Zhan 8:44 - Ɛmɛẅi ankà ankrànkràn 2003

⁴⁴ Nyɛ́n zi dú anwawrɔn kɩ nye ji nyɛ́n hán eci léyi nyɛ́n zi anwawrɔn ke ji nɔn. Nɛ̀n dú ɔwrɔn wri-wrɔn ɛnkrubɔmɛ̀n hán hɛ́n. Ɛnbi zriɛmɛ́n nɛ vá nyɔn annanwɔrɛ ankà mɛ̀n, ɔmuhi annanwɔrɛ bada nɛ̀n ɛmɛ̀n nɔn. Ɛnvra léyi nɛ dɔ́ ɛyɔ̀n ankà, nɛ dɔ́ yi kɛ hán n'edù-ci hɔ́, ɔmuhi nɛ́n dú ɛyɔ̀n wrɔn mán ɛyɔ̀n nɛ́n zi nɔn.

Zhan 8:44 Iomraidhean Croise

Matie 12:34

Ɛnlɛbrì mɛ̀n bɔ̀! Anhɔntan de nyɛ lɛ hán nyɛ́n dɔ́ ankà ankrànkràn tɛ́n nyɛ́n dú anwrɔn gbàngbàn hɔ̀n nɛ́n? Ɔmuhi ɔmùan kɛ dɔ́ ankà hɔ̀n léyi nhyì dú ɛnbɔrɛ mɛ̀n nɔn.

Matie 13:15

Ɔmuhi fɛcüè ndɔ lɔ ankà ke sɩ́ ku edù; yɔ sɛ́n yɔ nukù hɔ̀n lɔ, yɔ nyi y'anvɛ̀ hɔ̀n lɔ, ô y'anvɛ̀ hɔ̀n lɔ ke bɩ́ kán, yɔ nukù ke bɩ́ yá, ô yɔ bɩ́ cɔ́ ankà yɔ nyriɛn kɩ ɔmu lɔ, yɔ sɩ̀ ji mɛ̀n yɔ và ô mɛ̀n kɔrɛ yɔ, ɔmu de Ɔwɔ kɛ dɔ̀ nɔn.’

Matie 13:38

ɛkɛ̀tɛ̀ lɔ, dú ɛnhibù; ɛci-ẅì ankrànkràn dú anwrɔn hɔ̀n léyi ke bɩ́ Anhobɩ́ nɛ̀ncüì-dúyri ankà nɔn, ɛfi gbàngbàn dú anwrɔn hɔ̀n léyi dú Anwa-wrɔn mɛ̀n-bɔ̀;

Zhan 6:70

Zhezü mrɛ́n yɔ ɔmùan le: “Mɛ̀n sɩ̀ mrɛ́n nyɛ́n, anwrɔn ɛvà-anhyrɛ̀ lɔ mɛ̀n bɩɛ? Ɔmu tɛ̀kɩ ny'ɛmɛ̀n lɔ ɔwrɔn tɔ̀n dú anwa-wrɔn!”

Zhan 7:17

Ɔwrɔn léyi krɔn kpehɛ́n kɛ̀ hán Ɔwɔ kɔrɛzì-ci nɔn, ke le nyrì ke dú kɛ m'ankà-yé lɔ dú Ɔwɔ yri và, kàle mɛ́n dùku de mɛ dɔ́ m'ɛkɔrɛ̀levri ankà nɔn.

Zhan 8:38

Mɛ dɔ́ ankà léyi Dade yé mɛ̀n nɔn, tɛ́n nyɛ tɛn, nyɛ hán eci léyi nyɛ́n zi dɔ́ nyɛ̀n nɔn.”

Zhan 8:41

Nyɛ hán ɛci zri hɔ̀n léyi nyɛ́n zi (anwawrɔn) kɛ hán nɔn.” Yɔ mrɛ́n nɛ̀n ɔmùan le: “Bɔ̀ sɩ̀ dù ɛmɛ̀ntɛ̀-wá-ẅì hɔ̀n. Bɔ̀ ẅɛ̀n bɔ zi zri dú Ɔwɔ.”

Zhan 8:55

tɛ́n nyɛ́n sɩ̀ nyri nɛ̀n. Mɛ tɛn mɛ̀n nyri nɛ̀n. Ke dú kɛ mɛ dɔ̀ le mɛ̀n sɩ̀ nyri nɛ̀n hô, me le dú ɛyɔ̀n-wrɔn kɛ lɛ hán nyɛ́n hɔ́. Tɛ́n mɛ̀n nyri nɛ̀n, kɩ mɛ wá n'ankà-dɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 13:10

kɩ kɛ dɔ́ nɛ̀n le: “Ɛfrɛ́n-wrɔn mán anbɔrɛ-wrɔn, anwa-wrɔn ẅì, ɛci anvrɛnvrɛn lɔ fɛn y'egbri-wrɔn! Vɛ́n eci-jrɛ́ kɔ̀hɔ̀n léyi ɛ hán Ɛẅɛnwrɔn kɔrɛ̀-ci wú nɔn, è sɩ̀ teze mrìmrì hɛ̀n?

