ᑯᕉᓂᑲ ᓯᕗᓪᓖᑦ 13:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑍᕕᑎᐅᓪᓗ ᐃᓴᕆᐊᓕᒥᐅᒫᑦ ᐹᓚᒧᐊᖃᑎᒋᕔᑦ, ᑕᕝᕗᖓ ᑭᕆᐊᑦ-ᔨᕆᒻᒧᑦ ᔫᑕᐅᑉ ᓄᓇᖓᓃᑦᑐᒧᑦ, ᑕᕝᕙᓐᖓᑦ ᒎᑎᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖁᑎᖓ ᐂᓪᓗᒍ, ᑍᔭᐅᔪᖅ ᐊᑕᓂᐅᑉ ᐊᑎᖓ ᐃᒃᓯᕙᐅᑕᕐᔪᐊᖃᕐᐳᖅ ᓯᕋᐱᐅᑉ ᖁᓛᓂ.

ᑯᕉᓂᑲ ᓯᕗᓪᓖᑦ 13:6 Iomraidhean Croise

ᐊᑕᓃᑦ ᓯᕗᓪᓖᑦ 8:16

‘ᑍᒪᓐᖓᓂᑦ ᐃᓄᖁᑎᒃᑲ ᐃᓴᕆᐊᓕᒥᐅᑦ ᐊᐅᓪᓚᕐᑎᒐᒃᑭᑦ ᐄᑦᔨᑉᑎᒥᑦ, ᓂᕈᐊᓚᐅᓐᖏᓚᖓ ᐃᓴᕆᐊᓕᐅᑉ ᑭᖑᕚᖏᑕ ᐃᒡᓗᒐᓴᖏᓐᓂᒃ ᓇᓪᓕᐊᓐᓂᒃ, ᐊᑎᕋ ᐃᓂᖃᖁᓪᓗᒍ; ᑍᕕᑎᓕ ᓂᕈᐊᓚᐅᕐᐸᕋ ᐊᐅᓚᑦᓯᔨᐅᖁᓪᓗᒍ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ.’

ᐊᑕᓃᑦ ᐂᑉᐸᖏᑦ 19:15

ᕼᐃᓯᑬᐊᓗ ᑐᒃᓯᐊᕐᓗᓂ ᐊᑕᓂᕐᒧᑦ ᐅᖃᕐᐳᖅ, “ᐊᑕᓃᖅ, ᐃᓴᕆᐊᓕᒥᐅᑦ ᒎᑎᖓᑦ, ᓯᕈᐲᒻ ᖁᓛᓂ ᐃᒃᓯᕙᐅᑕᕐᔪᐊᖃᕐᑐᑎᑦ, ᒎᑎᐅᕗᑎᑦ ᐊᓯᖃᕐᓇᒃ, ᓄᓇᒥᐅᑦ ᐊᖓᔪᖅᑳᕐᔪᐊᖃᕐᕕᓕᒫᖏᓐᓄᑦ; ᕿᓚᒡᓗ ᓄᓇᓗ ᓴᓇᓯᒪᒐᕕᒋᒃ.

ᐃᓐᖏᕈᑎᑦ 80:1

ᐃᓴᕆᐊᓕᒥᐅᑦ ᐰᕆᔨᖓᑦ ᑐᓵᓚᐅᕆᑦ, ᔫᓯᐱᒃᑯᓐᓂᒃ ᑕᓯᐅᕐᓯᓚᐅᕐᑐᑎᑦ ᓰᐱᑎᑐᑦ; ᓴᖅᑭᓚᐅᕆᑦ, ᐃᒃᓯᕙᐅᑕᕐᔪᐊᖃᕐᑐᑎᑦ ᓯᕈᐲᒻ ᖄᖏᓐᓂ.

ᐃᓐᖏᕈᑎᑦ 99:1

ᐊᑕᓂᖅ ᐊᖓᔪᖅᑳᕐᔪᐊᖑᕗᖅ; ᑍᒤᒻᒪᑦ ᐃᓄᐃᑦ ᓴᔪᒡᓕᑦ! ᐃᒃᓯᕙᐅᑕᕐᔪᐊᕐᒥ ᐃᒃᓯᕙᕗᖅ ᓯᕈᐲᒻ ᐊᕙᑖᓃᑎᓪᓗᒋᑦ; ᑍᒤᒻᒪᑦ ᓄᓇᕐᔪᐊᖅ ᓴᔪᒃᐱᓗᒃᐳᖅ!

