ᑯᕉᓂᑲ ᓯᕗᓪᓖᑦ 12:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᑕᕝᕙ ᐊᓂᕐᓂᐅᑉ ᐊᒪᓮ ᑎᑭᕝᕕᒋᕚ, ᐊᖓᔪᖅᑳᖑᔪᖅ 30ᓄᑦ, ᐅᖃᕐᓗᓂᓗ, “ᐃᓕᖕᓄᑦ ᐱᒋᔭᐅᕗᒍᑦ, ᑍᕕᑏ; ᐃᓕᖕᓂᒡᓗ ᐃᓕᖃᕐᐳᒍᑦ, ᔨᓯᐅᑉ ᐃᕐᓂᖓ! ᓮᒻᒪᕐᑎᑕᐅᒋᑦ, ᓮᒪᓂᐅᓪᓗ ᓇᔪᕐᓕᑎᑦ, ᐃᑲᔪᕐᑎᑎᓪᓗ ᓮᒻᒪᕐᑎᑕᐅᓕᑦ! ᒎᑎᕕᑦ ᐃᑲᔪᕐᒫᑎᑦ.” ᑕᕝᕙ ᑍᕕᑎᐅᑉ ᐃᓚᓕᐅᕐᐰᑦ, ᐊᖓᔪᖅᑳᓐᖑᕐᑎᓪᓗᒋᓪᓗ ᐅᓇᑕᕐᑐᒃᓴᖁᑎᒥᓄᑦ.

ᑯᕉᓂᑲ ᓯᕗᓪᓖᑦ 12:18 Iomraidhean Croise

ᓴᒧᐃᓕ ᐂᑉᐸᖏᑦ 15:21

ᐃᑍᓕ ᑭᐅᕗᖅ, “ᐊᖓᔪᖅᑳᒃ, ᐊᑕᓂᖅ ᐃᓅᖕᒪᑦ, ᐊᑕᓂᕋᓗ ᐊᖓᔪᖅᑳᕐᔪᐊᕋ ᐃᓅᓪᓗᓂ, ᐊᖓᔪᖅᑳᕐᔪᐊᕋ ᐊᑕᓂᕋᓗ ᓇᒧᓐᖓᑐᐊᕐᐸᑦ ᒪᓖᓐᓇᐅᔭᕐᓂᐊᕐᐸᕋ, ᑐᖁᓂᐊᕋᓗᐊᕈᒪ ᐃᓅᓂᐊᕈᒪᓘᓐᓃᑦ ᓇᔪᕐᑕᖓᓃᖃᑕᐅᖏᓐᓇᕐᓂᐊᕐᐳᖓ.”

ᓴᒧᐃᓕ ᐂᑉᐸᖏᑦ 17:25

ᐋᑉᓴᓚᐅᑉ ᐊᒪᓴ ᑲᒪᔨᓐᖑᕐᑎᓚᐅᕐᐹ ᐅᓇᑕᕐᑐᒃᓴᓄᑦ ᔪᐊᐱᒥᒃ ᐃᓇᖐᓪᓗᓂ. ᐋᒪᓴ ᐃᕐᓂᕆᔭᐅᓚᐅᕐᐳᖅ ᔨᑎᕆᒧᑦ ᐃᓴᕆᐊᓕᒥᐅᑕᕐᒧᑦ; ᐊᓈᓇᖓᓗ ᐊᐱᒊᓕᒥᒃ ᐊᑎᖃᕐᐳᖅ, ᓇᕼᐊᓯᐅᑉ ᐸᓂᖓ ᔨᕈᐃᐊᐅᑉ ᔪᐊᐱᐅᓪᓗ ᐊᓈᓇᖓᑕ ᓄᑲᖓ.

ᓴᒧᐃᓕ ᐂᑉᐸᖏᑦ 19:13

ᑍᕕᑎᐅᑉ ᐅᖃᖁᓚᐅᕆᕔᑦ ᐊᒪᓴᒧᑦ, “ᑎᒥᒃᑯᑦ ᐃᓚᒋᕙᒋᑦ ᒫᓐᓇᒥᑦ ᑲᒪᔨᐅᑎᓐᓂᐊᕐᐸᒋᑦ ᐅᓇᑕᕐᑐᒃᓴᓂᒃ ᔪᐊᐱ ᑭᖑᕝᕕᕐᓗᒍ, ᒎᑎᐅᑉ ᓱᒋᐊᕐᓂᐊᕐᐹᖓ ᑍᒤᑎᑦᓯᓂᐊᓐᖏᑐᐊᕈᒪ!”

