ᑯᕉᓂᑲ ᓯᕗᓪᓖᑦ 11:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑍᒤᒻᒪᑦ ᐃᓴᕆᐊᓕᐅᑉ ᐊᖓᔪᖅᑳᖏᑦ ᐊᖓᔪᖅᑳᕐᔪᐊᕐᒧᐊᓚᐅᕐᐳᑦ ᑍᕕᑎᒧᑦ ᕼᐃᐸᕋᓐᒧᑦ; ᑍᕕᑎᐅᓪᓗ ᐊᖏᖃᑎᒌᒍᑎᓕᐅᖃᑎᒋᕔᑦ ᕼᐃᐸᕋᓐᒥ ᐊᑕᓂᐅᑉ ᓵᖓᓂ, ᑖᒃᑯᐊᓗ ᐅᕐᓱᒧᑦ ᒥᖑᐊᕐᐹᑦ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓴᕆᐊᓕᓄᑦ, ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ ᓴᒧᐃᓕᒃᑯᑦ.

ᑯᕉᓂᑲ ᓯᕗᓪᓖᑦ 11:3 Iomraidhean Croise

ᓴᒧᐃᓕ ᐂᑉᐸᖏᑦ 2:4

ᔫᑕᐅᓪᓗ ᐃᓄᖏᑕ ᐅᐸᒃᐹᑦ ᕼᐃᐸᕋᓐᒧᑦ, ᑕᕝᕙᓂᓗ ᑍᕕᑎ ᐅᕐᓱᕐᑎᕐᐹᑦ ᐊᖓᔪᖅᑳᕐᔪᐊᓐᖑᕐᑎᓪᓗᒍ ᔫᑕᒥᐅᓄᑦ. ᑍᕕᑎᓗ ᐅᖃᐅᑎᕚᑦ “ᔭᐲᓯ-ᒋᓖᑎᒥᐅᑦ ᐃᓗᕕᕐᓯᓚᐅᕐᐳᑦ ᓴᐅᓕᒥᒃ.”

ᓴᒧᐃᓕ ᐂᑉᐸᖏᑦ 5:3

ᑍᒤᒻᒪᑦ ᐃᓴᕆᐊᓕᒥᐅᑦ ᐃᓄᖏᑕ ᐊᖓᔪᖅᑳᓕᒫᖏᑦ ᐊᖓᔪᖅᑳᕐᔪᐊᒧᐊᓚᐅᕐᐳᑦ ᑍᕕᑎᒧᑦ ᕼᐃᐸᕋᓐᒦᑦᑐᒧᑦ; ᑍᕕᑎᐅᓪᓗ ᐊᖏᖃᑎᒋᓚᐅᕐᐰᑦ ᐊᑕᓂᐅᑉ ᓵᖓᓂ, ᑖᒃᑯᓇᓐᖓᓪᓗ ᓇᐹᕐᑑᑉ ᐅᕐᓱᖓᓄᑦ ᑕᕝᕙᓂ ᐅᕐᓱᕐᑎᕐᑕᐅᕗᖅ, ᐊᖓᔪᖅᑳᕐᔪᐊᓐᖑᕐᑎᓪᓗᒍ ᐃᓴᕆᐊᓕᒥᐅᓄᑦ.

ᓴᒧᐃᓕ ᐂᑉᐸᖏᑦ 5:5

ᐊᐅᓚᑦᓯᓚᐅᕐᐳᖅ ᔫᑕᒥᒃ ᕼᐃᐸᕋᓐᒦᓪᓗᓂ ᐊᕐᕌᒍᓂᒃ 7ᓂᒃ ᑕᖅᑭᓂᒡᓗ ᐱᖓᓲᔪᕐᑐᓂᒃ; ᔨᕉᓴᓕᒥᓗ ᐊᐅᓚᑦᓯᓚᐅᕐᐳᖅ ᐃᓴᕆᐊᓕᒥᐅᓕᒫᓂᒃ ᔫᑕᒥᒡᓗ ᐊᕐᕌᒍᓂᒃ 33ᓂᒃ.

ᐊᑕᓃᑦ ᐂᑉᐸᖏᑦ 11:17

ᔨᕼᐅᐃᐊᑕ ᐊᖏᖃᑎᓕᐅᕈᑎᒥᒃ ᐋᖅᑮᕗᖅ ᐊᑕᓂᕐᒧᑦ ᐊᖓᔪᖅᑳᕐᔪᐊᕐᒧᓪᓗ ᐃᓄᖕᓄᓪᓗ ᐊᑕᓂᖕᒧᑦ ᐃᓄᖁᑕᐅᖏᓐᓇᖁᓪᓗᒋᑦ. ᐊᖏᖃᑎᓕᐅᕈᑎᓕᐅᕆᓪᓗᓂᓗ ᐊᖓᔪᖅᑳᕐᔪᐊᕐᒧᑦ ᐊᑕᓂᕐᒧᓪᓗ ᐃᓄᖁᑕᐅᖏᓐᓇᖁᓪᓗᒋᑦ. ᐊᖏᖃᑎᓕᐅᕈᑎᓕᐅᕆᓪᓗᓂᓗ ᐊᖓᔪᖅᑳᕐᔪᐊᑉ ᐃᓄᖁᑎᖏᑕᓗ ᐊᖏᓯᒪᖃᑎᒌᒍᑎᒋᓂᐊᕐᑕᖓᓐᓂᒃ.

