ᑯᕉᓂᑲ ᓯᕗᓪᓖᑦ 14:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑍᕕᑎᓗ ᖃᐅᔨᓕᕐᐳᖅ ᐊᑕᓂᐅᑉ ᐱᒋᐊᕐᑎᒻᒪᒍ ᐊᖓᔪᖅᑳᕐᔪᐊᖑᓂᖓ ᐃᓴᕆᐊᓕᒥᐅᓄᑦ, ᐊᖓᔪᖅᑳᕐᔪᐊᖑᕕᖓᓗ ᐊᖏᔪᕈᕐᑎᑕᐅᖕᒪᑦ ᐃᓴᕆᐊᓕᐅᑉ ᐃᓄᖏᑦ ᐱᑦᔪᑎᒋᓪᓗᒋᑦ.

ᑯᕉᓂᑲ ᓯᕗᓪᓖᑦ 14:2 Iomraidhean Croise

ᓴᒧᐃᓕ ᐂᑉᐸᖏᑦ 7:16

ᑭᖑᕚᑎᓪᓕ ᐊᑕᓂᐅᕖᓪᓗ ᓱᖁᓯᔪᐃᑦᑑᑎᑦᓱᒪᕙᒃᑲ ᐃᓱᖃᖏᑦᑐᒧᑦ; ᐊᖓᔪᖅᑲᐅᓃᓪᓗ ᑲᔪᓯᓂᐊᕐᐳᖅ ᐃᓱᖃᖏᑦᑐᒧᑦ.’”

ᓴᒧᐃᓕ ᐂᑉᐸᖏᑦ 7:8

“ᒫᓐᓇ ᑍᒤᒻᒪᑦ ᐱᔨᒐ ᑍᕕᑎ ᐅᖃᐅᑎᔭᕐᑐᕈᒃ, ‘ᐊᑕᓂᖅ ᖁᑦᓯᖕᓂᕐᐹᖑᔪᖅ ᐃᒫᒃ ᐅᖃᕐᐳᖅ, ᕾᖁᓚᐅᕐᐸᒋᑦ ᓰᐱᓂᒃ ᐰᕐᓯᔨᐅᑎᓪᓗᑎᑦ, ᐊᐅᓚᑦᓯᔨᐅᖁᓪᓗᑎᑦ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ.

ᐊᑕᓃᑦ ᓯᕗᓪᓖᑦ 10:9

ᐊᑕᓂᖅ ᓂᕐᑐᕐᑕᐅᓕ ᒎᑎᒋᔧᑦ! ᐃᓕᖕᓂᒃ ᖁᕕᐊᓲᑎᖃᕐᓂᖓ ᐊᖓᔪᖅᑳᕐᔪᐊᓐᖑᕐᑎᓪᓗᓂᑎᒃ ᐃᓴᕆᐊᓕᒥᐅᓄᑦ. ᓇᒡᓕᖕᓂᖓ ᐃᓴᕆᐊᓕᒥᐅᓄᑦ ᐃᓱᖃᖏᑦᑑᖕᒪᑦ, ᐊᖓᔪᖅᑳᕐᔪᐊᓐᖑᕐᑎᒻᒪᑎᑦ ᑖᒃᑯᓄᖓ ᐊᐅᓚᑦᓯᑦᓯᐊᕈᓐᓇᕋᕕᑦ ᐱᖁᔭᓂᒃ ᐃᖅᑲᕐᑐᐃᑦᓯᐊᕐᓂᕐᓂᒡᓗ.”

ᑯᕉᓂᑲ ᓯᕗᓪᓖᑦ 14:1

ᐊᖓᔪᖅᑳᕐᔪᐊᕐᓗ ᕼᐅᕋᒻ ᑍᕆᒥᐅᑕᖅ ᑎᓕᓯᕗᖅ ᐅᖃᕆᐊᕐᑐᕐᑐᓂᒃ ᑍᕕᑎᒧᑦ, ᓇᐹᕐᑐᓂᒡᓗ ᓰᑕᕆᓂᒃ, ᐅᔭᕋᓕᕆᔨᓂᒡᓗ ᕿᔪᓕᕆᔨᓂᒡᓗ ᑍᕕᑎᒥᒃ ᐃᒡᓗᓕᐅᕐᑐᒃᓴᓂᒃ ᑎᓕᓯᒋᓪᓗᓂ.

ᑯᕉᓂᑲ ᓯᕗᓪᓖᑦ 14:3

ᑍᕕᑎᓗ ᓄᓕᐊᕐᑖᒃᑲᓐᓂᕐᐳᖅ ᔨᕉᓴᓕᒥ, ᐃᕐᓂᕐᑖᒃᑲᓐᓂᕐᓗᓂᓗ ᐸᓂᒃᑖᒃᑲᓐᓂᕐᐳᖅ.

ᑯᕉᓂᑲ ᓯᕗᓪᓖᑦ 17:17

ᑕᒪᓐᓇ ᑕᑯᓐᓇᕐᑕᕕᑦ ᓵᖓᓂ ᒥᑭᔫᒐᓗᐊᖅ, ᒎᑏᒃ; ᐅᖃᕐᓯᒪᒐᕕᓪᓗ ᐱᔨᕕᑦ ᐃᓚᒋᔭᖏᑕ ᓯᕗᓂᕐᒥ ᐊᖏᔪᒥᒃ ᐱᕙᓪᓕᐊᓂᒃᓴᕆᔭᖏᓐᓂᒃ, ᑕᑯᑎᓯᒪᒐᕕᖓᓗ ᓯᕗᓂᒃᓴᒥ ᑭᖑᕚᕇᒃᐸᓪᓕᐊᔪᒫᕐᑐᓂᒃ, ᐊᑕᓃᖅ ᒎᑏᒃ!

