Zhan 8:12 - Ɛmɛẅi ankà ankrànkràn 2003

¹² Zhezü vru bɩ́ ankà-dɔ̀ kɩ kɛ dɔ́ fɛcüè le: “Mɛ̀n dú ɛnhibù yri-kàn. Ɔwrɔn léyi kɛ kɛ́n mɛ̀n ɛsɛ̀n nɔn, kɛ lɛ cɔ́ ɔkɔrɛ̀ yri-kàn kɩ nɛ́n sɩ̀ nán esù ɛyri yɔwɔ mɛ̀n mrìmrì.”

Zhan 8:12 Iomraidhean Croise

Matie 5:14

Nyɛ́n de nyɛ́n dú ɛnhibù wú yri-kàn. Anmàn léyi dú ɛnkpò wú nɔn, ke sɩ̀ bán rɔ́.

Lükɛ̀n 2:32

hɩ de dú, ɛyri-kàn léyi, kɛ lɛ hán tán ɛnhi wú anmàn lɔ fɛn ke nyri mɛ́n, ô kè dú eci-zrɔ kɛ̀ tán Izraɛlɛ̀n vɛ́n fɛcüè.”

Zhan 12:35

Zhezü kɛ dɔ́ yɔ le: “Ɛyri-kàn vru dú nyɛ̀n ɛmɛ̀n, tɛ́n ne le dú ɛnvra cá mɛ̀n. Nyɛ́n nán esù, ɛnvra ɔmu lɔ, hɩ nyɛ́n dú ɛyri-kán mɛ̀n nɔn, ô ɛyri yɔwɔ ke bɩ́ ẅɛn nyɛ̀n nmù, ɔmuhi ɔwrɔn léyi kɛ nán esù ɛyri yɔwɔ mɛ̀n nɔn, nɛ́n sɩ́ nyri ɛyrí léyi nɛ hɔ̀n nɔn.

Zhan 12:36

Nyɛ́n bú ɛyri-kán ankà nyɛ́n tán ankaẅì, ɛnvra ɔmu lɔ, hɩ nɛ̀n dú nyɛ̀n ɛmɛ̀n nɔn, ô nyɛ́n srɔ ɛyri-kán ẅì hɔ̀n.” Ɛnvra léyi nɛ̀n dɔ́ ankà ndɔ hɔ̀n lɔ trɔ nɔ̀n, Zhezü hɔ́n esù she bán.

Zhan 12:46

Mɛ tɛn mɛ̀n vá ɛnhibù wú hán ɛyrikàn hɔ́, ô ɔwrɔn totɔtɔ̀n léyi ke bú m'ankà kɛ tán ankaẅì nɔn ke bɩ́ dú ɛyri yɔwɔ mɛ̀n.

Zhan 14:6

Zhezü mrɛ́n nɛ̀n ɔmùan le: “Mɛ̀n dú ɛnlevri, mɛ̀n dú ankà-annanwɔrɛ, mɛ̀n dú ɛwúvà-kɔrɛ̀. Ɔwrɔn zriɛmɛ́n ke sɩ̀ hɔ́n Dade nanvrɛn ke dú kɛ nɛ̀n sɩ̀ cì m'eyri.

Zhan 3:19

Nyàn ɛyri léyi nwù bɔ̀ lɔ ke cì kɛ và nɔn: ɛyri-kàn vá ɛnhibù wú, kɩ anwrɔnẅì kɛ cüɛ́n ɛyri-yɔwɔ vrán ɛyri-kàn, ɔmuhi yɔ hán eci gbangbàn nɔn.

Zhan 7:17

Ɔwrɔn léyi krɔn kpehɛ́n kɛ̀ hán Ɔwɔ kɔrɛzì-ci nɔn, ke le nyrì ke dú kɛ m'ankà-yé lɔ dú Ɔwɔ yri và, kàle mɛ́n dùku de mɛ dɔ́ m'ɛkɔrɛ̀levri ankà nɔn.

Zhan 9:5

Ɛnvra ɔmu léyi mɛ̀n dú ɛnhibù wú nɔn, mɛ̀n dú ɛnhibù wú yri-kàn.”

