ᑯᕉᓂᑲ ᓯᕗᓪᓖᑦ 11:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐅᑯᐊ ᑕᕝᕙ ᑍᕕᑎᐅᑉ ᐅᓇᑕᕐᑐᒃᓴᖁᑎᖏᑦ ᐊᖓᔪᖅᑳᑦ ᐊᔪᖏᑦᑐᕐᔪᐊᖑᓚᐅᕐᑐᑦ, ᐱᔪᓐᓇᕐᓯᑎᑦᓯᓚᐅᕐᑐᑦ ᑖᑦᓱᒪ ᐊᖓᔪᖅᑲᐅᕕᖓᓂᒃ, ᐊᑕᐅᑦᓯᒃᑯᑦ ᐃᓴᕆᐊᓕᒥᐅᓕᒫᑦ ᑲᑐᑦᔨᓪᓗᑎᒃ, ᐊᖓᔪᖅᑳᕐᔪᐊᓐᖑᕐᑎᑦᓯᓚᐅᕐᑐᑦ, ᐊᑕᓂᐅᑉ ᐅᖃᐅᓯᖏᑦ ᐃᓴᕆᐊᓕᓄᑦ ᒪᓕᒡᓗᒋᑦ.

ᑯᕉᓂᑲ ᓯᕗᓪᓖᑦ 11:10 Iomraidhean Croise

ᓴᒧᐃᓕ ᐂᑉᐸᖏᑦ 3:21

ᑕᕝᕙ ᐋᑉᓅᑉ ᑍᕕᑎ ᐅᖃᐅᑎᕙ, “ᑕᒫᓐᖔᕐᓗᖓ ᐱᓇᓱᐊᕐᓂᐊᓕᕐᐳᖓ ᑲᑎᕐᓱᐃᔭᕐᑐᕐᓗᖓ ᐃᓴᕆᐊᓕᒥᐅᓕᒫᑦ ᐊᖓᔪᖅᑲᐅᕕᖕᓄᑦ ᐃᓚᓕᐅᑎᓗᑎᒃ, ᐊᖏᖃᑎᒌᒍᑎᓕᐅᖁᓪᓗᒋᑦ ᐃᓕᖕᓄᑦ, ᐊᖓᔪᖅᑳᕐᔪᐊᖑᓕᖁᓪᓗᑎᑦ ᐱᔪᒪᓯᒪᔭᕐᓂᒃ ᐱᖁᓪᓗᑎᑦ ᓄᓇᖃᑎᒌᓕᒫᑦ ᐊᐅᓚᓕᕐᓗᒋᑦ.” ᑕᕝᕙ ᑍᕕᑎᐅᑉ ᐋᑉᓄ ᐊᐅᓪᓚᕐᑎᑉᐹ; ᐃᓱᒫᓘᑎᖃᕋᓂᓗ ᑕᕝᕙᓐᖓᑦ ᐊᐅᓪᓚᕐᐳᖅ.

ᑯᕉᓂᑲ ᓯᕗᓪᓖᑦ 11:3

ᑍᒤᒻᒪᑦ ᐃᓴᕆᐊᓕᐅᑉ ᐊᖓᔪᖅᑳᖏᑦ ᐊᖓᔪᖅᑳᕐᔪᐊᕐᒧᐊᓚᐅᕐᐳᑦ ᑍᕕᑎᒧᑦ ᕼᐃᐸᕋᓐᒧᑦ; ᑍᕕᑎᐅᓪᓗ ᐊᖏᖃᑎᒌᒍᑎᓕᐅᖃᑎᒋᕔᑦ ᕼᐃᐸᕋᓐᒥ ᐊᑕᓂᐅᑉ ᓵᖓᓂ, ᑖᒃᑯᐊᓗ ᐅᕐᓱᒧᑦ ᒥᖑᐊᕐᐹᑦ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓴᕆᐊᓕᓄᑦ, ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ ᓴᒧᐃᓕᒃᑯᑦ.

