Zhan 9:1 - Ɛmɛẅi ankà ankrànkràn 2003

¹ Zhezü dú ɛnlevri kɛ hɔ̀n, kɩ kán ɔwrɔn tɔ̀n léyi n'ebîemɛ̀n ke sɩ́ kán ɛyri nɔn.

Zhan 9:1 Iomraidhean Croise

Matie 20:30

Anvɛ̀-bɔyɛ-bɔ̀ anhyrɛ̀ léyi yɛ́ ɛnlevri mùan nɔn yá le Zhezü ke cì; zɛtɛn yɔ bukru yɔ di bobo le: “Ankà-yé-wrɔn, Davidɛ̀n Ẅì, è nyri bɔ̀ ɛnhyɔ̀bɔ̀!”

Matie 9:27

Ɛnvra léyi Zhezü cɔhɔ́ ɛyri léyi nɛ́n dù nɔn, anvɛ̀-bɔyɛ-bɔ̀ anhyrɛ̀ dú nɛ̀n ɛmɛẅi kɛ kɛ́n nɛ̀n ɛsɛ̀n kɩ ke di bobo kɛ dɔ̀ le: “È nyri bɔ̀ ɛnhyɔ̀bɔ̀, Davidɛ̀n ẅì!”

Markɛ̀n 9:21

Zhezü ke yrɛ nɛ́n zi le: “Ɛnvra ɛ̀bɛ de eci lɔ kɛ hán ɛnẅì lɔ nɛ́n?” Kɩ ɛnẅì-nɛ́n-zi mrɛ́n ɔmùan le: “N'ɛcɛmɛ̀n hán hɛ́n.

Lükɛ̀n 8:43

Nanvrɛn lɔ, ɛnnyɔnwrɔn tɔ̀n ɛnkrɛ̀-vɔ́n lɔwiɛ dú edomɛ̀n ɛnnanwàn-kru ɛvà-anhyrɛ̀ ndɔ. Ɛnnyɔnwrɔn ndɔ lɔ jrɛ́ n'ɔkùa lɔ fɛn ɛci-hán-bɔ̀ yri, kɩ ɔwrɔn zriɛmɛ̀n ke sɩ̀ kɔrɛ̀ nɛ̀n rɔ̀a.

Zhan 5:5

Nanvrɛn lɔ, ɛnlɔẅiɛ-wrɔn tɔ̀n ndù; n'ɛnlɔẅiɛ lɔ di ɛnnanwàn kru ɛẅia-ɛvà-eẅirì.

Zhan 8:59

Zɛtɛn, yɔ bi ɛbù, ô yɔ kɔ̀n sɔnran nɛ̀n. Tɛ́n Zhezü bán kɩ dú Ɔwɔ-cice-wɔn lɔ mɛ̀n srɔ ɛntrɛ.

Zhan 9:2

N'ɛsɛnkɛn-bɔ̀ ke yrɛ nɛ̀n le: “Ankà-yé-wrɔn, cɛci kruhú kɛ ɔwrɔn ndɔ léyi ye bî nɔn, ke sɩ́ kán ɛyri: nɛ́n mùmù n'ɛgbàn, kale n'ɛmɛ̀n-bɔ̀ gbàn kruhúɛ?”

Ɔkɔ̀hɔ̀n-wá-bɔ̀ kɔ̀hɔ̀n hán 14:8

Listrɛ̀n anmàn lɔ, ɔwrɔn tɔ̀n ndù kɛ yɛ́ ɛnvra lɔ fɛn, ɔmuhi annan kpɔcɔ nɛ̀n nɔn; nɛ̀n dú ɔkpɔcɔ mɛ̀n n'ebiemɛ̀n hàn hɛ́n, kɩ ɛnbì zriɛmɛ́n nɛ vá nán esù mrìmrì.

Ɔkɔ̀hɔ̀n-wá-bɔ̀ kɔ̀hɔ̀n hán 28:4

Ɛnvra léyi ɛnshi wú vúta anmàn-bɔ̀ lɔ kán ɛnlɛbri léyi brɛ́ Pɔlɛ̀n ɛmàn mɛ̀n nɔn, yɔ dɔ́ y'edomɛ̀n le: “Ɔwrɔn ndɔ lɔ ke le dú ɔwrɔn-wri-wrɔn tɔ̀n, ɔmuhi Ɔwɔ nyrɔnnan-mrɛ̀ncì ke sɩ́ ji le nɛ̀n kɔrɛ̀, ke dú kɛ nɛ̀n vɔ́n ecüe nɛ́n kakɛ mán.”

Ɔkɔ̀hɔ̀n-wá-bɔ̀ kɔ̀hɔ̀n hán 4:22

Ɔwrɔn léyi yɔ kɔrɛ́ Ɔwɔ bɩ́mɛ̀n nɔn, ẅɛn ɛnnànwàn kru ɛkoẅì-anhyrɛ̀, ɛnwì.

Ɔkɔ̀hɔ̀n-wá-bɔ̀ kɔ̀hɔ̀n hán 9:33

Nɛ̀n cɔ́ ɔwrɔn tɔ̀n léyi ye bi Ene, dɛ́ sofà tɔ̀n wú ɛnnànwàn kru ɛẅirì, ɔmuhi nɛ̀n cɔ́ ɔkpɔcɔ́ lɔẅiɛ nɔn.