ᑯᕉᓂᑲ ᓯᕗᓪᓖᑦ 15:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᑍᕕᑎᐅᑉ ᑎᑭᐅᑦᔭᐅᓕᕐᑎᓪᓗᒍ, ᒤᑲᐅᓪ ᓴᐅᓕᐅᑉ ᐸᓂᖓ ᐃᒐᓛᒃᑯᑦ ᐃᑦᑐᐊᕋᒥ, ᐊᖓᔪᖅᑳᕐᔪᐊᖅ ᑍᕕᑎ ᑕᑯᕚ ᑖᓂᓯᕐᑎᓪᓗᒍ ᖁᕕᐊᓱᖕᓂᕐᒧᓪᓗ ᕿᒡᒋᖃᕐᑕᕐᑎᓪᓗᒍ; ᑖᑦᓱᒪ ᐆᒻᒪᑎᒥᒍᑦ ᓇᕐᕈᒋᓕᕐᐹ.

ᑯᕉᓂᑲ ᓯᕗᓪᓖᑦ 15:29 Iomraidhean Croise

ᓴᒧᐃᓕ ᐂᑉᐸᖏᑦ 6:16

ᐃᒃᓯᕐᕕᒃ ᐃᒡᓗᒐᓴᖕᓄᐊᕐᑕᐅᓕᕐᑎᓪᓗᒍ, ᒤᑲᐅᓪ ᓴᐅᓕᐅᑉ ᐸᓂᖓ ᑕᑯᓴᕋᒥ ᐃᒐᓛᒃᑯᑦ, ᑕᑯᕗᖅ ᐊᖓᔪᖅᑳᕐᔪᐊᕐᒥᒃ ᑍᕕᑎᒥᒃ ᑖᓂᓯᕐᑐᒥᒃ ᕿᒡᒋᕐᑕᕐᑐᒥᒡᓗ ᐊᑕᓂᐅᑉ ᓵᖓᓂ; ᐆᒻᒪᑎᒥᒍᓪᓗ ᖁᕕᐊᒋᔪᓐᓃᓚᐅᕐᐹ.

ᑯᕉᓂᑲ ᓯᕗᓪᓖᑦ 15:28

ᑕᕝᕙ ᐃᓴᕆᐊᓕᒥᐅᓕᒫᑦ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᔨᕉᓴᓕᒧᐊᕈᑎᓕᓚᐅᕐᐹᑦ ᖁᕕᐊᓱᖕᓂᕐᒧ ᕾᒐᓛᕐᓗᑎᒃ, ᑎᑦᑐᓛᕐᓗᑎᒃ, ᓱᐴᒐᕐᓗᑎᒃ, ᓯᕙᓂᕋᐅᑎᓂᒡᓗ ᓂᓪᓕᐊᑎᑦᓯᓪᓗᑎᒃ, ᓄᖃᕐᑎᓕᖕᓄᑦ ᕼᐊᕐᐱᓄᓪᓗ ᓂᑦᔭᐅᓯᔭᕐᓗᑎᒃ ᓂᐱᖅᑯᕐᑐᓪᓗᑎᒃ.

ᑯᕉᓂᑲ ᓯᕗᓪᓖᑦ 17:1

ᑕᒪᑐᒪ ᑭᖑᕐᖓᒍᑦ ᑍᕕᑎ ᐃᒡᓗᖃᓕᕐᓗᓂ ᐊᖓᔪᖅᑳᕐᔪᐊᑉ ᐃᒡᓗᖓᓂ, ᑍᕕᑎ ᐅᖃᕐᐳᖅ ᓁᑕᓂᒧᑦ ᐊᑕᓂᐅᑉ ᐅᖃᕐᑎᖓᓄᑦ, “ᑕᑯᒋᑦ, ᐃᒡᓗᒦᑉᐳᖓ ᓰᑕᕆᓂᒃ ᕿᔪᑦᓯᐊᕚᓗᖕᓂᑦ ᓴᓇᓯᒪᔪᒥ, ᒎᑎᐅᓪᓕ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᑐᐱᕐᒦᑐᐃᓐᓇᕐᑎᓪᓗᒍ!”

ᐃᓐᖏᕈᑎᑦ 149:3

ᐊᑎᖓ ᓂᕐᑐᕋᒃᓴᕆᕚᑦ ᑖᓂᓯᕐᓗᑎᒃ, ᓂᓪᓕᐊᔫᕐᕕᒋᓗᒍ ᕿᓚᐅᑎᐅᔭᓄᑦ ᑯᑭᑦᑕᐸᐅᑎᐅᔭᓄᓪᓗ.

