Zhan 5:44 - Ɛmɛẅi ankà ankrànkràn 2003

⁴⁴ Nyɛ cüɛ́n ɛmrɛ́n léyi ke dú nyɛ́n dùku ny'edomɛ̀n kɛ và, kɩ nyɛ́n sɩ́ ji ɛmrɛ́n léyi ke dú Ɔwɔ yri zri kɛ và nɔn. Anwɔntan de nyɛ lɛ hán, ô nyɛ́n bùtan ankaẅì nɛ́n?

Zhan 5:44 Iomraidhean Croise

Matie 23:5

Yɔ hán y'ɛci hɔ̀n lɔ fɛn kɛ dɛ́ ɛwú, ô anwrɔn kɛ̀ kán yɔ. Ɔmu lɔ de ankà-dɔ̀ prɔnprɔn hɔ̀n léyi ye merɛ́n, hɩ yɔ mú ezìwú, ɛnvra tɔ̀n ɛkɔrɛ̀bɔ̀n mɛ̀n nɔn, yɔ ẅɛn kotoku vri; y'ɛwú ceci-kɔrɛ̀ mùan mán ntrɛ̀.

Lükɛ̀n 19:17

Ɛnnɛ̀ncüì lɔ kɛ dɔ́ nɛ̀n le: ‘Kɛ zrɔ, ɛci-bɩtan-wrɔn ankrànkràn, ɔmuhi, è di ɔmùan-zri ecicɛ mɛ̀n nɔn, mɛ wá mɛ́n anmàn ɛvà govran.’

Zhan 12:43

Yɔ cüɛn anwrɔnẅì ankà-dɔ̀ bɩ vrán hɩ le dú Ɔwɔ yri kɛ và nɔn.

Zhan 17:3

Ɛwúvà léyi ke sɩ́ trɔa nɔn, dú hɩle, ke ji le ye nyri mɛ́n, vɛ́n zri léyi è dú Ɔwɔ annanwɔrɛ, ô yɔ nyri Zhezü Krisì léyi ɛ̀ wá ɔkɔhɔ̀n nɔn.

Zhan 3:20

Ɔwrɔn totɔtɔ̀n léyi kɛ hán eci gbangbàn nɔn, nɛ́n sɩ́ cüɛ́n ɛyri-kàn, kɩ nɛ́n sɩ́ vá ɛyri-kán mɛ̀n, ɔmuhi ɛnjansù kɛ ẅɛn nɛ̀n kɩ nɛ́n sɩ́ ji le ɛci gbangbàn hɔ̀n léyi nɛ hán nɔn, kɛ̀ srɔ ɛwú.

Zhan 5:41

“Mɛ́n sɩ́ ji ɛmrɛ́n léyi ke dú anwrɔnẅì yri kɛ và nɔn.

Zhan 8:43

Cɛci kruhú kɛ nyɛ́n sɩ́ yá ankà léyi mɛ dɔ́ nyɛ̀n nɔn nɛ́n? Ɔmuhi nyɛ́n sɩ̀ ẅɛ̀n nukù nyɛ́n yá m'ankà-dɔ̀ lɔ nɔn.

Rɔmɛ̀n-anmàn-bɔ̀ 2:10

Zɛtɛn, Ɔwɔ kɛ lɛ tán eci-zrɔ, ɛmrɛ́n mán anwɔwɔ ke le dú anwrɔn hɔ̀n léyi kɛ hán anvrɛn nɔn tɛn, bukru Zhüifɛ̀n-bɔ̀, tɛ́n anwrɔn hɔ̀n léyi kè sɩ̀ dù Zhüifɛ̀n-bɔ̀ mán,

Rɔmɛ̀n-anmàn-bɔ̀ 2:29

Tɛ́n Zhüifɛ̀n-wrɔn annanwɔrɛ lɔ, dú nɛ́n léyi n'ɛnbɔrɛ lɔ mɛ̀n, nɛ̀n dú Zhüifɛ̀n-wrɔn, kɩ ye wi nɛ̀n wúcɔ̀-domɛ̀n n'ɛnbɔrɛ lɔ mɛ̀n, kɩ nɛ́n wúcɔ̀-domɛ̀n-wì lɔ dú Ɔwɔ Hɛ́n Prɔnprɔn mɛ̀n srɔ, kɩ kè sɩ̀ dù ɛnyànmàn léyi ye merɛ́n nɔn mɛ̀n. Zhüifɛ̀n-wrɔn annanwɔrɛ ndɔ lɔ, kɛ cɔ́ n'ɛmrɛ́n Ɔwɔ yri, tɛ́n ke sɩ̀ dù anwrɔnẅì yri.

Rɔmɛ̀n-anmàn-bɔ̀ 2:7

Ne le bɩ́ ɛwúvà léyi ke sɩ́ trɔa nɔn nɛ̀n tán anwrɔn hɔ̀n léyi y'eci-hán-ciemɛ̀n lɔ, kɛ hán anvrɛn kɩ ke ji eci-zrɔ, ɛmrɛ́n mán ɛwúvà-kɔrɛ̀ nɔn.

