Zhan 7:1 - Ɛmɛẅi ankà ankrànkràn 2003

¹ Ndɔ lɔ n'ɛmɛẅi, Zhezü ci Galile kpɔsɔ wú; nɛ́n sɩ́ ji nɛ̀n yɛ́ Zhüde kpɔsɔ wú, ɔmuhi Zhüifɛ̀n-bɔ̀ cüìcüì hɔ̀n ke ji kè wri nɛ̀n nɔn.

Zhan 7:1 Iomraidhean Croise

Matie 10:23

Ɛnvra léyi yɛ lɛ hán nyɛ̀n ɛgbàn anmàn tɔ̀n mɛ̀n nɔn, nyɛ́n srɛ́, nyɛ́n hɔ́n anmàn nyàntɛn. Mɛ dɔ́ nyɛ̀n annànwɔrɛ mɛ̀n le: nyɛ́n sɩ̀ ci Izraɛlɛ̀n anmàn hɔ̀n lɔ fɛn wú kɛ̀ trɔ kɩ ɔwrɔnẅì Ẅì vá vra lɔ kɛ lɛ cɔ̀.

Matie 21:38

Tɛ́n, ɛnvra léyi ɛkɛ̀tɛ̀-kɔ̀hɔ̀n-hán-bɔ̀ lɔ kán ɛnẅì lɔ nɔn, yɔ dɔ́ y'edomɛ̀n le: ‘Nyàn anja-di-wrɔn lɔ! Bɔ̀ hɔ̀n, bɔ̀ wri nɛ̀n kɩ bɔ́ lɛ srɔ ɛkɛ̀tɛ́-nɛ́n-zi hɔ̀n!’

Markɛ̀n 11:18

Ɔwɔ-cice-bɔ̀ cüìcüì mán ɛnyànmàn-gbànvri-ankà-yé-bɔ̀ yá ankà lɔ kɩ yɔ ji ɛyri ô yɔ di Zhezü owúemɛ̀n; annànwɔrɛ mɛ̀n lɔ yɔ ẅɛn n'esù, ɔmuhi fɛcüè lɔ fɛn kɛ yá n'ankà-yé lɔ nɔn.

Zhan 1:19

Nyàn dalɛfuɛ-di-ankà léyi Zhan dɔ́ zhüifɛ̀n-bɔ̀ cüìcüì hɔ̀n léyi dú Zherüzalɛmɛ̀n anmàn, hɩ wá Ɔwɔ-cice-bɔ̀ mán y'ɛtɛsɛ̀n bɔ̀ ɔkɔhɔ̀n kɛ và kè yrɛ nɛ̀n le: “Antɔnwrɔn dú mɛ́n hɛ́n?”

Zhan 4:54

Ndɔ lɔ dú anvɛmɛ̀n-frɛ́n-ci léyi Zhezü hán anhyrɛmɛ̀n, ɛnvra léyi nɛ̀n dú Zhüde kpɔsɔ wú nɛ̀n vá Galile kpɔsɔ wú nɔn.

Zhan 6:1

Ndɔ lɔ mɛẅi lɔ, Zhezü hɔ́n Galile nɛnbà cɛ mɛẅi (Nɛnbà cɛ léyi ye bi Tiberiadɛ̀n nɛnbà nɔn).

Zhan 7:11

Zhüifɛ̀n-bɔ̀ cüìcüì hɔ̀n ke ji nɛ̀n ɔkoran bì lɔ mɛ̀n, kɩ ke yrɛ le: “Tɛyri nɛ́n dùɛ?”

Zhan 7:13

Tɛ́n ɔwrɔn zriɛmɛ́n ke sɩ́ dɔ́ n'ankà kpetemɛ̀n, ɔmuhi yɔ sú Zhüifɛ̀n-bɔ̀ cüìcüì hɔ̀n nɔn.

Zhan 7:19

Mohizì tán nyɛ̀n ɛyanmàn, ke sɩ̀ dù yiɛ? Tɛ́n ɔwrɔn zriɛmɛ́n ny'ɛmɛ̀n lɔ ke sɩ́ hán ɛnyanmàn kɔrɛzì-ci. Cɛci kruhú kɛ nye ji nyɛ́n wri mɛ̀n hàn?”

Zhan 7:25

Zherüzalɛmɛ̀n anmàn-bɔ̀ jan kɛ dɔ̀ le: “Ke sɩ̀ dù ɔwrɔn ndɔ lɔ de ye ji ewri yri nɛ́n?

Zhan 7:35

Zhüifɛ̀n-bɔ̀ ke yrɛ y'edomɛ̀n le: “Tɛyri de nɛ lɛ hɔ̀n ô bɔ́ bɩ́ cɔ́ nɛ̀n nɛ́n? Nɛ lɛ hɔ̀n nɛ̀n cɔ́ Zhüifɛ̀n-bɔ̀ léyi bonyi Grɛkɛ̀n-bɔ̀ granmɛ̀n, ô nɛ̀n yé Grɛkɛ̀n-bɔ̀ ankà?

Zhan 8:37

Mɛ̀n nyri ɔmu le nyɛ́n dú Abrahamɛ̀n mɛẅi-bɔ̀. Tɛ́n nye ji nyɛ́n wri mɛ̀n, ɔmuhi nyɛ́n sɩ́ ji nyɛ́n bɩ́ m'ankà-yé lɔ nɔn.

Zhan 8:40

Tɛ́n zɛtɛ̀ léyi mɛ̀n dɔ́ nyɛ̀n ankà annanwɔrɛ léyi mɛ̀n cɔ́ Ɔwɔ yri nɔn, nye ji ɛyri nyɛ́n wri mɛ̀n. Abrahamɛ̀n ke sɩ̀ hàn eci kɛ̀ cà ndɔ lɔ!

Ɔkɔ̀hɔ̀n-wá-bɔ̀ kɔ̀hɔ̀n hán 10:38

Nyɛ́n nyri ɔmu le Ɔwɔ hán Ɛnhɛ́n Prɔnprɔn kɔrɛ̀-srɔn vá Nazàrɛtɛ̀n-wrɔn Zhezü ɛwú. Nyɛ́n vru nyɛ́n nyri ɔmu le Zhezü hán ci ɛnhi anmàn lɔ fɛn wú, hán anvrɛn, kɩ kɔrɛ anwrɔn hɔ̀n lɔ fɛn léyi dú anwa-wrɔn kɔrɛ̀-levri wú, ɔmuhi nɛ́n mán Ɔwɔ mɛhi yɔ dù nɔn.