ᐃᓐᖏᕈᑎᑦ 150:4

ᓂᕐᑐᕐᓯᐅᒃ ᕿᓚᐅᑎᐅᔭᓄᑦ ᑖᓂᓯᕐᓂᕐᒧᓪᓗ; ᓂᕐᑐᕐᓯᐅᒃ ᓄᖃᕐᑎᓕᖕᓄᑦ ᓱᓪᓗᓕᖕᓄᓪᓗ ᑎᑦᑐᓚᐅᑎᓄᑦ!

ᐃᓐᖏᕈᑎᑦ 30:11

ᕿᒃᓵᖕᓂᕋ ᒧᒥᒃᐸᑦ ᑖᓂᓯᕐᓂᕐᒧᑦ; ᐊᓐᓄᕌᒃᑲ ᖃᕿᐊᓕᕐᑐᕐᓯᐅᑎᑦ ᐲᕐᐸᑎᑦ, ᐊᓐᓄᕌᕐᑎᓪᓗᖓᓗ ᖁᕕᐊᓱᖕᓂᕐᒥᒃ,

ᒨᓯᓯ ᐂᑉᐸᖏᑦ 15:20

ᑕᕝᕙ ᒥᕆᐊᒻ, ᐊᕐᓇᖅ ᒎᑎᒧᑦ ᐅᖃᕐᑎᐅᔪᖅ, ᐂᕉᓂᐅᑉ ᓇᔭᖓ, ᐊᕕᓗᕋᐅᑎᒥᒃ ᑎᒍᓯᓪᓗᓂ; ᐊᕐᓇᓕᒫᓄᑦ ᒪᓕᒃᑕᐅᓪᓗᓂ ᐊᕕᓗᕋᐅᑎᖃᕐᓗᑎᒃ ᑖᓂᓯᓕᕐᐳᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:4

ᓇᓪᓕᐅᓐᓂᖃᕐᐳᖅ ᕿᐊᓂᕐᒥᒃ, ᓇᓪᓕᐅᓐᓂᖃᕆᕗᖅ ᐃᒡᓚᕐᓂᕐᒥᒃ; ᓇᓪᓕᐅᓐᓂᖃᕐᐳᖅ ᐅᒡᒍᐊᕐᓂᕐᒥᒃ, ᓇᓪᓕᐅᓐᓂᖃᕆᕗᖅ ᑖᓂᓯᕐᓂᕐᒥᒃ;

ᔨᕆᒤᐊᐅᑉ ᐊᒡᓚᖏᑦ 3:16

ᐅᓪᓗᓂ ᑍᒃᑯᓇᓂ ᐅᓄᕐᓯᕙᓪᓕᐊᓕᕈᑦᓯ ᓄᓇᒋᔭᑦᓯᓐᓂ, ᐊᑕᓂᖅ ᐅᖃᕐᐳᖅ, ᐅᖃᕐᑐᖃᕈᓐᓁᓕᔪᒫᕐᐳᖅ, ‘ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓ.’ ᐃᓱᒪᒋᔪᒫᓐᖏᓛᑦ, ᐃᖅᑲᐅᒪᓇᒍᓗ, ᑭᖑᓂᖃᓈᕐᓇᒍᓗ, ᐊᑦᔨᐊᓂᒡᓗ ᓴᓇᔪᖃᕐᓂᐊᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 30:19

ᑖᒃᑯᓇᓐᖓᑦ ᓂᕐᑐᐃᔪᓂᒃ ᐃᓐᖏᕐᑐᖃᕈᒫᕐᐳᖅ; ᖁᕕᐊᓱᒡᕙᓗᒃᑐᓪᓗ ᓂᐱᖃᓕᕈᒫᕆᕗᑦ, ᐅᓄᕐᓯᕙᓪᓕᐊᔪᒫᕐᐳᑦ ᓄᖑᑉᐸᓪᓕᐊᖏᓪᓗᑎᒃ ᐅᐱᒋᔭᐅᑎᑦᓱᒫᕐᐸᒃᑲ ᐊᖏᔪᕈᕐᑎᓪᓗᒋᓪᓗ.

