Zhan 6:2 - Ɛmɛẅi ankà ankrànkràn 2003

² Fɛcüè vri tɔ̀n kɛ kɛ́n nɛ̀n ɛsɛ̀n, ɔmuhi anwrɔn kɛ kán anvɛmɛ̀n-frɛ́n-ci léyi nɛ hán kɩ ɛnlɔẅiɛ-bɔ̀ kɛ kɔrɛ̀ nɔn.

Zhan 6:2 Iomraidhean Croise

Matie 12:15

Ɛnvra léyi Zhezü yá le ye ji nɛ̀n ewri-yri nɔn, nɛ́n cɔhɔ́ ɛyri ndɔ lɔ kɩ anwrɔn bobrebe dú nɛ̀n ɛmɛẅi. Nɛ kɔrɛ ɛnlɔẅiɛ-bɔ̀ lɔ fɛn,

Matie 13:2

Fɛcüè vri tɔ̀n borɛkru n'ɛtɛ̀sɛ̀n, hán tán kɩ nɛ̀n bru anhàka tɔ̀n mɛ̀n nɛ̀n yɛ́. Fɛcüè lɔ nyɔn ɛnshi gbàtà mùan.

Matie 14:14

Ɛnvra léyi Zhezü dú anhàka mɛ̀n kakɛ nɔn, nɛ̀n kán fɛcüè vri tɔ̀n; ɛnhyɔ̀bɔ̀ yɩ́ n'ɛnbɔrɛ lɔ mɛ̀n anwrɔn ndɔ hɔ̀n lɔ kruhú kɩ nɛ̀n bukru nɛ kɔrɛ y'ɛnlɔẅiɛ-bɔ̀.

Matie 8:1

Zhezü dú ɛnkpò cɛ wú kakɛ kɩ fɛcüè bobrebe kɛ kɛ́n nɛ̀n ɛsɛ̀n.

Markɛ̀n 1:45

Tɛ́n ɔwrɔn ndɔ lɔ hɔ̀n kɩ kɛ dɔ́ yɔ ɛyri lɔ fɛn eci léyi wɔɛ́n nɛ̀n edomɛ̀n nɔn. Hɩ le kruhú de Zhezü ke sɩ́ vru srɔ anmàn ke yé n'edomɛ̀n, tɛ́n nɛ nyɔn ɔhɔnán, ɛyri kohɔ́n, kɩ anwrɔn ke dú ɛyri lɔ lɔ fɛn ke ji nɛ̀n kɛ và.

Markɛ̀n 6:33

Tɛ́n anwrɔn bobrebe kán yɔ yɔ hɔ̀n kɩ nyri ɛyri léyi yɔ hɔ̀n nɔn. Zɛtɛn yɔ dú anmàn lɔ fɛn yɔ ci ɛnhi yɔ vá cɔ́ ɛyri ndɔ lɔ, yakɛ Zhezü mán n'ɛsɛ̀nkɛn-bɔ̀ vá kɛ́.

Zhan 11:47

Ɔwɔ-nyanmàn-sùva-wá-bɔ̀ mán Ɔwɔ-cice-bɔ̀ cüìcüì bɔrɛ ankà-dɔ̀-trɔ-bɔ̀ ɛkru kɩ kɛ dɔ̀ le: “Ecitan de bɔ́ lɛ hán nɛ́n? Ɔmuhi ɔwrɔn ndɔ lɔ kɛ hán anvɛmɛ̀n-frɛ́n-ci bobrebe nɔn!

Zhan 12:18

Hɩ le kruhú de fɛcüè hɔ́n nɛ̀n ɛsù: anwrɔn yá le nɛ̀n hán anvɛmɛ̀n-frɛ́n-ci ndɔ lɔ.

Zhan 12:37

Anvɛmɛ̀n-frɛ́n-ci bobrebe hɔ̀n léyi Zhezü hán y'ezìwú nɔn, ɔmu tɛ̀kɩ yɔ sɩ́ bú n'ankà yɔ tán ankaẅì.