ᑯᕉᓂᑲ ᓯᕗᓪᓖᑦ 12:21

ᑖᒃᑯᐊ ᑍᕕᑎᒥᒃ ᐃᑲᔪᓚᐅᕐᐳᑦ ᐊᕐᓵᕐᑎᕆᔨᓂᒃ ᐅᓇᑕᕐᑎᓪᓗᒍ; ᐊᔪᖏᑦᑐᕐᔪᐊᖏᓐᓇᐅᒐᒥᒃ ᓯᕘᕋᓇᑎᒃ, ᐊᖓᔪᖅᑳᖑᓪᓗᑎᒡᓗ ᐅᓇᑕᕐᑐᒃᓴᓄᑦ.

ᑯᕉᓂᑲ ᓯᕗᓪᓖᑦ 12:23

ᐅᑯᐊ ᑕᕝᕙ ᓈᓴᕐᑕᐅᓯᒪᔪᑦ ᐊᕕᒃᑐᕐᓯᒪᔪᑦ ᐅᓇᑕᕐᑐᒃᓮᑦ, ᑍᕕᑎᒧᐊᓚᐅᕐᑐᑦ ᕼᐃᐸᕋᓐᒧᑦ, ᓴᐅᓕᐅᑉ ᐊᖓᔪᖅᑲᐅᕕᖓ ᑐᓂᔭᕐᑐᕐᓗᒍ ᑖᑦᓱᒧᖓ, ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ.

ᑯᕉᓂᑲ ᓯᕗᓪᓖᑦ 12:24

ᔫᑕᐅᑉ ᑭᖑᕚᖏᓐᓂᑦ ᓴᐴᓗᑕᓖᑦ ᑲᓗᒋᐊᖃᕐᓗᑎᒡᓗ, 6,800ᐅᕗᑦ ᐅᓇᑕᕐᑐᒃᓮᑦ;

ᑯᕉᓂᑲ ᓯᕗᓪᓖᑦ 12:38

ᑖᒃᑯᐊ ᐊᖑᑎᓕᒫᑦ ᐅᓇᑕᕈᓐᓇᕐᑐᑦ, ᐅᓇᑕᕐᓂᕐᒥᓗ ᐋᖅᑭᒃᓯᒪᔪᓐᓇᕐᑐᑦ, ᕼᐃᐸᕋᓐᒧᐊᓚᐅᕐᐳᑦ ᑍᕕᑎᒥᒃ ᐊᖓᔪᖅᑳᕐᔪᐊᓐᖑᕐᑎᑦᓯᔪᒪᓪᓗᑎᒃ ᐃᓴᕆᐊᓕᒥᐅᓕᒫᓄᑦ; ᐃᓴᕆᐊᓕᒥᐅᓪᓗ ᐊᓯᓕᒫᖏᑦ ᐊᑕᐅᓯᐅᓕᖅᑲᖓᑦᓯᐊᓚᐅᕐᐳᑦ ᑍᕕᑎ ᐊᖓᔪᖅᑳᕐᔪᐊᓐᖑᖁᓪᓗᒍ.

ᑯᕉᓂᑲ ᓯᕗᓪᓖᑦ 12:39

ᑍᕕᑎᓗ ᐅᐸᒃᓯᒪᓚᐅᕐᐹᑦ ᐅᓪᓗᓂᒃ ᐱᖓᓱᓂᒃ, ᓂᕆᓪᓗᑎᒃ ᐃᒥᕐᓗᑎᒡᓗ, ᐃᓚᒋᔭᖏᑕ ᐊᑐᐃᓐᓇᕈᓚᐅᕐᑕᖏᓐᓂᒃ.