ᓴᒧᐃᓕ ᐂᑉᐸᖏᑦ 5:2

ᑍᑦᓱᒪᓂ, ᓴᐅᓕ ᐊᖓᔪᖅᑳᕐᔪᐊᖑᑎᓪᓗᒍ, ᐃᓴᕆᐊᓕᒥᐅᑦ ᐃᓄᖏᑦ ᐅᓇᑕᕐᓂᒃᑯᑦ ᑕᓯᐅᓚᐅᕐᐸᑎᑦ, ᐊᑕᓂᐅᓪᓗ ᐊᖏᕐᕕᒋᓚᐅᕐᐹᑎᑦ, ‘ᐃᓄᖁᑎᓐᓂᒃ ᐰᕐᓯᔨᐅᓂᐊᕐᐳᑎᑦ, ᐊᖓᔪᖅᑳᕐᔪᕆᔭᐅᓗᑎᓪᓗ.’”

ᐊᑕᓃᑦ ᓯᕗᓪᓖᑦ 9:22

ᓲᓗᒨᓂ ᓯᐊᓛᖃᓚᐅᓐᖏᓚᖅ ᐃᓴᕆᐊᓕᓂᑦ; ᑖᒃᑯᐊ ᑖᑦᓱᒥᖓ ᐱᔨᑦᓯᓚᐅᕐᐳᑦ ᐅᓇᑕᕐᑐᒃᓴᐅᓪᓗᑎᒃ, ᐊᖓᔪᖅᑳᖁᑎᒋᓪᓗᓂᒋᑦ, ᐊᖓᔪᖅᑳᖑᓪᓗᑎᒡᓗ ᐅᓇᑕᕐᑐᒃᓴᓄᑦ, ᐅᓇᑕᕐᑐᒃᓴᓄᓪᓗ ᐊᕕᒃᑐᕐᓯᒪᔪᓄᑦ ᐊᖓᔪᖅᑳᖑᓪᓗᑎᒃ, ᕿᒧᒃᓯᐅᑎᓄᓪᓗ ᐊᒃᓴᓗᐊᓕᖕᓄᑦ ᐊᖓᔪᖅᑳᖑᓪᓗᑎᒃ, ᕿᒻᒥᕐᔪᐊᒃᑰᕐᑎᐅᓪᓗᑎᒡᓗ.

ᐊᑕᓃᑦ ᐂᑉᐸᖏᑦ 10:15

ᑕᕝᕙᓐᖓᑦ ᐱᓪᓗᓂ ᔨᕼᐅᓇᑕᑉᒥᒃ ᕆᑳᐱᐅᑉ ᐃᕐᓂᖓᓂᒃ ᑲᑎᓯᕗᖅ, ᐸᕆᐊᕐᓯᒪᔪᒥᒃ ᑖᑦᓱᒥᖓ, ᔨᕼᐆᑉ ᑲᑎᒐᒥᐅᒃ ᐊᐱᕆᕚ, “ᐅᕙᓐᓂᒃ ᑕᐱᖃᕐᐲᑦ, ᐅᕙᖓᑦᑕᐅᖅ ᐃᓕᖕᓂᒃ ᑕᐱᖃᕈᒪᒐᒪ?” ᔨᕼᐅᓇᑖᐅᑉ ᑭᐅᕚ, “ᐋ ᑕᐱᖃᕐᐳᖓ ᐃᓕᖕᓂᒃ.” ᔨᕼᐆ ᐅᖃᐅᑎᕚ, “ᑍᒤᓕᖓᒍᓐᓄᑦ ᐊᒡᒐᑎᑦ ᐃᓴᓚᐅᒃᑭᑦ.” ᐃᓴᖕᒪᒍ ᐊᒡᒐᖏᑎᒍᑦ ᑎᒍᓪᓗᒍ ᕿᒧᒃᓯᐅᑎᒥᓄᑦ ᐊᒃᓴᓗᐊᓕᖕᒧᑦ ᐃᑭᑎᑉᐹ.

