ᑯᕉᓂᑲ ᓯᕗᓪᓖᑦ 13:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑕᕝᕙ ᑍᕕᑎᐅᑉ ᐃᓴᕆᐊᓕᒥᐅᓕᒫᑦ ᑲᑎᑎᑉᐰᑦ ᓮᕼᐅᕆ ᐄᑦᔨᑉᑎᒥᑦ ᐱᒋᐊᕐᓗᒋᑦ ᕼᐊᒫᑎ ᐃᑎᕆᐊᕐᕕᖕᒧᑦ ᑎᑭᓪᓗᒍ, ᒎᑎᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖁᑎᖓ ᐅᑎᕐᑎᑕᐅᖁᓪᓗᒍ ᑭᕆᐊᑦ-ᔨᕆᒻᒥᑦ.

ᑯᕉᓂᑲ ᓯᕗᓪᓖᑦ 13:5 Iomraidhean Croise

ᓴᒧᐃᓕ ᐂᑉᐸᖏᑦ 6:1

ᑍᕕᑎᐅᑉ ᐅᓇᑕᕐᑐᒃᓴᖁᑎᓂ ᐱᓯᑎᐅᓂᕐᐹᑦ ᐃᓴᕆᐊᓕᒥᐅᓂᑦ ᑲᑎᖁᓚᐅᕆᕔᑦ, ᑖᒃᑯᐊᓗ 30,000ᓴᐅᓚᐅᕐᐳᑦ.

ᐊᑕᓃᑦ ᓯᕗᓪᓖᑦ 4:21

ᓲᓗᒨᓂᐅᑉ ᐊᐅᓚᑦᓯᓂᖓ ᑎᑭᐅᒪᓚᐅᕐᐳᖅ ᑰᖕᒧᑦ ᐃᕗᕅᑎᒧᑦ ᐱᓕᔅᑍᓂᒥᐅᑦ ᓄᓇᖓ ᑎᑭᓪᓗᒍ ᐄᑦᔨᑉᑎᓂᐅᓪᓗ ᓄᓇᖓᑕ ᑭᒡᓕᖓᓄᑦ ᐃᓱᖃᕐᓗᓂ; ᐊᖓᔪᖅᑳᐅᕕᒋᔭᓕᒪᖓᓂ ᓄᓇᓖᑦ ᑕᒪᕐᒥᒃ ᑖᒃᓯᔭᕐᐸᓚᐅᕐᐳᑦ, ᑖᑦᓱᒪ ᐃᓅᓂᓕᒫᖓᓂ.

ᐊᑕᓃᑦ ᓯᕗᓪᓖᑦ 8:65

ᑕᕝᕙᓂ ᑐᒃᓯᐊᕐᕕᒡᔪᐊᒥ ᓲᓗᒨᓂ ᐃᓴᕆᐊᓕᑎᑦ ᐃᓄᓕᒫᖏᓪᓗ ᓇᓪᓕᐅᓐᓂᕐᓯᐅᕐᐳᑦ ᑐᐲᓐᓇᕐᒦᖃᑦᑕᕐᓂᕐᒥᒃ ᐅᓪᓗᓄᑦ 7ᓄᑦ, ᐃᓄᒋᕌᓗᐃᑦ ᓯᐊᒻᒪᒃᓯᒪᓚᐅᕐᐳᑦ ᕼᐊᒫᑎᐅᑉ ᐃᑎᕐᑕᕐᕕᖓᓂᑦ ᐅᓐᓄᐊᓪᓗᐊᑉ ᓇᓛᓃᑦᑐᒥᑦ ᐄᑦᔨᑉᑎᐅᑉ ᑰᖓᑕ ᑭᒡᓕᖓᓄᑦ ᐅᓪᓗᓪᓗᐊᑉ ᓇᓛᓃᑦᑐᒧᑦ ᑎᑭᓯᒪᓪᓗᑎᒃ.

