Zhan 9:4 - Ɛmɛẅi ankà ankrànkràn 2003

⁴ Ɛnvra ɔmu léyi ɛcɛ̀n cüe nɔn, ke ji le bɔ̀ hán ɔwrɔn léyi wá mɛ̀n ɔkɔhɔ̀n nɔn, n'ɛkɔrɛzì-ci; ɛnnyran kɛ vá ɛgɔ̀n-yri kɩ ɔwrɔn zriɛmɛ́n ke sɩ̀ hán ɔkɔhɔ̀n rɔ́.

Zhan 9:4 Iomraidhean Croise

Matie 20:7

Yɔ mrɛ́n ɔmùan le: ‘Ɔmuhi ɔwrɔn zriɛmɛ́n ke sɩ̀ bɩ́ bɔ̀ ɔkɔ̀hɔ́n hán mɛ̀n nɔn.’ Nɛ dɔ́ yɔ le: ‘Kɛ zrɔ, nyɛ́n mán nyɛ́n hɔ̀n nyɛ́n hán ɔkɔ̀hɔ́n m'ɛkɛ̀tɛ̀ lɔ mɛ̀n.’

Markɛ̀n 3:3

Zhezü kɛ dɔ́ ɔwrɔn léyi ɛkɔrɛ̀ wù nɔn le: “Tɔhú nyɔn, ɛnu lɔ, anwrɔn lɔ fɛn zìwú.”

Zhan 10:32

Zɛtɛn Zhezü kɛ dɔ́ yɔ le: “Mɛ̀n hán ny'ezìwú ɔkɔ̀hɔ̀n ankrànkràn brobrebe Dade kɔrɛ̀srɔn mɛ̀n. Ɔkɔ̀hɔ̀n hɔ̀n léyi mɛ̀n hán nɔn, tɛtan hɔ̀n de, yɔ kruhú nye ji nyɛ́n wri mɛ̀n ɛbùemɛ̀n nɛ́n?”

Zhan 10:37

Ke dú kɛ mɛ́n sɩ́ hán Dade kɔhɔ̀n hô, nyɛ́n bú m'ankà nyɛ́n tán ankaẅì.

Zhan 12:35

Zhezü kɛ dɔ́ yɔ le: “Ɛyri-kàn vru dú nyɛ̀n ɛmɛ̀n, tɛ́n ne le dú ɛnvra cá mɛ̀n. Nyɛ́n nán esù, ɛnvra ɔmu lɔ, hɩ nyɛ́n dú ɛyri-kán mɛ̀n nɔn, ô ɛyri yɔwɔ ke bɩ́ ẅɛn nyɛ̀n nmù, ɔmuhi ɔwrɔn léyi kɛ nán esù ɛyri yɔwɔ mɛ̀n nɔn, nɛ́n sɩ́ nyri ɛyrí léyi nɛ hɔ̀n nɔn.

Zhan 17:4

Mɛ̀n yé v'eci-zrɔ lɔ ɛnhibù wú; ɔkɔhɔ̀n léyi ɛ̀ tán mɛ̀n nɔn, mɛ̀n hán trɔ.

Zhan 4:34

Zhezü kɛ dɔ́ yɔ le: “M'ɛci-zî dú hɩ le mɛ lɛ hán ɔwrɔn léyi wá mɛ̀n ɔkɔhɔ̀n nɔn n'ɛkɔrɛzì-ci, ô ɔkɔhɔ̀n léyi nɛ̀n tán mɛ̀n nɔn, mɛ̀n trɔ n'ɛhán.

Zhan 5:19

Zhezü vru bɩ́ ankà-dɔ̀ kɩ kɛ dɔ́ yɔ le: “Hɛ̀ɛ̀ mɛ dɔ́ nyɛ̀n le: Ɛnẅì lɔ ke sɩ́ hán eci zriɛmɛ́n nɛ́n dùku n'ɛkɔrɛ̀levriemɛ̀n; nɛ hán eci léyi nɛ kán nɛ́n zi kɛ hán nɔn. Eci lɔ fɛn léyi Ɛnẅì-nɛ́n-zi kɛ hán nɔn, Ɛnẅì mán kɛ hán eci zri lɔ.

Zhan 5:36

Tɛ́n mɛ̀n ẅɛn dalɛfuɛ-dì tɔ̀n sevri vrán Zhan tɛn lɔ: Ɛci hɔ̀n léyi mɛ hán, ndɔ hɔ̀n léyi Dade tán mɛ̀n mɛ̀n hán nɔn, kɛ dɔ́ m'ankà anvrɛnvrɛn kɩ ke yé tán le Dade wá mɛ̀n ɔkɔhɔ̀n.

Zhan 7:33

Zhezü kɛ dɔ̀ le: “Mɛ̀n vru mɛ̀n dú nyɛ̀n ɛmɛ̀n ɛnvra cá mɛ̀n, kɩ mɛ lɛ hɔ̀n cɔ́ ɔwrɔn léyi wá mɛ̀n ɔkɔhɔ̀n mɛ́n và nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 4:20

Bɔ́ tɛn, bɔ́ sɩ̀ kɛ́n ɔmùan bɔ̀ hɛ́n rɔ́, eci léyi bɔ́ kàn hɩ bɔ̀ yá nɔn n'ɛwú.”

Galasi anmàn-bɔ̀ 6:10

Ɔmu lɔ, ɛnvra totɔtɔ̀n léyi bɔ́ ẅɛn ɛkɔrɛ̀-levri nɔn, bɔ̀ hán anwrɔn lɔ fɛn anvrɛn, kɩ annannan le anwrɔn-nɛ́n-muan-ẅì hɔ̀n léyi dú ankaẅì-bùtan mɛ̀n nɔn.

Efɛzɛ̀n anmàn-bɔ̀ 5:16

Eci lɔ fɛn mɛ̀n lɔ, nyɛ́n hán eci anvrɛnvrɛn, ɔmuhi ɛnbì hɔ̀n léyi bɔ̀ dú ɛmɛ̀n nɔn krɛfɔn.

Kɔlɔsèn anmàn-bɔ̀ 4:5

Ny'esùnàn lɔ kè dú ankà-nyriemɛ̀n kɛ̀ tán anwrɔn hɔ̀n léyi ke sɩ̀ dù Krisì-sɛ̀nkɛn-bɔ̀ nɔn, ny'eci totɔtɔ̀n léyi nyɛ lɛ hán nɔn mɛ̀n.