Zhan 7:12 - Ɛmɛẅi ankà ankrànkràn 2003

¹² Yɛ dɔ́ n'ankà bobrebe fɛcüè lɔ mɛ̀n. “Nɛ̀n dú ɔwrɔn anvrɛnvrɛn”, dú anwrɔn janbɔ̀ anmùan mɛ̀n kɛ dɔ̀. “Ndɔ hɔ̀n kɛ dɔ̀ le, hɔ̂, nɛ frɛ́n anwrɔn.”

Zhan 7:12 Iomraidhean Croise

Matie 10:25

Zrɔ tán le owrú-wɔn-mɛ̀n-ẅì kè dù kɛ̀ hán n'ankà-yé-wrɔn hɔ́, ô ɛci-bɩtan-wrɔn kè dù kɛ̀ hán n'ɛẅɛnwrɔn hɔ́. Ke dú kɛ ye bi ebɩ́-nɛ́n-zi Bɛlzebülɛ̀n (anhɛ́n gbàngbàn-bɔ̀ wrɔn cüìcüì) hô, yɛ lɛ tán n'ɛmɛ̀n-bɔ̀ ebi kɛ lɛ sàn krɛ́ ɛfɔ́n!”

Matie 21:46

Zɛtɛn yɔ ji ɛyri ô yɔ ẅɛn nɛ̀n, tɛ́n yɔ sú fɛcüè léyi ke bɩ́ Zhezü kɛ hán Ɔwɔ-mùanwú-ankà-dɔ́-wrɔn tɔ̀n nɔn.

Matie 27:63

kɩ kɛ dɔ́ nɛ̀n le: “Bràsu, ke bru bɔ̀ le, ɛyɔ̀n-wrɔn ndɔ lɔ, ɛnvra léyi nɛ̀n dú ɔkɔrɛ-bɔ̀ mɛ̀n nɔn, nɛ́n dɔ̀ le: ‘Ɛbi-anhɔ̀n, me le dú owú-bɔ̀ mɛ̀n, mɛ̀n vru mɛ̀n vá ɔkɔrɛ-bɔ̀ mɛ̀n.’

Lükɛ̀n 18:19

Zhezü kɛ dɔ́ nɛ̀n le: “Cɛci krukú kɛ e bi mɛ̀n ɔwrɔn anvrɛnvrɛn hán? Ɔwrɔnẅì zrìɛmɛ́n kè sɩ̀ zrɔà, ke dú kɛ kè sɩ̀ dù Ɔwɔ zri kɩ.

Lükɛ̀n 23:47

Gɔliɛ-wrɔn léyi nyɔn nɔn, kán eci léyi wɔɛ̀n nɔn, nɛ mrɛ́n Ɔwɔ kɩ nɛ dɔ̀ le: “Annànwɔrɛ mɛ̀n, ɔwrɔn ndɔ lɔ dú ɔwrɔn anvrɛnvrɛn.”

Lükɛ̀n 23:50

Ɔwrɔn tɔ̀n ye bi nɛ̀n Zhozɛfɛn, nɛ̀n dú Zhüifɛn-bɔ̀ anmàn léyi ye bi Arimate nɔn wrɔn. Ɔwrɔn ndɔ lɔ zrɔ, kɩ nɛ̀n dú ɛnyrɔn-nan-wrɔn, kɩ nɛ̀n ẅɛn esɛ́ Anhobɩ́ Nɛ̀ncüì-dúyri vá mɛ̀n. Nɛ̀n dú ankà-dɔ̀ trɔ wrɔn tɔ̀n, kɩ nɛ̀n sɩ̀ dù nɛ́n nyran hɔ̀n ankà-dɔ̀-trɔ-bɔ̀ ɛmɛẅi, Zhezü ankà lɔ mɛ̀n.

Lükɛ̀n 6:45

Ɔwrɔn ankrànkràn lɔ ɛnbɔrɛmɛ̀n de n'eci ankrànkràn hán lɔ ke dù kɛ và nɔn; ɔwrɔn gbangbàn mán, ɛbɔrɛmɛ̀n de n'eci gbangbàn hán lɔ ke dù kɛ và nɔn. Ɔmuhi, ɔwrɔnwrɔn mùan de kɛ dɔ́ ankà léyi yɩ́ n'ɛnbɔrɛ lɔ mɛ̀n nɔn.”