ᐊᑕᓃᑦ ᐂᑉᐸᖏᑦ 23:30

ᔫᓮᐊᐅᑉ ᑎᒥᖓ ᐱᔨᖏᓐᓄᑦ ᒥᒌᑐᒥᑦ ᐅᑎᕈᑎᕚᑦ ᔨᕉᓴᓕᒧᑦ ᕿᒧᒃᓯᐅᑎᑯᑦ ᐊᒃᓴᓗᐊᓕᒃᑯᑦ ᐅᓯᔭᐅᑎᓪᓗᒍ, ᐃᓗᕕᕐᑕᐅᕕᒃᓴᓕᐊᕆᓯᒪᔭᖓᓄᓪᓗ ᐃᓗᕕᕐᓗᒍ. ᔫᑕᐅᓪᓕ ᐃᓄᖏᑕ ᔨᕼᐅᐊᕼᐊᔨ ᔫᓮᐊᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᕐᑎᑉᐹᑦ; ᐅᕐᓱᒧᓪᓗ ᒥᐊᖑᐊᕐᓗᒍ, ᐊᑖᑕᖓᑕ ᐃᓂᖓᓄᑦ ᐊᖓᔪᖅᑳᕐᔪᐊᓐᖑᕐᑎᑉᐹᑦ.

ᑯᕉᓂᑲ ᓯᕗᓪᓖᑦ 11:10

ᐅᑯᐊ ᑕᕝᕙ ᑍᕕᑎᐅᑉ ᐅᓇᑕᕐᑐᒃᓴᖁᑎᖏᑦ ᐊᖓᔪᖅᑳᑦ ᐊᔪᖏᑦᑐᕐᔪᐊᖑᓚᐅᕐᑐᑦ, ᐱᔪᓐᓇᕐᓯᑎᑦᓯᓚᐅᕐᑐᑦ ᑖᑦᓱᒪ ᐊᖓᔪᖅᑲᐅᕕᖓᓂᒃ, ᐊᑕᐅᑦᓯᒃᑯᑦ ᐃᓴᕆᐊᓕᒥᐅᓕᒫᑦ ᑲᑐᑦᔨᓪᓗᑎᒃ, ᐊᖓᔪᖅᑳᕐᔪᐊᓐᖑᕐᑎᑦᓯᓚᐅᕐᑐᑦ, ᐊᑕᓂᐅᑉ ᐅᖃᐅᓯᖏᑦ ᐃᓴᕆᐊᓕᓄᑦ ᒪᓕᒡᓗᒋᑦ.

ᑯᕉᓂᑲ ᐂᑉᐸᖏᑦ 23:3

ᑲᑎᒪᔪᓕᒫᓪᓗ ᐊᖏᖃᑎᒌᒍᑎᓕᐅᕐᐳᑦ ᐊᖓᔪᖅᑳᕐᔪᐊᒃᓴᒧᑦ ᒎᑎᐅᑉ ᐃᒡᓗᖓᓃᑦᓱᒪᓪᓗᑎᒃ. ᔨᕼᐅᐃᐊᑕᐅᓪᓗ ᐅᖃᐅᑎᕔᑦ, “ᑕᑯᒋᑦ, ᑕᕝᕙ ᐊᖓᔪᖅᑳᕐᔪᐊᑉ ᐃᕐᓂᖓ! ᑖᓐᓇ ᐊᐅᓚᑦᓯᔨᕈᓕᕐᓕ, ᑍᕕᑎᐅᑉ ᐃᕐᓂᖏᑦ ᐊᑕᓂᐅᑉ ᑍᒫᒃ ᐅᖃᐅᓯᕆᓚᐅᕐᒪᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 11:11

ᑕᕝᕙ ᔨᑉᑕᐅᑉ ᐃᓚᒋᓕᕐᐰᑦ ᒋᓕᐊᑎᒥᐅᑦ ᐊᖓᔪᖅᑳᖏᑦ, ᐃᓄᖏᑦᑕᓗ ᐊᐅᓚᑦᓯᔨᓐᖑᕐᑎᑉᐹᑦ ᓯᕗᓕᕐᑎᒋᓕᕐᓗᒍᓗ; ᔨᑉᑕᐅᓪᓗ ᐊᖏᕈᑎᒋᔭᓂ ᓇᓗᓁᕐᐰᑦ ᐊᑕᓂᐅᑉ ᓵᖓᓂ ᒥᔅᐸᒥ.

