13 ᑭᖑᓂᐊᒍᑦ ᐱᓕᔅᑍᓂᒥᐅᑦ ᐅᑎᓚᐅᕆᕗᑦ ᓇᕐᓴᒧᑦ ᐊᕐᓵᕐᑎᕆᓕᕐᓗᑎᒡᓗ.
ᑕᕝᕙ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᕾᕗᖅ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᑦ, ᐅᖃᐅᑎᓪᓗᒍᓗ, “ᐅᑎᕐᓗᑎᑦ ᑕᕾᕐᓯᕆᐊᕐᑐᓕᕆ, ᑲᒪᑦᓯᐊᕐᓗᑎᓪᓗ ᐱᔭᕆᐅᕐᓮᑦᓯᐊᕐᓂᐊᕐᐳᑎᑦ; ᐅᐱᕐᖔᖑᓕᕐᐸᑦ ᓯᕆᐊᒥᐅᑦ ᐊᖓᔪᖅᑳᕐᔪᐊᖓ ᐅᓇᑕᕆᐊᓛᕐᒥᖕᒪᑦ ᐃᓕᖕᓂᒃ.”
ᒎᑎᓐᖑᐊᒥᓂᒃ ᑕᕝᕗᖓ ᕿᒤᖕᒪᑕ, ᑍᕕᑎᓗ ᑎᓕᓯᕗᖅ, ᑖᒃᑯᐊᓗ ᐃᑭᑕᐅᕗᑦ.
ᑍᕕᑎᐅᓪᓗ ᒎᑎ ᐊᐱᕆᒃᑲᓐᓂᕐᒪᒍ, ᒎᑎᐅᑉ ᐅᖃᐅᑎᕚ, “ᒪᓕᒡᓗᒋᑦ ᐅᓇᑕᕆᐊᕐᑍᓕᒃᑭᑦ; ᑬᕙᓪᓚᒡᓗᒋᓪᓕ ᐅᓇᑕᕆᐊᓕᕐᓯᐅᒃ ᑐᓄᐊᓂᑦ, ᓇᐹᕐᑐᓂ ᐸᐅᕐᖓᓕᖕᓂ.
ᐱᓕᔅᑍᓂᒥᐅᓪᓕ ᓇᕐᓴᒧᑦ ᕆᐰᒻᒧᑦ ᑎᑭᓐᓇᒥᒃ ᐊᕐᓵᕐᑎᕆᕗᑦ ᓇᔪᓕᕐᓗᒍᓗ.
