9 ᐱᓕᔅᑍᓂᒥᐅᓪᓕ ᓇᕐᓴᒧᑦ ᕆᐰᒻᒧᑦ ᑎᑭᓐᓇᒥᒃ ᐊᕐᓵᕐᑎᕆᕗᑦ ᓇᔪᓕᕐᓗᒍᓗ.
ᑲᑎᕐᓱᐃᕕᒃ ᓇᓪᓕᐅᑎᑎᓪᓗᒍ, ᐱᖓᓱᑦ ᐊᖓᔪᖅᑳᖑᔪᑦ 30ᓂᑦ ᐱᓯᒪᔪᑦ ᑕᐅᓄᖓ ᑍᕕᑎᒧᐊᓚᐅᕐᐳᑦ ᕾᕈᓱᖕᒧᑦ ᐊᑑᓚᒻᒧᑦ, ᐱᓕᔅᑍᓂᒥᐅᑦ ᑕᖕᒫᕐᓯᒪᑎᓪᓗᒋᑦ ᓇᕐᓴᒥ ᕆᐰᒻᒥ.
ᐱᓕᔅᑍᓂᒥᐅᓪᓕ ᑎᑭᓐᓇᒥᒃ ᓇᕐᓴᒥ ᕆᐰᒻᒥ ᓯᐊᒻᒪᖓᓕᓚᐅᕐᐳᑦ.
ᑖᒃᑯᐊ ᐱᖓᓱᑦ 30ᓂᑦ ᐅᓇᑕᕐᑎᓂᑦ ᐊᖓᔪᖅᑳᓂᑦ ᐃᓚᒋᔭᐅᓪᓗᑎᒃ ᐅᐸᒍᑎᓚᐅᕐᓯᒪᕗᑦ ᑍᕕᑎᒧᑦ ᕾᕈᓱᖕᒦᑦᑐᒧᑦ ᐊᑑᓚᒻᒥᒃ ᐊᑎᓕᖕᒧᑦ; ᐱᓕᔅᑍᓂᒥᐅᑦ ᐅᓇᑕᕐᑐᒃᓴᖏᑦ ᑕᖕᒫᕐᓯᒪᑎᓪᓗᒋᑦ ᕆᐰᒻᒥ ᓇᕐᓴᒥ.
ᑍᕕᑎᐅᑉ ᒎᑎ ᐊᐱᕆᕚ, “ᐅᓇᑕᕆᐊᕐᑐᒃᓴᐅᕗᖔ ᐱᓕᔅᑍᓂᒥᐅᓂᒃ? ᑖᒃᑯᓂᖓ ᓵᓚᖃᕐᑎᓐᓂᐊᕐᐱᖔ?” ᐊᑕᓂᐅᓪᓗ ᐅᖃᐅᑎᕚ, “ᒪᔪᐊᓕᕆᑦ ᐅᓇᑕᕆᐊᕐᓗᑎᑦ, ᓵᓚᖃᕐᑎᓐᓂᐊᕐᐸᒋᑦ!”
ᑭᖑᓂᐊᒍᑦ ᐱᓕᔅᑍᓂᒥᐅᑦ ᐅᑎᓚᐅᕆᕗᑦ ᓇᕐᓴᒧᑦ ᐊᕐᓵᕐᑎᕆᓕᕐᓗᑎᒡᓗ.
ᐱᓕᔅᑍᓂᒥᐅᑦ ᑐᓴᕋᒥᒃ ᑍᕕᑎ ᐅᕐᓱᕐᑎᕐᑕᐅᓪᓗᓂ ᐊᖓᔪᖅᑳᕐᔪᐊᓐᖑᕐᑎᑕᐅᓂᖓᓂᒃ ᐃᓴᕆᐊᓕᒥᐅᓕᒫᓄᑦ, ᐅᓇᑕᕐᑐᒃᓴᖁᑎᒥᖕᓂᒃ ᑎᓕᓯᕗᑦ ᑍᕕᑎᒥᒃ ᕿᓂᕆᐊᖁᓪᓗᒋᑦ; ᑍᕕᑎᓗ ᑐᓴᕋᒥ ᐅᓇᑕᕆᐊᓕᕐᐰᑦ.
ᐊᑦᔨᖃᕈᒫᕐᐳᑦ ᓂᐊᖂᔭᒃᓴᓂᒃ ᓇᐸᔪᓂᒃ ᓇᑲᑎᕆᔨᒧᑦ ᓇᑲᑎᕐᑕᐅᔪᓂᒃ, ᑕᓕᕐᒥᖕᓄᓪᓗ ᓂᐊᖂᔭᒃᓮᑦ ᓄᕗᖏᓐᓂᒃ ᐲᔭᕐᑕᐅᔪᓂᒃ, ᐊᒥᐊᒃᑯᕐᓗᑯᑎᑐᓪᓗ ᐊᔪᕐᓴᕐᑐᓂᑦ ᓄᐊᑕᐅᔪᓂᒃ ᕆᐰᒥᐅᑦ ᓇᕐᓴᖓᓂ.
