Zhan 9:16 - Ɛmɛẅi ankà ankrànkràn 2003

¹⁶ Ɔwɔ-nyanmàn-sùva-wá-bɔ̀ jan kɛ dɔ̀ le: “Ɔwrɔn léyi hán eci ndɔ lɔ nɔn, nɛ̀n sɩ̀ dù Ɔwɔ yri nɛ̀n và, ɔmuhi nɛ́n sɩ́ wá ɛnyanmán-bì nyanmàn lɔ nɔn.” Tɛ́n ndɔ hɔ̀n kɛ dɔ̀ le: “Anwɔntan de ɔwrɔn kɛ lɛ hán anvɛmɛ̀n-frɛ́n-ci ndɔ hɔ̀n lɔ, ke dú kɛ nɛ̀n dú ɛgbàn-hán-wrɔn nɛ́n?” Kɩ ɛsɔ̀n-vɔyan bru yɔ ɛmɛ̀n.

Zhan 9:16 Iomraidhean Croise

Matie 12:10

Ɔwrɔn tɔ̀n dú nanvrɛn lɔ ɛkɔrɛ̀ nwù. Ɔwɔ-nyànmàn-sùva-wá-bɔ̀ ke ji ke di Zhezü ankà mɛ̀n; hɩ le kruhú de yɔ yrɛ nɛ̀n le: “Bɔ́ ɛnyànmàn lɔ kɛ tán ɛkɔrɛ̀levri yɛ kɔrɛ ɔwrɔn ɛnyànmán-bì lɔa?”

Matie 12:2

Ɛnvra léyi Ɔwɔ-nyànmàn-sùva-wá-bɔ̀ kán eci ndɔ lɔ nɔn, yɔ dɔ́ Zhezü le: “Ɛ̀ nyan v'ɛsɛ̀nkɛn-bɔ̀ kɛ hán eci léyi bɔ̀ ɛnyànmàn ke sɩ́ tán ɛnyànmán-bì vra lɔ nɔn.”

Lükɛ̀n 13:14

Tɛ́n, Ɔwɔ-sɛ́n-wɔn mɛ̀n wrɔn cüìcüì lɔ, kè sɩ̀ cüɛ̀n hàn, ɔmuhi Zhezü kɔrɛ ɔwrɔn ɛnyanmán-bì lɔ nɔn. Nɛ̀n bɩ́ ankà-dɔ̀ kɩ nɛ dɔ́ fɛcüè le: “Yɛ tán nyɛ̀n ɛbi ɛwole, nyɛ́n bɩ̀ nyɛ́n hán ɔkɔhɔ̀n; nyɛ́n vá ɛnbi lɔ, ô yɛ kɔrɛ nyɛ̀n, kè sɩ̀ dù ɛnyanmán-bì lɔ.”

Zhan 10:19

Zhüifɛ̀n-bɔ̀ vru sán sɔ́n-vɔyan y'edomɛ̀n ankà-dɔ̀ ndɔ lɔ kruhú.

Zhan 14:11

Nyɛ́n bú m'ankà nyɛ́n tán ankaẅì ɛnvra léyi mɛ dɔ̀ le: mɛ́n dú Dade mɛ̀n kɩ Dade mán dú mɛ̀n ɛmɛ̀n. Ke sɩ̀ zrɔ mán, n'ɔkɔ̀hɔ̀n léyi nɛ̀n hán nɔn, hɩ kruhú nyɛ́n bütan ankàẅì.

Zhan 15:24

Yɔ sɩ̀ cɔ́ ɛgbàn ke dú kɛ mɛ̀n sɩ̀ hán y'anwanzi lɔ ɛci hɔ̀n léyi ɔwrɔn zriɛmɛ́n kɛ vá hán nɔn. Tɛ́n zɛtɛ̀ lɔ, yɔ kán m'ɔkɔ̀hɔ̀n-hán-kɔ̀hɔ̀n, kɩ yɔ gbri mɛ̀n, mɛ̀n mán Dade mɛhi.

Zhan 2:11

Nyàn ɔmu lɔ de Zhezü hán nɛ́n kpàkpà anvɛmɛ̀n-frɛ́n-ci, Kana anmàn, Galile kpɔsɔ wú; nɛ̀n yé n'ecizrɔ, kɩ n'ɛsɛnkɛn-bɔ̀ bú n'ankà lɔ tán ankaẅì.

