ᑯᕉᓂᑲ ᓯᕗᓪᓖᑦ 11:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐄᑦᔨᑉᑎᒥᐅᑕᒥᒡᓗ ᑐᖁᑦᓯᓚᐅᕆᕗᖅ, ᐊᖑᒻᒥᒃ ᐊᖏᔪᕐᔪᐊᕌᓗᖕᒥᒃ, ᐊᖏᓂᖃᕐᑐᒥᒃ 7ᓂᒃ ᐊᕝᕙᕐᒥᒡᓗ ᐃᑎᒐᖕᓂᒃ. ᑖᓐᓇ ᐄᑦᔨᑉᑎᒥᐅᑕᖅ ᖃᓗᒋᐊᖃᓚᐅᕐᐳᖅ ᓯᓕᒃᑐᐊᓗᖕᒥᒃ ᓄᕕᕐᓴᕐᑎᐅᑉ ᓴᓐᓂᖓᔪᖁᑎᖓᑐᑦ ᑍᒤᑦᑐᒥᒃ; ᐱᓁᐊᐅᓪᓕ ᐅᐸᓚᐅᕐᐹ ᐊᔭᐅᑉᐱᐊᓕᔭᕐᓗᓂ, ᐅᓇᑕᕐᓗᒍ ᐄᑦᔨᑉᑎᒥᐅᑕᖅ ᐅᓈᖓᓂᒃ ᐊᕐᓵᓚᐅᕐᐹ, ᑲᐱᓪᓗᓂᐅᒡᓗ ᓇᖕᒥᓂᖅ ᐅᓈᖓᓄᑦ.

ᑯᕉᓂᑲ ᓯᕗᓪᓖᑦ 11:23 Iomraidhean Croise

ᑯᕉᓂᑲ ᓯᕗᓪᓖᑦ 11:24

ᑕᒪᒃᑯᐊ ᐱᓁᐊᐅᑉ ᔨᕼᐅᐃᐊᑕᐅᑉ ᐃᕐᓂᖓᑕ ᐱᓂᐊᕐᓂᕆᓚᐅᕐᐰᑦ, ᑖᓐᓇᑦᑕᐅᖅ ᖃᐅᔨᒪᔭᐅᑦᓯᐊᓕᓚᐅᕐᐳᖅ ᑖᒃᑯᑎᑐᓇᖅ ᐊᔪᖏᑦᑐᕐᔪᐊᑎᑐᑦ ᐱᖓᓱᑎᑐᑦ.

ᑯᕉᓂᑲ ᓯᕗᓪᓖᑦ 20:5

ᐅᓇᑕᒃᑲᓐᓂᓕᕆᕗᓪᓗ ᐱᓕᔅᑍᓂᒥᐅᓂᒃ; ᐃᐅᓪᕼᐊᓇᓐᓗ ᔧᕆᐅᑉ ᐃᕐᓂᖓ ᑐᖁᑦᓯᕗᖅ ᓚᕼᐊᒤᒥᒃ ᒍᓔᐊᑉ ᒋᑍᑎᒥᐅᑉ ᖃᑕᓐᖑᑎᖓᓂᒃ, ᖃᓗᒋᐊᕐᔪᐊᖓᑕᓗ ᐃᐳᖓ ᐅᒥᐊᑉ ᓇᐸᕈᑕᖓᑐᑦ ᓯᓕᒃᑎᒋᕗᖅ.

ᒨᓯᓯ ᑕᓪᓕᒪᖏᑦ 3:11

(ᐊᖓᔪᖅᑳᕐᔪᐊᖅ ᐋᒡ ᐹᓴᓂᐅᑉ ᐊᖓᔪᖅᑳᕐᔪᐊᖓ ᐊᒥᐊᒃᑯᑐᐊᖑᓚᐅᕐᐳᖅ ᕆᐰᒥᐅᓂᑦ; ᐃᓗᕕᖓ, ᓴᕕᕋᔭᐅᓚᐅᕐᐳᖅ, ᑕᑭᓂᖃᓚᐅᕐᐳᖅ 13ᓂᒃ ᐃᑎᒐᖕᓂᒃ ᓯᓕᖕᓂᖃᕐᓗᓂᓗ 6ᓂᒃ ᐃᑎᒐᖕᓂᒃ ᐆᒃᑐᕋᐅᑎᓪᓚᕆᐅᓲᑦ ᒪᓕᒡᓗᒋᑦ. ᓱᓕ ᑕᑯᔭᒃᓴᐅᕗᖅ ᐊᒧᓁᑎᒥᐅᑦ ᐃᒡᓗᒐᓴᖏᓐᓂ ᕌᐸᒥ.)

ᓴᒧᐃᓕ ᓯᕗᓪᓖᑦ 17:4

ᐱᓕᔅᑍᓂᒥᐅᓪᓗ ᑕᖕᒫᕐᓯᒪᕕᖓᓂᑦ ᓴᖅᑭᑦᑐᖃᕐᐳᖅ ᐱᓯᑎᐅᓂᕐᐹᒥᒃ ᒍᓔᐊᒥᒃ ᐊᑎᓕᖕᒥᒃ, ᒑᑎᒥᐅᑕᕐᒥᒃ, ᑖᓐᓇᓗ ᐊᖏᓂᖃᕐᐳᖅ ᐃᑎᒐᓂᒃ 9ᓂᒃ.

ᓴᒧᐃᓕ ᓯᕗᓪᓖᑦ 17:51

ᑕᕝᕙ ᑍᕕᑎ ᐅᒡᓚᒃᓯᓪᓗᓂ ᐱᓕᔅᑍᓂᒥᐅᑕᖅ ᐅᐸᒃᐹ, ᓴᕕᒡᔪᐊᖓᓗ ᐊᒧᓪᓗᒍ ᐴᖓᓂᑦ, ᑐᖁᑉᐹ, ᓂᐊᖁᐊᓗ ᓇᑲᓪᓗᒍ ᑖᑦᓱᒧᖓ. ᐱᓕᔅᑍᓂᒥᐅᓪᓕ ᑕᑯᒐᒥᒃ ᐱᒃᑲᖁᑎᖓᑕ ᑐᖁᑕᐅᓂᖓᓂᒃ, ᕿᒪᒃᓯᕗᑦ.

ᓴᒧᐃᓕ ᓯᕗᓪᓖᑦ 17:7

ᖃᓗᒋᐊᖓᓗ ᓄᕕᕐᓴᕐᕕᐅᑉ ᓇᐸᔪᐊᑐᑦ ᐊᖏᑎᒋᕗᖅ, ᓄᕗᐊᓗ ᓴᕕᕋᔭᒃ ᐅᖁᒤᓐᓂᖃᕐᐳᖅ 15ᐸᐅᓐᒥᒃ, ᓴᐴᓗᑕᖓᓂᒡᓗ ᐊᒡᔭᕐᓯᔨᖓ ᓯᕗᕌᓃᑉᐳᖅ.