Zhan 5:3 - Ɛmɛẅi ankà ankrànkràn 2003

³ Angbàtà-levri ndɔ hɔ̀n lɔ mɛ̀n, ɛnlɔẅiɛ-bɔ̀ bobrebe dɛ́: anvɛ̀-bɔyɛ-bɔ̀, annan-yɔ-bɔ̀, ɔkpɔ̀cɔ-bɔ̀. [Yɔ vrá ɛnshi lɔ kɛ̀ jɔ̀kɔ̀;

Zhan 5:3 Iomraidhean Croise

Matie 15:30

Fɛcüè bobrebe vá nɛ̀n ɛtɛ̀sɛ̀n, yɔ sɩ́ annan-yɔ-bɔ̀, anvɛ̀-bɔyɛ-bɔ̀, ɔkpɔ̀cɔ-bɔ̀ mán anwrɔn hɔ̀n léyi ke sɩ́ dɔ́ ankà mán ɛnlɔẅiɛ-bɔ̀ bobrebe ndɔ hɔ̀n. Ye bɩ́ yɔ yɛ vá hɛ́n Zhezü annan tɛ̀sɛ̀n, kɩ nɛ kɔrɛ yɔ.

Matie 4:24

Yɛ yá n'ankà Siri ɛnhi wú anmàn kɩ ye bɩ́ anwrɔn hɔ̀n léyi kɛ kán ɛnlɔẅiɛ mɛ̀ntɛ mɛ̀ntɛ gbàn: yɔ hɔ̀n léyi anhɛ́n gbàngbàn dú edomɛ̀n, eci-gɔ́n-lɔẅiɛ-bɔ̀ mán ɔkpɔ̀cɔ-bɔ̀, yɛ vá sɩ́ nɛ̀n. Kɩ Zhezü kɛ kɔrɛ yɔ.

Lükɛ̀n 7:22

Zɛtɛn, nɛ dɔ́ Zhan kɔhɔ̀n-wá-bɔ̀ lɔ ankà: “Nyɛ́n hɔ̀n nyɛ́n dɔ́ Zhan, eci léyi nyɛ́n kàn mán ankà léyi nyɛ́n yá nɔn: anvɛ̀-boyɛ-bɔ̀ kɛ kán ɛyri, ɔkpɔcɔ̀-bɔ̀ kɛ nán esù, kokove-bɔ̀ cɔ́ ɔkɔrɛ̀, nukù-sɩ-bɔ̀ kɛ yá ankà, owú-bɔ̀ kɛ frɔ́, ɛmian-bɔ̀ cɔ́ Ɛmɛẅi ankà Ankrànkràn lɔ yá.

Zhan 5:2

Anmàn ndɔ lɔ mɛ̀n, ɛyri léyi ye bi “kɔ̀kɔ̀sɛ̀ gbàtà” nɔn, n'ɛtɛ̀sɛ̀n, ɛnshi-jrɔ́-yri tɔ̀n ndù hɩ mán angbàtà ɛnlevri ɛnrì léyi ẅɛn ɛbù-hi-nan nɔn; ɛyri lɔ, ye bi nɛ̀n: “Ɛnhyɔ̀bɔ̀-nyri wɔn” (Ebre mɛ̀n yɛ dɔ̀ le: “Bezàta”).

Zhan 5:4

ɔmuhi ɛnvra janbɔ̀ kɛ cɔ̀ hô, Ɔwɔ-kùyüre-wrɔn tɔ̀n kɛ kakɛ ɛnshi lɔ mɛ̀n kɩ kɛ hán nɛ̀n nɛ jɔ̀kɔ̀. Kpàkpà lɔẅiɛ-wrɔn léyi ke bru ɛnshi lɔ mɛ̀n ɛnvra léyi yɛ jɔ̀kɔ́ nɛ̀n nɔn, ɛnlɔẅiɛ-wrɔn ndɔ lɔ kɛ cɔ́ ɔkɔrɛ̀ ɛnlɔẅiɛ hɔ̀n lɔ fɛn wú.]

Rɔmɛ̀n-anmàn-bɔ̀ 8:25

Tɛ́n ke dú kɛ bɔ́ ẅɛn esɛ́ eci léyi bɔ́ sɩ́ kán nɔn wú, bɔ́ vrá eci lɔ ɛnbɔrɛ-ẅɛ̀n-hɛ́n mɛ̀n.

Zhakɛ̀n 5:7

Nyɛ́n ẅɛn ɛnbɔrɛ nyɛ́n hɛ́n anwrɔn-nɛ́n-muan-ẅì hɔ̀n, hàn kɩ kɛ̀ cɔ́ ɛnvra léyi Ɛẅɛnwrɔn kɛ lɛ và nɔn. Nyɛ́n kán ɔmu le ovú kɔ̀hɔ̀n-hán-wrɔn kɛ ẅɛn ɛnbɔrɛ kɛ hɛ́n kɩ kɛ vrá ɛnhi kɛ̀ hán ɛci kɛ̀ sɔ́, ke shi ɛẅì anvrɛvrɛn: nɛ̀n nyri ɔmu le ke ji le ɛbanshi mán ɔkùan kɛ̀ nàn kɛ̀ trɔ.