Zhan 5:5 - Ɛmɛẅi ankà ankrànkràn 2003

⁵ Nanvrɛn lɔ, ɛnlɔẅiɛ-wrɔn tɔ̀n ndù; n'ɛnlɔẅiɛ lɔ di ɛnnanwàn kru ɛẅia-ɛvà-eẅirì.

Zhan 5:5 Iomraidhean Croise

Markɛ̀n 9:21

Zhezü ke yrɛ nɛ́n zi le: “Ɛnvra ɛ̀bɛ de eci lɔ kɛ hán ɛnẅì lɔ nɛ́n?” Kɩ ɛnẅì-nɛ́n-zi mrɛ́n ɔmùan le: “N'ɛcɛmɛ̀n hán hɛ́n.

Lükɛ̀n 13:16

Kɩ ɛnnyɔnwrɔn ndɔ léyi, dú Abrahamɛ̀n mɛẅi wrɔn, hɩ anwa-wrɔn kɔra hɛ́n ɛnnanwàn kru ɛvà eẅirì nɔn, kè sɩ̀ zrɔ tán le, yɛ kɔrɛ nɛ̀n ɛnyanmán-bì lɔa?”

Lükɛ̀n 8:43

Nanvrɛn lɔ, ɛnnyɔnwrɔn tɔ̀n ɛnkrɛ̀-vɔ́n lɔwiɛ dú edomɛ̀n ɛnnanwàn-kru ɛvà-anhyrɛ̀ ndɔ. Ɛnnyɔnwrɔn ndɔ lɔ jrɛ́ n'ɔkùa lɔ fɛn ɛci-hán-bɔ̀ yri, kɩ ɔwrɔn zriɛmɛ̀n ke sɩ̀ kɔrɛ̀ nɛ̀n rɔ̀a.

Zhan 5:14

Ɛnvra vacì, Zhezü cɔ́ ɛnlɔẅiɛ-wrɔn lɔ Ɔwɔ-cice-wɔn lɔ mɛ̀n kɩ kɛ dɔ́ nɛ̀n le: “È die nukùɛ; zɛtɛ̀ lɔ ɛ kɔrɛ̀a. E bɩ́ vru hán ɛgbàn, ô ankà nyantɛn ke vru kɛ vá mɛ́n edomɛ̀n ke sevriɛ.”

Zhan 5:4

ɔmuhi ɛnvra janbɔ̀ kɛ cɔ̀ hô, Ɔwɔ-kùyüre-wrɔn tɔ̀n kɛ kakɛ ɛnshi lɔ mɛ̀n kɩ kɛ hán nɛ̀n nɛ jɔ̀kɔ̀. Kpàkpà lɔẅiɛ-wrɔn léyi ke bru ɛnshi lɔ mɛ̀n ɛnvra léyi yɛ jɔ̀kɔ́ nɛ̀n nɔn, ɛnlɔẅiɛ-wrɔn ndɔ lɔ kɛ cɔ́ ɔkɔrɛ̀ ɛnlɔẅiɛ hɔ̀n lɔ fɛn wú.]

Zhan 5:6

Ɛnvra léyi Zhezü kán nɛ̀n nɛ̀n dɛ́, hɩ nyri ɔmu le nɛ́n gɔ̀ dú ɛnlɔẅiɛ mɛ̀n ɛnvra sheshemɛ̀n nɔn, ne yrɛ yi le: “E ji ɛ̀ kɔrɛ̀a?”

Zhan 9:1

Zhezü dú ɛnlevri kɛ hɔ̀n, kɩ kán ɔwrɔn tɔ̀n léyi n'ebîemɛ̀n ke sɩ́ kán ɛyri nɔn.

Zhan 9:21

Tɛ́n bɔ́ sɩ̀ nyrì ɔmu le hán cì hɩ nɛ kán ɛyri zɛtɛ̀ lɔ nɔn. Kɩ bɔ́ sɩ̀ nyrì ɔwrɔn léyi gbá nɛ̀n anvɛ̀ nɔn. Nyɛ́n yrɛ nɛ̀n ankà: nɛ̀n krɔn ankà-dɔ́-mùan!”

Ɔkɔ̀hɔ̀n-wá-bɔ̀ kɔ̀hɔ̀n hán 14:8

Listrɛ̀n anmàn lɔ, ɔwrɔn tɔ̀n ndù kɛ yɛ́ ɛnvra lɔ fɛn, ɔmuhi annan kpɔcɔ nɛ̀n nɔn; nɛ̀n dú ɔkpɔcɔ mɛ̀n n'ebiemɛ̀n hàn hɛ́n, kɩ ɛnbì zriɛmɛ́n nɛ vá nán esù mrìmrì.

Ɔkɔ̀hɔ̀n-wá-bɔ̀ kɔ̀hɔ̀n hán 3:2

Ecice-wɔn gbàtà, angbàtà léyi ye bi “Angbàta Fifi” nɔn, n'ɛtɛsɛ̀n lɔ ɔwrɔn tɔ̀n ndù, kɩ ɛcɛmɛ̀n hàn hɛ́n, nɛ̀n ẅɛn ɔkpɔ̀cɔ lɔẅiɛ. Ɛnbì lɔ fɛn ye sɩ́ nɛ̀n, kɩ yɛ hɛ́n nɛ̀n nanvrɛn, ô anwrɔn hɔ̀n léyi ke bru Ɔwɔ-sɛ́n-wɔn lɔ mɛ̀n nɔn, nɛ̀n sán yɔ ɛci.

Ɔkɔ̀hɔ̀n-wá-bɔ̀ kɔ̀hɔ̀n hán 4:22

Ɔwrɔn léyi yɔ kɔrɛ́ Ɔwɔ bɩ́mɛ̀n nɔn, ẅɛn ɛnnànwàn kru ɛkoẅì-anhyrɛ̀, ɛnwì.

Ɔkɔ̀hɔ̀n-wá-bɔ̀ kɔ̀hɔ̀n hán 9:33

Nɛ̀n cɔ́ ɔwrɔn tɔ̀n léyi ye bi Ene, dɛ́ sofà tɔ̀n wú ɛnnànwàn kru ɛẅirì, ɔmuhi nɛ̀n cɔ́ ɔkpɔcɔ́ lɔẅiɛ nɔn.