1 Korɛntɛ̀n anmàn-bɔ̀ 4:5

Hɩ le kruhú de ke sɩ́ ji le nyɛ́n ci ɔwrɔn zriɛmɛ́n ɛ̀mrɛ̀n, ke dú kɛ ɛnvra léyi yɛ wá nɔn kɛ vá cɔ̀. Nyɛ́n vrá Ɛẅɛnwrɔn kɛ̀ và: ne le sɩ́ ɛyri-kán mɛ̀n, eci léyi bán ɛyri-yɔwɔ mɛ̀n, kɩ ne le sɩ́ anwrɔnẅì ankà-tro ci-bán-ci hɔ̀n lɔ fɛn ɛntrɛ. Zɛtɛn ɔwrɔnwrɔn kɛ lɛ cɔ́ Ɔwɔ yri, ɛmrɛ́n léyi dú nɛ tɛn nɔn.

2 Korɛntɛ̀n anmàn-bɔ̀ 10:18

Annanwɔrɛ mɛ̀n lɔ, kè sɩ̀ dù ɔwrɔn léyi ẅɛn ankà-tro vri nɛ́n mumù n'ɛwú nɔn, de yɛ mrɛ́n nɔn, tɛ́n ɔwrɔn léyi Ɛẅɛnwrɔn kɛ mrɛ́n nɔn.

Filipɛ̀n anmàn-bɔ̀ 2:3

Nyɛ́n bɩ́ hán eci zriɛmɛ́n annan-kran mɛ̀n, kɩ nyɛ́n bɩ́ ẅɛn ankà-tro woro ny'edomɛ̀n ɛwúsɩ́emɛ̀n, tɛ́n edomɛ̀n ɛnhisɩ́emɛ̀n lɔ, nyɛ́n tro le nyɛ́n nyran hɔ̀n dú nyɛ̀n ɛwú.

1 Tesalonikɛ̀n anmàn-bɔ̀ 2:6

Bɔ́ sɩ̀ jì ɔwrɔnẅì zriɛmɛ́n mrɛ́n léyi ke le dú ny'eyri mán ɔwrɔn nyàntɛn yri kɛ̀ và;

Kpàkpà timote 1:17

Ɛnnɛ̀ncüì léyi kè sɩ̀ ẅɛ̀n ɔtrɔ, ke sɩ́ wúɛ, ye sɩ́ kán kɩ dú Ɔwɔ zri nɔn, ɛmrɛ́n mán eci-zrɔ dú nɛ tɛn ɛnvra lɔ fɛn! Kè dú ɔmu lɔ.

Ebre-bɔ̀ 3:12

Nmàn-ẅì hɔ̀n, nyɛ́n wá esùva, ɔwrɔn zriɛmɛ́n ny'ɛmɛ̀n lɔ, ke bɩ́ ẅɛn ɛnbɔrɛ gbàngbàn léyi ankaẅìbùtan bàdà ɛmɛ̀n, kɩ kɛ wá tán nɛ̀n, nɛ̀n kɛ́n Ɔwɔ kɔrɛkɔrɛ lɔ ezì.

Zhakɛ̀n 2:1

Anwrɔn-nɛ́n-muan-ẅì hɔ̀n, nyɛ́n léyi ny'ɛwúvà dú ankaẅì-bùtan mɛ̀n, Ɛẅɛnwrɔn Zhezü Krisì ci-zrɔ mɛ̀n nɔn, ke sɩ́ ji le ɛnvra zri lɔ mɛ̀n ny'eci-hán-ci kɛ̀ vɛ́n anwrɔnwrɔn tɛ̀sɛ̀n.

1 Piɛrɛ̀n 1:7

Ansìkɛ dùku léyi dú eci-jrɛ́ ci nɔn, ɔmu tɛ̀kɩ ɛnhyà kɛ fi nɛ̀n; ɔmu zri lɔ, ny'ankaẅìbùtan léyi ẅɛn vɔ̀nshɛ́ vrán ansíkɛ nɔn, dú ɔwɔ̀ɛn-nyan mɛ̀n, ô nɛ̀n yé nɛ́n vɔ̀nshɛ́ léyi nɛ́n ẅɛ̀n nɔn. Ɔmu lɔ de nyɛ lɛ cɔ́ ɛmrɛ́n, eci-zrɔ mán ezìwú-gbà ɛnvra léyi Zhezü Krisì kɛ lɛ srɔ nɔn.

Zhüdɛ̀n 1:25

Ɔwɔ zri, bɔ́ bɩdie-wrɔn, Zhezü-Krisì bɔ́ Ẅɛnwrɔn bɩmɛ̀n, eci-zrɔ, evrisì, ɛkɔrɛ̀srɔn mán ɛkɔrɛ̀levri dú nɛ tɛn, ɛnkrubɔmɛ̀n, zɛtɛ̀ mán ɛnvra lɔ fɛn! Kè dú ɔmu lɔ.