Lükɛ̀n 7:16

Yɔ lɔ fɛn, ɛnjansù bru yɔ; yɔ mrɛ́n Ɔwɔ kɩ yɔ dɔ̀ le: “Ɔwɔ-mùanwú-ankà-dɔ́-wrɔn cüìcüì tɔ̀n srɔ bɔ̀ ɛmɛ̀n! Kɩ yɔ vru yɔ dɔ̀ le: Ɔwɔ và, wá nɛ́n fɛcüè ɛkɔrɛ̀!”

Zhan 6:14

Anwrɔn hɔ̀n léyi kán anvɛmɛ̀n-frɛ́n-ci léyi Zhezü hán nɔn, kɛ dɔ̀ le: “Ɔwrɔn ndɔ lɔ, nɛ̀n dú Ɔwɔ-mùanwú-ankà-dɔ́-wrɔn annanwɔrɛ léyi, ke ji le kɛ̀ vá ɛnhibù wú nɔn!”

Zhan 7:32

Ɔwɔ-nyanmàn-sùva-wá-bɔ̀ cɔ́ yá ankà léyi yɔ dɔ́ Zhezü wú fɛcüè mɛ̀n, esùva ɛnhisiemɛ̀n nɔn. Zɛtɛn Ɔwɔ-cice-bɔ̀ cüìcüì mán Ɔwɔ-nyanmàn-sùva-wá-bɔ̀ wá gɔliɛ-bɔ̀ ɔkɔ̀hɔ̀n kɛ̀ hɔ̀n kɛ̀ ẅɛn Zhezü.

Zhan 7:47

Ɔwɔ-nyanmàn-sùva-wá-bɔ̀ lɔ ke yrɛ yɔ le: “Nyɛ́n mán nyɛ́n teze ny'edomɛ̀n yɛ frɛ́n nyɛ̀n hàn?

Zhan 7:52

Yɔ mrɛ́n nɛ̀n ɔmùan le: “Vɛ́n mán Galile wrɔn dú mɛ́n hɛ́n? Ɛ̀ nyan Owrú Prɔnprɔn lɔ kɩ ɛ lɛ kán ɔmu le, Ɔwɔ-mùanwú-ankà-dɔ́-wrɔn zriɛmɛ́n ke sɩ̀ dù Galile kɛ và mrìmrì.” [

Zhan 9:16

Ɔwɔ-nyanmàn-sùva-wá-bɔ̀ jan kɛ dɔ̀ le: “Ɔwrɔn léyi hán eci ndɔ lɔ nɔn, nɛ̀n sɩ̀ dù Ɔwɔ yri nɛ̀n và, ɔmuhi nɛ́n sɩ́ wá ɛnyanmán-bì nyanmàn lɔ nɔn.” Tɛ́n ndɔ hɔ̀n kɛ dɔ̀ le: “Anwɔntan de ɔwrɔn kɛ lɛ hán anvɛmɛ̀n-frɛ́n-ci ndɔ hɔ̀n lɔ, ke dú kɛ nɛ̀n dú ɛgbàn-hán-wrɔn nɛ́n?” Kɩ ɛsɔ̀n-vɔyan bru yɔ ɛmɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 11:24

Annànwɔrɛ mɛ̀n lɔ Barnabasɛ̀n dú ɔwrɔn anvrɛnvrɛn léyi Ɛnhɛ́n Prɔnprɔn yɩ́ edomɛ̀n, hɩ ẅɛn ankaẅì-bùtan nɔn. Anwrɔn bobrebe shri bɩ́ Ɛẅɛnwrɔn ankà lɔ.

Rɔmɛ̀n-anmàn-bɔ̀ 5:7

Sɔ́ tán ɔwrɔn léyi dú ɛnyrɔnnan mɛ̀n nɔn, ye wú n'ɛkruhú. Ɔwrɔn tɔ̀n kɛ lɛ ẅɛn edùyì tɛ̀ kè wú anvrɛn-hán-wrɔn tɔ̀n kruhú.

Filipɛ̀n anmàn-bɔ̀ 2:14

Nyɛ́n hán eci lɔ fɛn, anẅìɛ-vrá mán ecüì-wrɔn ke bɩ́ dú ɛmɛ̀n,