ᑯᕉᓂᑲ ᓯᕗᓪᓖᑦ 15:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐅᖃᐅᑎᓪᓗᒋᓪᓗ, “ᐃᓕᑦᓯ ᐊᖓᔪᖅᑳᖑᒐᑦᓯ ᐊᑖᑕᑦᓯ ᐃᓚᒋᔭᖏᓐᓂ ᓕᕔᑎᓂ; ᐃᑦᔪᕐᓁᓕᑎᕆᑦᓯ, ᐃᓚᒋᔭᓯᓗ, ᐂᒃᓯᕈᓐᓇᖁᓪᓗᓯ ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑕ ᐃᒃᓯᕐᕕᖁᑎᖓᓂᒃ, ᐃᓕᔭᐅᖁᓪᓗᒍ ᐃᓂᒃᓴᖓᓄᑦ ᐊᑐᐃᓐᓇᕈᓚᐅᕐᑕᓐᓄᑦ.

ᑯᕉᓂᑲ ᓯᕗᓪᓖᑦ 15:12 Iomraidhean Croise

ᑯᕉᓂᑲ ᓯᕗᓪᓖᑦ 15:1

ᑍᕕᑎ ᐃᒡᓗᓕᐅᓚᐅᕐᐳᖅ ᐃᒡᓗᒃᓴᒥᓂᒃ ᑍᕕᑎᐅᑉ ᐃᒡᓗᒐᓴᖏᓐᓂ; ᐃᓂᒃᓴᓕᐅᕐᐳᕐᓗ ᒎᑎᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓᓄᑦ, ᑐᐱᕐᒥᒡᓗ ᓇᑉᐰᕗᖅ ᑖᑦᓱᒪ ᐃᓂᒃᓴᖓᓂᒃ.

ᑯᕉᓂᑲ ᓯᕗᓪᓖᑦ 15:14

ᑕᕝᕙ ᑐᓂᕐᕈᓯᕐᑎᑦᓯᔩᑦ ᓕᕔᑏᓪᓗ ᐃᒻᒥᖕᓂᒃ ᐃᑦᔪᕐᓁᓕᑎᕐᐳᑦ ᐊᑕᓂᐅᑉ ᐃᓴᕆᐊᓕᒥᐅᑉ ᒎᑎᖓᑕ ᐃᒃᓯᕐᕕᖁᑎᖓᓂᒃ ᐂᒃᓯᕈᓇᖁᓪᓗᒋᑦ.

ᑯᕉᓂᑲ ᓯᕗᓪᓖᑦ 15:3

ᑍᕕᑎᐅᓪᓗ ᐃᓴᕆᐊᓕᒥᐅᓕᒫᑦ ᑲᑎᑎᑦᐰᑦ ᔨᕉᓴᓕᒧᑦ, ᐊᑕᓂᐅᑉ ᐃᒃᓯᕐᕕᖁᑎᖓ ᑎᑭᐅᑦᔭᐅᖁᓪᓗᒍ ᐃᓕᔭᐅᖁᓪᓗᒍᓗ ᐃᓂᖓᓄᑦ, ᐃᓂᒃᓴᓕᐊᕆᓚᐅᕐᑕᒥᓄᑦ.

ᑯᕉᓂᑲ ᓯᕗᓪᓖᑦ 16:1

ᒎᑎᐅᓪᓗ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖁᑎᖓ ᐃᑎᕐᑎᓐᓇᒥᑦᔪᒃ, ᑐᐱᕐᒧᐊᕈᑎᕚᑦ ᑍᕕᑎᐅᑉ ᓇᑉᐸᓚᐅᕐᑕᖓᓄᑦ, ᑐᓂᕐᕈᓯᕐᓗᑎᒡᓗ ᑐᓂᕐᕈᑎᓂᒃ ᐆᑕᒃᓴᓂᒃ ᑐᓂᕐᕈᑎᓂᒡᓗ ᖁᔭᓕᑦᔪᑎᒃᓴᓂᒃ ᒎᑎᐅᑉ ᓵᖓᓂ.

ᑯᕉᓂᑲ ᓯᕗᓪᓖᑦ 24:31

ᑖᒃᑯᐊᓗ ᓇᓚᐅᑦᑖᕈᑎᒧᑦ ᐱᓇᓱᐊᕐᑕᐅᒋᕗᑦ ᐂᕉᓂᐅᑉ ᐃᕐᓂᖏᑎᑐᑦ, ᐊᖓᔪᖅᑳᕐᔪᐊᕐᒧᑦ ᑍᕕᑎᒧᑦ, ᔭᑑᒃᒧᑦ, ᐊᕼᐃᒥᓕᒃᒧᓪᓗ, ᐊᖓᔪᖅᑳᖑᓂᐊᕐᑐᑦ ᐊᑖᑕᖏᑕ ᐃᓚᖏᓐᓂ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ.

