Zhan 9:7 - Ɛmɛẅi ankà ankrànkràn 2003

⁷ kɩ nɛ dɔ́ yi le: “Ɛ̀ hɔ̀n è juru ezì Siloe shi-bɛ́ lɔ mɛ̀n.” (Ebɩ́ ndɔ lɔ n'ɛmɛ̀n kɛ dɔ̀ le “Ɔkɔ̀hɔ̀n wá”). Ɔwrɔn léyi ke sɩ́ kán ɛyri nɔn, hɔ́n juru ezì, kɩ ɛnvra léyi nɛ̀n vru ɛmɛ̀ẅi nɛ́n và nɔn, nɛ kán ɛyri tɛ̀.

Zhan 9:7 Iomraidhean Croise

Matie 11:5

Anvɛ̀-boyɛ-bɔ̀ kɛ kán ɛyri, ɛsɔ̀nze-bɔ̀ kɛ nán esù, kokove-bɔ̀ kɛ cɔ́ ɔkɔrɛ̀, nukù-sî-bɔ̀ kɛ yá ankà, owú-bɔ̀ kɛ wrɔ vá ɔkɔrɛ-bɔ̀ mɛ̀n, kɩ ɛmian-bɔ̀ kɛ cɔ́ ɛmɛẅi ankà ankrànkràn kɛ yá.

Lükɛ̀n 13:4

Zɛtɛn, anwrɔn ɛvà-eẅirì léyi, Sɩ̀loe wɔn gbe ku ɛwú nɔn, hɩ mán, nye tro le, yɔ de yɔ dú ɛbgàn-hán-bɔ̀ vrán Zherüzalɛmɛ̀n anmàn-bɔ̀ lɔ fɛn nɛ́n?

Lükɛ̀n 2:32

hɩ de dú, ɛyri-kàn léyi, kɛ lɛ hán tán ɛnhi wú anmàn lɔ fɛn ke nyri mɛ́n, ô kè dú eci-zrɔ kɛ̀ tán Izraɛlɛ̀n vɛ́n fɛcüè.”

Zhan 10:36

Kɩ mɛ tɛn, Ɔwɔ mrɛ́n mɛ̀n nbɩ kɩ wá mɛ̀n ɔkɔhɔ̀n ɛnhibù wú. Anwɔntan de nyɛ lɛ dɔ̀ le, mɛ dɔ́ ankà gbangbàn ku Ɔwɔ ɛwú, ɔmuhi mɛ́n dɔ̀ le, mɛ̀n dú Ɔwɔ Ẅì nɛ́n?

Zhan 11:37

Tɛ́n y'ɛmɛ̀n lɔ, Zhüifɛ̀n-bɔ̀ jan kɛ dɔ̀ le: “Nɛ́n léyi nɛ̀n gbɛ́ anvɛ̀-bɔyɛ-wrɔn lɔ anvɛ̀ nɔn, nɛ́n sɩ̀ hán ô Lazarɛ̀n mán ke bɩ́ wúɛ?”

Zhan 9:11

Nɛ̀n mrɛ́n ɔmùan le: “Ɔwrɔn léyi ye bi Zhezü nɔn, borɛ antà-hi bɩ́ cɔ́ mɛ̀n anvɛ̀ kɩ dɔ́ mɛ̀n le: ‘Hɔ̀n Siloe shi bɛ lɔmɛ̀n, è juru ezì’. Mɛ́n hɔ̀n, kɩ ɛnvra léyi mɛ̀n juru ezì trɔ nɔn, mɛ kán ɛyri tɛ̀.”

Zhan 9:39

Zɛtɛn Zhezü kɛ dɔ̀ le: “Mɛ̀n vá ɛnhibù ndɔ lɔ wú, ô ɛmrɛ̀n-cì tɔ̀n kè dù: ô anvɛ̀-bɔyɛ-bɔ̀ kɛ kán ɛyri, ô anwrɔn hɔ̀n léyi kɛ kán ɛyri nɔn kɛ srɔ anvɛ̀-bɔyɛ-bɔ̀.”

Ɔkɔ̀hɔ̀n-wá-bɔ̀ kɔ̀hɔ̀n hán 26:18

Mɛ wá mɛ́n ɔkɔ̀hɔ̀n, ô è gbá y'anvɛ̀ hɔ̀n lɔ, ô è bɩ́ yɔ ɛ̀ sɔhɔ́ ɛyri yɔwɔ mɛ̀n, ô ɛ̀ sɩ́ yɔ ɛyri-kan mɛ̀n, kɩ anwa-wrɔn kɔrɛ̀srɔn wú léyi yɔ dù nɔn, è sɩ́ yɔ Ɔwɔ yri. Ke dú kɛ yɔ bú m'ankà yɔ tán ankaẅì hô, yɔ lɛ cɔ́ ɛgbàn-bɩ-ce, mán ɛyri léyi Ɔwɔ wá ɔmùan tán anwrɔn hɔ̀n léyi dú nɛ tɛn nɔn.’ ”

Rɔmɛ̀n-anmàn-bɔ̀ 8:3

Ɔwɔ hán eci léyi Mohizì nyànmàn kè sɩ̀ hàn rɔ̀a nɔn sá nmù, ɔmuhi ɔwrɔnẅì jɛ̀ ke sɩ̀ tán nɛ̀n ɛkɔrɛ̀srɔn: ɛgbàn léyi nɛ lɛ mrɛ́n nɛ̀n sɔhɔ́ nɔn, nɛ̀n bó ɔwrɔnẅì nwù n'edùwrú-ẅia lɔ mɛ̀n, kɩ nɛ̀n hán nɛ́n dùku n'ɛnẅì vá dú ɔwrɔnẅì wúvà gbànkàn lɔ mɛ̀n.

Galasi anmàn-bɔ̀ 4:4

Tɛ́n ɛnvra léyi yɛ wá, ncɔ̀ nɔn, Ɔwɔ hán n'Ɛnẅì nvà: ye bî nɛ̀n ɛnnyɔnwrɔn mɛ̀n kɩ nɛ̀n dú Zhüifɛ̀n-bɔ̀ nyànmàn kɔrɛ̀-levri wú,