14 ᑖᓐᓇ ᐊᑕᓂᐅᕗᖅ ᒎᑎᕗᑦ; ᑖᑦᓱᒪ ᐋᖅᑭᒃᓱᐃᓂᖓ ᓄᓇᕐᔪᐊᓕᒫᒦᑉᐳᖅ.
“ᐊᖏᖃᑎᒌᒍᑎᒋᔭᕋᓗ ᐅᕙᓐᓂᑦ ᐃᓕᖕᓄᑦ ᑭᖑᕚᒃᓴᕐᓄᓪᓗᑦᑕᐅᖅ ᑭᖑᓂᕐᓂ ᑭᖑᕚᕇᖑᔪᒫᕐᑐᓄᓪᓗ ᐃᓱᖃᖏᑦᑐᒧᑦ ᑐᕌᖓᓂᐊᕐᐳᖅ, ᐃᓕᖕᓄᑦ ᒎᑎᒋᔭᐅᓂᐊᕐᐳᖓ ᑭᖑᕚᒃᓴᕐᓄᓪᓗ ᒎᑎᒋᔭᐅᔪᒫᕆᕗᖓ.
ᑲᒪᓇᕐᑐᓕᓃᑦ ᐱᓂᐊᕐᓂᕆᓚᐅᕐᑕᖏᑦ ᐃᖅᑲᐅᒪᓯᒋᒃ, ᓇᓗᓁᒃᑯᑍᑦ ᓴᖅᑭᑎᓚᐅᕐᑕᖏᑦ, ᐋᖅᑭᒃᓱᐃᓂᖏᓪᓗ ᐅᖃᐅᓯᒃᑯᑦ,
ᐱᔨᖓᓄᑦ ᐂᑉᕋᕼᐋᒧᑦ ᑭᖑᕚᖑᔪᓯ, ᔧᑰᑉ ᑭᖑᕚᖏᑦ, ᑖᑦᓱᒧᖓ ᓂᕈᐊᕐᑕᐅᓯᒪᔪᑦ!
ᑖᑦᓱᒪ ᐊᖏᖃᑎᒌᒍᑎᒋᓯᒪᔭᓂ ᐃᖅᑲᐅᒪᕚ ᐃᓱᖃᖏᑦᑐᒧᑦ, ᐅᖃᐅᓰᑦ ᐱᖁᔨᓂᕆᓚᐅᕐᑕᖏᑦ ᑭᖑᕚᕆᓄᑦ ᐃᓱᖃᖏᑦᑐᒧᑦ,
ᖃᐅᔨᒪᓗᓯ ᐊᑕᓂᖅ ᒎᑎᐅᖕᒪᑦ! ᑖᑦᓱᒪ ᓴᓇᓚᐅᕐᒪᑎᒍᑦ ᐱᖁᑎᒋᕚᑎᒍᑦ; ᐃᓄᖁᑎᒋᕚᑎᒍᑦ, ᑲᒪᒋᕚᑎᒍᓪᓗ ᓰᐱᖁᑎᒥᑐᑦ.
ᐃᕝᕕᑦ ᒎᑎᒋᕙᒋᑦ, ᖁᔭᒋᓂᐊᕐᐸᒋᓪᓗ; ᐃᕝᕕᑦ ᒎᑎᒋᕙᒋᑦ, ᐊᖏᔪᕈᕐᑎᓐᓂᐊᕐᐸᒋᓪᓗ.
ᒎᑏ, ᒎᑎᒋᕙᒋᑦ, ᐅᓪᓛᒻᒪᕆᒃᑯᑦ ᕿᓂᕈᒪᕙᒋᑦ, ᑕᕐᓂᕋ ᖀᓕᕐᐳᖅ ᐃᓕᖕᓄᑦ; ᐅᕕᓂᖕᒪ ᐅᖓᕚᑎᑦ, ᓄᓇᑐᑦ ᐸᓂᕐᑐᑐᑦ ᐃᒥᕈᒃᑐᑐᓪᓗ ᐃᒪᖃᖏᑦᑐᒥ.
ᑖᓐᓇ ᒎᑎᒋᒐᑦᑎᒍ, ᑖᑦᓱᒪᓗ ᐰᕆᓪᓗᑕ ᐃᓄᖁᑎᒋᕚᑎᒍᑦ, ᐊᒡᒐᖏᑕᓗ ᓰᐱᖁᑎᒋᕚᑎᒍᑦ. ᐅᓪᓗᒥ ᓂᐱᖓ ᑐᓴᕐᓂᐊᕈᑦᓯᐅᒃ!
ᐊᑕᓂᖅ ᐱᔪᓐᓇᐅᑎᒋᕙᕋ ᐃᓐᖏᕈᑎᒋᓪᓗᒍᓗ, ᐱᐅᓕᔨᒋᓕᕐᓗᒍᓗ; ᑖᓐᓇ ᒎᑎᒋᕙᕋ, ᓂᕐᑐᕐᓂᐊᕐᐸᕋᓗ, ᐊᑖᑕᒪ ᒎᑎᖓ, ᑖᓐᓇ ᐊᖏᔪᕈᕐᑎᓐᓂᐊᕐᐸᕋ.
ᑕᕐᓂᕋ ᐅᖓᕗᖅ ᐃᓕᖕᓄᑦ ᐅᓐᓄᐊᒃᑯᑦ, ᐊᓂᕐᓂᕐᒪ ᐃᓗᓐᓃᑦᑑᑉ ᐃᓗᖏᕐᑐᕐᓗᓂ ᕿᓂᕐᐹᑎᑦ; ᓄᓇᕐᔪᐊᕐᒥᐅᑦ ᐃᓄᖏᑦ ᐃᖅᑲᕐᑐᓕᕌᖓᕕᒋᑦ, ᑕᕝᕙ ᐃᓕᓐᓂᐊᓕᕐᐸᒃᐳᑦ ᐃᓱᐊᕐᑐᓕᓂᕐᒥᒃ.