ᔨᕆᒤᐊᐅᑉ ᐊᒡᓚᖏᑦ 33:11

ᓂᐲᑦ ᖁᕕᐊᓱᒡᕙᓗᒃᑐᑦ, ᓯᕆᔪᓪᓗ, ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᓂᐱᖏᑦ ᐃᓐᖏᕐᕙᓗᒃᑐᑦ, ᖁᔭᓕᑦᔪᑎᒥᖕᓂᒃ ᐊᑕᓂᕐᒧᑦ ᑐᓂᕐᕈᓯᕆᐊᕐᑐᕐᑐᑦ ᐊᑕᓂᐅᑉ ᐃᒡᓗᖓᓄᑦ ᐅᖃᕐᓗᑎᒡᓗ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᖁᔭᓕᕕᒋᓯᐅᒃ, ᐊᑕᓂᖅ ᐱᐅᔫᖕᒪᑦ, ᓇᒡᓕᒍᓱᖕᓂᖓᓗ ᐃᓱᖃᖏᑦᑑᓪᓗᓂ.’ ᓄᓇᓯ ᐊᔪᕐᓴᕈᓐᓃᕐᑎᑦᓱᒫᕋᒃᑯ ᐃᓕᖅᑯᓯᕆᓚᐅᕐᑕᖓᓄᑦ ᐅᑎᕐᑎᓪᓗᒍ, ᐊᑕᓂᖅ ᐅᖃᕐᐳᖅ.

ᒨᓯᓯ ᓯᑕᒪᖏᑦ 10:33

ᑕᕝᕙ ᐊᑕᓂᐅᑉ ᖃᖅᑲᖁᑎᖓᓂᑦ ᐊᐅᓪᓚᕐᐳᑦ ᐃᖏᕐᕋᓪᓗᑎᒃ ᐅᓪᓗᓂᒃ ᐱᖓᓱᓂᒃ; ᐊᑕᓂᐅᓪᓗ ᐊᖏᖃᑎᒌᒍᑎᖓᑕ ᐃᒃᓯᕐᕕᖁᑎᖓ ᓯᕗᓪᓕᐅᑎᑕᐅᓚᐅᕐᐳᖅ ᐃᖏᕐᕋᓪᓗᑎᒃ ᐅᓪᓗᓂᒃ ᐱᖓᓱᓂᒃ, ᑕᖕᒫᕐᕕᒋᓂᐊᕐᑕᒥᖕᓂᒃ ᕿᓂᕐᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 2:13

ᐃᓚᖏᑦ ᒥᑕᐅᑎᖃᕐᓗᑎᒃ ᐅᖃᕐᐳᑦ, “ᐅᑯᐊ ᐋᖓᔮᕐᑐᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:14

ᓇᓪᓕᐊᑦ ᒎᑎᐅᑉ ᐊᓂᕐᓂᖓᓂᒃ ᐱᖃᖏᑦᑐᖅ ᒎᑎᐅᑉ ᐊᓂᕐᓂᖓᑕ ᑐᓂᕐᕈᑎᖏᓐᓂᒃ ᐱᔪᓐᓇᓐᖏᓚᖅ, ᑍᒤᑦᑐᓄᑦ ᑕᒪᒃᑯᐊ ᑐᑭᖃᓐᖏᓚᑦ, ᑐᑭᓯᔪᓐᓇᕐᓇᒋᓪᓗ ᐊᓂᕐᓂᒃᑯᑦ ᑭᓯᐊᓂ ᑐᑭᓯᓇᕐᓯᑎᑕᐅᔪᓐᓇᕐᒪᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:13

ᐃᓱᒤᕈᑎᔫᔮᕈᑦᑕ, ᒎᑎ ᐱᑦᔪᑎᒋᓪᓗᒍ ᑍᒤᑉᐳᒍᑦ; ᐃᓱᒪᖃᑦᓯᐊᕈᑦᑕ, ᐃᓕᑦᓯ ᐱᓪᓗᓯ ᑍᒤᑉᐳᒍᑦ.

ᒨᓯᓯ ᑕᓪᓕᒪᖏᑦ 31:26

“ᐅᑯᐊ ᐱᖁᔧᑦ ᐊᒡᓚᒃᓯᒪᔪᑦ, ᑎᒍᓗᒋᑦ ᐃᓕᔭᒃᓴᕆᕙᓯ ᐊᑕᓂᐅᑉ ᒎᑎᑦᓯ ᐊᖏᖃᑎᒌᒍᑎᖏᑕ ᐃᒃᓯᕐᕕᖓᑕ ᓴᓂᐊᓄᑦ, ᓇᓗᓁᒃᑯᑕᐅᖁᓪᓗᒋᑦ ᐃᓕᑦᓯᓐᓄᑦ.