ᐊᑕᓃᑦ ᐂᑉᐸᖏᑦ 10:5

ᑕᕝᕙ ᐊᖓᔪᖅᑳᕐᔪᐊᑉ ᐃᒡᓗᖓᓂ ᐊᖓᔪᖅᑳᑦ, ᐊᐅᓚᑦᓯᔩᓪᓗ ᓯᕗᓕᕐᑏᓪᓗ ᑲᒪᔨᐅᔪᓪᓗ ᑭᐅᑦᔪᑎᒥᖕᓂᒃ ᔨᕼᐆᒧᑦ ᐋᑕᐅᑎᑦᓯᕗᑦ, “ᐃᓕᖕᓄᑦ ᐱᔨᐅᒐᑦᑕ ᐊᑐᖁᔭᕐᓂᒃ ᐱᓇᓱᐊᕈᒪᕗᒍᑦ, ᐊᖓᔪᖅᑳᕐᔪᐊᓐᖑᕐᑎᑦᓯᔪᒪᓐᖏᓚᒍᓪᓕ, ᐃᕝᕕᑦ ᐊᑲᐅᓂᕐᐹᖑᓇᓱᒋᔭᕐᓂᒃ ᐱᓇᓱᐊᓕᕆᑦ.”

ᐊᑕᓃᑦ ᐂᑉᐸᖏᑦ 9:32

ᔩᕼᐆ ᖁᒻᒧᑦ ᐃᒐᓛᒧᑦ ᑕᑯᓴᕐᓗᓂᓗ ᐊᐱᕆᕗᖅ, “ᑭᓇᒃᑯᑦ ᐅᕙᓐᓂᒃ ᑕᐱᖃᕐᐹᑦ?” ᑕᕝᕙ ᒪᕐᕈᑐᐃᓐᓇᐅᖏᑦᑑᒃ ᐊᖓᔪᖅᑳᕐᔪᐊᑉ ᐃᓄᖁᑎᖏᑦ ᐃᒐᓛᑯᑦ ᐃᑦᑐᐊᕐᐳᑦ.

ᑯᕉᓂᑲ ᓯᕗᓪᓖᑦ 11:11

ᐅᑯᐊ ᐊᖑᑏᑦ ᐊᔪᖏᑦᑐᕐᔪᐊᖑᓚᐅᕐᑐᑦ ᑍᕕᑎᐅᑉ ᐅᓇᑕᕐᑎᖏᑦ: ᔭᓱᐱ-ᐊᒻ, ᕼᐊᑯᒧᓁᑎᐅᑉ ᐃᕐᓂᖓ, ᐱᖓᓱᓄᑦ ᐊᖓᔪᖅᑳᕆᔭᐅᓚᐅᕐᑐᖅ; ᖃᓗᒋᐊᓂ ᐊᑐᕐᓗᒍ ᑐᖁᑦᓯᓚᐅᕐᑐᖅ 300ᓂᒃ ᐅᓇᑕᕐᓂᕐᒥ ᐊᑕᐅᓯᕐᒥ.

ᑯᕉᓂᑲ ᓯᕗᓪᓖᑦ 12:17

ᑍᕕᑎᐅᓪᓗ ᐸᕐᕆᐊᕐᓗᒋᑦ ᑲᑎᒐᒥᒋᑦ ᐅᖃᐅᑎᕔᑦ, “ᕾᒍᑦᓯ ᐃᓚᓐᓈᖃᕈᒪᓗᓯ ᐃᑲᔪᕆᐊᕈᑦᓯ ᐅᕙᓐᓂᒃ, ᐆᒻᒪᑎᒐ ᐊᑕᐅᓯᓐᖑᖃᑕᐅᓂᐊᕐᐳᖅ ᐃᓕᑦᓯᓐᓄᑦ, ᐊᑭᕋᓐᓄᓪᓕ ᐱᔭᐅᒃᑬᔭᕐᑐᕈᑦᓯ, ᑕᒻᒪᓚᐅᖏᒃᑲᓗᐊᕐᑎᓪᓗᖓ, ᐊᑖᑕᑦᑕ ᒎᑎᖓᑕ ᑕᑯᓐᓇᕐᒪᓯ ᓱᒋᐊᕐᓂᐊᕐᐹᓯ.”

