋᓐᓂᐊᖃᑕᐅᕙᓚᐅᕐᐳᖅ, ᓇᔫᑎᓂᖓᑕ ᐂᖏᓕᖓᓄᑦ ᓴᐳᑎᕙᓚᐅᕐᐰᑦ; ᓇᒡᓕᒍᓱᖕᓂᕐᒥᓄᑦ ᓂᑲᒍᓱᖕᓂᕐᒥᓄᓪᓗ ᐃᒻᒥᓄᑦ ᐅᑎᕐᑎᖃᑦᑕᓚᐅᕐᐰᑦ, ᑎᒍᓪᓗᒋᑦ ᐊᒡᔭᖃᑦᑕᓚᐅᕐᐰᑦ ᐅᓪᓗᓂ ᑍᒃᑯᓇᓂ.

ᐂᓮᐊᓯᐅᑉ ᐊᒡᓚᖏᑦ 64:3

ᑲᒪᓇᕐᑐᕐᔪᐊᓂᒃ ᐱᓇᓱᐊᖃᑦᑕᓚᐅᕋᕕᑦ ᓂᕆᐅᒃᑎᓐᓇᑕ, ᐊᖅᑲᕋᕕᑦ, ᖃᖅᑳᓗᒃ ᓴᔪᒃᐱᓗᓚᐅᕐᐳᖅ ᓇᔫᑎᓂᕐᓄᑦ.

ᔨᕆᒤᐊᐅᑉ ᐊᒡᓚᖏᑦ 32:21

ᐃᓄᖁᑎᑎᑦ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕋᕕᒋᑦ ᓇᓗᓁᒃᑯᑕᒃᑯᑦ ᑲᒪᓇᕐᑐᓪᓗ ᐊᑐᕐᓗᒋᑦ. ᐱᔪᓐᓇᕐᓂᕐᔪᐊᕐᓄᑦ ᐊᔪᒐᖃᖏᓐᓂᕐᓄᓪᓗ ᑲᑉᐱᐊᓇᕐᑐᒃᑯᑦ.

ᒨᓯᓯ ᑕᓪᓕᒪᖏᑦ 15:15

ᐃᖅᑲᐅᒪᔭᕆᐊᖃᕋᑦᓯ ᐃᓕᑦᓯᑦᑕᐅᖅ ᓯᐊᓛᖑᓚᐅᕐᒥᒐᑦᓯ ᓄᓇᒥ ᐄᑦᔨᑉᑎᒥ, ᐊᑕᓂᐅᓪᓕ ᒎᑎᑦᓯ ᑕᕝᕙᓐᖓᑦ ᐊᓂᑎᓚᐅᕐᒪᓯ; ᑍᒤᒻᒪᑦ ᐱᖁᔭᒥᒃ ᑕᒪᑐᒥᖓ ᒫᓐᓇ ᒪᓕᒐᒃᓴᓕᐅᕐᐸᑦᓯ.

ᒨᓯᓯ ᑕᓪᓕᒪᖏᑦ 4:7

“ᐃᓅᖃᑎᒌᒡᔪᐊᓂᒃ ᐊᓯᖏᓐᓂᒃ, ᐊᔪᖏᑦᑐᕐᔪᐊᖑᒐᓗᐊᕐᐸᑕ, ᒎᑎᖃᕐᑐᖃᓐᖏᓚᖅ ᑭᓐᖒᒪᓇᓕᕐᑎᓪᓗᒍ ᑍᒫᒃ ᖃᓂᑦᑑᔪᓐᓇᕐᑎᒋᔪᒥᒃ ᐊᑕᓂᐅᑉ ᒎᑎᑦᑕ ᐅᕙᑦᑎᓐᓄᑦ ᑍᒫᒃ ᑲᒪᑦᓯᐊᕐᓂᕆᔭᖓᑎᑐᑦ. ᑐᒃᓯᐊᕐᕕᒋᔭᕌᖓᑦᑎᒍᓗ ᐃᑲᔪᕐᑕᐅᔪᒪᓪᓗᑕ ᑭᐅᖃᑦᑕᕐᓂᕆᔭᖓᑎᑐᑦ ᑍᒤᑦᑐᒥᒃ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᔮᓱᐊᑉ ᐊᒡᓚᖏᑦ 10:42

ᔮᓱᐊᓪᓗ ᐊᖓᔪᖅᑳᕐᔪᐊᓕᒫᑦ ᓵᓚᒋᕔᑦ ᓄᓇᖁᑎᓕᒫᖏᓪᓗ ᐊᑕᐅᓯᐊᕐᓗᑎᒃ ᐅᓇᑕᕆᐊᕐᓗᒋᑦ, ᐊᑕᓂᐅᑉ ᐃᓴᕆᐊᓕᒥᐅᑉ ᒎᑎᖓᑦᑕ ᐅᓇᑕᕈᑎᓚᐅᕐᒪᒋᑦ ᐃᓴᕆᐊᓕᒥᐅᑦ.