ᐊᑕᓃᑦ ᐂᑉᐸᖏᑦ 25:21

ᓄᓇᒥ ᕆᑉᓚᒥ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑕ ᐋᓐᓂᕐᓯᕐᑕᐅᑎᓚᐅᕐᓗᓂᒋᑦ ᑐᖁᕋᕐᑕᐅᑎᑉᐰᑦ ᕼᐊᒫᑎᒥ ᓄᓇᒥ. ᑕᕝᕙ ᔫᑕᒥᐅᑦ ᐊᐅᓪᓚᕈᑦᔭᐅᓚᐅᕐᐳᑦ ᓄᓇᒋᓚᐅᕐᓯᒪᓐᖏᑕᒥᖕᓂᒃ ᓄᓇᑖᕐᑎᑕᐅᓪᓗᑎᒃ.

ᑯᕉᓂᑲ ᓯᕗᓪᓖᑦ 13:4

ᑲᑎᒪᔪᓕᒫᑦ ᐊᖏᖃᑕᐅᕗᑦ ᑍᒤᑦᓱᒪᓪᓗᑎᒃ, ᑕᒪᓐᓇ ᓈᒻᒪᒋᔭᐅᓚᐅᕐᐳᖅ ᐃᓄᓕᒫᓄᑦ.

ᑯᕉᓂᑲ ᓯᕗᓪᓖᑦ 13:6

ᑍᕕᑎᐅᓪᓗ ᐃᓴᕆᐊᓕᒥᐅᒫᑦ ᐹᓚᒧᐊᖃᑎᒋᕔᑦ, ᑕᕝᕗᖓ ᑭᕆᐊᑦ-ᔨᕆᒻᒧᑦ ᔫᑕᐅᑉ ᓄᓇᖓᓃᑦᑐᒧᑦ, ᑕᕝᕙᓐᖓᑦ ᒎᑎᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖁᑎᖓ ᐂᓪᓗᒍ, ᑍᔭᐅᔪᖅ ᐊᑕᓂᐅᑉ ᐊᑎᖓ ᐃᒃᓯᕙᐅᑕᕐᔪᐊᖃᕐᐳᖅ ᓯᕋᐱᐅᑉ ᖁᓛᓂ.

ᑯᕉᓂᑲ ᓯᕗᓪᓖᑦ 15:3

ᑍᕕᑎᐅᓪᓗ ᐃᓴᕆᐊᓕᒥᐅᓕᒫᑦ ᑲᑎᑎᑦᐰᑦ ᔨᕉᓴᓕᒧᑦ, ᐊᑕᓂᐅᑉ ᐃᒃᓯᕐᕕᖁᑎᖓ ᑎᑭᐅᑦᔭᐅᖁᓪᓗᒍ ᐃᓕᔭᐅᖁᓪᓗᒍᓗ ᐃᓂᖓᓄᑦ, ᐃᓂᒃᓴᓕᐊᕆᓚᐅᕐᑕᒥᓄᑦ.

ᐂᓮᐊᓯᐅᑉ ᐊᒡᓚᖏᑦ 23:3

ᑕᕆᐅᕐᔪᐊᖅ ᐃᑳᕐᓗᒍ, ᓂᐅᕕᕆᐊᕐᓗᓯ ᓂᐅᕐᕈᑎᖃᕆᐊᕐᑐᕐᓗᓯᓗ ᓂᐊᖂᔭᒃᓴᒥᒃ ᐄᑦᔨᑉᑎᒥᑦ ᐱᕈᕐᓂᑯᓂᒃ ᐃᓅᖃᑎᒌᒡᔪᐊᓄᓪᓗ ᓇᒧᑐᐃᓐᓇᖅ ᓂᐅᕕᕋᕐᑎᑦᓯᕙᒃᑐᓯ.

