ᑯᕉᓂᑲ ᓯᕗᓪᓖᑦ 12:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᒑᑎᒥᐅᓂᑦ ᐃᓚᓕᐅᑎᔪᖃᓚᐅᕆᕗᖅ ᑍᕕᑎᒧᑦ ᐱᔭᐅᑦᑍᓕᕕᖓᓂ ᐃᓄᖃᔪᐃᑦᑐᒥ ᐊᔪᖏᑦᑐᕐᔪᐊᓂᒃ ᓯᕘᕋᖏᑦᑐᓂᒃ, ᐅᓇᑕᓕᒪᑦᓯᐊᕐᑐᓂᒃ, ᓴᐴᓗᑕᕐᓂᒃ ᑲᓗᒋᐊᓂᒡᓗ ᐊᑐᕆᐊᒃᓴᖅ ᖃᐅᔨᒪᑦᓯᐊᕐᑐᓂᒃ, ᑮᓇᖏᑦ ᓛᔭᑎᑐᑦ ᑕᐅᑦᑐᓕᖕᓂᒃ, ᑐᒃᑑᔮᕐᑐᑎᑐᓪᓗ ᖃᖅᑲᒥᐅᑕᑎᑐᑦ ᐊᐅᓚᑦᔭᑦᑎᐊᕆᒃᑎᒋᔪᓂᒃ:

ᑯᕉᓂᑲ ᓯᕗᓪᓖᑦ 12:8 Iomraidhean Croise

ᓴᒧᐃᓕ ᐂᑉᐸᖏᑦ 1:23

ᓴᐅᓕᒃᑯᒃ ᔫᓇᑕᓂᒃᑯᒃ, ᐱᐅᒋᔭᐅᓚᐅᕐᐴᒃ ᐅᖓᒋᔭᐅᓪᓗᑎᒡᓗ; ᐃᓅᖃᑎᒌᓚᐅᕐᐴᒃ, ᑐᖁᓂᕐᒧᑦ ᑎᑭᓪᓗᑎᒃ ᐊᕕᓚᐅᓐᖏᓚᒃ; ᓇᒃᑐᕋᓕᖕᓂᑦ ᓱᒃᑲᓂᕐᓴᐅᓚᐅᕐᐴᒃ, ᓛᔭᓂᓪᓗ ᓴᓐᖏᓂᕐᓴᐅᓪᓗᑎᒃ.

ᓴᒧᐃᓕ ᐂᑉᐸᖏᑦ 17:10

ᐊᒡᓛᑦ ᓯᕘᕋᔪᐃᑦᑐᑦ ᐊᖑᑏᑦ, ᑲᑉᐱᐊᓱᖃᖏᑦᑐᓪᓗ ᓛᔭᑎᑐᑦ, ᑲᑉᐱᐊᓱᓕᕐᓂᐊᕐᐳᑦ ᐃᓴᕆᐊᓕᒥᐅᓕᒫᑦ ᖃᐅᔨᒪᖕᒪᑕ ᐊᑖᑍᑦ ᐅᓇᑕᒃᑲᒻᒪᕆᐊᓘᖕᒪᑦ ᐅᓇᑕᕐᑐᒃᓴᖁᑎᖏᓪᓗ ᐅᓇᑕᒃᑲᒻᒪᕆᐊᓘᓪᓗᑎᒃ.

ᓴᒧᐃᓕ ᐂᑉᐸᖏᑦ 2:18

ᔨᕈᐃᐊᐅᓪᓗ ᐃᕐᓂᖏᑦ ᐱᖓᓱᑦ ᑍᑲᓃᓚᐅᕐᐳᑦ ᐅᑯᐊ: ᔪᐊᐱ, ᐊᐱᓮ, ᐊᓴᕼᐃᐅᓗ. ᑖᓐᓇᓗ ᐊᓴᕼᐃᐅᓪ ᑎᐊᕐᑎᑐᑦ ᑐᒃᑐᖓᔪᑎᑐᑦ ᓱᑲᑦᑑᑎᒋᔪᓐᓇᓚᐅᕐᐳᖅ;

ᓴᒧᐃᓕ ᐂᑉᐸᖏᑦ 23:20

ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ, ᐃᕐᓂᕆᔭᐅᓚᐅᕐᐳᖅ ᐊᔪᖏᑦᑐᐊᓗᖕᒧᑦ, ᑲᑉᔨᐅᓪᒥᑦ ᐱᓯᒪᔪᖅ, ᐱᓂᐊᕐᓂᖃᓚᐅᕐᐳᖅ ᓯᕘᕋᖏᑦᓯᐊᕐᓗᓂ, ᑐᖁᑦᓯᓚᐅᕐᑐᖅ ᐊᖑᑏᖕᓂᒃ ᒪᕐᕉᖕᓂᒃ ᓛᔭᑎᑑᕐᑑᖕᓂᒃ ᒧᐊᐱᒥᐅᑖᖕᓂᒃ, ᑐᖁᑦᓯᓚᐅᕐᑐᕐᓗ ᓛᔭᒥᒃ ᐃᑎᕐᓴᒦᑦᑐᒥᒃ ᖃᓐᓂᕐᑎᓪᓗᒍ.