Ɔkɔ̀hɔ̀n-wá-bɔ̀ kɔ̀hɔ̀n hán 13:47

Nyàn eci léyi Ɛẅɛnwrɔn wá tán bɔ̀ nɔn: ‘Mɛ̀n wá mɛ́n e dù ɛ̀ hán, ɛnhi wú anmàn hɔ̀n yrikàn, ô è bɩ́ ɛwúvà-kɔrɛ̀ ɛ̀ hɔ̀n, hàn mán ɛ̀ cɔ́ ɛnhibù kru trɔ!’ ”

Ɔkɔ̀hɔ̀n-wá-bɔ̀ kɔ̀hɔ̀n hán 26:23

le Ebɩdie-wrɔn lɔ kɛ lɛ kán ɛgbàn, ne le dú ɛnvrakpà-wrɔn léyi ke le dú owúemɛ̀n kɛ̀ frɔ́ kɩ nɛ lɛ dɔ́ ɛyri-kàn krukɔrɛ̀ ankà nɛ̀n tán bɔ́ fɛcüè mán ɛnhibù anmàn wú nyantɛn bɔ̀.”

2 Piɛrɛ̀n 2:17

Anwrɔn ndɔ hɔ̀n lɔ dù cá ɛnshi-bɛ́ hɔ̀n léyi wrú, mán ɛnwì-gbú hɔ̀n léyi ɔwràn dɔnwrɔ̀n kɛ kɛ́n sɩ́; Ɔwɔ hán ɛyri hɛ́n yɔ ɛnnyran yri yɔwɔ vri mɛ̀n.

2 Piɛrɛ̀n 2:4

Annanwɔrɛ mɛ̀n lɔ, Ɔwɔ ke sɩ̀ mrɛ̀n ɛkùyüre-wrɔn gbàngbàn zriɛmɛ́n ke teze hɛ̀, tɛ́n nɛ̀n kɔ́n yɔ lɛ fɛn nɛ̀n ku ɛnhyà vriemɛ̀n, nanvrɛn de yɛ tɔ́n yɔ gbràka mɛ̀n, ɛyri yɔwɔ mɛ̀n, yɔ vrá ɛmrɛ̀nci bì lɔ.

1 Zhan 1:6

Ke dú kɛ bo tro tán le nɛ́n mɛhi bɔ̀ dú ɔbɔ̀sɔ̀ mɛ̀n, kɩ zɛtɛn bɔ̀ dú ɛyri-yɔwɔ mɛ̀n; bɔ̀ dú anhyɔ̀n-bɔ̀, bó sɩ́ hán annanwɔrɛ ci.

Zhüdɛ̀n 1:13

Yɔ dù yɔ cá ecüe mù ɛvrivri hɔ̀n, yɔ cüe y'ezìwú y'anvɛvrà ci-hán dàfù. Yɔ dù hán okùcànkrò hɔ̀n léyi ke sɩ́ yɛ́ ɛyri zri, kɩ Ɔwɔ wá ɛnnyran yri yɔwɔ pipi hɛ́n yɔ ɛnvra lɔ fɛn.

Zhüdɛ̀n 1:6

Ɔwɔ kùyüre-bɔ̀ léyi Ɔwɔ tán ɛkɔrɛ̀srɔn, kɩ ndɔ lɔ kè sɩ̀ cüɛ̀n yɔ ɛvɛ̀, yɔ teze yɔ dùku y'edúyri, y'ankà kè bru nyɛ̀n: Ɔwɔ hɛ́n yɔ ɛnhi, ɛyri yɔwɔ mɛ̀n, gbràka mɛ̀n ɛnvra lɔ fɛn, yɔ vrá ɛmrɛ̀nci bì vri lɔ.

Ɔwɔ-mɛ̀n-yrikàn 21:24

Ɛnhi wú anmàn hɔ̀n kɛ lɛ nán esù n'ɛyrikàn lɔ mɛ̀n, kɩ ɛnhi wú nɛ̀ncüi hɔ̀n ke le sɩ́ yɔ nɛ̀ncüì-di-ci hɔ̀n lɔ.