ᑯᕉᓂᑲ ᓯᕗᓪᓖᑦ 10:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐊᑕᓂᕐᒥᒡᓗ ᖃᓄᐃᓕᐅᕆᐊᖃᕐᒪᖔᕐᒥ ᐊᐱᕐᓱᓚᐅᖏᒻᒪᑦ. ᑍᒤᒻᒪᑦ ᐊᑕᓂᐅᑉ ᑐᖁᑎᑉᐹ, ᐊᖓᔪᖅᑲᐅᕕᖓᓗ ᑐᓂᕚ ᑍᕕᑎᒧᑦ ᔨᓯᐅᑉ ᐃᕐᓂᖓᓄᑦ.

ᑯᕉᓂᑲ ᓯᕗᓪᓖᑦ 10:14 Iomraidhean Croise

ᓴᒧᐃᓕ ᐂᑉᐸᖏᑦ 5:3

ᑍᒤᒻᒪᑦ ᐃᓴᕆᐊᓕᒥᐅᑦ ᐃᓄᖏᑕ ᐊᖓᔪᖅᑳᓕᒫᖏᑦ ᐊᖓᔪᖅᑳᕐᔪᐊᒧᐊᓚᐅᕐᐳᑦ ᑍᕕᑎᒧᑦ ᕼᐃᐸᕋᓐᒦᑦᑐᒧᑦ; ᑍᕕᑎᐅᓪᓗ ᐊᖏᖃᑎᒋᓚᐅᕐᐰᑦ ᐊᑕᓂᐅᑉ ᓵᖓᓂ, ᑖᒃᑯᓇᓐᖓᓪᓗ ᓇᐹᕐᑑᑉ ᐅᕐᓱᖓᓄᑦ ᑕᕝᕙᓂ ᐅᕐᓱᕐᑎᕐᑕᐅᕗᖅ, ᐊᖓᔪᖅᑳᕐᔪᐊᓐᖑᕐᑎᓪᓗᒍ ᐃᓴᕆᐊᓕᒥᐅᓄᑦ.

ᑯᕉᓂᑲ ᓯᕗᓪᓖᑦ 12:23

ᐅᑯᐊ ᑕᕝᕙ ᓈᓴᕐᑕᐅᓯᒪᔪᑦ ᐊᕕᒃᑐᕐᓯᒪᔪᑦ ᐅᓇᑕᕐᑐᒃᓮᑦ, ᑍᕕᑎᒧᐊᓚᐅᕐᑐᑦ ᕼᐃᐸᕋᓐᒧᑦ, ᓴᐅᓕᐅᑉ ᐊᖓᔪᖅᑲᐅᕕᖓ ᑐᓂᔭᕐᑐᕐᓗᒍ ᑖᑦᓱᒧᖓ, ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ.

ᑯᕉᓂᑲ ᓯᕗᓪᓖᑦ 17:13

ᐊᑖᑕᒋᔪᒫᕐᐹᖓ, ᐅᕙᖓᓗ ᐃᕐᓂᕆᔪᒫᕐᐸᕋ; ᓇᒡᓕᖕᓂᕋᓗ ᓱᖁᓯᔪᐃᑦᑐᖅ ᐲᕈᒫᓐᖏᓚᕋ ᑖᑦᓱᒪᓐᖓᑦ, ᓯᕗᓂᕐᓃᑦᑐᒥᒃ ᐊᕐᓵᕐᓯᓚᐅᕐᓯᒪᓂᑦᑐᑦ.

ᑯᕉᓂᑲ ᓯᕗᓪᓖᑦ 2:12

ᐳᐊᓯ ᐃᕐᓂᕐᑖᕐᐳᖅ ᐅᐱᑎᒥᒃ, ᐅᐱᑎ ᐃᕐᓂᕐᑖᑦᐳᖅ ᔨᓯᒥᒃ.