ᑯᕉᓂᑲ ᓯᕗᓪᓖᑦ 11:16

ᑍᕕᑎᓗ ᑕᕝᕙᓂ ᐱᔭᐅᑦᑍᓕᕕᖕᒥᓃᓚᐅᐳᖅ; ᐱᓕᔅᑍᓂᒥᐅᑦ ᐅᓇᑕᕐᑐᒃᓴᖃᕐᕕᖕᒥᓃᑎᓪᓗᒋᑦ ᐱᑦᓕᐊᒻᒥ.

ᑯᕉᓂᑲ ᓯᕗᓪᓖᑦ 11:22

ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ, ᐊᔪᖏᑦᑐᕐᔪᐊᒧᑦ ᑲᑉᔨᐅᓪᒥᐅᑕᒧᑦ ᐃᕐᓂᕆᔭᐅᔪᖅ, ᐱᓂᐊᕐᓂᖃᓚᐅᕐᐳᖅ ᐊᖏᔪᕐᔪᐊᒥᒃ; ᑐᖁᑦᓯᓚᐅᕐᒪᑦ ᐊᖑᑏᖕᓂᒃ ᒪᕐᕉᖕᓂᒃ ᓛᔭᑎᑑᕐᑐᖕᓂᒃ ᒧᐊᐱᒥᐅᑖᖕᓂᒃ. ᑐᖁᑦᓯᓚᐅᕐᓯᒪᖕᒥᔪᖅ ᓛᔭᒥᒃ ᐃᑎᕐᓴᒦᑦᑐᒥᒃ ᖃᓐᓂᕐᑐᐊᓘᑎᓪᓗᒍ.

ᑯᕉᓂᑲ ᓯᕗᓪᓖᑦ 12:16

ᐱᓐᔭᒥᓂᒃᑯᑦ ᔫᑕᒃᑯᓪᓗ ᐃᓚᖏᑦ ᐅᐸᒍᑎᓚᐅᕐᐳᑦ ᑍᕕᑎᒧᑦ ᐱᔭᐅᑦᑍᓕᕕᖓᓃᑎᓪᓗᒍ.

ᑯᕉᓂᑲ ᓯᕗᓪᓖᑦ 12:7

ᔪᐃᓚ, ᔨᐸᑍᐊᓗ, ᔨᕈᕼᐋᒻ ᒋᑐᐊᕆᒥᐅᑕᐅᑉ ᐃᕐᓂᖏᒃ.

ᑯᕉᓂᑲ ᓯᕗᓪᓖᑦ 12:9

ᐊᖓᔪᖅᑳᖓᑦ ᐃᔨᕆ, ᑐᖓᓕᐊ ᐅᐸᑍᐊ, ᐱᖓᔪᐊᑦ ᐃᓔᐊᑉ,

ᑯᕉᓂᑲ ᐂᑉᐸᖏᑦ 25:5

ᐊᒪᔧᐊᓗ ᑲᑎᕐᓱᐃᓚᐅᕐᐳᖅ ᔫᑕᒥ 1,000ᓄᑦ ᐊᖓᔪᖅᑲᐅᔪᓂᒃ 100ᓄᓪᓗ ᐊᖓᔪᖅᑲᐅᔪᓂᒃ, ᓯᕗᓕᖏᑕ ᑭᖑᕚᖏᑦ ᒪᓕᒡᓗᒋᑦ, ᔫᑕᒥᐅᓕᒫᑦ ᐱᓐᔭᒥᓂᒥᐅᓕᒫᓪᓗ, ᓈᓴᕐᐰ ᐊᕐᕌᒍᓖᑦ 20ᒥᑦ ᐅᖓᑖᓄᑦ, ᖃᐅᔨᓚᐅᕐᐳᕐᓗ 300,000 ᐊᖑᑏᑦ ᐊᑐᐃᓐᓇᐅᓂᖏᓐᓂᒃ, ᐅᓇᑕᕈᓐᓇᕐᑐᑦ, ᖃᓗᒋᐊᓄᑦ ᓴᐴᓗᑕᓄᓪᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:1

