ᑯᕉᓂᑲ ᓯᕗᓪᓖᑦ 16:30 - ᐊᒡᓔᑦ ᐃᑦᔪᕐᖕᓁᑦᑐᑦ

³⁰ ᑖᑦᓱᒪ ᓵᖓᓂ ᓴᔪᓕᕆᑦᓯ, ᓄᓇᕐᔪᐊᕐᒥᐅᓕᒫᖑᔪᓯ, ᐃᓛᒃ, ᓄᓇᕐᔪᐊᖅ ᐊᐅᓚᓐᖏᓚᖅ, ᐊᐅᓚᑎᑕᐅᔪᓐᓇᕋᓂᓗ.

ᑯᕉᓂᑲ ᓯᕗᓪᓖᑦ 16:30 Iomraidhean Croise

ᑯᕉᓂᑲ ᓯᕗᓪᓖᑦ 16:23

ᐊᑕᓂᖅ ᐃᓐᖏᕐᕕᒋᓯᐅᒃ, ᓄᓇᕐᔪᐊᕐᒥᐅᖑᔪᓯ ᑕᒪᑦᓯ! ᐱᐅᓕᔭᐅᕕᒃᓴᖃᕐᑎᑦᓯᓂᖓ ᐅᖃᐅᑎᒋᓯᐅᒃ ᖃᐅᑕᒫᑦ.

ᑯᕉᓂᑲ ᓯᕗᓪᓖᑦ 16:25

ᐊᑕᓂᖅ ᐊᖏᔫᖕᒪᑦ, ᐊᖏᔪᒥᒡᓗ ᓂᕐᑐᕐᑕᐅᔪᒃᓴᐅᕗᖅ; ᓯᕘᕋᒋᔭᐅᔪᒃᓴᐅᕗᖅ ᐊᖏᓂᕐᓴᒥᒃ ᒎᑎᒋᔭᐅᔪᓕᒫᓂᑦ.

ᑯᕉᓂᑲ ᓯᕗᓪᓖᑦ 16:29

ᐊᑕᓂᖅ ᑐᓂᓯᕕᒋᓯᐅᒃ ᐊᑎᖓᑕ ᓂᕐᑐᕐᓇᕐᓂᖓᓂᒃ; ᑐᓂᕐᕈᑎᒃᓴᓯ ᓇᒃᓴᕐᓗᒋᑦ, ᑖᑦᓱᒧᖓ ᐂᒋᑦᓯ, ᐊᑕᓂᖅ ᑐᒃᓯᐊᕐᕕᒋᓯᐅᒃ ᐃᑦᔪᕐᓁᑦᑑᑉ ᐱᐅᓯᑎᑦᓯᓂᖓᒍᑦ!

ᑯᕉᓂᑲ ᓯᕗᓪᓖᑦ 16:31

ᕿᓔᑦ ᖁᕕᐊᓱᒡᓕᑦ, ᓄᓇᕐᔪᐊᕐᓗ ᓯᕆᓕᕐᓕ, ᐃᓅᖃᑎᒌᒡᔪᐊᓪᓗ ᐅᖃᕐᓕᑦ, “ᐊᑕᓂᖅ ᐊᐅᓚᑦᓯᕗᖅ!”

ᐃᓐᖏᕈᑎᑦ 33:9

ᐅᖃᕐᒪᑦ, ᓱᓇᑐᐃᓐᓁᑦ ᐱᔭᕇᓚᐅᕐᐳᑦ; ᐱᖁᔨᖕᒪᓪᓗ, ᐱᑕᖃᓕᓚᐅᕐᐳᑦ.

ᐃᓐᖏᕈᑎᑦ 76:8

ᐃᖅᑲᕐᑐᐃᓂᕐᒥᒃ ᓴᖅᑭᑎᑦᓯᕗᑎᑦ ᕿᓚᖕᒥᑦ; ᓄᓇᕐᔪᐊᖅ ᓯᕘᕋᒐᒥ ᑕᕝᕙ ᓄᖅᑲᓚᐅᕐᐳᖅ.

ᐃᓐᖏᕈᑎᑦ 93:1

ᐊᑕᓂᖅ ᐊᖓᔪᖅᑳᕐᔪᐊᖑᕗᖅ, ᐊᓐᓄᕌᕐᓯᒪᓪᓗᓂᓗ ᐱᓐᓇᕐᓇᕐᑐᓂᒃ ᐊᖓᔪᖅᑳᕐᔪᐊᕐᓯᐅᑎᓂᒃ; ᐊᑕᓂᖅ ᐊᓐᓄᕌᕐᓯᒪᕗᖅ, ᕿᑎᕈᓯᕐᓯᒪᓪᓗᓂᓗ ᐱᔪᓐᓇᕐᓂᕐᒥᒃ. ᑍᒤᒻᒪᑦ, ᓄᓇᕐᔪᐊᖅ ᐋᖅᑭᒃᓯᒪᕗᖅ; ᐊᐅᓚᑦᔭᒃᑕᐅᔪᓐᓇᕋᓂᓗ.

