ᑯᕉᓂᑲ ᓯᕗᓪᓖᑦ 16:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᐊᑕᓂᖅ ᐊᖏᔫᖕᒪᑦ, ᐊᖏᔪᒥᒡᓗ ᓂᕐᑐᕐᑕᐅᔪᒃᓴᐅᕗᖅ; ᓯᕘᕋᒋᔭᐅᔪᒃᓴᐅᕗᖅ ᐊᖏᓂᕐᓴᒥᒃ ᒎᑎᒋᔭᐅᔪᓕᒫᓂᑦ.

ᑯᕉᓂᑲ ᓯᕗᓪᓖᑦ 16:25 Iomraidhean Croise

ᑯᕉᓂᑲ ᓯᕗᓪᓖᑦ 16:24

ᑖᑦᓱᒪ ᓂᕐᑐᕐᓇᕐᓂᖓ ᐃᓅᖃᑎᒌᒡᔪᐊᓄᑦ ᐅᖃᐅᑎᒋᓯᐅᒃ, ᑲᒪᓇᕐᑐᓕᓂᖏᓪᓗ ᐃᓅᖃᑎᒌᒡᔪᐊᓕᒫᓄᑦ!

ᑯᕉᓂᑲ ᐂᑉᐸᖏᑦ 2:5

ᑐᒃᓯᐊᕐᕕᒡᔪᐊᕐᓗ ᓴᓇᔪᒫᕐᑕᕋ ᐊᖏᔪᕐᔪᐊᖑᔪᒫᕐᐳᖅ, ᒎᑎᕗᑦ ᐊᖏᓂᕐᐸᐅᖕᒪᑦ ᒎᑎᒋᔭᐅᔪᓕᒫᓂᑦ.

ᐃᓐᖏᕈᑎᑦ 145:3

ᐊᑕᓂᖅ ᐊᖏᔪᕐᔪᐊᖑᕗᖅ, ᐊᖏᔪᒥᒡᓗ ᓂᕐᑐᕐᑕᐅᔪᒃᓴᐅᕗᖅ, ᑖᑦᓱᒪᓗ ᐊᖏᓂᖓ ᑐᑭᓯᔭᐅᔪᓐᓇᓐᖏᓚᖅ.

ᐃᓐᖏᕈᑎᑦ 48:1

ᐊᑕᓂᖅ ᐊᖏᔫᕗᖅ, ᐊᖏᔪᒥᒡᓗ ᓂᕐᑐᕐᑕᐅᒋᐊᓕᒃ ᒎᑎᑦᑕ ᐃᒡᓗᒐᓴᒡᔪᐊᖁᑎᖏᓐᓂ, ᖃᖅᑲᖁᑎᖓᓂ ᐃᑦᔪᕐᓁᑦᑐᒥ.

ᐃᓐᖏᕈᑎᑦ 76:7

ᐃᕝᕕᑐᐊᖅ ᓯᕘᕋᒋᔭᐅᔪᒃᓴᐅᕗᑎᑦ; ᑭᓇ ᓇᔪᕐᑕᕐᓂ ᓇᖏᕈᓐᓇᕐᐹ ᓂᓐᖓᒃᑎᓪᓗᑎᑦ?

ᐃᓐᖏᕈᑎᑦ 76:8

ᐃᖅᑲᕐᑐᐃᓂᕐᒥᒃ ᓴᖅᑭᑎᑦᓯᕗᑎᑦ ᕿᓚᖕᒥᑦ; ᓄᓇᕐᔪᐊᖅ ᓯᕘᕋᒐᒥ ᑕᕝᕙ ᓄᖅᑲᓚᐅᕐᐳᖅ.

ᐃᓐᖏᕈᑎᑦ 89:7

ᒎᑎ ᓯᕘᕋᒋᔭᐅᕗᖅ ᐃᑦᔪᕐᓁᑎᑕᐅᓯᒪᔪᑦ ᑲᑎᒪᓂᖏᓐᓂ, ᐃᒃᐱᒋᔭᐅᑦᓯᐊᒻᒪᕆᒃᓱᓂᓗ ᐊᕙᑖᓃᑦᑐᓕᒫᓄᑦ.

ᒨᓯᓯ ᐂᑉᐸᖏᑦ 15:11

ᐊᑕᓃᖅ, ᒎᑎᒋᔭᐅᔪᓄᑦ ᓇᓪᓕᐊᓐᓄᑦ ᐊᑦᔨᐅᑎᑕᒃᓴᐅᕖᑦ? ᐃᓕᒃᑐᓪᓗ ᐃᑦᔪᕐᓁᑦᑐᕐᔪᐊᖑᑎᒋᔪᒥᒃ ᐱᑕᖃᕐᐹ? ᐃᓕᒃᑐᑦ ᐊᔪᖏᑦᑐᕐᔪᐊᖑᑎᒋᔪᒥᒃ ᑲᒪᓇᕐᑐᓕᔪᓐᓇᕐᑐᖃᕐᐹ?

ᔨᕆᒤᐊᐅᑉ ᐊᒡᓚᖏᑦ 5:22

ᐅᕙᓐᓃᒃ ᓯᕘᕋᔪᒃᓴᐅᓐᖏᓚᓰ? ᐊᑕᓂᖅ ᐅᖃᕐᐳᖅ, ᓴᔪᒃᑐᒃᓴᐅᓐᖏᓚᓰ ᓵᓐᓂ? ᓯᐅᕋᖅ ᑭᒡᓕᒋᔭᐅᑎᓐᓇᒃᑯ ᑕᕆᐅᕐᒧᑦ: ᑕᕆᐅᖅ ᖄᖏᓚᐅᕐᓯᒪᓂᐊᕈᓐᓃᕐᑎᓪᓗᒍ ᐃᓱᖃᖏᑦᑐᒧᑦ, ᒪᓪᓕᕐᑕᐅᖃᑦᑕᕐᓂᐊᕋᓗᐊᕐᐳᖅ ᑭᓯᐊᓂᓕ ᓄᖅᑲᕐᑕᕐᕕᒌᓐᓇᐅᔭᕐᓂᐊᕐᐹ ᒪᓕᐊᓗᐃᑦ ᓯᒡᔭᒧᑦ ᒥᕿᑦᑕᕐᐸᖕᓂᐊᕋᓗᐊᕐᐳᑦ ᑭᓯᐊᓂᓕ ᐅᖓᑖᓄᐊᕈᓐᓇᕐᓂᐊᓐᖏᓚᑦ ᐃᒪᐅᑉ ᑎᑭᑦᑕᕆᐊᖃᓐᖏᑕᖓᓄᑦ.

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.