ᓴᒧᐃᓕ ᓯᕗᓪᓖᑦ 11:15

ᑕᕝᕙ ᐃᓄᓕᒫᑦ ᒋᐅᓪᒐᐅᓪᒧᐊᐳᑦ, ᑕᕝᕙᓂᓗ ᒋᐅᓪᒐᐅᓪᒥ ᓴᐅᓕ ᐊᖓᔪᖅᑳᕐᔪᐊᖑᕐᑎᑉᐹ ᐊᑕᓂᐅᑉ ᓵᖓᓂ. ᑕᕝᕙᓂᓗ ᑐᓂᕐᕈᓯᕐᐳᑦ ᑐᓂᕐᕈᑎᒥ ᓮᒻᒪᕐᑎᑕᐅᓂᕐᒧᑦ ᐊᑕᓂᐅᑉ ᓵᖓᓂ, ᑕᕝᕙᓂᓗ ᓴᐅᓕ ᐃᓴᕆᐊᓕᒥᐅᓪᓗ ᐃᓄᖏᑦ ᐊᖏᔪᒥᒃ ᖁᕕᐊᓱᖃᑎᒌᓚᐅᕐᐳᑦ.

ᓴᒧᐃᓕ ᓯᕗᓪᓖᑦ 15:28

ᓴᒧᐃᓕᐅᓪᓗ ᐅᖃᐅᑎᕚ, “ᐊᑕᓂᐅᑉ ᐃᓴᕆᐊᓕᒥᐅᓄᑦ ᐊᖓᔪᖅᑲᐅᕖᑦ ᐊᓕᒃᐹ ᐅᓪᓗᒥ, ᑐᓂᓪᓗᒍᓗ ᓯᓚᖅᑲᑎᖕᓄᑦ, ᐃᓕᖕᓂᑦ ᐱᐅᓂᕐᓴᐅᔪᒧᑦ.

ᓴᒧᐃᓕ ᓯᕗᓪᓖᑦ 16:1

ᐊᑕᓂᕐᓗ ᐅᖃᕐᐳᖅ ᓴᒧᐃᓕᒧᑦ, “ᖃᓄᖅ ᐊᑯᓂᐅᑎᒋᔪᖅ ᕿᒃᓵᖕᓂᐊᕐᐲᑦ ᓴᐅᓕ ᐱᑦᔪᑎᒋᓗᒍ? ᓇᕐᕈᒋᓕᕐᐸᕋ ᐊᖓᔪᖅᑳᕐᔪᐊᖑᓂᖓᓂᒃ ᐃᓴᕆᐊᓕᒥᐅᓄᑦ, ᓇᒡᔪᖁᑏᑦ ᐃᒻᒥᓕᕈᒃ ᐅᕐᓱᒥᒃ, ᐊᐅᓪᓚᕐᓗᑎᓪᓗ; ᑎᓕᕙᒋᑦ ᔨᓯᒧᑦ ᐱᑦᓕᐊᒥᐅᑕᕐᒧᑦ, ᐃᕐᓂᖓᑦᑕ ᐃᓚᖓᑦ ᓂᕈᐊᕐᓯᒪᒐᒃᑯ ᐊᖓᔪᖅᑳᕐᔪᐊᓐᖑᖁᓪᓗᒍ.”

ᓴᒧᐃᓕ ᓯᕗᓪᓖᑦ 16:3

ᔨᓯᓗ ᕾᖁᓗᒍ ᑐᓂᕐᕈᓯᕆᐊᕐᑐᖁᔭᒃᓴᕆᕙᑦ, ᖃᐅᔨᑎᑦᓱᒫᕐᐸᒋᑦ ᖃᓄᐃᓕᐅᕐᑐᒃᓴᐅᓂᕐᓂᒃ; ᐅᕐᓱᕐᑎᕐᑕᒃᓴᕆᕙᓪᓗ ᑍᓐᓇ ᐊᑎᖓ ᑍᔭᕋ.”

ᓴᒧᐃᓕ ᓯᕗᓪᓖᑦ 23:18

ᑖᒃᑯᐊᒡᓗ ᐊᖏᖃᑎᒌᒃᐴᒃ ᐊᑕᓂᐅᑉ ᓵᖓᓂ; ᑍᕕᑎᓗ ᕼᐅᕆᔅᒦᖏᓐᓇᓚᐅᕐᐳᖅ, ᔫᓇᑕᓂ ᐊᖏᕐᕋᕐᑎᓪᓗᒍ.

ᓴᒧᐃᓕ ᓯᕗᓪᓖᑦ 28:17

ᐊᑕᓂᐅᑉ ᐱᓂᐊᕐᕕᒋᓯᒪᕚᑎᑦ ᐅᕙᒃᑯᑦ ᐅᖃᐅᓯᕆᓚᐅᕐᓯᒪᔭᒥᓂᒃ; ᐊᖓᔪᖅᑲᐅᕕᖕᓂᒃ ᐊᕐᓵᓚᐅᕐᐹᑎᑦ, ᑐᓂᓪᓗᒍᓗ ᐃᓅᖃᑎᖕᓄᑦ ᑍᕕᑎᒧᑦ.