Zhan 8:2 - Ɛmɛẅi ankà ankrànkràn 2003

² Ɛcɛ̀n cüe ɔsɔwrɔ futàn, nɛ̀n vru ɛmɛẅi nɛ̀n hɔ́n Ɔwɔ-cice-wɔn lɔ mɛ̀n, kɩ fɛcüè lɔ fɛn sɔnba nɛ̀n ɛtɛsɛ̀n. Zhezü vriyɛ́, kɩ ke yé yɔ ankà.

Zhan 8:2 Iomraidhean Croise

Matie 26:55

Zɛtɛn Zhezü kɛ dɔ́ fɛcüè le: “Ke ji le nyɛ́n và anhà-kɔ́n-nyan mán antɛ̀ kè dú nyɛ̀n antamɛ̀n nyɛ́n ẅɛn mɛ̀n, kɛ̀ hán le mɛ̀n dú ɔwrɔn-wri-wrɔn hɔ́a? Ɛnbì lɔ fɛn, mɛ yɛ́ Ɔwɔ-cice-wɔn lɔ mɛ̀n, me yé ankà, kɩ nyɛ́n sɩ̀ ẅɛ̀n mɛ̀n.

Lükɛ̀n 21:37

Ɛcɛ̀n, Zhezü ke yé yɔ ankà ɔwɔ-sɛ́n-wɔn mɛ̀n; kɩ ɔwɔɛ nɛ hɔ́n ɛẅì-shi-tɛ̀ tɔ̀n léyi ye bi olivie nɔn, hɩ dú ɛnkpò cɛ wú nɔn, mɛ̀n nɛ dɛ́.

Lükɛ̀n 21:38

Kɩ fɛcüè lɔ fɛn kɛ vá ɛsɔwrɔ̀ fùtan Ɔwɔ-sɛ́n-wɔn lɔ mɛ̀n, ô kè die nɛ̀n nukùɛ.

Lükɛ̀n 4:20

Zɛtɛn Zhezü serɛ owrú lɔ, bɩ́ tán eci-bɩ-tan-wrɔn lɔ, kɩ vriyɛ́. Anwrɔn hɔ̀n léyi dú Ɔwɔ-sɛ́n-wɔn lɔ mɛ̀n nɔn, crɛ anvɛ̀ kɛ́n nɛ̀n.

Lükɛ̀n 5:3

Zhezü bru anhàka tɔ̀n mɛ̀n, Simɔn anhàka lɔ, kɩ nɛ sɛ́n yi kɛ wɔ́ ɛvrà kɛ̀ hɔ́n ɛwú jan. Zhezü ci anhàka lɔ mɛ̀n yɛ́, kɩ ke yé fɛcüè ankà.

Zhan 4:34

Zhezü kɛ dɔ́ yɔ le: “M'ɛci-zî dú hɩ le mɛ lɛ hán ɔwrɔn léyi wá mɛ̀n ɔkɔhɔ̀n nɔn n'ɛkɔrɛzì-ci, ô ɔkɔhɔ̀n léyi nɛ̀n tán mɛ̀n nɔn, mɛ̀n trɔ n'ɛhán.

Zhan 8:20

Zhezü dɔ́ ankà ndɔ hɔ̀n lɔ ɛnvra léyi ne yé ankà Ɔwɔ-cice-wɔn lɔ mɛ̀n, ɛyri léyi ɛcice tɛ̀ wroko hɔ̀n lɔ ndù nɔn. Ɔwrɔn zriɛmɛ́n kè sɩ̀ ẅɛn nɛ̀n, ɔmuhi nɛ́n wacɛ̀n kɛ vá cɔ̀ nɔn.

Zhan 8:3

Ɛnyanmàn-gbànvri-ankà-yé-bɔ̀ mán Ɔwɔ-nyanmàn-sùva-wá-bɔ̀ bɩ́ ɛnnyɔwrɔn tɔ̀n, yɛ ẅɛn nɛ̀n ɛncɔnwrɔn-bi-gbàn hán tɛ̀ mɛ̀n, yɔ vá sɩ́ Zhezü. Yɔ hɛ́n nɛ̀n anwrɔn lɔ fɛn zìwúɛ.

Ɔkɔ̀hɔ̀n-wá-bɔ̀ kɔ̀hɔ̀n hán 5:21

Ɔkɔ̀hɔ̀n-wá-bɔ̀ die ankà lɔ nukùɛ: ɔsɔ̀wrɔ̀ fùtàn, yɔ hɔ́n Ɔwɔ-cice-wɔn lɔ mɛ̀n kɩ yɔ bukru yɔ yé ankà. Ɔwɔ-cice-wrɔn cüìcüì mán anwrɔn hɔ̀n léyi dú nɛ̀n ɛtɛ̀sɛ̀n nɔn, borɛ Zhüifɛ̀n fɛcüè cüìcüì-bɔ̀ ɛkru, ô yɔ cì ɛmrɛ̀n ankà-dɔ̀-trɔ-bɔ̀ zìwú. Zɛtɛn yɔ hán yɛ hɔ́n bɩ́ ɔkɔ̀hɔ̀n-wá-bɔ̀ anwɔn-mɛ̀n-wá-wɔn mɛ̀n.