ᐃᓐᖏᕈᑎᑦ 96:9

ᐊᑕᓂᖅ ᑐᒃᓯᐊᕐᕕᒋᓯᐅᒃ ᐃᑦᔪᕐᓁᓐᓂᐅᑉ ᐱᐅᔫᓂᖓᒍᑦ; ᓄᓇᕐᔪᐊᕐᒥᐅᓕᒫᑦ ᑖᑦᓱᒥᖓ ᓯᕘᕋᔪᒃᓴᐅᕗᑦ!

ᐃᓐᖏᕈᑎᑦ 99:1

ᐊᑕᓂᖅ ᐊᖓᔪᖅᑳᕐᔪᐊᖑᕗᖅ; ᑍᒤᒻᒪᑦ ᐃᓄᐃᑦ ᓴᔪᒡᓕᑦ! ᐃᒃᓯᕙᐅᑕᕐᔪᐊᕐᒥ ᐃᒃᓯᕙᕗᖅ ᓯᕈᐲᒻ ᐊᕙᑖᓃᑎᓪᓗᒋᑦ; ᑍᒤᒻᒪᑦ ᓄᓇᕐᔪᐊᖅ ᓴᔪᒃᐱᓗᒃᐳᖅ!

ᐂᓮᐊᓯᐅᑉ ᐊᒡᓚᖏᑦ 49:8

ᐊᑕᓂᖅ ᐃᒫᒃ ᐅᖃᕐᐳᖅ: “ᓇᓪᓕᐅᑦᑐᖅ ᓈᒻᒪᓈᑦᓯᐊᓕᕐᑎᓪᓗᒍ ᑐᓴᐅᓚᐅᕐᐸᒋᑦ, ᐅᓪᓗᕐᓗ ᐱᐅᓕᔭᐅᕕᒃᓴᖅ ᓇᓪᓕᐅᑎᑎᓪᓗᒍ ᐃᑲᔪᓚᐅᕐᐸᒋᑦ; ᐱᓯᒪᓚᐅᕐᐸᒋᑦ ᓴᐳᑎᓯᒪᓪᓗᑎᓪᓗ ᐃᓄᖁᑎᓐᓄᑦ ᐊᖏᖃᑎᒌᒍᑕᐅᑎᓚᐅᕐᐸᒋᑦ, ᓄᓇᕐᔪᐊᖅ ᐃᓂᒥᓄᑦ ᐅᑎᕐᑎᑕᐅᖁᓪᓗᒍ, ᓄᓁᓪᓗ ᑭᖑᕐᖑᑎᔭᐅᔪᒃᓴᑦ ᓯᖁᑦᑎᕐᓯᒪᓕᕐᑐᑦ ᐃᓄᖏᓐᓄᑦ ᓄᓇᑖᕆᔭᐅᔪᓐᓇᕐᓯᖁᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 10:12

ᑖᑦᓱᒪ ᐱᔪᓐᓇᕐᓂᕐᔪᐊᒥᓄᑦ ᓄᓇ ᐱᓐᖑᕐᑎᓚᐅᕐᐹ, ᓯᓚᕐᔪᐊᕐᓗ ᐃᓂᑖᕐᑎᓚᐅᕐᐹ ᓯᓚᑐᓂᕐᒥᒍᑦ, ᕿᓚᒡᓗ ᓂᕈᑐᔫᑎᑉᐹ ᖃᐅᔨᒪᓂᕐᔪᐊᒥᓄᑦ.

ᑯᓘᓯᐊᒥᐅᓄᑦ 1:17

ᓱᓇᑐᐃᓐᓁᑦ ᐱᑕᖃᓚᐅᕐᑎᓐᓇᒋᑦ ᑖᓐᓇ ᐱᑕᖃᓚᐅᕐᐳᖅ, ᑖᑦᓱᒨᓇᓗ ᓱᓇᓕᒫᑦ ᑲᑎᓐᖓᑎᑕᐅᕗᑦ.

ᐄᑉᕈᐃᓄᑦ 1:3

ᑖᓐᓇ ᒎᑎᐅᑉ ᐱᓐᓇᕐᓇᕐᓂᕐᔪᐊᖓᓂᒃ ᓴᖅᑭᔮᕐᑎᑦᓯᓚᐅᕐᐳᖅ ᒎᑎᐅᓪᓗ ᖃᓄᐃᑦᑑᓂᖓᑕ ᐊᑦᔨᓪᓗᐊᖓ, ᓯᓚᕐᔪᐊᓕᒫᒥᒡᓗ ᐊᐅᓚᑦᓯᔪᖅ ᐅᖃᐅᓯᕐᒥᓄᑦ ᐱᔪᓐᓇᕐᓂᖃᕐᑐᒧᑦ. ᐊᔪᕐᓃᑦ ᓴᓗᒻᒪᕐᑕᐅᑦᔪᑎᒃᓴᖏᓐᓂᒃ ᐋᖅᑭᒃᓯᔭᕇᕋᒥ, ᕿᓚᖕᒧᑦ ᐃᖏᑦᓴᕐᑐᓚᐅᕐᑐᖅ ᐊᖓᔪᖅᑳᕐᔪᐊᑉ ᑕᓕᕐᐱᐊᓄᑦ ᖁᑦᓯᖕᓂᕐᒥ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”