ᑯᕉᓂᑲ ᐂᑉᐸᖏᑦ 16:12

ᐂᓴ ᐊᕐᕌᒍᓂᒃ 39ᓂᒃ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᐋᓐᓂᐊᕐᑖᓚᐅᕐᐳᖅ ᐃᑎᒐᖕᒥᒍᑦ, ᐋᓐᓂᐊᓂᖓᓗ ᐱᐅᖏᒻᒪᕆᓕᕋᓗᐊᕐᒪᑦ; ᐋᓐᓂᐊᓂᕐᒥᓄᑦ ᐊᑕᓂᕐᒥᒃ ᐃᑲᔪᕐᑎᒃᓴᕐᓯᐅᓚᐅᓐᖏᓚᖅ, ᐋᓐᓂᐊᓯᐅᕐᑎᓄᓪᓕ ᑭᓯᐊᓂ ᐃᑲᔪᕐᑕᐅᑎᓐᓇᓱᓚᐅᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:13

ᐃᓄᒃ ᐱᐅᔪᒥᒃ ᐱᐅᖏᑦᑐᓐᖑᕐᑎᑦᓯᓇᓱᐊᕐᑑᑉ, ᐃᒡᓗᖓ ᐱᐅᖏᑦᑐᒧᑦ ᕿᒪᒃᑕᐅᓂᐊᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 10:15

ᐅᓕᒪᐅᑦ ᐱᔪᓐᓇᕐᓂᕐᓴᐅᓂᕋᕈᓐᓇᕐᐹ ᐅᓕᒪᕐᑐᒥᑦ? ᐅᕝᕙᓗ ᑭᓪᓘᑦ ᐊᖏᓂᕐᓴᐅᑎᑦᓱᓐᓇᕐᐹ ᑭᓪᓗᕐᑐᒥᑦ? ᐊᓇᐅᑕᖅ ᐃᓄᖕᒥᒃ ᐊᐅᓚᑦᓯᔪᓐᓇᕐᐹ ᑎᒍᒥᐊᕐᑎᒋᔭᒥᓂᒃ? ᐊᔭᐅᑉᐱᐊᖅ ᑭᕕᒃᓯᔪᓐᓇᕐᐹ ᐃᓄᖕᒥᒃ ᕿᔫᖏᑦᑐᒥᒃ?

ᐂᓮᐊᓯᐅᑉ ᐊᒡᓚᖏᑦ 10:7

ᐊᓯᕆᐊᓕ ᑍᒫᒃ ᐱᔪᒪᓚᐅᓐᖏᓚᖅ, ᑍᒫᒡᓗ ᐃᓱᒪᖃᓚᐅᕋᓂ; ᐃᓱᒪᒥᒍᓪᓕ ᐊᓯᕈᐃᔪᒪᕗᖅ, ᐃᓅᖃᑎᒌᒡᔪᐊᓪᓗ ᖃᑦᓰᓐᓇᐅᖏᑦᑐᑦ ᓄᖑᑦᓱᒪᕔᑦ;

ᔮᓱᐊᑉ ᐊᒡᓚᖏᑦ 9:14

ᐃᓴᕆᐊᓕᒥᐅᑦ ᐊᖏᖃᑎᖃᓚᐅᕐᐳᑦ ᑖᒃᑯᓂᖓ ᓂᕿᖏᓐᓂᒡᓗ ᐱᓪᓗᑎᒃ, ᑭᓯᐊᓂᓕ ᐊᑕᓂᕐᒥᒃ ᖃᐅᔨᒋᐊᓚᐅᓐᖏᓚᑦ.

ᓴᒧᐃᓕ ᓯᕗᓪᓖᑦ 13:14

ᒫᓐᓇᓕ ᐊᖓᔪᖅᑲᐅᕖᑦ ᑲᔪᓯᓂᐊᕈᓐᓃᕐᐳᖅ; ᐊᑕᓂᖅ ᕿᓂᕈᒫᓕᕐᐳᖅ ᐃᓄᖕᒥᒃ ᐊᑕᓂᐅᑉ ᐆᒻᒪᑎᖓᓂᒃ ᕿᓂᕐᑐᒥᒃ; ᐊᑕᓂᐅᓪᓗ ᐊᖓᔪᖅᑳᓐᖑᕐᑎᑦᓱᒫᕐᐹ ᐃᓄᖁᑎᒥᓄᑦ, ᐊᑕᓂᐅᑉ ᐱᖁᔭᖓᓂᒃ ᓈᓚᓚᐅᖏᓐᓃᑦ ᐱᑦᔪᑎᒋᓗᒍ.”