ᒨᓯᓯ ᐂᑉᐸᖏᑦ 20:24

ᓄᓇᒥᓕ ᑐᓂᕐᕈᓯᕐᕕᖕᒥᒃ ᓴᓇᓕᕆᑦᓯ ᐅᕙᓐᓄᑦ; ᑕᕝᕙᓂᓗ ᑐᓂᕐᕈᓯᕐᓗᓯ ᑐᓂᕐᕈᑎᓂᒃ ᐆᑕᒃᓴᓂᒃ ᑐᓂᕐᕈᑎᓂᒡᓗ ᖁᔭᓕᑦᔪᑎᒃᓴᓂᒃ, ᓰᐱᓂᒃ ᐃᒻᒧᒃᓯᐅᒐᓂᒡᓗ ᑐᓂᕐᕈᓯᕐᑐᒃᓴᐅᕗᓯ; ᓇᓂᑐᐃᓐᓇᖅ ᐊᑎᕐᒪ ᐃᖅᑲᐅᒪᔭᐅᑦᔪᑎᒃᓴᖓᓂᒃ ᐱᑎᑦᓯᑐᐊᕈᒪ ᑕᕝᕙ ᑕᕝᕗᖓ ᕾᓂᐊᕐᐳᖓ ᓮᒻᒪᕐᑎᓪᓗᓯᓗ.

ᒨᓯᓯ ᐂᑉᐸᖏᑦ 23:21

ᑖᓐᓇ ᑲᒪᒋᑦᓯᐊᕐᓯᐅᒃ ᐅᖃᐅᓯᖓᓗ ᓈᓚᒡᓗᒍ, ᐊᑭᕋᕐᑐᕐᓂᐊᕋᓯᐅᒃ, ᑎᓕᓯᒪᒐᒃᑯ, ᐊᑭᕋᕐᑐᕈᑦᓯᐅᒃ ᐊᔪᕐᑐᓕᓂᓯ ᐃᓱᒪᒋᔪᓐᓁᕐᓂᐊᖏᒻᒪᒋᑦ.

ᒨᓯᓯ ᐂᑉᐸᖏᑦ 25:22

ᑕᕝᕙᓂᓗ ᐃᓕᖕᓄᑦ ᓴᖅᑭᕈᒫᕐᐳᖓ, ᑖᑦᓱᒪᓗ ᒪᑑᑉ ᖄᖓᓂ ᓯᕈᐲᒻᖑᐊᒃ ᐊᑯᓐᓂᖓᓂᑦ ᐱᖁᔭᓕᒫᓐᓂᒃ ᑐᓂᓯᕕᒋᔪᒫᕐᐸᒋᑦ, ᐃᓴᕆᐊᓕᒥᐅᓕᒫᓄᑦ ᑐᕌᖓᓂᐊᕐᑐᓂᒃ.”

ᐂᓮᐊᓯᐅᑉ ᐊᒡᓚᖏᑦ 37:16

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ, ᐃᓴᕆᐊᓕᒥᐅᑦ ᒎᑎᖓᑦ, ᐃᒃᓯᕙᐅᑕᕐᔪᐊᕐᒦᑦᑐᖅ ᓯᕈᐱᒻ ᖁᓛᓂ, ᐃᕝᕕᑐᐊᖅ ᒎᑎᑑᕗᑎᑦ, ᐊᖓᔪᖅᑲᐅᕕᖕᓂᒃ ᓯᓚᕐᔪᐊᕐᒥ ᑕᒤᓐᓂ; ᐱᓐᖑᕐᑎᑦᓯᓯᒪᔪᑎᑦ ᕿᓚᕐᒥᒃ ᓄᓇᕐᔪᐊᒥᒡᓗ.

ᒨᓯᓯ ᓯᑕᒪᖏᑦ 6:27

“ᑍᒫᒃ ᑕᕝᕙ ᐊᑎᕋ ᐃᓴᕆᐊᓕᒥᐅᓄᑦ ᐃᓕᓯᒪᓂᐊᕐᐹᑦ, ᐅᕙᖓᓗ ᓮᒻᒪᕐᑎᓐᓂᐊᕐᐸᒃᑲ.”

ᒨᓯᓯ ᓯᑕᒪᖏᑦ 7:89

ᒨᓯᓯᓕ ᑐᐱᕐᔪᐊᒧᑦ ᐃᑎᓚᐅᕐᐳᖅ ᐊᑕᓂᖅ ᐅᖃᖃᑎᒋᔭᕐᑐᕐᓗᒍ, ᓂᐱᖓᓂᒡᓗ ᑐᓴᓚᐅᕐᐳᖅ ᐃᒻᒥᓄᑦ ᐅᖃᕐᑐᒥᒃ ᓂᑲᒋᔭᐅᕕᐅᑉ ᐃᒃᓯᕙᐅᑕᕐᔪᐊᑉ ᖁᓛᓂᑦ ᐱᔪᒥᒃ, ᑖᓐᓇᓗ ᐃᒃᓯᕐᕕᐅᑉ ᐊᖏᕈᑎᑕᓕᐅᑉ ᖄᖓᓂ ᐃᓂᖃᓚᐅᕐᐳᖅ, ᐂᓐᖏᓕᖑᐊᒃ ᓯᐅᕋᐱᒥᒃ ᐊᑎᖃᕐᑑᒃ ᐊᑯᓐᓂᖓᓃᑦᑐᖅ; ᑖᑦᓱᒪᓗ ᐅᖃᖃᑎᒋᓚᐅᕐᐹ.