Zhan 2:11

Nyàn ɔmu lɔ de Zhezü hán nɛ́n kpàkpà anvɛmɛ̀n-frɛ́n-ci, Kana anmàn, Galile kpɔsɔ wú; nɛ̀n yé n'ecizrɔ, kɩ n'ɛsɛnkɛn-bɔ̀ bú n'ankà lɔ tán ankaẅì.

Zhan 2:23

Ɛnvra léyi Zhezü dú Zherüzalɛmɛ̀n anmàn nɔn, abutùkumɛ́n-kɔ́ nyanmán-bì vra lɔ, anwrɔn bobrebe bú n'ankà tán ankaẅì, ɔmuhi yɔ kán anvɛmɛ̀n-frɛ́n-ci léyi nɛ hán nɔn.

Zhan 20:30

Zhezü vru hán n'ɛsɛnkɛn-bɔ̀ zìwú anvɛmɛ̀n-frɛ́n-ci bobrebe ndɔ hɔ̀n, ye sɩ̀ dɔ̀ owrú ndɔ lɔ mɛ̀n.

Zhan 3:2

Nɛ́n và cɔ́ Zhezü ɛnnyran tɔ̀n mɛ̀n kɩ nɛ dɔ́ yi le: “Ankà-yé-wrɔn, bɔ́ nyrí ɔmu le, Ɔwɔ de wá mɛ́n ɔkɔhɔ̀n ɛ̀ và yé bɔ̀ ankà nɔn; ɔmuhi ɔwrɔn zriɛmɛ́n ke sɩ̀ hán anvɛmɛ̀n-frɛ́n-ci kɛ̀ hán ɔmu le ɛ hán nɔn, ke dú kɛ Ɔwɔ mɛhi yɔ sɩ̀ dùɛ.”

Zhan 6:14

Anwrɔn hɔ̀n léyi kán anvɛmɛ̀n-frɛ́n-ci léyi Zhezü hán nɔn, kɛ dɔ̀ le: “Ɔwrɔn ndɔ lɔ, nɛ̀n dú Ɔwɔ-mùanwú-ankà-dɔ́-wrɔn annanwɔrɛ léyi, ke ji le kɛ̀ vá ɛnhibù wú nɔn!”

Zhan 6:22

Ɛnvra léyi ɛcɛ̀n cüe nɔn, fɛcüè léyi nyɔn nɛnbà cɛ mɛẅi nɔn, kán ɔmu le anhàka zri kɩ wɔrɔ dú nɛnbà gbàtà mùan; anwrɔn nyri ɔmu le Zhezü kè sɩ̀ brù anhaka lɔ mɛ̀n nɛ́n mán n'ɛsɛ̀nkɛn-bɔ̀ mɛhi tɛ́n yɔ zri kɩ yɔ hɔ̀n.

Zhan 6:26

Zhezü mrɛ́n yɔ ɔmùan le: “Mɛ dɔ́ nyɛ̀n annanwɔrɛmɛ̀n le: nye ji mɛ̀n ɔmuhi nyɛ́n cɔ́ abutùkumɛ́n nyɛ́n rá fɔ́n nyɛ̀n, kɩ kè sɩ̀ dù anvɛmɛ̀n-frɛ́n-ci hɔ̀n léyi mɛ hán nɔn, hɩ mɛ̀n de nyɛ́n cɔ̀ nyɛ́n nyrì nɔn kruhú.

Zhan 6:30

Yɔ dɔ́ nɛ̀n le: “Anvɛmɛ̀n-frɛ́n-ci tán de ɛ lɛ hán ɛ̀ tán bɔ̀, bɔ̀ kàn, ô bɔ̀ bú v'ankà bɔ̀ tán ankaẅì nɛ́n? Ɔkɔhɔ̀n tán de ɛ lɛ hán nɛ́n?