Zhan 8:6 - Ɛmɛẅi ankà ankrànkràn 2003

⁶ Yɔ dɔ́ ɔmu lɔ, ô yɔ krɔn nɛ̀n antanwrɔn, ô yɔ cɔ́ ɛyri ye kù nɛ̀n ankà ɛwú. Tɛ́n Zhezü sɩ́ n'edomɛ̀n ɛnhi kɩ bɩ́ ɛtieẅì bukru ke merɛ́n eci ɛnhibɩ́.

Zhan 8:6 Iomraidhean Croise

Matie 10:16

“Nyɛ́n die nukùɛ! Mɛ wá nyɛ̀n ɔkɔ̀hɔ̀n, kɩ nyɛ́n dù nyɛ́n hán kɔ̀kɔ̀sɛ̀ hɔ̀n léyi dú ovú lɛ̀tù hɔ̀n wanzi nɔn hɔ́. Nyɛ́n wá ny'edomɛ̀n esùva kɛ̀ hán ɛnlɛ̀brì hɔ̀n hɔ́, nyɛ́n dù nyɛ́n hán brɛndre hɔ̀n hɔ́, ô nyɛ́n bɩ́ di ankà mɛ̀n ebɩ́.

Matie 15:23

Tɛ́n Zhezü kè sɩ̀ mrɛ́n nɛ̀n ɔmùan. Zhezü sɛ̀nkɛn-bɔ̀ sɔnba nɛ̀n ɛtɛ̀sɛ̀n kɛ dɔ́ nɛ̀n le: “Wrɔ̀ ɛnnyɔnwrɔn lɔ, ɔmuhi ne di bobo kɛ́n bɔ̀ ɛsɛ̀n nɔn.”

Matie 16:1

Ɔwɔ-nyànmàn-sùva-wá-bɔ̀ mán anwrɔn hɔ̀n léyi ke sɩ́ bú owúemɛ̀n-dù-frɔ́ ankà kɛ tán ankàẅì nɔn sɔnba Zhezü ɛtɛ̀sɛ̀n ô kɛ̀ krɔn nɛ̀n antanwrɔn. Yɔ dɔ́ nɛ̀n, nɛ̀n hán anvɛmɛ̀n-frɛ́n-ci tɔ̀n nɛ̀n tán yɔ, yɔ kàn, ô kè yé tán le n'ɛkɔrɛsrɔn dú Ɔwɔ yri và.

Matie 19:3

Ɔwɔ-nyànmàn-sùva-wá-bɔ̀ zrizri sɔnba nɛ̀n ɛtɛ̀sɛ̀n, ô kɛ̀ krɔn nɛ̀n antanwrɔn. Yɔ yrɛ nɛ̀n le: “Bɔ́ ɛnyànmàn lɔ kɛ tán ɛncɔnwrɔn ɛkɔrɛ̀levri kɛ̀ wrɔ́ nɛ́n hi eci lɔ fɛn mɛ̀n hàn?”

Matie 22:18

Tɛ́n Zhezü nyri y'ankà-tro gbàngbàn hɔ̀n; zɛtɛn nɛ dɔ́ yɔ le: “Anmùan-anhyrɛ̀-bɔ̀, cɛci kruhú kɛ nyɛ krɔn mɛ̀n antanwrɔn hán?

Matie 22:35

Kɩ y'ɛmɛ̀n lɔ ɔwrɔn tɔ̀n, nɛ̀n dú ɛnyànmàn-gbànvri-ankà-yé-wrɔn, ne ji nɛ̀n krɔn Zhezü antanwrɔn; ne yrɛ yi le:

Matie 26:63

Tɛ́n Zhezü kɛ kɛ́n ɔmùan hɛ́n. Zɛtɛn Ɔwɔ-cice-wrɔn cüìcüì kɛ dɔ́ nɛ̀n le: “Ɔkɔrɛ Wɔ lɔ n'ebɩ́ mɛ̀n, mɛ wá tán mɛ́n, è shri bɔ̀ anmùan mɛ̀n, ɔmùan-wá mɛ̀n: è dú Ebɩdie-wrɔn, Ɔwɔ Ẅì lɔa?”

