Zhan 5:4 - Ɛmɛẅi ankà ankrànkràn 2003

⁴ ɔmuhi ɛnvra janbɔ̀ kɛ cɔ̀ hô, Ɔwɔ-kùyüre-wrɔn tɔ̀n kɛ kakɛ ɛnshi lɔ mɛ̀n kɩ kɛ hán nɛ̀n nɛ jɔ̀kɔ̀. Kpàkpà lɔẅiɛ-wrɔn léyi ke bru ɛnshi lɔ mɛ̀n ɛnvra léyi yɛ jɔ̀kɔ́ nɛ̀n nɔn, ɛnlɔẅiɛ-wrɔn ndɔ lɔ kɛ cɔ́ ɔkɔrɛ̀ ɛnlɔẅiɛ hɔ̀n lɔ fɛn wú.]

Zhan 5:4 Iomraidhean Croise

Matie 11:12

Ɛnvra léyi Zhan-Batisì bukru kɛ dɔ́ Ɔwɔ ankà hàn kɩ cɔ́ zɛtɛ̀ lɔ nɔn, Anhobɩ́-Nɛ̀ncüì-dúyri dú ɛjɔ̀kɔmɛ̀n kɩ ɛci-gbàngbàn-hán-bɔ̀ ke ji n'ebɩ́-yri.

Matie 6:33

Anhobɩ́ nɛ̀ncüì-dúyri mán ɛnyrɔnnan ankà kè dú ny'ankà shishi, kɩ Ɔwɔ kɛ lɛ tán nyɛ̀n hɩ léyi wɔrɔ nɔn.

Lükɛ̀n 13:24

“Nyɛ́n hán kekremɛ̀n ô, nyɛ́n ci angbàtà cɛ lɔ, ɔmuhi, mɛ dɔ́ nyɛ̀n annànwɔrɛ mɛ̀n le, anwrɔn bobrebe ke le ji angbàtà cɛ mɛ̀n cì, kɩ ye sɩ̀ cɔ́ hɩ kɔrɛ̀levri lɔ.

Lükɛ̀n 16:16

Mohizì nyanmàn vra lɔ mán Ɔwɔ-mùanwú-ankà-dɔ́-bɔ̀ wrú lɔ, ndù hàn kɩ cɔ́ Zhan Batisì vra. Bukru hɩ vra lɔ, Ɛmɛẅi ankà Ankrànkràn léyi dú Anhobɩ́ Nɛ̀ncüì-dúyri nvà nɔn, anwrɔn cɔ́ nɛ̀n yá kɩ ɔwrɔn wrɔn kɛ wrɔn ɛyri ô kè bru nɛ̀n ɛmɛ̀n.

Zhan 5:3

Angbàtà-levri ndɔ hɔ̀n lɔ mɛ̀n, ɛnlɔẅiɛ-bɔ̀ bobrebe dɛ́: anvɛ̀-bɔyɛ-bɔ̀, annan-yɔ-bɔ̀, ɔkpɔ̀cɔ-bɔ̀. [Yɔ vrá ɛnshi lɔ kɛ̀ jɔ̀kɔ̀;

Zhan 5:5

Nanvrɛn lɔ, ɛnlɔẅiɛ-wrɔn tɔ̀n ndù; n'ɛnlɔẅiɛ lɔ di ɛnnanwàn kru ɛẅia-ɛvà-eẅirì.

Zhan 5:7

Ɛnlɔẅiɛ-wrɔn lɔ mrɛ́n nɛ̀n ɔmùan le: “Ankà-yé-wrɔn, mɛ̀n sɩ̀ ẅɛ̀n ɔwrɔn zriɛmɛ́n hɩ ká ẅɛn mɛ̀n kè di ɛnshi-jrɔ́-yri lɔ, ɛnvra léyi ɛnshi lɔ kɛ jɔ̀kɔ̀ nɔn; ɛnvra léyi mɛ bɔ́sɔ́ m'edomɛ̀n, ô mɛ̀n bru ɛnshiemɛ̀n nɔn, ɔwrɔn nyantɛn kɛ hɛ́ mɛ̀n ezì.”

1 Korɛntɛ̀n anmàn-bɔ̀ 6:11

Nyàn eci léyi dú anwrɔn janbɔ̀ ny'ɛmɛ̀n lɔ nɔn. Tɛ́n ye fi nyɛ̀n edomɛ̀n, ye bɩ́ nyɛ̀n yɛ srɔ Ɔwɔ tɛn, yɛ srɔ nyɛ̀n ɛnnyrɔnnan-bɔ̀ Ɔwɔ zìwú, Ɛẅɛnwrɔn Zhezü Krisì bɩmɛ̀n mán b'Ɔwɔ Hɛ́n mɛ̀n.

1 Zhan 1:7

Tɛ́n ke dú kɛ bɔ̀ dú ɛwúvà-yrikàn mɛ̀n, hán Ɔwɔ mumù léyi dú ɛyrikàn mɛ̀n nɔn, zɛtɛn ɔmu lɔ bó dú ɔbɔ̀sɔ mɛ̀n bɔ́ mán bɔ́ nyran hɔ̀n mɛhi, kɩ n'Ɛnẅì Zhezü krɛ̀ lɔ, ke jru bɔ̀ ɛgbàn lɔ fɛn edomɛ̀n.