ᑯᕉᓂᑲ ᓯᕗᓪᓖᑦ 13:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑍᕕᑎᓗ ᓂᓐᖓᒃᐳᖅ ᐊᑕᓂᐅᑉ ᐱᓂᐊᕐᓂᖓᓂᒃ ᐆᔭᒧᑦ; ᑖᓐᓇᓗ ᓇᔪᕐᑕᖓᑦ ᑍᔭᐅᓕᕐᐳᖅ ᐱᕆᔾ-ᐆᔭᒥᒃ ᐅᓪᓗᒥᒧᑦ ᑎᑭᓪᓗᒍ.

ᑯᕉᓂᑲ ᓯᕗᓪᓖᑦ 13:11 Iomraidhean Croise

ᒨᓯᓯ ᓯᕗᓪᓖᑦ 32:32

ᑍᒤᒻᒪᑦ ᐅᓪᓗᒥᒧᑦ ᑎᑭᓪᓗᒍ ᐃᓴᕆᐊᓕᐅᑉ ᑭᖑᕚᖏᑦ ᓯᕝᕕᐊᑉ ᓴᐅᓂᖓᑕ ᐃᓗᐊᓃᑦᑐᒥᒃ ᓄᑭᖕᒥᒃ ᓂᕆᔪᓐᓇᓐᖏᓚᑦ, ᔧᑯ ᓯᕝᕕᐊᖓᑕ ᐃᑎᕐᓴᖓᑕ ᓄᑭᖓ ᑎᒡᓗᓚᐅᕐᒪᒍ.

ᓴᒧᐃᓕ ᐂᑉᐸᖏᑦ 6:7

ᐊᑕᓂᐅᓪᓗ ᓂᓐᖓᐅᓯᖓ ᐆᓴᒧᑦ ᑎᑭᑉᐳᖅ; ᒎᑎᐅᓪᓗ ᐊᓇᐅᕚ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓᓂᒃ ᐊᒃᑐᕐᓯᓂᖓᓄᑦ; ᐆᔭᓗ ᑐᖁᕗᖅ ᐃᒃᓯᕐᕕᐅᑉ ᓴᓂᐊᓂ.

ᓴᒧᐃᓕ ᐂᑉᐸᖏᑦ 6:9

ᑍᕕᑎᓗ ᐅᓪᓗᒥ ᑕᕝᕙᓂ ᑲᑉᐱᐊᓱᓕᓚᐅᕐᐳᖅ ᐊᑕᓂᕐᒥᒃ ᐅᖃᕐᓗᓂᓗ, “ᖃᓄᕐᓕ ᐊᑕᓂᐅᑉ ᐃᒃᓯᕐᕕᖁᑎᖓ ᓇᒃᓴᕈᓐᓇᓕᕐᐸᕋ?”

ᑯᕉᓂᑲ ᓯᕗᓪᓖᑦ 13:10

ᑕᕝᕙ ᐊᑕᓂᐅᑉ ᓂᓐᖓᐅᑎᕚ ᐆᔭ; ᐊᓐᓇᐅᕚᓗ ᐊᒡᒐᖏᑦ ᐊᔭᑉᐸᖕᒪᑕ ᐃᒃᓯᕕᖁᑎᖓᓄᑦ; ᑕᕝᕙᓂᓗ ᑐᒃᑯᕗᖅ ᒎᑎᑉ ᓵᖓᓂ.

ᑯᕉᓂᑲ ᓯᕗᓪᓖᑦ 13:12

ᑍᕕᑎᓗ ᑎᒥᒃ ᑲᑉᐱᐊᓱᓕᕐᐳᖅ ᐅᓪᓗᒥ ᑕᕝᕙᓂ; ᐅᖃᕐᓗᓂᓗ, “ᖃᓄᕐᓕ ᒎᑎᐅᑉ ᐃᒃᓯᕐᕕᖁᑎᖓ ᐊᓐᖏᕐᕋᐅᑎᔪᓐᓇᕐᐸᕌ?”

