ᑯᕉᓂᑲ ᓯᕗᓪᓖᑦ 11:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑍᕕᑎᓗ ᑲᔪᓯᔪᒥᒃ ᐊᔪᕈᓐᓃᕐᐸᓪᓕᐊᑐᐃᓐᓇᓕᓚᐅᕐᐳᖅ, ᕿᓚᖕᒥᐅᒐᓴᒡᔪᐃ ᐊᑕᓂᖓᑕ ᐃᓚᒋᓚᐅᕐᒪᒍ.

ᑯᕉᓂᑲ ᓯᕗᓪᓖᑦ 11:9 Iomraidhean Croise

ᓴᒧᐃᓕ ᐂᑉᐸᖏᑦ 3:1

ᐅᓇᑕᕐᓃᑦ ᓴᐅᓕᐅᑉ ᐃᓚᖏᓐᓄᑦ ᑍᕕᑎᑯᓪᓗ ᐊᑯᓂ ᑲᔪᓯᓚᐅᕐᐳᖅ; ᑍᕕᑎᓕ ᓴᓐᖏᒃᑎᑉᐸᓪᓕᐊᓚᐅᕐᐳᖅ, ᓴᐅᓕᐅᑉ ᐃᓚᖏᑦ ᓴᓐᖐᓕᕚᓪᓕᐊᖔᓕᕐᑎᓪᓗᒋᑦ.

ᓴᒧᐃᓕ ᐂᑉᐸᖏᑦ 5:10

ᑍᕕᑎᓗ ᓲᖑᓯᕙᓪᓕᐊᑐᐃᓐᓇᓕᓚᐅᕐᐳᖅ, ᐊᑕᓂᐅᑉ ᒎᑎᐅᑉ ᖁᑦᓯᖕᓂᕐᐹᖑᔫᑉ, ᐃᓚᒋᓚᐅᕐᒪᒍ.

ᑯᕉᓂᑲ ᓯᕗᓪᓖᑦ 11:8

ᐃᒡᓗᒐᓴᓕᐅᕐᐳᕐᓗ ᐊᕙᑖᓂ, ᓄᓇᓕᖕᓂᑦ ᒥᓗᒥᑦ ᐱᒋᐊᕐᓗᒍ ᖃᓂᒋᔭᖓᓃᑦᑐᓂᒡᓗ ᐊᕙᓗᓯᓯᒪᔪᓂᒃ; ᔪᐊᐱᐅᓪᓗ ᐃᒡᓗᒐᓮᑦ ᐊᓯᖏᑦ ᐋᖅᑭᒃᓱᑦᓯᐊᕐᐰᑦ.

ᑯᕉᓂᑲ ᓯᕗᓪᓖᑦ 9:20

ᐱᓂᕼᐋᓯᓗ ᐃᓕᓯᕆᐅᑉ ᐃᕐᓂᖓ ᐊᖓᔪᖅᑳᕆᔭᐅᓚᐅᕐᐳᖅ ᓯᕗᓂᖓᒍᑦ; ᑖᓐᓇ ᐊᑕᓂᐅᑉ ᐃᓚᒋᓚᐅᕐᐹ.

ᐃᔅᑕᐅᑉ ᐊᒡᓚᖏᑦ 9:4

ᒧᐊᑎᑬ ᐱᓪᓚᕆᐊᓘᓕᓚᐅᕐᒪᑦ ᐊᖓᔪᖅᑳᕐᔪᐊᒃᑯᕕᖕᒥ, ᑖᑦᓱᒪᓗ ᐊᔪᖏᓐᓂᕋᕐᑕᐅᓂᖓ ᓄᓇᓕᖕᓂ ᐊᕕᒃᑐᕐᓯᒪᔪᓂ ᓯᐊᒻᒪᕐᓯᒪᓕᓚᐅᕐᒪᑦ; ᑖᓐᓇ ᒧᐊᑎᑬ ᐱᔪᓐᓇᕐᓂᕐᑖᕐᐸᓪᓕᐊᑐᐃᓐᓇᓚᐅᕐᐳᖅ.

ᔫᐱᐅᑉ ᐊᒡᓚᖏᑦ 17:9

ᐃᓱᐊᕐᑐᓕᔪᕐᓕ ᐱᓇᓱᐊᕐᓂᕐᒥᓂᒃ ᑲᔪᓯᑦᓯᐊᕐᐳᖅ, ᓈᒻᒪᖏᑦᑐᒥᒡᓗ ᐱᓇᓱᐊᕐᓯᒪᖏᑦᑐᖅ ᓲᖑᓯᕙᓪᓕᐊᑐᐃᓐᓇᕐᓂᐊᕐᐳᖅ.

ᐃᓐᖏᕈᑎᑦ 46:11

ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦᑕ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ

ᐃᓐᖏᕈᑎᑦ 46:7

ᐊᑕᓂᐅᑉ ᐊᔪᒐᖃᖏᑦᑑᑉ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ

ᐂᓮᐊᓯᐅᑉ ᐊᒡᓚᖏᑦ 41:10

ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 41:14

ᑲᑉᐱᐊᓱᒃᑍᓕᒋᑦ ᓱᓇᐅᔪᕆᖏᓐᓂᕐᒧᑦ ᓴᓐᖐᑦᑑᒐᓗᐊᕈᕕᑦ ᔧᑰᑉ ᑭᖑᕚᖓ, ᐃᓕᑦᓯ ᐃᓴᕆᐊᓕᐅᑉ ᐃᓄᖏᑦ! ᐅᕙᖓ ᐃᑲᔪᕐᓂᐊᕐᐸᑦᓯ, ᐊᑕᓂᖅ ᐅᖃᕐᐳᖅ; ᓴᐳᑦᔨᔨᓯ ᑖᓐᓇ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.

ᐂᓮᐊᓯᐅᑉ ᐊᒡᓚᖏᑦ 9:7

ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.

ᕉᒪᒥᐅᓄᑦ 8:31

ᑕᒪᑐᒧᖓ ᑕᕝᕙ ᖃᓄᖅ ᐅᖃᕐᑐᒃᓴᐅᓕᕐᐱᑖ? ᒎᑎᐅᑉ ᐃᓚᒋᒃᐸᑎᒍᑦ, ᑭᐊ ᐊᑭᕋᕐᑐᕈᓐᓇᕐᐹᑎᒎᑦ?