ᐄᑉᕈᐃᓄᑦ 9:4

ᑕᕝᕙᓂ ᒎᓗᒥᒃ ᑐᓂᕐᕈᓯᕐᕕᒃᑕᖃᕐᐳᖅ ᐃᓯᕐᓗᐊᕐᓂᑎᑦᓯᕕᖕᒥᒃ ᑎᐱᑦᓯᐊᕆᒃᓴᐅᒥᒃ; ᐊᖏᖃᑎᒌᒍᑏᓪᓗ ᐃᓂᖓ ᐃᒃᖠᕐᕕᒃ ᓯᓚᑎᓕᕐᓯᒪᔪᖅ ᒎᓗᒥᒃ. ᐃᓗᐊᓂ ᒎᓗᒥᒃ ᐃᒥᖃᐅᑎᑕᖃᕐᐳᖅ ᒫᓇᒥᒃ ᐃᓗᓕᓕᖕᒥᒃ, ᐂᕉᓂᐅᓪᓗ ᐊᔭᐅᑉᐱᐊᖓ ᐱᕈᕐᕕᐅᓯᒪᔪᖅ ᐅᖃᐅᔭᕐᓂᒃ, ᐅᔭᕌᒡᓗ ᓵᑦᑐᔮᖅ ᐊᖏᖃᑎᒌᒍᑎᖕᓂᒃ ᑎᑎᕋᕐᕕᒋᓯᒪᔫᒃ ᐃᓗᐊᓃᒃᑭᕗᑦ.

ᔮᓱᐊᑉ ᐊᒡᓚᖏᑦ 4:7

ᑭᐅᔪᒫᕋᑦᓯᐅᒃ ᔪᐊᕐᑕᓂᐅᑉ ᑰᖓ ᑰᒍᓐᓃᓚᐅᕐᓯᒪᓂᖓᓂᒃ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᐃᑳᕈᑦᔭᐅᓕᕐᑎᓪᓗᒍ ᑰᖕᒥᒃ ᔪᐊᕐᑕᓂᒥᒃ, ᔪᐊᕐᑕᓂᐅᑉ ᑰᖓ ᓄᖅᑲᖓᑎᑕᐅᓚᐅᕐᒪᑦ. ᑖᒃᑯᐊ ᐅᔭᕅᑦ ᐃᓴᕆᐊᓕᒥᐅᓄᑦ ᖃᓄᖅ ᐱᔪᖃᓚᐅᕐᓯᒪᖕᒪᖔᑦ ᐃᖅᑲᐅᒪᑦᔪᑎᒃᓴᐅᓂᐊᕐᐳᑦ ᐃᓱᖃᖏᑦᑐᒧᑦ.”

ᐃᓗᐊᕐᓮᔩᑦ ᐊᒡᓚᖏᑦ 20:27

ᐃᓄᒋᐊᒃᑐᕐᔪᐊᑦ ᐊᐱᕆᓚᐅᕐᐳᑦ ᐊᑕᓂᕐᒥᒃ, (ᑍᑦᓱᒪᓂ ᐃᒃᓯᕐᕕᒃ ᐊᖏᖃᑎᒌᒍᑎᑕᓕᒃ ᒎᑎᐅᑉ ᐱᖓ ᑕᕝᕙᓃᓚᐅᕐᒪᑦ ᐅᓪᓗᓂ ᑍᒃᑯᓇᓂ.

ᓴᒧᐃᓕ ᓯᕗᓪᓖᑦ 25:44

ᓴᐅᓕᐅᓪᓕ ᐸᓂᓂ ᒤᑲᓪ, ᑍᕕᑎᐅᑉ ᓄᓕᐊᕆᓚᐅᕐᑕᖓ, ᐂᑦᑑᑎᒋᓚᐅᕐᐹ ᐱᐅᓪᑍᒧᑦ ᓔᓯᐅᑉ ᐃᕐᓂᖓᓄᑦ, ᒐᓕᒻᒥᐅᑕᕐᒧᑦ.

ᓴᒧᐃᓕ ᓯᕗᓪᓖᑦ 4:3

ᐅᓇᑕᕐᑏᓪᓗ ᐅᑎᕐᒪᑕ ᑕᖕᒫᕐᕕᒋᓯᒪᔭᒥᖕᓄᑦ, ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᐅᖃᕐᐳᑦ, “ᓱᖕᒪᑦ ᐊᑕᓂᐅᑉ ᐅᓪᓗᒥ ᐱᓕᔅᑍᓂᒥᐅᑦ ᓵᓚᖃᕐᑎᑉᐰᑦ ᐅᕙᑦᑎᓐᓂᒃ? ᐊᑕᓂᐅᑉ ᐊᖏᖃᑎᒌᒍᑎᖓᑕ ᐃᒃᓯᕐᕕᖓ ᐂᓚᐅᕐᓚᕗᑦ ᓮᓗᐊᒥᑦ, ᐃᓚᒋᓂᐊᕐᒪᑎᒍᑦ ᐱᐅᓕᓗᑕᓗ ᐊᑭᕋᑦᑕ ᐱᔪᓐᓇᕐᓂᖏᓐᓂᑦ.”