ᑯᕉᓂᑲ ᓯᕗᓪᓖᑦ 9:34

ᑖᒃᑯᐊ ᐊᑖᑕᖏᑕ ᐃᓚᖏᓐᓂ ᐊᖓᔪᖅᑳᑦ ᓕᕔᑎᓂ ᐊᖓᔪᖅᑲᐅᕗᑦ, ᑭᖑᕚᕇᑦ ᑭᖑᓕᕇᖕᓂᖏᑦ ᒪᓕᓪᓗᒋᑦ, ᓄᓇᖃᕐᓗᑎᒃ ᔨᕉᓴᓕᒥ.

ᑯᕉᓂᑲ ᐂᑉᐸᖏᑦ 1:2

ᓲᓗᒨᓂ ᐃᓴᕆᐊᓕᒥᐅᓕᒫᓄᑦ ᐅᖃᓪᓚᓚᐅᕐᐳᖅ ᐊᖓᔪᖅᑳᐅᑎᓄᑦ 1,000ᓄᑦ 100ᓄᓪᓗ, ᐃᓱᐊᕐᓮᔨᓄᑦ, ᓯᕗᓕᕐᑎᓕᒫᓄᓪᓗ ᐃᓴᕆᐊᓕᒦᑦᑐᓄᑦ, ᐊᖓᔪᖅᑳᖑᔪᓄᓪᓗ ᐃᓚᒌᓄᑦ.

ᑯᕉᓂᑲ ᐂᑉᐸᖏᑦ 1:4

(ᑍᕕᑎᐅᑉ ᑕᒪᐅᓐᖓᓚᐅᕐᒪᒍ ᒎᑎᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓ ᑭᕆᐊᑦ-ᔨᕆᒻᒥᑦ ᐃᓂᒃᓴᓕᐅᕐᓗᒍ ᑐᐱᓕᐅᓚᐅᕐᒪᑦ ᑖᑦᓱᒪ ᐃᓂᒃᓴᖓᓂᒃ ᔨᕉᓴᓕᒥ.)

ᑯᕉᓂᑲ ᐂᑉᐸᖏᑦ 30:15

ᓰᐱᐅᓪᓗ ᓄᕐᕋᖏᓐᓂᒃ ᑐᖁᕅᕗᑦ ᖄᖏᕐᑕᐅᕕᒃᓯᐅᕈᑎᓂᒃ ᐅᓪᓘᑉ 14ᖓᓂ ᑕᖅᑭᐅᑉ ᐂᑉᐸᖓᓂ. ᑐᓂᕐᕈᓯᕐᑎᑦᓯᔩᑦ ᓕᕔᑏᓪᓗ ᐃᑦᔪᕐᓁᑎᓯᒪᖏᓐᓇᒥᒃ ᑲᓐᖑᓱᓕᕐᐳᑦ, ᑕᕝᕙ ᐃᒻᒥᖕᓂᒃ ᐃᑦᔪᕐᓁᓕᑎᓕᕐᐳᑦ, ᑐᓂᕐᕈᓯᕐᐳᓪᓗ ᐃᑯᐊᓚᑎᑕᒃᓴᓂᒃ ᐊᑕᓂᐅᑉ ᐃᒡᓗᖓᓂ.

ᑯᕉᓂᑲ ᐂᑉᐸᖏᑦ 35:6

ᖄᖏᕐᑕᐅᕕᒃᓯᐅᕈᑎᒃᓴᒥᒃ ᓄᕐᕋᐅᔭᒥᒃ ᑐᖁᑦᓯᓗᓯ, ᐃᓕᑦᓯᓐᓂᒃ ᐃᑦᔪᕐᓁᓕᑎᕆᑦᓯ, ᐊᑐᐃᓐᓇᕈᕐᑎᓪᓗᒋᓪᓗ ᖃᑕᓐᖑᑎᑦᓯᓐᓄᑦ, ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ ᒨᓯᓯᒃᑯᑦ ᑐᓂᓚᐅᕐᑕᖏᑦ.”