ᔨᕆᒤᐊᐅᑉ ᐊᒡᓚᖏᑦ 2:18

ᓱᓇᒥᒃ ᐱᕚᓪᓕᕋᔭᕐᐱᓯ ᐄᑦᔨᑉᑎᒧᓐᖓᐅᒍᓰ? ᓴᕼᐊᕆᐅᑉ ᑰᖓᓂᑦ ᐃᒥᕈᒪᓪᓗᓰ? ᓱᖕᒪᓪᓗ ᐊᓯᕆᐊᒧᑦ ᐂᕕᓯ ᑰᖏᓐᓂᑦ ᐃᒥᕈᒪᓪᓗᓰ?

ᔮᓱᐊᑉ ᐊᒡᓚᖏᑦ 9:17

ᐃᓴᕆᐊᓕᒥᐅᓪᓗ ᐊᐅᓪᓚᕋᒥᒃ ᐅᓪᓗᐃᑦ ᐱᖓᓱᑦ ᐊᓂᒍᕐᑎᓪᓗᒋᑦ ᑎᑭᑉᐳᑦ ᐃᒡᓗᒐᓴᖕᓄᑦ ᐅᑯᓄᖓ, ᒋᐱᐅᓂᒥᐅᓄᑦ, ᓯᐱᕋᒥᐅᓄᑦ, ᐱᐊᕌᔅᒥᐅᓄᑦ, ᑭᕆᐊᑦ-ᔨᕆᒻᒧᓪᓗ.

ᓴᒧᐃᓕ ᓯᕗᓪᓖᑦ 6:21

ᑕᕝᕙ ᐅᖃᕆᐊᕐᑐᕐᑐᓂᒃ ᑎᓕᓯᕗᑦ ᑭᕆᐊᑦ-ᔨᕆᐅᑉ ᐃᓄᖏᓐᓄᑦ ᐅᖃᖁᓪᓗᒋᑦ ᐃᒫᒃ, “ᐱᓕᔅᑍᓂᒥᐅᓂᑦ ᐅᑎᕐᑎᑕᐅᖕᒪᑦ ᐊᑕᓂᐅᑉ ᐊᖏᖃᑎᒌᒍᑎᖓᑕ ᐃᒃᓯᕐᕕᖁᑎᖓ. ᕾᓗᓯ ᐂᓚᐅᕐᓯᐅᒃ ᐊᖏᕐᕋᐅᑎᓂᐊᕋᑦᓯᐅᒃ.”

ᓴᒧᐃᓕ ᓯᕗᓪᓖᑦ 7:1

ᑍᒤᒻᒪᑦ ᑭᕆᐊᑦ-ᔨᕆᐅᑉ ᐃᓄᖏᑕ ᐂᓚᐅᕐᐹᑦ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖁᑎᖓ, ᑐᓂᕚᓪᓗ ᐊᖑᒻᒧᑦ ᐊᐱᓇᑕᑉᒥᒃ ᐊᑎᓕᖕᒧᑦ ᓄᓇᖃᕐᑐᒧᑦ ᐱᖑᐊᕐᔫᑉ ᖄᖓᓂ; ᐃᕐᓂᖓᓗ ᐃᓕᓯᕆ ᑲᒪᔨᐅᖁᔭᐅᓪᓗᓂ ᑐᒃᓯᐅᑦᔭᐅᓚᐅᕐᐳᖅ ᐃᑦᔪᕐᓁᓕᑎᑕᐅᓪᓗᓂ.

ᓴᒧᐃᓕ ᓯᕗᓪᓖᑦ 7:2

ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ ᑭᕆᐊᑦ-ᔨᕆᒻᒦᓚᐅᕐᐳᖅ ᐊᑯᓂ, ᐊᕐᕌᒍᓂᒃ 20ᓂᒃ, ᑍᑦᓱᒪᓂᐅᑎᓪᓗᒍ ᐃᓴᕆᐊᓕᒥᐅᑦ ᐃᓄᖏᑦ ᐃᓗᖏᕐᓱᕐᓗᑎᒃ ᓂᓪᓕᐊᖃᑦᑕᓚᐅᕐᐳᑦ ᐊᑕᓂᕐᒧᑦ ᐃᑲᔪᕐᑕᐅᔪᒪᓪᓗᑎᒃ.