ᑯᕉᓂᑲ ᓯᕗᓪᓖᑦ 2:17

ᐊᐱᒊᓕ ᐃᕐᓂᕐᑖᕐᐳᖅ ᐊᒪᓴᒥᒃ, ᐊᒪᓴᐅᑉ ᐊᑖᑕᖓ ᔨᑎᕆᐅᕗᖅ ᐃᓯᒤᓕᒥᐅᖅ.

ᐂᓮᐊᓯᐅᑉ ᐊᒡᓚᖏᑦ 59:17

ᓇᓛᒎᕐᓂᖅ ᓴᒡᕕᖕᒥᐅᑕᕐᑖᕆᕚ, ᐱᐅᓕᔭᐅᓂᕐᓗ ᓇᓴᕐᑖᕆᓪᓗᒍ, ᐊᓐᓄᕌᕐᓗᓂᓗ ᐊᑭᓂᐊᕐᓂᕐᒥᒃ, ᓂᓐᖓᐅᒪᓂᕐᔪᐊᕐᓗ ᐊᑎᕚ ᐅᓕᒡᔪᐊᓕᐅᑎᓪᓗᒍ.

ᓴᑲᕅᐊᐅᑉ ᐊᒡᓚᖏᑦ 8:23

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᒫᒃ ᐅᖃᕐᐳᖅ; ᐅᓪᓗᓂ ᑍᒃᑯᓇᓂ ᐃᒫᒃ ᐱᔪᖃᕈᒫᕐᐳᖅ, ᐊᖑᑎᑦ ᖁᓕᑦ ᐃᓅᖃᑎᒌᒡᔪᐊᓂᑦ ᐅᖃᐅᓯᖃᑎᒌᖏᑦᑐᑦ, ᔫᑎᒥᒃ ᐊᓐᓄᕌᖓᒍᑦ ᑎᒍᓯᔪᒫᕐᐳᑦ ᐅᖃᐅᑎᓗᒍᓗ, ‘ᑍᑯᓐᖓᖃᑎᒋᓚᐅᕐᓚᑦᑎᒋᑦ ᑐᓴᐅᒪᒐᑦᑕ ᒎᑎᐅᑉ ᐃᓚᒋᖕᒪᓯ.’”

ᒫᑎᐅᓯᐅᑉ ᐊᒡᓚᖏᑦ 12:30

“ᐱᓇᓱᐊᖃᑎᒋᓐᖏᑕᕋ ᐅᕙᓐᓂᒃ ᐊᑭᕋᕐᑐᕐᐳᖅ; ᐅᕙᓐᓂᒡᓗ ᑲᑎᕐᓱᐃᖃᑎᖃᖏᑦᑐᖅ ᐊᕕᑎᕆᕗᖅ.

ᒐᓔᑎᐊᒥᐅᓄᑦ 6:16

ᑕᒪᑐᒥᖓ ᒪᓕᒡᓗᑎᒃ ᐃᓅᔪᑦ ᖃᓄᐃᖏᑦᓯᐊᕐᓇᕐᑑᑉ ᓈᒃᑭᒋᔭᐅᓂᐅᓪᓗ ᐃᓚᒋᓕᒋᑦ, ᒎᑎᐅᓪᓗ ᐃᓄᖁᑎᓕᒫᖏᑦ ᐃᓴᕆᐊᓕᒥᐅᑦ.

ᐃᓗᐊᕐᓮᔩᑦ ᐊᒡᓚᖏᑦ 13:25

ᐊᑕᓂᐅᓪᓗ ᐊᓂᕐᓂᖓᑕ ᐱᓇᓱᐊᕐᕕᒋᕙᓪᓕᐊᓚᐅᕐᐹ ᒪᕼᐊᓂ ᑖᓐᒥ ᔫᕋᐅᓪᓗ ᐃᔅᑕᐅᓪᓗ ᐊᑯᓐᓂᖓᓂ.