ᑯᕉᓂᑲ ᐂᑉᐸᖏᑦ 5:11

ᑐᓂᕐᕈᓯᕐᑎᑦᓯᔩᓪᓕ ᐃᑦᔪᕐᓁᓐᓂᕐᐹᒥᑦ ᐊᓂᖕᒪᑕ (ᑐᓂᕐᕈᓯᕐᑎᑦᓯᔨᓕᒫᑦ ᐃᒻᒥᖕᓂᒃ ᐃᑦᔪᕐᓁᑎᓯᒪᓚᐅᕐᐳᑦ, ᐊᕕᒃᑐᕐᓯᒪᓂᑎᒃ ᐃᓱᒪᒋᓇᒋᑦ;

ᑯᕉᓂᑲ ᐂᑉᐸᖏᑦ 5:2

ᑕᕝᕙ ᓲᓗᒨᓂᐅᑉ ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᐃᓚᒌᓂᓗ ᐊᕕᒃᑐᕐᓯᒪᔪᓂ ᐊᖓᔪᖅᑳᑦ, ᐃᓴᕆᐊᓕᒥᐅᓪᓗ ᐃᓄᖏᑕ ᐊᖓᔪᖅᑳᖏᑦ ᑲᑎᖁᕔᑦ ᔨᕉᓴᓕᒧᑦ, ᑐᒃᓯᐊᕐᕕᒡᔪᐊᕐᒧᐊᕈᑦᔨᓯᖁᓪᓗᒋᑦ ᐊᑕᓂᐅᑉ ᐊᖏᖃᑎᒌᒍᑎᖓᑕ ᐃᒃᓯᕐᕕᖓᓂᒃ, ᑍᕕᑎᐅᑉ ᐃᒡᓗᒐᓴᖏᓐᓂᑦ ᓮᐅᓂᒦᑦᑐᒥᑦ.

ᓂᕼᐃᒤᐊᐅᑉ ᐊᒡᓚᖏᑦ 13:22

ᑕᕝᕙ ᓕᕔᑏᑦ ᐱᖁᓚᐅᕐᐸᒃᑲ ᐃᒻᒥᖕᓂᒃ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᖅᑳᕐᓗᑎᒃ, ᐃᑎᕐᑕᕐᕖᑦ ᖃᐅᔨᓴᕐᑕᐅᖃᑦᑕᖁᓪᓗᒋᑦ, ᐅᓪᓗᖅ ᓴᐸᑎ ᐃᑦᔪᕐᓁᑎᑕᐅᖁᓪᓗᒍ. ᒎᑎᒐ ᐃᖅᑲᐅᒪᓐᖓ, ᑕᒪᓐᓇ ᐱᑦᔪᑎᒋᓗᒍᑦᑕᐅᖅ, ᓴᐳᑎᓗᖓᓗ ᓇᒡᓕᒍᓱᒃᑐᕐᔪᐊᖑᓃᑦ ᐱᑦᔪᑎᒋᓗᒍ.

ᐂᓮᐊᓯᐅᑉ ᐊᒡᓚᖏᑦ 52:11

ᐊᐅᓪᓚᕆᑦᓯ! ᐊᐅᓪᓚᕆᑦᓯ! ᓴᓗᒤᑦᑐᓂᒃ ᐊᒃᑐᕐᓯᑦᑍᓕᒋᑦᓯ; ᑕᕝᕙᓐᖓᑦ ᐊᓂᒍᑦᓯ ᓴᓗᒻᒪᕐᓴᑦᓯᐊᕆᑦᓯ, ᐊᑕᓂᐅᑉ ᐱᖁᑎᖏᓐᓂᒃ ᐊᒡᔭᕐᓯᔨᐅᔪᓯ.

ᐃᓯᑭᐊᓕᐅᑉ ᐊᒡᓚᖏᑦ 48:11

ᑖᓐᓇ ᓄᓇ ᐃᑦᔪᕐᓁᑎᑕᐅᓯᒪᔪᖅ ᑐᓂᕐᕈᓯᕐᑎᑦᓯᔨᓄᑦ ᑐᕌᖓᔪᒃᓴᐅᕗᖅ ᔭᑑᑭᐅᑉ ᑭᖑᕚᖏᓐᓄᑦ, ᑖᒃᑯᐊ ᓱᕐᕋᔪᐃᑦᑑᓪᓗᑎᒃ ᐅᕙᓐᓂᒃ ᐱᔨᑦᓯᓚᐅᕐᒪᑕ, ᐃᓴᕆᐊᓕᒥᐅᓄᑦ ᑕᒻᒪᕐᑐᓄᑦ ᐃᓚᐅᓇᑎᒃ, ᓕᕔᑎᑦ ᑭᖑᕚᖏᑕ ᐃᓚᖏᑎᑐᑦ.

ᔪᐊᓇᓯᐅᑉ ᐊᒡᓚᖏᑦ 17:17

ᐃᑦᔪᕐᓁᑎᒃᑭᑦ ᓱᓕᓂᕐᓄᑦ; ᐅᖃᐅᓯᕐᑎᑦ ᓱᓕᖕᒪᑕ.