Zhan 7:16 - Ɛmɛẅi ankà ankrànkràn 2003

¹⁶ Zhezü mrɛ́n yɔ ɔmùan le: “Ankà-yé léyi mɛ tán nɔn kè sɩ̀ dù m'eyri kɛ̀ và, tɛ́n dú Ɔwɔ léyi wá mɛ̀n ɔkɔ̀hɔ̀n nɔn n'eyri và.

Zhan 7:16 Iomraidhean Croise

Zhan 14:10

E sɩ́ bútan le mɛ̀n dú Dade mɛ̀n, kɩ Dade mán dú mɛ̀n ɛmɛ̀n hàn? Ankà-dɔ̀ hɔ̀n léyi mɛ tán nyɛ̀n ɛnvra lɔ fɛn nɔn, ke sì dù me yri kɛ vá. Dade léyi dú mɛ̀n ɛmɛ̀n nɔn, kɛ hán nɛ́n dùku n'ɔkɔ̀hɔ̀n.

Zhan 14:24

Ɔwrɔn léyi ke sɩ̀ cüɛn mɛ̀n nɔn, nɛ́n sɩ̀ ẅɛn m'ankà-dɔ̀ nɛ̀n hɛ́n. Ankà léyi nyɛ yá mɛ dɔ̀ nɔn, kè sɩ̀ dù m'eyri kè dù kɛ vá, tɛ́n Dade léyi wá mɛ̀n ɔkɔhɔ̀n nɔn, n'eyri de ke dù kɛ và nɔn.

Zhan 17:14

Mɛ̀n tán yɔ v'ankà-dɔ̀, kɩ ɛnhibù ke gbri yɔ ɔmuhi yɔ sɩ̀ dù ɛnhibù tɛn nɔn, hán mɛ̀n léyi mɛ̀n sɩ̀ dù ɛnhibù tɛn nɔn.

Zhan 17:8

ɔmuhi mɛ̀n tán yɔ ankà-dɔ̀ hɔ̀n léyi ɛ̀ tán mɛ̀n nɔn, kɩ yɔ cɔ́ ankà-dɔ̀ hɔ̀n lɔ. Yɔ nyri annanwɔrɛ mɛ̀n le v'eyri de mɛ́n dù mɛ và nɔn, kɩ yɔ bútan ankaẅì le vɛ́n de ɛ̀ wá mɛ̀n ɔkɔhɔ̀n nɔn.”

Zhan 3:11

Annanwɔrɛ mɛ̀n mɛ dɔ́ mɛ́n le: bɔ́ dɔ́ ɛci hɔ̀n léyi bɔ́ nyrì nɔn y'ankà, kɩ bɔ́ di dalɛfuɛ eci léyi bɔ́ kàn nɔn wú, tɛ́n nyɛ́n sɩ́ ji nyɛ́n bɩ́ bɔ́ dalɛfuɛ-di-ankà lɔ.

Zhan 3:31

“Ɔwrɔn léyi dú anhobɩ́ và nɔn, nɛ̀n dú eci lɔ fɛn ɛwú; ɔwrɔn léyi dú ɛnhibù-wú-wrɔn nɔn, nɛ̀n dú ɛnhibù-wú-ci kɩ nɛ dɔ́ ɛnhibù wú ankà. Ɔwrɔn léyi dú anhobɩ́ và nɔn, nɛ̀n dú eci lɔ fɛn ɛwú;

Zhan 5:30

“Mɛ́n sɩ̀ hán eci zriɛmɛ́n rɔ́ m'ɛkɔrɛ̀levriemɛ̀n. Me ci ɛmrɛ̀n ankà léyi Ɔwɔ kɛ dɔ́ mɛ̀n nɔn yi wú kɩ m'ɛmrɛ̀ncì lɔ nyrɔn, ɔmuhi mɛ́n sɩ́ hán eci léyi me ji nɔn, tɛ́n, mɛ hán eci léyi ɔwrɔn léyi wá mɛ̀n ɔkɔ̀hɔ̀n, ke ji nɔn.

Zhan 6:44

Ɔwrɔn zriɛmɛ̀n ke sɩ̀ vá m'eyri ke dú kɛ Dade léyi wá mɛ̀n ɔkɔhɔ̀n nɔn ke sɩ̀ yé nɛ̀n ɛnlevri, kɩ mɛ tɛn, me le bɩ́ nɛ̀n mɛ̀n sɔhɔ́ owú-bɔ̀ mɛ̀n, ô mɛ̀n sɩ́ nɛ̀n ɔkɔrɛ-bɔ̀ mɛ̀n ɛmɛẅi trɔ bì lɔ.

Zhan 8:28

Zɛtɛn Zhezü kɛ dɔ́ yɔ le: “Ɛnvra léyi, nye le sɩ́ ɔwrɔnẅì Ẅì ɛwú nɔn, nye le nyrì le ‘Mɛ̀n dú ɔwrɔn léyi dú mɛ̀n nɔn’; nye le nyrì le mɛ́n sɩ́ hán eci zriɛmɛ́n mɛ́n dùku m'ɛkɔrɛ̀-levriemɛ̀n: mɛ dɔ́ ankà zri léyi Dade yé mɛ̀n nɔn.

2 Zhan 1:9

Ɔwrɔn totɔtɔ̀n léyi ke sɩ̀ dù Krisì ankà-yé lɔ mɛ̀n, tɛ́n ke wí nɛ̀n ɛwú nɔn, nɛ́n mán Ɔwɔ mɛhi yɔ sɩ̀ dú ɔbɔ̀sɔ mɛ̀n. Ɔwrɔn léyi ke dú ankà-yé ndɔ lɔ mɛ̀n nɔn, nɛ́n mán Ɔwɔ Zi mán Ɔwɔ Ẅì, yɔ dú ɔbɔ̀sɔ mɛ̀n.

Ɔwɔ-mɛ̀n-yrikàn 1:1

Owrú ndɔ lɔ kɛ dɔ́ ɛyrikàn léyi Zhezü Krisì ncɔ̀ nɔn n'ankà. Ɔwɔ tán nɛ̀n ɛyrikàn ndɔ lɔ, ô nɛ̀n yé n'eci-bɩ̀tan bɔ̀ eci léyi kɛ lɛ wɔɛn ɛnvra bruemɛ̀n nɔn. Krisì wá n'ɛkùyüre-wrɔn ɔkɔ̀hɔ̀n Zhan yri, ô kɛ̀ tán nɛ̀n nɛ̀n nyri eci léyi kɛ lɛ wɔɛ̀n nɔn.