ᐃᓗᐊᕐᓮᔩᑦ ᐊᒡᓚᖏᑦ 3:10

ᐊᑕᓂᐅᑉ ᐊᓂᕐᓂᖓᑕ ᐃᓗᒻᒥᕐᐹ, ᐃᓴᕆᐊᓕᒥᐅᓪᓗ ᐃᓱᐊᕐᓴᕐᓗᒋᑦ; ᐅᓯᓂᐅᓪ ᐅᓇᑕᕆᐊᓚᐅᕐᐳᖅ, ᐊᖓᔪᖅᑳᕐᔪᐊᖅ ᑯᓵᓐ-ᕆᓴᑍᒻ ᐊᑕᓂᐅᑉ ᑐᓂᓚᐅᕐᐹ ᑖᑦᓱᒧᖓ; ᑖᑦᓱᒪ ᑯᓵᓐ-ᕆᓴᑍᒻ ᓵᓚᒋᕚ.

ᐃᓗᐊᕐᓮᔩᑦ ᐊᒡᓚᖏᑦ 6:34

ᐊᑕᓂᐅᓪᓗ ᐊᓂᕐᓂᖓᑕ ᒋᑎᐅᓂ ᐊᐅᓚᓕᕐᐹ, ᑎᑦᑐᓚᐅᑎᒥᒡᓗ ᓂᓪᓕᕐᑎᑦᓯᓪᓗᓂ, ᐊᐰᔨᕅᑏᑦ ᑭᖑᕚᖑᖃᑎᓂ ᕾᖁᕔᑦ ᒪᓕᖁᓪᓗᒋᑦ.

ᕉᑎᐅᑉ ᐅᓂᒃᑲᐅᓯᓂᖓ 1:16

ᕉᑎᐅᓪᓕ ᑭᐅᕚ, “ᐃᓕᖕᓂᒃ ᕿᒤᖁᓐᖏᓚᐅᓐᖓ, ᐅᑎᖁᖏᓪᓗᖓᓗ ᒪᓕᒍᒪᒐᒃᑭᑦ; ᓇᒧᑐᐃᓐᓇᖅ ᐂᒐᓗᐊᕈᕕᑦ ᒪᓕᖕᓂᐊᕐᐳᖓ, ᓄᓇᖃᕐᕕᒋᔭᕐᓂᓗ ᓄᓇᖃᕐᓂᐊᕐᐳᖓ, ᐃᓅᖃᑎᑎᑦ ᐃᓅᖃᑎᒋᓂᐊᕐᐸᒃᑲ, ᒎᑏᓪᓗ ᒎᑎᒋᓂᐊᕐᐸᕋ.

ᓴᒧᐃᓕ ᓯᕗᓪᓖᑦ 16:4

ᓴᒧᐃᓕ ᑕᕝᕙ ᐱᓇᓱᐊᕐᐳᖅ ᐊᑕᓂᐅᑉ ᐱᖁᔨᑦᔪᑎᒋᔭᖓᓂᒃ, ᐱᑦᓕᐊᒧᓪᓗ ᐂᓪᓗᓂ. ᐃᒡᓗᒐᓮᓪᓗ ᐊᖓᔪᖅᑳᖏᑦ ᓴᔪᒃᐳᑦ ᑎᑭᓐᓂᖓᓂᒃ, ᐅᖃᕐᓗᑎᒡᓗ, “ᓮᒪᓂᒃᑯᑦ ᑎᑭᑉᐲᑦ?”

ᓴᒧᐃᓕ ᓯᕗᓪᓖᑦ 16:5

ᑖᓐᓇ ᐅᖃᕐᐳᖅ, “ᓮᒪᓂᒃᑯᑦ ᑎᑭᑉᐳᖓ; ᑐᓂᕐᕈᓯᕆᐊᕐᑐᕐᐳᖓ ᐊᑕᓂᕐᒧᑦ; ᐃᑦᔪᕐᓁᑎᓕᕆᑦᓯ ᐃᓕᑦᓯᓐᓂᒃ, ᕾᓗᓯᓗ ᑐᓂᕐᕈᓯᖃᑎᒋᔭᕐᑐᕐᓗᖓ.” ᔨᓯᓗ ᐃᕐᓂᖏᓪᓗ ᐃᑦᔪᕐᓁᓕᑎᑉᐰᑦ, ᕾᖁᓪᓗᒋᓪᓗ ᑐᓂᕐᕈᓯᕆᐊᕐᑐᖁᓪᓗᒋᑦ.