ᑯᕉᓂᑲ ᓯᕗᓪᓖᑦ 27:1

ᐃᓴᕆᐊᓕᒃᑯᑦ ᐃᓄᖏᑕ ᐅᓄᕐᓂᖏᑦ ᒪᓕᒡᓗᒋᑦ ᑎᑎᕋᕐᑕᐅᓯᒪᕗᑦ, ᐊᖓᔪᖅᑳᑦ ᐊᑖᑕᖏᑕ ᐃᓚᖏᓐᓄᑦ, ᐊᖓᔪᖅᑳᑦ ᑕᐅᓴᓐᑎᓄᑦ 100ᓄᓪᓗ ᐊᖓᔪᖅᑳᖁᑎᖏᓪᓗ, ᐱᔨᑦᓯᕐᑎᐅᔪᑦ ᐊᖓᔪᖅᑳᕐᔪᐊᕐᒧᑦ ᓱᓇᓕᒫᓂᒃ ᐅᓇᑕᕐᑐᒃᓮᑦ ᐊᒡᒍᕐᑕᐅᓯᒪᓂᖏᓐᓄᑦ, ᑖᒃᑯᐊ ᐊᕕᒃᑐᕐᑕᐅᓯᒪᓂᖏᑦ ᑎᑭᑉᐸᓪᓕᐊᔪᑦ ᐊᐅᓪᓚᕐᐸᓪᓕᐊᔪᓪᓗ, ᑕᖅᑭᑕᒫᑦ ᐊᕐᕌᒎᑉ ᐃᓗᐊᓂ, ᐊᕕᒃᑐᕐᑕᐅᓯᒪᔪᑦ ᐅᓄᕐᓂᖃᕐᐳᑦ 24,000ᓂᒃ.

ᑯᕉᓂᑲ ᓯᕗᓪᓖᑦ 28:1

ᑍᕕᑎᐅᓪᓗ ᐃᓴᕆᐊᓕᒥᐅᓄᑦ ᓯᕗᓕᕐᑎᓕᒫᑦ ᑲᑎᖁᕔᑦ ᔨᕉᓴᓕᒧᑦ, ᐅᑯᐊ ᐊᖓᔪᖅᑳᑦ ᑭᖑᕚᕇᓄᑦ, ᐊᖓᔪᖅᑳᑦ ᐊᕕᒃᑐᕐᓯᒪᔪᓄᑦ ᐊᖓᔪᖅᑳᕐᔪᐊᒧᑦ ᐱᔨᑦᓯᕐᑎᓄᑦ, ᐊᖓᔪᖅᑳᑦ ᑕᐅᓴᓐᑎᓄᑦ, ᐊᖓᔪᖅᑳᓪᓗ 100ᓄᑦ, ᐱᖁᑎᖏᓐᓄᑦ ᐆᒪᔪᖁᑎᖏᓐᓄᓪᓗ ᑲᒪᔨᐅᔪᑦ ᐊᖓᔪᖅᑳᕐᔪᐊᓪᓗ ᐃᕐᓂᖏᓐᓄᑦ, ᐊᖓᔪᖅᑳᕐᔪᐊᓪᓗ ᐃᒡᓗᕐᔪᐊᖓᓄᑦ ᐊᖓᔪᖅᑳᖑᔪᑦ, ᐊᔪᖏᑦᑐᕐᔪᐊᓪᓗ ᑲᑉᐱᐊᓱᖏᑦᑐᑦ, ᖃᖓᓕᒫᒃᑯᓪᓗ ᐅᓇᑕᕐᑎᒻᒪᕆᐅᔪᑦ.

ᓴᒧᐃᓕ ᓯᕗᓪᓖᑦ 16:1

ᐊᑕᓂᕐᓗ ᐅᖃᕐᐳᖅ ᓴᒧᐃᓕᒧᑦ, “ᖃᓄᖅ ᐊᑯᓂᐅᑎᒋᔪᖅ ᕿᒃᓵᖕᓂᐊᕐᐲᑦ ᓴᐅᓕ ᐱᑦᔪᑎᒋᓗᒍ? ᓇᕐᕈᒋᓕᕐᐸᕋ ᐊᖓᔪᖅᑳᕐᔪᐊᖑᓂᖓᓂᒃ ᐃᓴᕆᐊᓕᒥᐅᓄᑦ, ᓇᒡᔪᖁᑏᑦ ᐃᒻᒥᓕᕈᒃ ᐅᕐᓱᒥᒃ, ᐊᐅᓪᓚᕐᓗᑎᓪᓗ; ᑎᓕᕙᒋᑦ ᔨᓯᒧᑦ ᐱᑦᓕᐊᒥᐅᑕᕐᒧᑦ, ᐃᕐᓂᖓᑦᑕ ᐃᓚᖓᑦ ᓂᕈᐊᕐᓯᒪᒐᒃᑯ ᐊᖓᔪᖅᑳᕐᔪᐊᓐᖑᖁᓪᓗᒍ.”