Zhan 5:10 - Ɛmɛẅi ankà ankrànkràn 2003

¹⁰ Zhüifɛ̀n-bɔ̀ cüìcüì hɔ̀n kɛ dɔ́ ɔwrɔn léyi cɔ́ ɔkɔrɛ̀ nɔn le: “Ɛnyɔncì lɔ dú ɛnyanmán-bì, kɩ bɔ́ ɛnyanmàn lɔ ke sɩ́ wá tán mɛ́n é bɩ́ v'ɛnkpà lɔ.”

Zhan 5:10 Iomraidhean Croise

Matie 12:10

Ɔwrɔn tɔ̀n dú nanvrɛn lɔ ɛkɔrɛ̀ nwù. Ɔwɔ-nyànmàn-sùva-wá-bɔ̀ ke ji ke di Zhezü ankà mɛ̀n; hɩ le kruhú de yɔ yrɛ nɛ̀n le: “Bɔ́ ɛnyànmàn lɔ kɛ tán ɛkɔrɛ̀levri yɛ kɔrɛ ɔwrɔn ɛnyànmán-bì lɔa?”

Markɛ̀n 2:24

Zɛtɛn ɛnyànmàn-sùva-wá-bɔ̀ kɛ dɔ́ Zhezü le: “Ɛ̀ nyan ecitan kruhú kɛ v'ɛsɛ̀nkɛn-bɔ̀ kɛ hán eci léyi ɛnyànmán-bì ke sɩ̀ nɛ́n?”

Markɛ̀n 3:4

Zɛtɛn, Zhezü ke yrɛ anwrɔn léyi kɛ nyan nɛ̀n nɔn le: “Ecitan de bɔ́ ɛnyànmàn lɔ kɛ wá tán nɛ́n? Zrɔ tán le ɛnyànmánbì lɔ yɛ hán anvrɛn kàle yɛ hán ɛgbàn hàn? Ye bɩ́ ɔwrɔn ye die kàle yɛ jrɛ́ nɛ̀n nɛ́n?” Tɛ́n yɔ sɩ́ ji yɔ mrɛ́n ɔmùan.

Lükɛ̀n 13:14

Tɛ́n, Ɔwɔ-sɛ́n-wɔn mɛ̀n wrɔn cüìcüì lɔ, kè sɩ̀ cüɛ̀n hàn, ɔmuhi Zhezü kɔrɛ ɔwrɔn ɛnyanmán-bì lɔ nɔn. Nɛ̀n bɩ́ ankà-dɔ̀ kɩ nɛ dɔ́ fɛcüè le: “Yɛ tán nyɛ̀n ɛbi ɛwole, nyɛ́n bɩ̀ nyɛ́n hán ɔkɔhɔ̀n; nyɛ́n vá ɛnbi lɔ, ô yɛ kɔrɛ nyɛ̀n, kè sɩ̀ dù ɛnyanmán-bì lɔ.”

Lükɛ̀n 23:56

Zɛtɛn yɔ vru ɛmɛẅi yɔ hɔ́n ɛbemɛ̀n, ô yɔ wá ɛnzhì mán ɛnshi bánbán esùva yɔ hɛ́n. Ɛnyanmàn-bì lɔ, yɔ wrɔncüe hán ɔmu le ɛnyanmàn wá tán nɔn.

Lükɛ̀n 6:2

Ɛnyanmàn-sùva-wa-bɔ̀ zri zri hɔ̀n léyi dú nanvrɛn nɔn ke yrɛ yɔ le: “Cɛci kruhú kɛ nyɛ hán eci léyi bɔ́ ɛnyanmàn ke si ɛnyanmán-bì mɛ̀n nɛ́n?”

Zhan 1:19

Nyàn dalɛfuɛ-di-ankà léyi Zhan dɔ́ zhüifɛ̀n-bɔ̀ cüìcüì hɔ̀n léyi dú Zherüzalɛmɛ̀n anmàn, hɩ wá Ɔwɔ-cice-bɔ̀ mán y'ɛtɛsɛ̀n bɔ̀ ɔkɔhɔ̀n kɛ và kè yrɛ nɛ̀n le: “Antɔnwrɔn dú mɛ́n hɛ́n?”

Zhan 5:11

Nɛ́n mrɛ́n yɔ ɔmùan le: “Ɔwrɔn léyi kɔrɛ mɛ̀n nɔn, dɔ́ mɛ̀n le: ‘Bɩ v'ɛnkpà lɔ, ô nán esù.’ ”

Zhan 5:15

Ɔwrɔn lɔ hɔ̀n kɩ kɛ dɔ́ Zhüifɛ̀n-bɔ̀ cüìcüì hɔ̀n le, Zhezü de kɔrɛ nɛ̀n nɔn.

Zhan 5:16

Zɛtɛn yɔ bɩ́ ankà yɔ cɔ́ Zhezü ɔmuhi nɛ̀n kɔrɛ ɛnlɔẅiɛ-wrɔn ɛnyanmán-bì lɔ mɛ̀n nɔn.

Zhan 7:23

Ke dú kɛ ɛnyanmán-bì lɔ, ɛkɔrɛ̀-levri dù nyɛ lɛ hán wucɔ̀ domɛ̀n wí kɔ̀hɔ̀n tɛ̀, ô nyɛ́n bɩ́ fɔndɔn Mohizì nyanmàn lɔ, cɛci kruhú kɛ nye bɩ́ ɛmɛnhyì kú mɛ̀n ɛwú, ɔmuhi mɛ̀n kɔrɛ̀ ɔwrɔnẅì mumù lɔ ɛnyanmán-bì vra lɔ nɛ́n?

Zhan 9:16

Ɔwɔ-nyanmàn-sùva-wá-bɔ̀ jan kɛ dɔ̀ le: “Ɔwrɔn léyi hán eci ndɔ lɔ nɔn, nɛ̀n sɩ̀ dù Ɔwɔ yri nɛ̀n và, ɔmuhi nɛ́n sɩ́ wá ɛnyanmán-bì nyanmàn lɔ nɔn.” Tɛ́n ndɔ hɔ̀n kɛ dɔ̀ le: “Anwɔntan de ɔwrɔn kɛ lɛ hán anvɛmɛ̀n-frɛ́n-ci ndɔ hɔ̀n lɔ, ke dú kɛ nɛ̀n dú ɛgbàn-hán-wrɔn nɛ́n?” Kɩ ɛsɔ̀n-vɔyan bru yɔ ɛmɛ̀n.