Markɛ̀n 10:2

Ɔwɔ-nyànmàn-sùva-wá-bɔ̀ jan sɔnba nɛ̀n ɛtɛ̀sɛ̀n ô kɛ̀ krɔn nɛ̀n antanwrɔn. Yɔ yrɛ nɛ̀n le: “Bɔ́ ɛnyànmàn lɔ kɛ tán ɛncɔnwrɔn ɛkɔrɛ̀levri kɛ̀ bɔ́ nɛ́n hi eyrìɛ?”

Markɛ̀n 12:15

Tɛ́n Zhezü nyri ɔmu le, yɔ bán nɛ̀n y'ɛnbɔrɛmɛ̀n ankà-tro; kɩ zɛtɛn nɛ dɔ́ yɔ le: “Ecitan kruhú kɛ nyɛ krɔn mɛ̀n antanwrɔn hán? Nyɛ́n bɩ́ ɔkùa lɔ ɔtɔ̀n nyɛ́n và sɩ́ mɛ̀n mɛ̀n nyan.”

Markɛ̀n 3:2

Anwrɔn hɔ̀n léyi dú nanvrɛn nɔn kɛ sɔ́n Zhezü ɛvɛ̀ ô kɛ̀ nyan ke dú kɛ nɛ lɛ kɔrɛ ɔwrɔn lɔ ɛnyànmánbì lɔ, ɔmuhi yɔ ji yɛ vra anẅìɛ yɔ tán nɛ̀n nɔn.

Markɛ̀n 8:11

Ɔwɔ-nyànmàn-sùva-wá-bɔ̀, vá cɔ́ Zhezü mɛhi yɔ dɔ́ ecüìwrɔn-ankà. Yɔ ji yɔ krɔn nɛ̀n antanwrɔn, kɩ yɔ dɔ́ nɛ̀n nɛ hán anvɛmɛ̀n-frɛ́n-ci tɔ̀n nɛ̀n yé yɔ ô yɔ nyrì le n'ɛkɔrɛ̀srɔn lɔ dú Ɔwɔ yri nvà.

Lükɛ̀n 10:25

Ɛnyanmàn-gbànvri-ankà-yé-wrɔn tɔ̀n ke ji kɛ̀ krɔn Zhezü antanwrɔn, kɩ ke yrɛ nɛ̀n le: “Ankà-yé-wrɔn, eci tán de ke ji le mɛ̀n hán ô mɛ̀n cɔ́ ɛwúvà léyi ke sɩ́ trɔa nɛ́n?”

Lükɛ̀n 11:16

Anwrɔn ndɔ hɔ̀n ke ji nɛ̀n antanwrɔn-krɔn-yri kɩ kɛ dɔ́ nɛ̀n, nɛ̀n hán anvɛmɛ̀n-frɛ́n-ci nɛ̀n tán yɔ, ô yɔ nyrì le, n'ɛkɔrɛ̀-srɔn lɔ dú Ɔwɔ yri và.

Zhan 8:2

Ɛcɛ̀n cüe ɔsɔwrɔ futàn, nɛ̀n vru ɛmɛẅi nɛ̀n hɔ́n Ɔwɔ-cice-wɔn lɔ mɛ̀n, kɩ fɛcüè lɔ fɛn sɔnba nɛ̀n ɛtɛsɛ̀n. Zhezü vriyɛ́, kɩ ke yé yɔ ankà.

1 Korɛntɛ̀n anmàn-bɔ̀ 10:9

Bɔ́ bɩ́ wɔɛn Krisì bɔ́ nyan hán ɔmu le y'ɛmɛ̀n lɔ anwrɔn janbɔ̀ hán kɩ ɛnlɛbrì hɔ̀n krá yɔ ɛnyî, kɩ yɔ wù nɔn.