Ɔkɔ̀hɔ̀n-wá-bɔ̀ kɔ̀hɔ̀n hán 24:9

Zhüifɛ̀n-bɔ̀ shri tán le ankà léyi yɛ dɔ̀ nɔn, dú annanwɔrɛ.

Ɔkɔ̀hɔ̀n-wá-bɔ̀ kɔ̀hɔ̀n hán 5:3

Zɛtɛn Piɛrɛ̀n kɛ dɔ́ nɛ̀n le: “Ananiasɛ̀n, cɛci kruhú kɛ anwa-wrɔn cɔ́ ɛyri di v'ɛnbɔrɛ lɔ ɛkɔrɛ̀ ɛwúɛ? Ɛ̀ ẅɛn ɔyɔ̀n ɛ̀ tán Ɛhɛ́n Prɔnprɔn kɩ ɛkɛ̀tɛ̀ kùa lɔ è bɩ́ ɛcá ɛ̀ hɛ́n.

2 Korɛntɛ̀n anmàn-bɔ̀ 11:3

Tɛ́n, hán ɔmu le Ɛvɛ̀n teze n'edomɛ̀n bru ɛnlɛbrì tanwrɔn lɔ mɛ̀n nɔn, mɛ ẅɛn ɛnjansù le, ny'ɛnkruemɛ̀n-ẅɛ̀n ke bɩ́ jrɛ́a, ô ke sɩ́ nyɛ̀n esù she Krisì cüɛ̀n-mùan-zri-dì fifi lɔ tɛ̀sɛ̀n.

1 Piɛrɛ̀n 5:8

Anvɛ̀ kè kpri nyɛ̀n, anvɛmɛ̀n kè bi nyɛ̀n! Ɔmuhi ny'egbriwrɔn anwawrɔn, kɛ gbrɛnkɛn ɔmùan kɛ hán gɔ̀ngɔ̀sɔvɛ̀ léyi esùvamɛ̀n ke shrì ke ji ɔwrɔn tɔ̀n kɛ̀ rá nɔn.

2 Piɛrɛ̀n 2:4

Annanwɔrɛ mɛ̀n lɔ, Ɔwɔ ke sɩ̀ mrɛ̀n ɛkùyüre-wrɔn gbàngbàn zriɛmɛ́n ke teze hɛ̀, tɛ́n nɛ̀n kɔ́n yɔ lɛ fɛn nɛ̀n ku ɛnhyà vriemɛ̀n, nanvrɛn de yɛ tɔ́n yɔ gbràka mɛ̀n, ɛyri yɔwɔ mɛ̀n, yɔ vrá ɛmrɛ̀nci bì lɔ.

1 Zhan 1:8

Ke dú kɛ bó tro tán le, ɛgbàn bàda bɔ̀ edomɛ̀n, bɔ́ frɛ́n bɔ́ dùku bɔ́ edomɛ̀n kɩ annanwɔrɛ bàda bɔ̀ ɛmɛ̀n.

1 Zhan 2:21

Zɛtɛn, ke dú me merɛ́n nyɛ̀n owrú, kè sɩ̀ dù hɩ le nyɛ́n sɩ̀ nyrì annanwɔrɛ ankà nɔn, tɛ́n ɔmuhi nyɛ́n nyri annanwɔrɛ ankà lɔ; nyɛ́n vru nyɛ́n nyri ɔmu le ɛyɔ̀n ankà zriɛmɛ́n ke sɩ̀ dú annanwɔrɛ mɛ̀n kɛ̀ và rɔ́.

1 Zhan 2:4

Ke dú kɛ Ɔwrɔn tɔ̀n kɛ dɔ̀ le: “Mɛ̀n nyri nɛ̀n”, tɛ́n ke sɩ́ wá n'ɛnyanmàn hɔ̀n lɔ, nɛ̀n dú ɛyɔ̀n-wrɔn kɩ annanwɔrɛ bàda nɛ̀n ɛmɛ̀n.

1 Zhan 3:12

Ke sɩ́ ji le bò dù kɛ̀ hán Kaɛ́n hɔ́; nɛ̀n dú Eci-gbàngbàn tɛn, kɩ nɛ̀n wri nɛ́n muan-ẅì. Kɩ cɛci kruhú kɛ ne wri yi hɛ́? Ɔmuhi Kaɛ́n ci-hán hɔ̀n lɔ fɛn dú ɛgbàn, tɛ́n nɛ́n muan-ẅì tɛn lɔ dú ɛnyrɔnnan mɛ̀n.

1 Zhan 3:15

Ɔwrɔn totɔtɔ̀n léyi kɛ ẅɛn nɛ́n muan-ẅì gbri nɔn, nɛ́n dú ɔwrɔn-wri-wrɔn tɔ̀n kɩ nyɛ́n nyrì le ɔwrɔn-wri-wrɔn lɔ, ɛwúvà léyi ke sɩ́ trɔa nɔn bàda nɛ̀n ɛmɛ̀n.