Zhan 3:2

Nɛ́n và cɔ́ Zhezü ɛnnyran tɔ̀n mɛ̀n kɩ nɛ dɔ́ yi le: “Ankà-yé-wrɔn, bɔ́ nyrí ɔmu le, Ɔwɔ de wá mɛ́n ɔkɔhɔ̀n ɛ̀ và yé bɔ̀ ankà nɔn; ɔmuhi ɔwrɔn zriɛmɛ́n ke sɩ̀ hán anvɛmɛ̀n-frɛ́n-ci kɛ̀ hán ɔmu le ɛ hán nɔn, ke dú kɛ Ɔwɔ mɛhi yɔ sɩ̀ dùɛ.”

Zhan 5:10

Zhüifɛ̀n-bɔ̀ cüìcüì hɔ̀n kɛ dɔ́ ɔwrɔn léyi cɔ́ ɔkɔrɛ̀ nɔn le: “Ɛnyɔncì lɔ dú ɛnyanmán-bì, kɩ bɔ́ ɛnyanmàn lɔ ke sɩ́ wá tán mɛ́n é bɩ́ v'ɛnkpà lɔ.”

Zhan 5:36

Tɛ́n mɛ̀n ẅɛn dalɛfuɛ-dì tɔ̀n sevri vrán Zhan tɛn lɔ: Ɛci hɔ̀n léyi mɛ hán, ndɔ hɔ̀n léyi Dade tán mɛ̀n mɛ̀n hán nɔn, kɛ dɔ́ m'ankà anvrɛnvrɛn kɩ ke yé tán le Dade wá mɛ̀n ɔkɔhɔ̀n.

Zhan 6:52

Ankà ndɔ lɔ wú, Zhüifɛ̀n-bɔ̀ kɛ wrɔ́n ecüì ɛshishiemɛ̀n y'angranmɛ̀n. Yɔ yrɛ y'edomɛ̀n le: “Anwɔntan de ɔwrɔn ndɔ lɔ kɛ lɛ tán bɔ̀ n'anẅia bɔ̀ rá nɛ́n?”

Zhan 7:12

Yɛ dɔ́ n'ankà bobrebe fɛcüè lɔ mɛ̀n. “Nɛ̀n dú ɔwrɔn anvrɛnvrɛn”, dú anwrɔn janbɔ̀ anmùan mɛ̀n kɛ dɔ̀. “Ndɔ hɔ̀n kɛ dɔ̀ le, hɔ̂, nɛ frɛ́n anwrɔn.”

Zhan 7:23

Ke dú kɛ ɛnyanmán-bì lɔ, ɛkɔrɛ̀-levri dù nyɛ lɛ hán wucɔ̀ domɛ̀n wí kɔ̀hɔ̀n tɛ̀, ô nyɛ́n bɩ́ fɔndɔn Mohizì nyanmàn lɔ, cɛci kruhú kɛ nye bɩ́ ɛmɛnhyì kú mɛ̀n ɛwú, ɔmuhi mɛ̀n kɔrɛ̀ ɔwrɔnẅì mumù lɔ ɛnyanmán-bì vra lɔ nɛ́n?

Zhan 7:43

Fɛcüè sɔnvɔ́n n'edomɛ̀n Zhezü kruhú.

Zhan 9:24

Ɔwɔ-nyanmàn-sùva-wá-bɔ̀ bi ɔwrɔn léyi kɔrɛ̀ nɔn andɛ̀n-anhyrɛmɛ̀n kɩ kɛ dɔ́ nɛ̀n le: “Dɔ̀ ankà mùan zri Ɔwɔ zìwú. Bɔ nyri ɔmu le ɔwrɔn ndɔ lɔ dú ɛgbàn-hán-wrɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 14:4

Anmàn-bɔ̀ vɔ́n y'edomɛ̀n anhyrɛ̀: ɛnjanbɔ̀ dú Zhüifɛ̀n-bɔ̀ ɛmɛẅi kɩ ndɔ hɔ̀n dú ɔkɔ̀hɔ̀n-wá-bɔ̀ tɛn.