ᑯᕉᓂᑲ ᓯᕗᓪᓖᑦ 15:13

ᐱᒋᐊᓕᕐᑎᓪᓗᑕ ᓯᕗᓪᓕᕐᒥᒃ ᐊᒡᔭᕐᓯᓚᐅᖏᓐᓇᑦᓯ, ᐊᑕᓂᐅᑉ ᒎᑎᑦᑕ ᓱᒋᐊᓚᐅᕐᐹᑎᒍᑦ, ᖃᐅᔨᒋᐊᓚᐅᖏᓐᓂᑦᑎᓐᓄᑦ ᑖᑦᓱᒥᖓ ᖃᓄᐃᓕᐅᕐᓗᑕ ᐱᓇᓱᐊᕆᐊᖃᕐᓂᑦᑎᓐᓂᒃ.”

ᒨᓯᓯ ᐂᑉᐸᖏᑦ 19:22

ᑐᓂᕐᕈᓯᕐᑎᑦᓯᔩᓪᓘᓐᓃᑦ ᐊᑕᓂᕐᒧᑦ ᖃᒡᓕᓂᐊᕈᑎᒃ ᐃᒻᒥᖕᓂᒃ ᓴᓗᒻᒪᕐᓴᕐᑐᒃᓴᐅᕗᑦ, ᑍᒤᓕᐅᖏᑉᐸᑕ ᑕᕝᕙ ᐊᑕᓂᐅᑉ ᓱᒋᐊᕐᓂᐊᕐᐰᑦ.”

ᔫᓇᐅᑉ ᐊᒡᓚᖏᑦ 4:4

ᐊᑕᓂᐅᓪᓗ ᑭᐅᕚ, “ᓂᓐᖓᒡᓗᑎᑦ ᓈᒻᒪᓈᕋᓗᐊᕐᐲᑦ?”

ᔫᓇᐅᑉ ᐊᒡᓚᖏᑦ 4:9

ᒎᑎᐅᓪᓕ ᔫᓇ ᐅᖃᐅᑎᕚ, “ᓂᓐᖓᒡᓗᑎᑦ ᓈᒻᒪᓈᕋᓗᐊᕐᐲᑦ? ᑖᑦᓱᒧᖓ ᐱᕈᕐᑐᒧᑦ?” ᔫᓇᓗ ᐅᖃᕐᐳᖅ: “ᓂᓐᖓᖕᓂᕋ ᓈᒻᒪᓈᕐᐳᖅ, ᓂᓐᖓᖕᓂᕐᒧᑦ ᐊᒡᓛᑦ ᑐᖁᒐᓗᐊᕈᒪ ᖃᓄᐃᒃᓴᓐᖏᓚᖓ!”

ᒨᓯᓯ ᑕᓪᓕᒪᖏᑦ 34:6

ᐊᑕᓂᐅᓪᓕ ᐃᓗᕕᕐᓚᐅᕐᐹ ᒧᐊᐱᐅᑉ ᓇᕐᓴᖓᓂ, ᓄᓇᓖᑦ ᐱᑦ-ᐱᐅᕋᐅᑉ ᐊᑭᐊᓃᑦᑐᒧᑦ; ᑭᓯᐊᓂᓕ ᓱᓕ ᐅᓪᓗᒥᒧᑦ ᑎᑭᓪᓗᒍ ᑭᓇᒧᓪᓘᓐᓃᑦ ᖃᐅᔨᒪᔭᐅᓪᓚᕆᓐᖏᓚᖅ ᓇᓂ ᐃᓗᕕᕐᓯᒪᖕᒪᖔᑦ.

ᔮᓱᐊᑉ ᐊᒡᓚᖏᑦ 4:9

ᔮᓱᐊᓗᑕᐅᖅ ᐃᓕᓯᓚᐅᕆᕗᖅ ᐅᔭᕋᖕᓂᒃ 12ᓂᒃ ᔪᐊᕐᑕᓂᐅᑉ ᑰᖓᑕ ᕿᑎᐊᓄᑦ, ᑐᓂᕐᕈᓯᕐᑎᑦᓯᔩᑦ ᐊᖏᖃᑎᒌᖕᓂᐅᑉ ᐃᒃᓯᕐᕕᖓᓂᒃ ᐊᒡᔭᕐᓯᔪᑦ ᓇᖏᕐᕕᒋᓚᐅᕐᑕᖏᓐᓄᑦ; ᑖᒃᑯᐊᓗ ᐅᓪᓗᒥ ᓱᓕ ᐅᔭᕅᑦ ᑍᑲᓃᑉᐳᑦ.