ᔮᓱᐊᑉ ᐊᒡᓚᖏᑦ 15:60

ᐅᑯᐊᓗ ᑭᕆᐊᑦ-ᐰᓕ (ᑍᔭᐅᕙᖕᒥᔪᖅ ᑭᕆᐊᑦ-ᔨᕆᒻ), ᕌᐸᓗ: ᐃᒡᓗᒐᓵᒃ ᒪᕐᕉᕗᒃ, ᓄᓇᓖᓪᓗ ᐊᓯᖏᑦ ᖃᓂᒋᔭᖓᓃᑦᑐᑦ ᐃᓚᒋᓪᓗᒋᑦ.

ᔮᓱᐊᑉ ᐊᒡᓚᖏᑦ 15:9

ᑕᕝᕙᓐᖓᑦ ᐱᒋᐊᕐᓗᒍ ᓂᑉᑐᐊᑉ ᐃᒥᕐᑕᕐᕕᖓᓄᐊᖓᕗᖅ, ᑕᕝᕙᓐᖓᑦ ᐃᐸᕋᓐ ᐃᒡᓗᒐᓴᖏᓐᓄᑦ ᖃᖅᑲᒦᑦᑐᓄᑦ ᑎᑭᓪᓗᒍ; ᑍᑲᓐᖓᑦ ᐱᒋᐊᕐᓗᒍ ᓴᖑᖓᕗᖅ ᐹᓚᐅᑉ ᓇᓛᓄᑦ (ᑕᕝᕗᖓ ᑭᕆᐊᑦ-ᔨᕆᒻᒧᑦ);

ᔮᓱᐊᑉ ᐊᒡᓚᖏᑦ 9:17

ᐃᓴᕆᐊᓕᒥᐅᓪᓗ ᐊᐅᓪᓚᕋᒥᒃ ᐅᓪᓗᐃᑦ ᐱᖓᓱᑦ ᐊᓂᒍᕐᑎᓪᓗᒋᑦ ᑎᑭᑉᐳᑦ ᐃᒡᓗᒐᓴᖕᓄᑦ ᐅᑯᓄᖓ, ᒋᐱᐅᓂᒥᐅᓄᑦ, ᓯᐱᕋᒥᐅᓄᑦ, ᐱᐊᕌᔅᒥᐅᓄᑦ, ᑭᕆᐊᑦ-ᔨᕆᒻᒧᓪᓗ.

ᓴᒧᐃᓕ ᓯᕗᓪᓖᑦ 4:4

ᑕᕝᕙ ᑎᓕᓯᕗᑦ ᐅᖃᕆᐊᕐᑐᕐᑐᓂᒃ ᓮᓗᐊᒧᑦ, ᐊᑕᓂᐅᓪᓗ ᐊᔪᒐᖃᖏᑦᑑᑉ ᐊᖏᖃᑎᒌᒍᑎᖓᑕ ᐃᒃᓯᕐᕕᖓ ᓇᒃᓴᕐᐹᑦ, ᐃᒃᓯᕙᐅᑕᕐᔪᐊᖃᕐᑑᑉ ᓯᕌᐲᑦ ᐃᓴᕈᓖᒃ ᖁᓛᓂ; ᐃᓔᓪᓗ ᐃᕐᓂᖏᒃ ᕼᐅᐱᓂᓗ ᐱᓂᕼᐋᔅᓗ, ᐃᓚᐅᕗᒃ ᐊᖏᖃᑎᒌᖕᓂᐅᑉ ᐃᒃᓯᕐᕕᖓ ᑕᕝᕗᓐᖓᕐᑕᐅᑎᓪᓗᒍ.

ᓴᒧᐃᓕ ᓯᕗᓪᓖᑦ 6:21

ᑕᕝᕙ ᐅᖃᕆᐊᕐᑐᕐᑐᓂᒃ ᑎᓕᓯᕗᑦ ᑭᕆᐊᑦ-ᔨᕆᐅᑉ ᐃᓄᖏᓐᓄᑦ ᐅᖃᖁᓪᓗᒋᑦ ᐃᒫᒃ, “ᐱᓕᔅᑍᓂᒥᐅᓂᑦ ᐅᑎᕐᑎᑕᐅᖕᒪᑦ ᐊᑕᓂᐅᑉ ᐊᖏᖃᑎᒌᒍᑎᖓᑕ ᐃᒃᓯᕐᕕᖁᑎᖓ. ᕾᓗᓯ ᐂᓚᐅᕐᓯᐅᒃ ᐊᖏᕐᕋᐅᑎᓂᐊᕋᑦᓯᐅᒃ.”