ᐱᐅᖏᑦᑐᓕᔪᑦ ᕿᒫᕗᑦ ᒪᓕᒃᑕᐅᒐᑎᒃ, ᐃᓱᐊᕐᑐᓕᔪᑦ ᓯᕘᕋᓐᖏᓚᑦ ᓛᔭᑎᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:5

ᑐᒃᑐᖓᔪᑐᑦ ᓱᒃᑲᔪᑎᑐᑦ ᐊᓐᓇᒋᐊᓕᕆᑦ ᐆᒪᔪᕐᓯᐅᕐᑑᑉ ᐱᓇᓱᐊᕐᓂᖓᓂᑦ, ᑎᖕᒥᐊᑎᑐᑦ ᑎᖏᑲᐅᕐᑐᕆᐊᓕᕆᑦ ᕿᒫᓗᑎᑦ ᑎᖕᒥᐊᕐᓂᐊᕐᑎᒥᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 8:14

ᓇᒡᓕᒋᔮᒃ, ᕾᒋᑦ ᑐᐊᕕᕐᓗᑎᑦ, ᑐᒃᑐᖓᔪᑎᑐᑦ ᓱᒃᑲᓕᔪᑎᑐᑦ ᐅᕝᕙᓘᓐᓃᑦ ᐸᖕᓂᖑᕋᑖᕐᑐᑐᑦ, ᖃᖅᑲᑎᒍᑦ ᑎᐱᑦᓯᐊᕆᒃᑐᓂᒃ ᐱᕈᕐᕕᐅᔪᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 46:9

ᕿᒻᒥᕐᔪᐊᑦ ᓱᑲᑦᑑᑎᓯᐅᒃ, ᕿᒧᒃᓯᐅᑎᒨᕐᑐᓯᓗ ᓱᒃᑲᓵᕆᑦᓯ, ᐅᓇᑕᕐᑎᑕᐅᔪᓯ ᑐᐊᕕᕐᓗᓯ ᐱᓱᒋᑦᓯ, ᑯᔅᒥᐅᑕᐅᔪᓯ ᐳᑎᒥᐅᑕᐅᔪᓯᓗ ᓴᐴᓗᑕᖃᓕᕆᑦᓯ, ᓘᑎᒥᐅᑕᐅᔪᓯᓗ ᐱᑎᒃᓯᓯ ᕿᓗᓕᕐᓯᒋᒃ.’”

ᓴᒧᐃᓕ ᓯᕗᓪᓖᑦ 23:14

ᑍᕕᑎᓗ ᐃᓄᖃᔪᐃᑦᑐᒥ ᖃᖅᑲᓂ ᕾᕈᓱᖕᓃᓚᐅᕐᐳᖅ, ᔨᐸᐅᑉ ᖃᓂᒋᔮᓂ ᖃᖅᑲᓂ ᐃᓄᖃᔪᐃᑦᑐᒥ. ᓴᐅᓕᐅᓪᓗ ᕿᓂᖃᑦᑕᓚᐅᕐᐹ ᖃᐅᑕᒫᑦ, ᒎᑎᐅᓪᓕ ᑍᕕᑎ ᑐᓂᓚᐅᓐᖏᓛ ᓴᐅᓕᒧᑦ.

ᓴᒧᐃᓕ ᓯᕗᓪᓖᑦ 23:29

ᑍᕕᑎᓗ ᑕᕝᕙᓐᖓᑦ ᐊᐅᓪᓚᓚᐅᕐᐳᖅ, ᐃᓐ-ᒋᑎᒧᑦ ᓄᓇᒧᑦ ᑕᕝᕙᓂᓗ ᓄᓇᖃᓕᕐᓗᓂ ᐃᔨᕐᓯᒪᑦᓱᓂ.

ᓴᒧᐃᓕ ᓯᕗᓪᓖᑦ 24:22

ᑍᕕᑎᓗ ᐊᖏᒻᒪᕆᒃᐳᖅ ᑕᒪᑐᒥᖓ ᓴᐅᓕᒧᑦ. ᑕᕝᕙ ᓴᐅᓕ ᐅᑎᓕᕐᐳᖅ ᐊᖏᕐᕋᒧᑦ; ᑍᕕᑎᓕ ᐃᓄᖁᑎᖏᓪᓗ ᐅᑎᕆᕗᑦ ᕾᕈᓱᖕᓄᑦ.