Zhüdɛ̀n 1:6

Ɔwɔ kùyüre-bɔ̀ léyi Ɔwɔ tán ɛkɔrɛ̀srɔn, kɩ ndɔ lɔ kè sɩ̀ cüɛ̀n yɔ ɛvɛ̀, yɔ teze yɔ dùku y'edúyri, y'ankà kè bru nyɛ̀n: Ɔwɔ hɛ́n yɔ ɛnhi, ɛyri yɔwɔ mɛ̀n, gbràka mɛ̀n ɛnvra lɔ fɛn, yɔ vrá ɛmrɛ̀nci bì vri lɔ.

Ɔwɔ-mɛ̀n-yrikàn 12:9

Yɛ kɔ́n anwàn-lɛ̀brì vri lɔ ye ze ɛntrɛa. Nɛ́n de nɛ̀n dú ɛnlɛ̀brì gbànvri, léyi ye bi anwawrɔn cüìcüì, hɩ kɛ frɛ́n ɛnhibù mumù lɔ fɛn nɔn. Nɛ́n mán n'ɛkùyüre-bɔ̀ mɛhi yɛ kɔ́n yɔ cüe ɛnhi wú.

Ɔwɔ-mɛ̀n-yrikàn 13:14

Nɛ wá ɛnhi-wú-bɔ̀ ɛzrɛ́n mɛ̀n, n'anvɛmɛ̀n-frɛ́n-ci léyi nɛ hán kpàkpà nɔ̀n lɔ zìwú nɔn. Nɛ dɔ́ yɔ, yɔ hán picɛ̀ tɔ̀n kè dú ɔnɔ̀n lɔ n'ɛmrɛ́n, nɛ́n léyi, eci wri nɛ̀n edù anhà-kɔ́n-nyan she mɛ̀n, kɩ vru kɔrɛ̀ nɔn.

Ɔwɔ-mɛ̀n-yrikàn 2:10

E bɩ́ sú ɛgbànkàn léyi ɛ lɛ cɔ̀ nɔn. Die nukùɛ: anwawrɔn kɛ lɛ wɔɛn nyɛ̀n nyan, kɩ ny'ɛmɛ̀n lɔ, ne le ku bobrebe anwɔn-mɛ̀n-wá-wɔn mɛ̀n; yɛ lɛ hán nyɛ̀n ɛgbàn ɛbi ɛvà. È di ɔmùan zri hàn kɩ kɛ cɔ́ v'owú vra, kɩ mɛ lɛ tán mɛ́n ɛkɔ̀nkà krusɔn-ci, ɛwúvà léyi ke sɩ́ trɔa nɔn.

Ɔwɔ-mɛ̀n-yrikàn 21:8

Zɛtɛn, nyɛ́n anbrá-di-bɔ̀, anmùan-anhyrɛ̀-dí-bɔ̀, ɛci-gbàngbàn-hán-bɔ̀, anwrɔn-wri-bɔ̀, ɛci-gbangbàn-kɔ̀hɔ̀n-hán-bɔ̀, seke-kɔ̀hɔ̀n-hán-bɔ̀, antɛ̀buri-sɛ́n-bɔ̀ mán anhyɔ̀n-bɔ̀ lɔ fɛn, ny'ɛyri dú ɛnhyà-ẅì nɛ́nbà lɔ mɛ̀n, nɛ́n de nɛ̀n dú anhyrɛmɛ̀n wù lɔ nɔn.”

Ɔwɔ-mɛ̀n-yrikàn 22:15

Tɛ́n yɔ le dú anmàn mɛẅi, ɛci-propromɛ̀n-hán-bɔ̀, yɔ hɔ̀n léyi kɛ hán seke-kɔ̀hɔ̀n, anwrɔn hɔ̀n léyi kɛ hán eci-gbàngbàn-kɔ̀hɔ̀n, anwrɔn-wrì-bɔ̀, anhyɔ̀n-wɔ-sɛ́n-bɔ̀ mán anwrɔn hɔ̀n léyi kɛ cüɛn ɛyɔ̀n-ankà-dɔ̀ mán n'ɔkɔ̀hɔ̀n-hán nɔn!

Ɔwɔ-mɛ̀n-yrikàn 9:11

Yɔ ẅɛn ɛnnɛncüì tɔ̀n ndù, nɛ́n de nɛ̀n dú ɛnnànmàn léyi n'ɛvrɛn kè sɩ̀ ẅɛ̀n ɛnkrutrɔ nɔn n'ɛnnan-wrɔn. Ye bi nɛ̀n ebre mɛ̀n, “Abàdɔn”, kɩ grɛkɛ̀n mɛ̀n “Apoliɔn”, n'ɛmɛ̀n kɛ dɔ̀ le “Eci-jrɛ́-wrɔn vri”.