ᓴᒧᐃᓕ ᓯᕗᓪᓖᑦ 22:7

ᓴᐅᓕᐅᓪᓗ ᐱᔨᓂ ᐊᕙᑎᒥᓂ ᓇᖏᕐᑐᑦ ᐅᖃᐅᑎᕔᑦ, “ᓈᓚᒋᑦᓯ ᐱᓐᔭᒥᓂᐅᑉ ᑭᖑᕚᖏᑦ; ᔨᓯᐅᑉ ᐃᕐᓂᖓ ᐃᓘᓐᓇᑦᓯᓐᓂᒃ ᑐᓂᓯᓂᐊᕐᑐᒋᕕᓯᐅᒃ ᐱᕈᕐᓰᕕᖕᓂᒃ ᕔᓂᓕᐅᕐᕕᒃᓴᓂᒡᓘᓐᓃᑦ, ᐅᓇᑕᕐᑐᒃᓴᖁᑎᒥᓄᓪᓗ 1,000ᓄᑦ 100ᓄᓪᓗ ᐊᖓᔪᖅᑳᓐᖑᕐᑎᓪᓗᓂᓰ?

ᓴᒧᐃᓕ ᓯᕗᓪᓖᑦ 24:12

ᐊᑕᓂᐅᑉ ᐃᖅᑲᕐᑐᕐᓕᑎᒍᒃ, ᐊᑕᓂᐅᓪᓗ ᐊᑭᓂᐊᕐᓕᖓ ᐃᕝᕕᑦ ᐱᓪᓗᑎᑦ; ᐊᒡᒐᓐᓄᓪᓕ ᐃᓕᖕᓄᑦ ᓵᓐᖓᓂᐊᓐᖏᓚᖓ.

ᓴᒧᐃᓕ ᓯᕗᓪᓖᑦ 24:13

ᐅᖃᐅᓯᕐᑕᖃᕐᒪᑦ ᐅᖃᐅᓯᑐᖃᕐᒥᒃ ᐃᒫᒃ, ‘ᐱᐅᖏᑦᑐᒥᑦ ᐱᒋᐊᕐᐳᖅ ᐱᐅᖏᑦᑐᓕᓂᖅ’; ᐊᒡᒐᒃᑲᓕ ᓵᓐᖓᓂᐊᓐᖏᓚᑦ ᐃᓕᖕᓄᑦ.

ᓴᒧᐃᓕ ᓯᕗᓪᓖᑦ 24:16

ᑍᕕᑎ ᐅᖃᕇᕐᒪᑦ ᓴᐅᓕᒧᑦ ᐅᖃᐅᓯᕐᓂ ᑖᒃᑯᓂᖓ, ᓴᐅᓕ ᐅᖃᓕᕐᐳᖅ, “ᐃᕝᕕᓪᓚᕆᖏᓐᓈ, ᐃᕐᓃᒃ ᑍᕕᑏ?” ᓴᐅᓕᓗ ᓂᐱᖅᑯᕐᑐᓪᓗᓂ ᕿᐊᓕᕐᐳᖅ.

ᓴᒧᐃᓕ ᓯᕗᓪᓖᑦ 8:12

ᐃᓚᖏᓪᓗ ᐊᖓᔪᖅᑲᐅᑎᑦᓱᒫᕐᐰᑦ ᐊᐅᓚᑦᓯᔨᐅᓗᑎᒃ 1,000ᓄᑦ, ᐃᓚᖏᓪᓗ 50ᓄᑦ, ᐃᓚᖏᓪᓗ ᐱᕈᕐᓰᕕᓕᕆᔨᖁᑎᒋᔪᒫᕐᐰᑦ, ᐃᓚᖏᓪᓗ ᐱᕈᕐᑐᓂᒡᓗ ᓄᐊᑦᓯᔨᒋᓗᓂᒋᑦ, ᐃᓚᖏᓪᓗ ᓴᓇᔨᒋᔪᒫᕐᐰᑦ ᐅᓇᑕᐅᑎᓂᒃ ᐃᓚᖏᓪᓗ ᕿᒧᒃᓯᐅᑎᓄᑦ ᑲᓕᒐᓕᐅᕐᑎᒋᓗᓂᒋᑦ ᐊᒃᓴᓗᐊᓕᖕᓂᒃ.