ᑯᕉᓂᑲ ᐂᑉᐸᖏᑦ 2:10

ᐱᔨᑎᓪᓗ ᕿᔪᖕᓂᒃ ᓇᑲᑎᕆᔩᑦ, ᑐᓂᔪᒫᕐᐸᒃᑲ 20,000ᓂᒃ ᐅᖁᒤᓐᓂᓕᖕᓂᒃ ᓂᐊᖂᔭᒃᓴᓂᒃ ᓇᕿᑎᕐᓯᒪᔪᓂᒃ, 20,000ᓂᒡᓗ ᐅᖁᒤᓐᓂᓕᖕᓂᒃ ᐹᕐᓕᓂᒃ, 20,000ᓂᒡᓗ ᖃᓪᓗᑎᓂᒃ ᕔᓂᓂᒃ, 20,000ᓂᒡᓗ ᖃᓪᓗᑎᓂᒃ ᐅᕐᓱᒥᒃ.”

ᑯᕉᓂᑲ ᐂᑉᐸᖏᑦ 2:11

ᑭᖑᓂᖓᒍᑦ ᕼᐅᕋᒻ ᑍᕆᒥ ᐊᖓᔪᖅᑳᕐᔪᐊᖅ ᑭᐅᕗᖅ ᑎᑎᕋᕐᓗᓂ, ᓲᓗᒨᓂᒧᑦ: “ᐊᑕᓂᐅᑉ ᐃᓄᖁᑎᓂ ᓇᒡᓕᒋᖕᒪᒋᑦ ᑖᑦᓱᒪ ᐊᖓᔪᖅᑳᕐᔪᐊᓐᖑᕐᑎᓚᐅᕐᐹᑎᑦ.”

ᐃᔅᑕᐅᑉ ᐊᒡᓚᖏᑦ 4:14

ᒫᓐᓇᐅᔪᕐᓕ ᓂᓪᓕᐊᓂᐊᖏᒃᑯᕕᑦ, ᑕᕝᕙ ᔫᑎᑦ ᐊᓯᖕᓂᑦ ᐃᑲᔪᕐᑕᐅᓂᐊᕐᐳᑦ, ᐃᕝᕕᓪᓕ ᐊᑖᑕᒃᑯᑎᓪᓗ ᑐᖁᑕᐅᓛᕐᐳᓯ. ᖃᐅᔨᒪᓇᓐᖏᓚᖅ; ᐃᒻᒪᖄᓕ ᑕᒪᓐᓇ ᐱᓂᐊᕐᓂᐅᓕᕐᑐᖅ ᐱᑦᔪᑎᒋᓪᓗᒍ ᐊᖓᔪᖅᑳᕐᔪᐊᖃᕐᕕᖕᒦᓚᕿᕗᑎᑦ.”

ᑖᓂᐊᓕᐅᑉ ᐊᒡᓚᖏᑦ 2:30

ᐅᕙᓐᓄᓪᓕ, ᓇᓗᓇᕐᑐᖅ ᓇᓗᓁᕐᑕᐅᓚᐅᕐᐳᖅ, ᐃᓄᖕᓂᑦ ᐃᓅᔪᓂᑦ ᓯᓚᑐᓂᕐᓴᐅᓂᓐᓅᖏᑦᑐᖅ, ᐃᕝᕕᓪᓕ ᐊᖓᔪᖅᑳᕐᔪᐊᖅ ᑐᑭᖓᓂᒃ ᖃᐅᔨᖁᓪᓗᑎᑦ ᑐᑭᓯᖁᓪᓗᑎᓪᓗ ᐃᓱᒪᒃᑯᑦ ᑕᑯᓚᐅᕐᑕᑎᑦ ᓱᓇᐅᖕᒪᖔᑕ.

ᒨᓯᓯ ᓯᑕᒪᖏᑦ 24:7

ᑖᓐᓇ ᐃᒥᕐᒥᒃ ᖃᑦᑕᖁᑎᒥᓃᑦᑐᓂᒃ ᑯᕕᓯᔪᒫᕐᐳᖅ, ᐱᕈᕐᓯᐊᒃᓴᖁᑎᖏᑦ ᐃᒪᕐᓂ ᓇᓂᑐᐃᓐᓈᕈᒫᕐᐳᑦ, ᐊᖓᔪᖅᑳᕐᔪᐊᖁᑎᖓ ᐋᒑᒡᒥᑦ ᖁᑦᓯᖕᓂᕐᓴᐅᔪᒫᕐᐳᖅ, ᐊᖓᔪᖅᑳᕐᔪᐊᖑᕕᖓ ᖁᑦᓯᒃᑐᒦᑦᓱᒫᕐᐳᖅ.

ᒨᓯᓯ ᑕᓪᓕᒪᖏᑦ 28:1

“ᐊᑕᓂᐅᑉ ᒎᑎᑦᓯ ᓂᐱᖓᓂᒃ ᓈᓚᖕᓂᐊᕈᑦᓯ ᓱᖁᓯᔪᐃᑦᑑᓗᓯᓗ ᐱᖁᔭᓕᒫᖏᑦ ᒪᓕᖕᓂᐊᕈᑦᓯᒋᒃ ᐅᓪᓗᒥ ᐃᓕᑦᓯᓐᓄᑦ ᑐᓂᓯᒪᔭᒃᑲ, ᑕᕝᕙ ᐊᑕᓂᐅᑉ ᒎᑎᑦᓯ ᓄᓇᕐᔪᐊᕐᒥ ᐃᓅᖃᑎᒌᒡᔪᐊᓂᑦ ᐊᓯᑦᓯᓐᓂᑦ ᐊᔪᖏᓐᓂᕐᓴᐅᓕᕐᑎᓐᓂᐊᕐᐹᓯ.