ᓴᒧᐃᓕ ᓯᕗᓪᓖᑦ 15:28

ᓴᒧᐃᓕᐅᓪᓗ ᐅᖃᐅᑎᕚ, “ᐊᑕᓂᐅᑉ ᐃᓴᕆᐊᓕᒥᐅᓄᑦ ᐊᖓᔪᖅᑲᐅᕖᑦ ᐊᓕᒃᐹ ᐅᓪᓗᒥ, ᑐᓂᓪᓗᒍᓗ ᓯᓚᖅᑲᑎᖕᓄᑦ, ᐃᓕᖕᓂᑦ ᐱᐅᓂᕐᓴᐅᔪᒧᑦ.

ᓴᒧᐃᓕ ᓯᕗᓪᓖᑦ 16:1

ᐊᑕᓂᕐᓗ ᐅᖃᕐᐳᖅ ᓴᒧᐃᓕᒧᑦ, “ᖃᓄᖅ ᐊᑯᓂᐅᑎᒋᔪᖅ ᕿᒃᓵᖕᓂᐊᕐᐲᑦ ᓴᐅᓕ ᐱᑦᔪᑎᒋᓗᒍ? ᓇᕐᕈᒋᓕᕐᐸᕋ ᐊᖓᔪᖅᑳᕐᔪᐊᖑᓂᖓᓂᒃ ᐃᓴᕆᐊᓕᒥᐅᓄᑦ, ᓇᒡᔪᖁᑏᑦ ᐃᒻᒥᓕᕈᒃ ᐅᕐᓱᒥᒃ, ᐊᐅᓪᓚᕐᓗᑎᓪᓗ; ᑎᓕᕙᒋᑦ ᔨᓯᒧᑦ ᐱᑦᓕᐊᒥᐅᑕᕐᒧᑦ, ᐃᕐᓂᖓᑦᑕ ᐃᓚᖓᑦ ᓂᕈᐊᕐᓯᒪᒐᒃᑯ ᐊᖓᔪᖅᑳᕐᔪᐊᓐᖑᖁᓪᓗᒍ.”

ᓴᒧᐃᓕ ᓯᕗᓪᓖᑦ 28:17

ᐊᑕᓂᐅᑉ ᐱᓂᐊᕐᕕᒋᓯᒪᕚᑎᑦ ᐅᕙᒃᑯᑦ ᐅᖃᐅᓯᕆᓚᐅᕐᓯᒪᔭᒥᓂᒃ; ᐊᖓᔪᖅᑲᐅᕕᖕᓂᒃ ᐊᕐᓵᓚᐅᕐᐹᑎᑦ, ᑐᓂᓪᓗᒍᓗ ᐃᓅᖃᑎᖕᓄᑦ ᑍᕕᑎᒧᑦ.

ᓴᒧᐃᓕ ᓯᕗᓪᓖᑦ 28:6

ᑍᒤᒻᒪᑦ ᓴᐅᓕ ᐊᑕᓂᕐᒥᒃ ᐊᐱᕆᓚᐅᕐᐳᖅ ᓱᔪᒃᓴᐅᖕᒪᖔᕐᒥ, ᐊᑕᓂᐅᓪᓕ ᑭᐅᓚᐅᓐᖏᓛ, ᓯᓐᓇᒃᑐᕐᓂᒃᑯᑦ, ᓇᓚᐅᑦᓵᕈᑎᒃᑯᓪᓘᓐᓃᑦ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑎᒍᓪᓘᓐᓃᑦ.